神戶食堂 空姐牛肉飯 (已結業)

岩岩行開西九，又好耐冇食牛肉飯，就諗住試吓，點知個店員 (定老闆娘) 好無禮貌，跟住啲牛肉飯牛肉又少又鞋，飯又硬，勁難食，早知食水門雞飯好過..... 如果大家想食牛肉飯，都係去返加藤屋啦~加藤屋又大份過佢，平又平過佢，都係深水埗果邊，真係冇必要特登行去西九food court｡而且我見食嘅又唔多多，有啲擔心食物新唔新鮮，又唔知啲牛肉係唔係放咗好耐....原本我都抱住好大期望，因為個個都話好食，點知水準極差，真係好失望....

早幾日去行西九龍, 見上面有好多野食樣樣都好想食就每樣都買D,因為我好鍾意食牛肉飯,見到呢間野就緊係買碗試下啦中午食飯時間,間間都人山人海,唯獨呢間真係冇乜人我都仲唔識死走去買,仲諗:唔洸排隊,正!點知就中伏, 勁難食, 我都唔知點解可以甜到咁,D牛又"鞋"仲要食到我成口渣!個飯仲要唔係珍珠米!!點樣神戶呀?好日唔出九龍, 一出黎就食左D咁既野,,講真真係難食到你比返錢我都唔會想再食!!

老實講，啲飯一開頭食入口嘅感覺好似日本米，加上見佢嗰名「神戶食堂」，所以以為日本米，但係食食下黏得滯又覺得唔係好似，於是乎想問下企檔阿姐，先知原來佢哋係用中國米，咁都冇問題嘅，有少少掛羊頭賣狗肉嘅感覺啫。牛肉不過不失唔算乾，但係冇乜牛味。雞翼唔夠入味，唔知係個汁問題定煮得唔夠耐既問題，仲有少少急凍雞翼的雪味 只能夠講四十幾蚊呢個價錢食牛肉飯，出面有唔少其他選擇，高質素既有吉野家，抵食既有加藤屋。總結，一試冇妨，再試投降。 

真係好難食個次食完之後個肚勁唔舒服 本身睇見間野都唔多乾淨 都只怪自己貪快貪方便 以後真係唔會再有下一次 依家野真係唔好去 牛肉又乾又腥 飯又硬掘掘 平時見到都係得小貓三四隻 不了。

因為太耐無食牛肉飯..個日咁岩行到深水埗 見到...就諗住幫襯下啦..個呀姐態度又衰..到個飯拎得..食左一d都唔覺有咩咁好味..仲衰過吉野家..以後唔會再去..

話說前排想食牛肉飯，見係深水埗附近就搵下有無未試過既牛牛上網見呢間鋪頭正負評都有就捻住用自己尖銳既舌頭親自試下先再講野點知， 唔使又是可，一試把幾火從來無食過一間令我感覺咁差既鋪頭仔一間史無前例超級難食嘅牛肉飯， 牛肉又乾又鞋，雪種味重D飯又唔熱，凍冰冰難食都算態度又差，問佢攞多少少汁好似唔想比咁態度差都算仲要好似老馮幫襯你咁野食難食仲要態度負100依家食野原來埋單要埋埋人地D臉色食完都覺得難落格真係幫襯果個都傻以後一定，絕對唔會再幫襯建議大家都唔洗再試無謂嘥錢

位於西九龍中心商場八樓 的food court今日有靚靚老闆娘親自煮牛肉飯餐牌不是很多選擇，貴精不貴多， 價錢合理單點食物超過20元送玄米綠茶，或另加$4换紙包飲品，汽水，或加$8换日本汽水 靚靚老闆娘溫馨提示， 再奉上一碟小醬油， 若覺食物太淡，可以自己再加醬油調味芝士炭燒雞串三串$15~調味帶甜 ，不覺有芝士味，但估唔到咁好食雙拚空姐牛肉，壽喜雞翼飯(细)$36~三大隻肥美雞翼 ,不是急凍到雞肉也壞死那種，雞肉入口仍然鮮嫩，再配合調味鹹甜適中的洋蔥牛肉，很開胃雖然選擇咗細飯，但份量也很多,很飽肚，抵食小店加油

牛肉麵啲牛肉好老，員工勁無禮貌，以後唔會再去! 地方衛生麻麻，明明個杯有跡洗唔乾淨，仲話唔係汚糟，一定不要去! 碗麵明明出左，遲遲未上，所以啲麵好林，加埋咁老嘅牛，唔知自己食左乜野呀😣

去深水埗買電話卡，晚飯就在西九龍廣場樓上的食店，嘩選擇種類很多，想食的都有得你選擇。選擇時見到這店有樣品放出來，一碗丼飯上，一半是牛肉另加上四件大大的雞中翼，超吸引😍牛肉飯吃著似吉野家的牛肉飯，好美味，雞翼應是滷水的，鮮嫩多汁👍芝士炭燒雞肉串，$15三串，燒烤醬汁帶有微微的甜味，再加上少許芝士醬簡直是錦上添花，正呀😃最窩心的是我們沒有加飲品，她免費送一杯凍茶😉小店經營會俾大集團困難，希望她能保持水準

我聽人講話呢度啲嘢食好好味，今日終於的起心肝諗住去試吓！點知一開OpenRice就話可能已結業，打電話去又冇人聽，不過橫竪今晚冇嘢做，於是最後去咗試一試有冇執到！結果當然係冇執到啦！啲人真係好討厭，口講民主但係其實心腸非常惡毒！人哋老闆娘敢言啫，唔同政見就唱人話人哋間舖頭執咗，想搞到人哋真係執笠！Anyway，最後叫咗一個大牛肉雞翼飯加芝士炭燒雞串！完全冇令我失望，份量適中兼且味道真係幾好食！絕對值得推薦！

上星期到那裡吃飯，衛生情況極差，牛肉飯上飄浮著奇怪液體，茶內亦見毛髮。本來見到咁平都諗住算數，但諗深一層， 平等於可以污糟可以是但， 叫自己碗飯做吉野豚肉飯， 諗住都有吉咩家7成水準， 點知狗也不X與職員投訴後獲回覆，係咁啦，幾十蚊想點？態度差劣，我簡直唔能夠相信自己嘅耳仔， 神戶食堂喎！如果喺神戶會有啲咁嘅服務？不敢再次幫襯，亦不建議各位嘗試，除非有興趣見識差劣食品質素及態度。總結：食品清潔度欠佳，投訴後伙記態度更差

I walked pass and had lunch. I am not sure is the staff or sounds like the boss, she was unfriendly, served without a smile and missing my order, i need to keep chasing. I ordered the beef bowl, when it came, i found hair inside the bowl.........I asked for exchange, the boss seems angry.  will never come again, worst experience!. 

今日去開深水埗，順便試試呢度嘅雙拼大飯，另加一罐日本雜飲。飯足夠我一個人食，夠熱好味，本身好鍾意食牛肉同雞翼，所以呢個飯好啱食。價錢亦好公道，係一間我會再次幫襯嘅良心小店。老闆娘及同工們，加油💪🏻So happened I went to Sham Shui Po today and I tried the beef rice with chicken wings there. I also ordered a Japanese soft drink. The rice was hot and tasty. I personally like beef and chicken wings, and this rice was definitely my choice! The price was very reasonable. I love this restaurant and will surely come back again! Add oil💪🏻

見上網有人介紹就走黎食啦，睇其他人嘅相其實都呃到下人嘅...咁我就叫野食啦，o的野食黎到，嘩，擺到咁亂嘅（特別係個沙律）...好似俾人摷完咁，其實望到都無咩胃口...無奈地因為份野食擺盤真係唔多靚，我影唔落相...叫左份沙律同埋飯，我懷疑係沙律有少少問題，第二日就腸胃炎...飯就一般啦，同吉X家差唔多...吉X家分分鐘好過佢比上不足，比下有餘咁啦...我諗我都唔會再幫襯，希望大家唔會好似我咁好彩，中招啦...

非常失望........係日本working holiday過。東京嘅華記茶餐廳係我嘅home sick最愛。返到黎咁岩去開深水埗,記得呢間野華記力推,緊係要去試下。試完......................其實同某大連鎖店比,我會揀返某連鎖店,肥牛真係好韌,同埋調味過咸。 仲有啲位又唔係好坐,市面上嘅牛肉飯好多都會煮得比出色可能係我係日本食開嘴都鵰哂啦但有時啲野叫得自己做空姐牛肉飯牛肉飯一定要做得好先唔通你賣空姐咩😂我就唔見入面有空姐囉。點都好啦 ,論牛肉飯,我唔會推薦呢間店俾大家。