神戶日本料理

营业中

休息中

平時午餐都$100丫，呢間餐廳都做咗好幾年老闆好用心打理，呢個飯味道都唔馬虎等大家去試啦。而家有優惠$59免運費。同午餐一樣味，仲有嘢飲添。餐廳仲有好多日本酒可以揀

呢間食店嘅服務每況越下，今日同老公去食午餐，落左單後等左半個鐘都未有得食就追單，點知係個廚房出黎話無我地點果個，咁無唔係應該主動同個客講無咩？點解追單先至同我地講無？個女侍應仲要唔好意思都無句，全無歉意，完全不能安撫我地嘅嬲怒。更何況係要加一，一啲服務都無，唔問又唔俾配菜，茶碗蒸以前有料依家無料，味增湯都一樣，又唔主動加水。附近食肆午餐都無加一，佢加一係一啲服務都無！總之，每次去食都激心，無下次！

收工臨時興起同呀仔walk in食飯，星期五7點幾8點先去都估到要等位，不過服務員都好好，移左下枱安排左2個位👍🏻食物方面我最愛就系食蠔，師傅話今期返貨系赤崎岩蠔$78，見到好大食，食落鮮甜+鹹鹹既海水味，夠新鮮正當然仲吾少得刺身啦，深海八爪足同金目鯛，不過師傅話唔係成日有我好好彩呀仲叫左仲🍣🍣餐198，有齊日式蒸蛋、麵豉湯、沙律、迷你稻庭烏冬,因為重點係🍣🍣所以其他就冇影相喇😁食刺身當然唔少得飲清🍶🍶雖然舖頭細細不過被起大型連鎖，小店食得更加滋味👍🏻

難得路過大圍，聽左個朋友介紹咗呢間小店，呢度嘅串燒都唔錯呀😋😋😋我哋叫咗個雞皮、雞腳筋、雞翼、牛舌都very野味😋😋😋⋯⋯⋯咁啱佢哋店舖做緊優惠，仲試埋個刺身拼盤都係$228，新鮮好味喎😋😋😋下次會再嚟過啦

神戶👍🏻一聽就知道係食日本野😋第一次幫襯😃係朋友推介一定要試👍🏻今日終於有機會去試吓😊神戶位於大圍田心村附近，雖然離大圍火車站有少少距離，可由大圍站轉巴士或小巴🚐如揸車可停係咪錶位，附近有好多咪錶位！入到神戶，地方唔算大，大約能坐二十多人，坐低後店員斟茶俾我之後就開始介紹佢哋的食品，又給了些建議我，我先要咗個呢期佢哋做緊特價嘅剌身拼盤，之後要咗串燒拼、海膽蟹肉壽司、海膽三文魚炒飯，一個人點解可以食咁多？因為真係好好食😋剌身好新鮮😋炒飯好出色😋串燒燒得啱啱好😋麵豉湯和蒸蛋一樣好好味😋蒸蛋好滑好香😋呢間神戶真係冇介紹錯👍🏻一定會再番食😋服務細心，地方乾淨企理👍🏻

.#foodie #hk #hkfoodie #HTB美食推介【大圍超值日本茶｜午餐定食附送不同小食🍱】🐨吉列豬扒定食 $58推薦度：⭐️⭐️⭐午餐定食無諗過會咁豐富，除咗吉豬同飯之外，仲有茶碗蒸、味噌湯同野飲包埋，認真超值！.味道上唔算突出，只係有少少調味，炸豬扒係稍乾但可接受，最重要係有調味，唔會食到一半唔想食～.不過個飯真係好硬😅味噌湯反而有啲幫助，因為味精味重，而且係平民版無咩料嘅得幾塊豆腐，所以混埋一齊做成泡飯，反而兩個味都好平衡～.感恩就係茶碗蒸足料、夠甜、夠滑，味道好有驚喜！——☼——☼——☼——☼——☼——豬屋日本料理📍地址：大圍田心街10-18號雲疊花園地下4號舖🐨推薦度：😋😋😋/5 💰人均價格：$50或以下🪸環境：👾👾👾👾🗣️服務：👍🏻👍🏻👍🏻📸食物打卡度：💡💡💡🛠️分類：#HTB大圍 #HTB日本菜 #HTB日式.#大圍美食 #大圍 #日本菜 #日式 #吉列豬扒 #茶碗蒸 #味噌湯 #泡飯 #美食推介

今日又食到超筍野肚餓揾野食立即搵到，因為之前食過，目標清晰見到本新餐牌裡面既野食巧吸引啫人均消費$80就可以嘗到原價$338，現特惠$198嘅剌身盛（池魚半條，真鯛2件，油甘2件，赤蝦2件，帆立貝2件，三文魚腩2件）👉🏻提下大家呢個筍盤只限星期1-4快啲去食，咪走寶😉🥂我睇餐牌轉左好多新野四格精選，提供多款選擇，CP值高丼丼系列松葉蟹三文魚井$118蟹香噴鼻，入口香甜，仲有沙律，茶碗蒸及湯差D漏左蟹肉忌廉薯餅真係飽到上心口

有一次經過雲疊花園，啲朋友就叫我去豬屋食嘅，點知發現隔離有一間叫神户嘅壽司店，個個都話未試過，我見門口貼左啲套餐又唔貴，所以就入去試吓。裏面啲員工好Nice👍🏻裏便啲嘢幾正呀，個人本身係鍾意食啲炸雞翼同埋烏冬，啲雞翼超正，超多汁水，超好食囉，烏冬都非常好，仲配埋茶碗蒸，仲有一個魚生飯添，上面啲魚生好新鮮，一個套餐有唔同嘅口味，$108食到咁多嘢，仲要冇加一，超抵囉🤩🤩🤩下次一定再過嚟食，叫埋所有friend過嚟食😜

今晚同朋友去食大圍食飯，去左1間食店、 環境、食品、質素都唔錯👍🏻👍🏻👍🏻環境舒適、食物選擇很多，午餐有好多特價餐. 但係最緊要價錢低食。加上服務員態度非常好、照呼周到，總之非常好啦👍🏻👍🏻👍🏻👍🏻👍🏻

今晚喺大圍同個同事收工搵野食，見雲疊花園有間叫神戶同豬屋嘅日本野，見到神戶好似好正，有個壽司師傅企喺樓面整野食，豬骨濃湯叉燒拉麵 $78 超抵，仲要好好食燒物即叫即燒，雞翼夠脆又多汁，牛舌好juice，雞皮串都好好食食左個壽司定食，有茶碗蒸，有湯，有沙律材料新鮮，即場睇住壽司師傅即整仲有冰杯超凍生啤，一流同朋友吹水，飲飲下，師傅仲送左碟漬物比我地送酒，又無吹我地走，服務好推介神戶老闆娘，個人好nice好健談（仲要好靚女添🤭）

神戶，已經一來再來，今晚和老婆開餐，見到多咗新餐牌，見到有激安。特惠 刺身盛$198，二話不說即刻想叫嚟試吓，但原來是2月份先開始提供，老闆好好人，見熟客仔，特別給我提早試食享用，老實講，$198食到如此好質素刺身拼盤，已經係超值到不得了，肚餓掛住食，其他食物無影相，一句說話開心滿足！另外特別推介炸墨魚咀，好正！

今日淨係想同大家講嗰碟三色丼，真係太正啦！三文魚籽跟住吞拿魚蓉，再加海膽，呢啲搭配真係絕👍🏻。三文魚籽跳跳地，每粒都爆晒汁喺口裡；而海膽就係滑溜溜，輕輕地放喺舌尖上，即刻溶化咗。唔只咁，咬落去嗰吞拿魚蓉，厚實得嚟咁滑，每一啖都係鮮味大爆炸🎉。蔬菜沙律清新，湯底鮮香，而茶碗蒸就細緻得黎帶點幽幽的白果香氣，每一樣小菜都係精心嘅仔細嘅匠心💖。其實唔可以唔提下蟹肉忌廉薯餅，熱辣辣、脆皮香軟，每一口都有驚喜，尤其係佢嗰蟹肉味，還真係幾嚟鮮美。真係高興找到呢間令人開心嘅日本食堂，下次同朋友再來，再嚐嚐其他美食！🤤👌🏼🍣

喺大圍同呀仔放學去食午餐，見到一間門面幾企理嘅日本料理店，企係門口睇下有冇低食嘅野，發現好似有幾款幾筍嘅學生餐，我試左滑蛋豬扒飯套餐$58,🍛餐包括沙律🥗，茶碗蒸，麵豉湯🥣，仲有汽水送埋🥤。真係好低食，味道不錯，CP值極高，⭐⭐⭐⭐⭐。值得推介👍🏻👍🏻👍🏻

朋友生日要求食日本菜，就揀咗佢屋企附近一路想試嘅餐廳，訂枱時店員話新出咗個“海鮮月光寶盒”，個名咁勁就訂咗2份試試佢🥰店舖環境企理，有吧枱同卡位選擇，有家庭式居酒屋感覺😆💎手握壽司赤醋壽司，刺身夠新鮮💎軟殼蟹沙律沙律醬同菜剛好，軟殼蟹好脆口💎自家製奇味炸雞呢個炸雞非常出色，外脆內軟，入邊嘅雞肉仲有汁流出嚟，非常juicy，一定要點個醬汁，甜甜酸酸好惹味💎鯖魚一夜干平時食日本料理好少見到，用咗呢個煮法，令到鯖魚嘅肉質更加有質感，勁好食💎仲有叫咗炒菜、串燒、軟殼蟹卷，每樣都好平均💎海鮮月光寶盒主角最後出場，上菜時真係好驚艷，無諗過2百多嘅海鮮拼盤咁足料，大大隻龍蝦、蟹，仲有瀨尿蝦、鮑魚、海蝦同東風螺，勁鮮味彈牙，煮得啱啱好，唔會過咗火，因為太好味，已經好飽，都要繼續食😂唔好睇佢屋村小店，竟然有咁高嘅質素，價錢合理性價比高👍🏻

本身嚟呢度食，預咗貴，點知食完之後發現價錢都好合理，啲魚生好新鮮，我仲叫咗個生蠔嚟食，過生蠔都好好食，夜晚仲有啲晚餐，同小朋友嚟食，叫咗個豬扒飯，一碗飯，就搞掂兩個小朋友😝