神石燒牛扒水產專門店 (淘大商場1期) (已結業)

同朋友臨時決定去淘大食晏，佢推介💛餐廳神石燒，一於去試吓。一行入去唔洗等位坐低，我叫左牛隔肌定食，餐廳好貼心用鐵板上果時會用紙冚一冚住牛扒減少油煙周圍彈。塊牛隔肌超好味，醃得入味，肉質彈牙嫩滑濃香肉味完全冇渣。女仔食就岩岩好，我諗男仔或大食嘅會唔夠食會點兩份先夠喉，而且牛隔肌配飯都會好好味再叫埋燒蟹蓋蟹膏撈蛋黃好濃咸香❤️❤️❤️閒日lunch時間舖頭都坐到八成滿，可見好受歡迎。多謝朋友正正子推介🧡🧡

六點半前入席只要$228就可以任食美國牛肉/雞 汽水任飲 但嘢飲唔係好大路 （除了可口可樂） 平時放題常見的樂天飲品也沒有 飽得幾天都不想吃肉了服務態度很好但個爐好差 職員都搞左好多次先控制到溫度肉質甚好 比一人燒肉好多了還送了一人一客的和牛掃碼自己落單留意每次order「1」就是四片左右不要浪費上菜都好快張檯好窄，兩個人的話一個爐比較好夠六十分鐘後就埋單埋玩單慢慢食埋桌面的食物都無人催你所以60分鐘就已經夠呢個價錢係抵玩既值得再去

平時經開呢間野都一直想試下，見今晚冇咩人排隊就試下啦！點知出左事。一入到去見到煙到好似火燭甘，如果唔係門口俾左錢我會即刻走，食左20分鐘左右已經頂唔順，又焗又熱，未食完都要走，難為啲員工要長期甘樣工作。環境方面，地方同枱面都好油，裝飯個殼唔知點解有啲紅色汁，個殼浸住既水好似好污糟甘。食物方面，我老公叫左個雞，唔錯，我叫左個吉列牛肉拼盤，只可講唔值呢個價，冇牛味，加上個環境真心差，冇下次。員工服務態度都ok 。

90分鐘石燒任食仼飲放題 $298(而家好似加咗價$318)呢個價錢已經連服務費😆不過就要經OpenRice訂枱同比埋錢，去到就唔需要再額外收費。佢分咗60分鐘同埋90分鐘任食放題，基本上兩個放題食嘅肉都一樣，唔同嘅係睇你食60分鐘定90分鐘，小童價錢再平d。需要用QR code落單，坐低冇幾耐就會上頭盤同石燒，建議第一round一開頭叫咗吉列牛燒左先，燒既時時候冇咁容易黐住啲肉(頭盤唔包吉列牛，要自己落order❗️)除咗肉類，其他食物（沙律、湯同白飯）及餐具都需要自己去攞(自助形式)。麵豉湯偏甜~頭盤有驚喜！全部肉類都好嫩滑同新鮮，放題黎講一d都唔馬虎🤩必食吉列牛(美國黑安格斯牛隔肌)‼️無論係牛肉定係豬肉都可以選擇吉列😆正，叫多幾round就回到本啦😉唯一唔好處: 冇獨立抽風系統，所以成個環境煙霧離漫，而且成身都係油煙味🥲😢⭐️石燒半個鐘左右就要換一次，因為已經唔熱，所以要早10分鐘左右掃QR code落定一次單+石燒⭐️ 當日換左三次，如果唔提早落定要等好耐下先有得燒。

我愛吃日本燒牛肉 朋友介紹說這間好味 今天一個人就去試一試怕人多 所以剛開門就到了 門口有售賣機 正常操作是自助式去購票 但有位女服務員 替我直接在收銀處下單 要了一客美國極級安格斯三重奏（119元）不收加一服務費 店內面積大小適中 裝修帶有少許日本風味全店採用自助式 白飯 飲用水 兩款沙律及兩款湯 醬料都是無限量任添加主菜是放在一塊火山石上 熱辣辣的送到 牛隔肌及牛頸脊都很好味 牛味濃 可能我吃得較慢 最後吃漢堡扒時煎得時間長了便有點老但大致上都感覺良好看到了有會員制 突然很衝動地就做了鑽石級會員 會費1000元 包括有1200元現金券及78折優惠券 還可以儲分換禮物 ok呢

一入到去見到勁大煙、仲勁過人地火鍋、韓燒店張枱勁油～最恐佈係沙律櫃下面d碗有幾群白色既蟻係到😱 托住石板塊木好似冇洗過😭🤮 冇call食環真係算係咁，$150食150g普通質地既牛（利申唔知係咪因為自己overcook)再加呢個環境真係好唔掂食左10幾分鐘頂唔順走因為佢係門口收錢，睇唔到入面咩環境，如果見到既話一定唔會食Mini bar 食物質素唔評論啦🙈～ 自己好少寫食評，食完呢間真係忍唔住上黎寫

平時我哋都算係牛魔王👹一得閒我哋就會去食熱石牛今次我哋試咗呢一間熱石牛自助任食沙律吧 😽係RUBBER BAND 成員有份投資嘅話明住食沙律吧 所以呢度既白飯 湯同沙律🥳都係任食 大家可以跟據自己既喜好去拎所需既份量🤩一入到去店員嘅服務態度非常之好😚我哋有問到關於OpenRice嘅優惠佢哋都好仔細同埋耐心咁樣解答我哋🥰🌟美國極級黑安格斯牛腹肌 300G $169牛膈肌即係牛隻橫膈膜肉放係熱石板上輕輕一燒就食得 jeng😻入口味濃爽嫩 充滿肉汁同埋有油香🌟日本鹿兒島A5和牛肉眼 150G $279和牛既花紋都幾靚 肉片厚度啱啱好 😋建議唔好燒太熟 咁就可以食到入口既溶既感覺今次試咗兩款牛 兩樣比較之下我哋反而更加鍾意平平哋嘅牛腹肌😍貴價嗰隻未去到我哋預期中日本和牛嘅水準📌 神石燒牛扒水產專門店 (淘大商場) 九龍灣牛頭角道77號淘大商場1期地下G114-115號舖🚇港鐵九龍灣站 B 出口等候時間🕰 0 mins📍#九龍灣

🍁平時好鐘意食燒肉，不過石燒就未試過，好似幾好玩咁，試下先，餐廳門口有一部自助售賣機，想食咩就自己入錢係到買，買完就等食啦白飯，沙律，湯任食，自助的形式，所以好忙哦😂日本鹿兒島和牛肉眼100g 口感唔錯，油脂充足，有牛味，好食美國極級黑安格斯牛膈肌200g 呢個就半熟嘅形式上，超大份，好抵食鵝肝多士唔算太好味整體食物幾好味，有得食又有得玩，但有d忙，熱石好快就唔熱了，都算一次唔錯嘅用餐

呢間嘢開咗係淘大咁耐都未食過，見今日興致勃勃就一於去試試😋 大概6點半左右去到間餐廳，但出面早已排緊隊買票入座，大概都等咗6-7張枱嘅人先入到大概都要20-30分鐘。中途啲員工仲要處理外賣單啊等等，所以令成個輪候時間較長。排到我地要係門口揀好買啲咩嘢食，然後比埋錢，職員就會幫你安排入座。入到去張枱大概係咁樣，有紙巾、調味料，而等食物嘅機就要放上去個位到，方便職員送餐😋係等待食物嘅時間入面，我就出去自助bar到拎飯、沙律、湯、餐具等😝 沙律就有薯仔沙律同普通沙律，值得一提，薯仔沙律幾好味，有驚喜。咁就冇咩特別，同埋有啲鹹。叫咗個二人餐有日本A5佐賀牛個個餐$525個餐有牛脷、佐賀A5和牛、豬扒、牛膈肌同炸蕃薯條開始個熱板都唔熱，放落去好似慢煮緊啲肉.. 燒到2046🤣，所以後尾叫咗個職員幫我地換咗塊板，好好多🤪 起碼放落去係‘炸炸’聲。日本A5佐賀和牛-食落好多油脂，好淋，食2-3舊ok嘅，但食多幾舊就好油膩🤣厚切牛脷-味道都唔錯，普普通通，無太大特別美國極黑豚肉-一開始比我地都比較生，然後自己落板整返熟，去到自己鍾意嘅程度。-出奇地，呢個豚肉又幾好味，唔‘鞋’之餘又唔會太淋，口感剛剛好

日本鹿兒島A5和牛肉眼既肉質好林👍美國極級黑安格斯牛膈肌+美國黑安格斯牛頸脊都好食，牛味濃，但肉質不及A5和牛咁林！單憑肉，係高質既👍👍👍但…叫左3款牛加埋都要$592，話平唔平，但無奈係單靠一塊鐵板既熱係燒熟唔到厚身既肉，換言之一定要換一塊炙熱既新鐵板，但冇諗過換鐵板既過程係店員拎走舊既鐵板，俾個碗仔我哋自己裝住燒左一半既肉，再等新鐵板嚟到自己夾番d肉上去，由於張枱唔大，換鐵板既過程要就住就住，驚d醬汁小碟及水杯瀕臨倒瀉邊緣- -

二人前套餐$525 （openrice訂坐送飲品）A5和牛🐄：嫩👍🏻比想像中高質，因為呢類感覺速食既牛店，我都係抱住一個試新野既心態去試一次，結果比想像中高質。羊架🦙：唔蘇，肉質夠淋，油香味重。黑毛豬🐖：我本人對豬肉冇咩期望，但黑毛豬真係淋、香、嫩👍🏻👍🏻👍🏻👍🏻外表普通，似塊平平無奇既豬扒，但同平時食既豬真係有唔同。帶子：無咩特別蜆：無咩特別安格斯牛膈肌🐮：牛香味夠，唔可以煎太，熟否則會鞋。白飯、湯、沙律任食，唔好睇少呢個餐，都好飽。

先買食物飛，才能進入餐廳取位等候食物，簡直好像沒有招待，入內裝修普通，坐位不舒服，我在open rice訂了6：30,早在10分鐘前已到確認取位，訂位時話有88折，但因朋友爭着和我付款，所以急忙揀選最貴極級日本和牛五盛及赤蝦盛合追加，手工啤及白桃飲品，合計$802 元，冇折扣，因信用咭付款，冇留意原來冇折，事後有被搵笨感覺。講番食品質素，和牛okay,好食，但份量少，後朋友要出去再購票追加一份才夠，赤蝦盛合建議慳番，唔抵，因份量少及極之普通，由於餐廳環境普通，坐位不太舒服，建議如食貴嘢想享受，請選擇如牛角或燒肉而金等，如食普通，可一試。

九龍灣雖然人很多，但石燒牛暫時只有一間係淘大，所以每次黎到都要排一陣隊先入得，除非9點打後啦！雖然要花啲時間排隊，但個人認為多間平民石燒牛之中，神石燒較為有水準由於心大心細又遇著個肉食男嘅關係，我地揀左和牛二人前，超級豐富日本a5佐賀黑毛和牛，當然最吸精full of 油脂，配白飯極滿足美國黑安格斯牛膈肌，肉質偏淋，牛味濃郁又帶甜味美國極黑豚，肉質勁爽口又香口無沙鮮甜清酒煮蜆北海道珍寶帶子美洲頂級羊扒，全熟岩岩好，口感軟熟，帶啲羶味如果用餐途中石板放涼左，可以同職員講換過塊石板，咁就唔怕食凍肉啦白飯任裝飲埋碗湯，兩個人捧腹離坐

收一個主食價錢, 可以任食沙律菜, 任飲兩款湯, 任裝日本飯, 我個人覺得好抵!不過要揀個不多客嘅時段, 會食得安心及暢快D大約五點多, 落樓下淘大商場這間神石燒食個(早DD)晚餐,晏咗就要等位架。😅😅小妹妹服務員好流暢地帶領點餐, 點了一客澳洲羊西冷200g $129, 佢仲介紹加$10可以有埋澳洲M8和牛50g, 咁著數??梗係加啦, 羊西冷上枱時已放在熱石上, 200g份量都好大件, 兩面已微燶, 可以即刻切開食,  略為用枱上的調味料就能帶出嫩滑口感嘅羊肉味, 而且一D都唔羶添。😋😋😋鹿兒島元氣雞$99，唔知係咪走地雞，雞肉頗彈牙👍🏻

石燒店愈開愈多，我都食過好幾間了。而這間神石燒相對食物款式比較多，主食多達十四款，價錢有平有貴，貴的有極級日本和牛五分割併盤，平的只需$79 就已經有一份牛利或是池魚。另可以追加一些海產類，是其他石燒店很少有的，連松葉蟹膏甲羅，廣島蠔，珍寶帶子都有提供。這裡還有三個二人前套餐，很適合跟朋友共享。平日午市有午市套餐就更抵食。門口有售票機，先買食卷，後入座。地方乾淨企理，沒有油立立的感覺。跟其他石燒店一樣，設有自助區，有沙律，味噌湯及日本珍珠米任食。餐具，醬油都是自取的。細心點是連圍裙都有提供，每個位亦有各種調味料及紙巾預備。今日我跟食肉獸朋友來點了一個日本鹿兒島A5和牛二人前($525)，除了日本鹿兒島A5和牛外，另有美國極黑豚，美洲羊扒，美國黑安格斯牛隔肌，北海道珍寶帶子及日式清酒煮硯，十分豐富。除了日本和牛係生外，其他食物都會由廚房輕輕煎過，上枱後食客便可用石燒板再將食物燒至自己喜歡的生熟程度。覺得石燒熱度不足時，亦可以跟店員提出的。100g的日本鹿兒島A5和牛肉眼大約有六-七塊，肉質鮮紅，油花分佈均勻，只需輕輕燒熟，口感軟腍，牛味濃，好的和牛是不需太多的調味，簡單灑少少鹽更可以了。