神廚館 墨東東店 (已結業)

真的每次到大角咀 便會念記這小區的墨魚餅飯 多年的老字號 堂食座位不多 所以大多都叫外賣 幸好 我有位朋友住附近 每次都可外賣自取回他家吃😁《窩蛋墨魚餅飯》拿到回家 墨魚餅仍然熱 真的是即落單即煎的好處 太陽蛋煎得恰到好處 每次也會弄破蛋黃伴飯吃😋 用膠匙用點力 便能將墨魚餅分成小分 煎得十分香口的外皮 加上內裏十分彈牙的墨魚肉 口感十足 墨魚味香 正 仲有一些酸酸的配菜 醃得很濃味 亦很開胃《墨哈蝦配太陽蛋飯》試試新意思 墨哈蝦第一次吃 亦令人難忘 與窩蛋墨魚餅飯差不多 只是棒狀的炸蝦 味道超濃郁的蝦味 看你愛蝦定墨魚 兩者都好吃😋

幫親神廚館已經很多年了， 在舊舖的時候比較多幫襯堂食， 新舖地點不如舊舖， 所以一般都是買外賣。 有時晚上不想吃得太heavy ， 會想起神廚館 。最初是為了墨魚餅 慕名而至， 墨魚餅是手打的，十分彈牙， 加上紫菜，太陽蛋， 和那輕微帶甜的豉油， 配搭得十分適宜。然而自己較為喜歡的是他那美極牛肉飯， 美極汁加上很多葱， 用嚟送飯是十分惹味的， 瞬間變能把一碗白飯吃完。 雖然店舖搬了， 食物種類也不多 ，但是那簡單的美味沒變， 這種堅持品質的小店， 正正是我所喜歡的。誠意推介。

由舊鋪到新鋪已經幫襯左一段好長既時間，梨到必點墨魚餅飯配太陽蛋飯墨魚餅即叫即煎，所以要等下先有得食，大大塊墨魚餅，彈牙有口感，唔會係淋滋滋成口粉漿嗰啲，食之前淋少少甜豉油好惹味太陽蛋大大隻，煎得好靚，飯份量適中，成個飯簡簡單單，好睇又好食

神廚館喺大角咀搬過兩次！舊店時有唔同種類飯同泡飯揀！最出名係墨魚餅飯！新店開張後一直未有幫襯！今日黎試見選擇少咗，集中做墨魚餅相關嘅食物，好似墨魚餅飯，墨魚漢堡，沙律，炸墨魚小食！今次我同老婆叫左最出名嘅墨魚餅飯($55) ，仲有美極牛肉飯($45) ！墨魚餅咬落香囗彈牙！好好味！配合埋隻太陽蛋！好味道！水準保持倒！至於美極牛肉飯，其實先至係我至愛！個汁調校得好好，葱味濃，送飯一流！好快就食晒D飯，推薦！至於價錢都算幾平，呢度唯一缺點係D位太高身唔好坐！同埋依家得反罐裝汽水可叫！希望水準繼續保持！

今日趁放假特登黎到大角咀食呢間墨東東既墨魚餅飯！！其實之前已經買過一次外賣，覺得幾好味，想黎食一次新鮮既”招牌窩燒墨魚餅飯”$55 既套餐包埋野飲，新鮮炸起既墨魚餅好香口，荷包蛋再配上醬油撈飯係絕配👍🏻墨魚餅外面炸得香脆，味道剛好不會太咸，鍾意食墨魚餅既人一定要試!!!值得一讚墨魚餅底下有一大堆菜，墨魚餅面仲有啲紫菜，個人認為好有誠意😍另外仲叫左個墨甩雞翼雞翼入面釀左啲墨魚，啖啖肉，皮炸得香脆，但味道就不太突出👌🏻細食既人淨係叫碗飯已經好飽好滿足🤣餐廳仲有做漢堡包都幾特別，下次可以再黎食過！

大角咀位置咁偏僻，又冇地鐵站 ，平時真係會好少經過 ，今日去咗大角咀體育館打波， 做完運動餓餓哋就去呢間好出名嘅，手打墨魚餅餐廳試下。因為我趕住去個frd屋企，所以買左外賣，其實平時無乜必要我都唔會叫外賣，因為食物一定係新鮮煮起最好味。拎完個外賣大約15分鐘後上到個frd 屋企，一打開仍然香噴噴👍👍👍 墨魚餅因為手打，好爽脆彈牙!! 配紫菜醉都好夾! 隻蛋係太陽蛋，其實個白飯撈埋d蛋汁加紫菜已經好好味😌如果有機會來大角咀可以一試

黑色包好吸睛，座位唔算多，甘岩今日早有位，就入去試下啦除左包，都有飯同麵選擇。皇牌墨脆堡配薯角（蜜糖芥末醬）薯角炸燶左少少🤔雖然份量好多，但比較乾身同硬，食左一半就冇食嚕。個包一拎上手，先知好硬，呢樣有少少失望仲好難咬唯一加返分就係墨魚餅啦，開頭都怕佢炸會好乾，相反幾juicy，而且脆而不硬，味道仲唔錯🤭皇牌窩燒墨魚餅配太陽蛋飯雖然唔係黑色，但賣相比包靚整爛隻蛋用黎撈飯😁墨魚餅就同包果個一樣，另外仲配湯

在大角咀搵食, 剛好遇著想食的一家餐廳例休, 見到這間有個黑色的漢堡幾特別, 原來是以前很出名的墨魚餅餐廳, 我都未有食過, 於是就想試試。第一次來, 不太熟悉有什麼好吃, 老闆很主動的來招呼。蝦多士, 炸得有點over, 感覺好熱氣, 蝦味不太多。皇牌墨脆堡配薯角 配蜜糖芥末醬同蝦多士一樣, 薯角也是炸得太過, 一來唔健康, 二來影響味道。咬一啖包, 已經聞到好明顯的燶味, 雖然個包本來黑色, 睇唔到佢燶黑左, 但我地100%sure係其中一塊麵包烘燶左, 我地不斷議論, 老闆娘都問咩事, 但當我地反映左問題, 老闆娘第一反應係否認, 並且解說個包係黑色唔係燶, 稍有常識都明白, 黑色既野都可以燶吧??為何不檢視一下? 承認錯誤? 感覺就好像我們故意亂說, 想呃多一塊包然後還辯稱沒有烘得很脆, 而明明我地食到又燶又脆, 自己做的東西, 也不知做成點, 而且也很少客, 心去了哪裡?令我想起不久前, 街巿買了黑心薯仔, 回去跟店家說, 她態度也是一樣否認和認為別人亂說咁既態度做生意, 不太妥當吧?全餐最好食係墨魚餅, 但係咁食法太貴了, 難怪晚飯時間都無人, 加上咁既營商態度, 唔知做到

今日去大角咀，試試大名鼎鼎的墨魚餅。點了三款嘢食：皇牌窩燒墨魚餅配太陽蛋湯米線、芝士墨脆魚柳堡配薯角、墨脆雞小食。墨魚餅名不虛全，有粒粒墨魚肉，真材實料，炸得外層香脆，內裏的墨魚膠彈牙得黎又有少許煙韌，有墨魚鮮味。芝士墨脆魚柳堡個包焗得好香脆，雖然成個都黑色，但係食落去又好似冇咩墨魚汁味。魚柳算厚身，同樣有薄薄墨魚汁炸漿，所以成塊黑色，一樣冇咩特別墨魚汁味。配薄荷沙律醬味道略嫌有點古怪，配普通沙律醬或千島醬會更好。薯角分量足，熱辣辣，好食。炸雞一樣用墨魚汁炸漿，看似炭粒，但炸得剛好，不會太乾，非常香脆，配上甜辣醬幾惹味。

用炸墨魚餅做招牌既係好罕有既，前排去幫襯左呢間，其實之前有食過，但好耐之前了，所以今次再食！去到，店舖好多人！要排隊買，佢係先俾左錢先，然後揀位坐，等佢整，佢即叫即整，好新鮮！座位稍稍衛生欠佳，同唔夠冷氣，但街坊店算係咁，要求唔高🤣👍🏻 位置唔多，所以好快滿座！我叫左炸墨魚餅飯✌🏻 佢既招牌～ 等10分鐘就炸好，佢唔會翻炸，所以即炸，可能質素問題，所以好抵讚，係等耐少少，不過值得，因為真心好味～ 炸墨魚餅即炸熱辣辣，超級香口，但又冇油膩感！一定一定要落佢既豉油👍🏻👍🏻 撈埋飯食，超級正😍一啖炸墨魚飯，一啖飯，好好味😍👍🏻

神㕑館喺埃華街轉左去大角咀到之後一直都好少行過，前兩日就特登過咗去食~ 見到鋪頭靚咗好多！有好多唔同嘅裝飾同埋報道，裏便嘅位置少咗！得返三張枱~ 之前都有10張左右~ 不過雅致左好多，唔似快餐店！🤣我叫咗招牌炸墨魚餅加沙律，感覺健康啲！不過其實佢呢度嘅沙律係超級好食～ 依家變咗要先付款後拎食物～ 等咗大概10分鐘左右，等佢即叫即整，就已經食得啦！上面嘅紫菜超級多，我見到就興奮，本身超級鍾意食紫菜～ 炸墨魚餅熱辣辣！流晒口水，炸得好脆！墨魚黐住外皮，咬一啖就咬到裡面好彈牙～ 超級香口！再食一啖沙律！中和返熱氣，簡直係爽👍🏻 佢嘅沙律咩水果都有！而且好新鮮！雖然沙律醬好多，但係都食到水果味道，而且唔會好乾身，唔會覺得好似雪左好耐變左好凍嘅感覺❤️👍🏻整體來講，超級好味！回味無窮！好推介！

今日夜晚去咗大角咀食晚餐，特登去呢一間，其實之前已經食過，係大同新村嗰邊嘅埃華街，叫神㕑館，不過就搬咗過嚟，好耐冇食，所以特登今日過嚟再食鋪頭比以前大左好多，格局都靚咗好多，以前就比較似快餐店，而家就好似特色小店，枱櫈都係用木製不過轉左手，所以唔知味道有冇改變～我叫咗招牌嘅墨魚餅配沙律，佢仲有飲品送！因為墨魚餅係即叫即整，所以等待時間比較長，可能係因為唔想浪費食材，因為如果墨魚餅整好左係度，凍左，就冇咁好食，鋪頭又唔會翻炸，因為質素下降~等咗大概15分鐘，終於有得食炸墨魚餅熱辣辣，仍然保持水準！我覺得食炸墨魚餅一定要配佢獨特醬汁~ 墨魚餅切開來食，會食到一粒粒墨魚，超級有口感，加上啱啱整好，熱辣辣嘅感覺，真係好味 至於沙律，水果都好新鮮，好甜，而且沙律醬比得好足，但係我就略嫌細份量得滯沙律凍凍地配合熱辣辣嘅墨魚餅，簡直係有一番爽快感同享受

老友是大角咀地膽，約食飯介紹了幾間地頭蟲小店比我。聽到一家招牌是墨魚餅漢堡，馬上決定了。小店大部分款式都由墨魚餅配搭出來，無他，墨魚餅是生招牌，自家製作，好期待呀。點了墨脆堡配薯角sauce選了honey mustard 。黑包皮夾著一大塊墨魚餅，醬汁滿瀉。熱辣辣咬一口，墨魚餅真的出色，爽口彈牙，炸過後好香口，咬到一粒粒墨魚肉，口感好好。加埋醬汁，唔會乾。薯角就係普通薯角。朋友問我有沒有介紹錯？我說我下次要試墨哈蝦。哈哈

前幾日同同事講起大角咀有咩食 同事大為驚訝 我竟然無食過大名鼎鼎既神廚館墨魚餅飯 有點心有不甘 放工嗱嗱臨捉左個人陪我去食 唔食唔知好滋味 墨魚餅飯 抵你出名 雖然去到既時候無乜人 似乎聲威不再 但係招牌墨魚餅依然十分彈口 食落滿足既墨魚味 煎得香脆既餅面 送飯果然一流 如果要講美中不足既就係紫菜同蛋太少 如果蛋汁可以滿佈整個飯 一定會更加令人滿足 不過世事既嘢邊有完美 不過諗諗下 墨魚餅係主角 只要主角出彩 似乎都無乜問題既 為人就係咁 只要有一個重點impress到我 好容易就會記得你 鋪墊喺墨魚餅下面既酸菜都可以做到畫龍點睛既一筆 食到漏漏地 就係想食啲酸菜解解膩 很好 很滿足不過作為一個懶係環保既人 始終有點睇唔慣堂食都用一次性碗碟杯 重點係個膠羹督督下檸檬 被熱水溶溶啲 攣得好古怪 通場加映 呢隻好想食老闆娘手上盒魚既幼稚園小朋友狗狗

七年前經過大角咀已經食過呢間墨魚餅，係滙豐對面既一間小店，Lunch Time肯定無晒位！過左咁多年，原來已經轉左型，仲搬左去大角咀道，變左半快餐形式而且裝修同menu都年青化左。味道依然都係咁好食，即叫即炸既墨魚餅，加一隻太陽蛋，配上黑甜豉油和白飯，真係好夾！食到好味既野心情真係會靚d~~hahaha