神石燒 (愉景新城)

营业中

休息中

叫咗2個燒牛肉飯（100g),之前試過，上次份量足夠，今日再試，一打開飯盒，多飯少肉，感覺同頹飯冇分別，如圖☹️，食2啖肉就要啃白飯，感覺很差，咁嘅份量都攞出嚟賣，好唔老實。

希望能注意特別要求欄「走汁」，便當汁太多浸滿白飯，原本牛舌味道及口感都很出色，但白飯太多汁浸滿根本吃不下。如果能按特別要求欄的指示走汁(白飯走汁)，應該會很好吃。

#20230206 💛📍 神石燒 @jinsekisteak 荃灣青山公路荃灣段398號愉景新城1樓1056D& 1058號舖油麻地｜將軍澳｜九龍灣｜元朗｜大埔｜柴灣均有分店——————————————————————————————#美國黑安格斯牛肉一人盛 $158 🫧 #美國黑安格斯牛小排 #美國黑安格斯牛頸脊 #美國Prime黑安格斯牛膈肌 #薄切蔥花牛舌 #美國特級牛五花 #清酒煮蜆 💭 佢都無牌寫住🐷唔係好分得出邊樣肉打邊樣肉，舊石有團火燒住🔥唔使趁舊石燒趕住燒👍🏼個蜆無咩清酒味🍶不過🐷鐘意佢有陣胡椒味，食完啲蜆連湯都飲埋🤤.🥢 #定食 #跟 #日式湯 #日本珍珠飯 #沙律 #放題💭 個自助吧都幾高質，只要有叫定食就可以，前菜有啲沙律生菜🥬有唔同醬汁可以揀，湯有兩個，🐷飲左個泡菜湯唔會好辣，入面仲有啲蘿蔔同洋蔥🧅辣中帶甜好飲😋另外仲有好多紫菜飯素可以送飯食，配肉食可以無咁漏，就算就咁食都好好味😋.#荃灣美食 #荃灣黃店 #🐷在荃灣 #油麻地美食 #油麻地黃店 #🐷在油麻地 #將軍澳美食 #將軍澳黃店 #🐷在將軍澳 #九龍灣美食 # 九龍灣黃店 #🐷在九龍灣 # 元朗美食 #

我地一行8人有老有嫩到該店用膳慶祝生日，8人枱等成個鐘本來已經想走，由於壽星仔想食，所以同門口職員講分兩張枱坐都ok. 以石頭燒來講，食物質素及價錢真心可以。食完後，希望女員工清理枱面因為想切蛋糕，唯女員工服務態度火爆，衝過來好大力叠起石板及收起碗筷，再好大力將石板同燒烤爐放喺另一枱客隔離嘅圍欄上面，‘’彭彭聲‘’嘅巨響，除左嚇親同行嘅老人家同細路外，其他嘅食客都為之側目！！而且其中一個燒烤爐仲未熄火，個爐仲近距離對住另一個客個膊頭，都幾危險。過左一段時間，才由其他員工指示收回去廚房。服務態度惡劣如此，真系想講句 hello hong kong !

第一次食神石燒大概係一星期前在如心廣場。當時係食厚切牛舌芯，覺得好食又抵，但可能該店抽風不太好，所以油漬到處可見。縱使如此，都吸引左入會，買左1000現金卷既會籍（本來想買1500嗰個，但個職員都整唔到）。今日到左愉景新城試下，本來係貪佢有扭蛋機玩，但到達後才發覺佢係半開放式店舖，油煙唔會積聚。該店亦有好多梳化位，坐得舒適。地方較大所以拿出面的食物，餐具時也不會和侍應或食客爭路，亦不用擔心俯身攞碗時在出菜位被油彈中。食物方面，今次貪心想食埋牛扒，但感覺一般，下次應該都係食返厚舌芯。

喺愉景新城睇戲非常之平，早場係可以$38/1張成人飛。呢間餐廳係喺戲院行3分鐘內就到，入戲院前經過嘅時候已經俾佢所吸引，所以就算當天冇諗過喺街食，都入咗去。佢係一個半自助式的lunch，你可以先揀自己嘅餐（燒牛肉或雞肉或豬肉），然後出面有個簡單的沙律吧，入面亦都有飯、湯、菜等等你可以自行揀架。食物質素方便，非常之好味，十分之推介。座位方便，有梳化位，都幾舒服。唯一覺得奇怪就係佢望住商場的位置是沒有任何間隔，簡單來說其他人經過的時候和你十分之接近，感覺有點不舒服。

想當日呢間舖喺如心開張已經一試難忘不過嗰間舖真係比較逼，帶小朋友唔太方便荃灣開第2間分店落戶愉景環境寬敞得多，好快就成為人龍店呢晚剛好經過就決定買外賣返歸食高質牛肉價錢勁相宜牛舌便當都係48蚊咋！！！另外叫多個安格斯牛便當都不過係58蚊兩份都已經跟埋麻醬沙律加18蚊仲會有湯加飲品平時叫便當真係唔敢亂叫牛肉怕食紙皮呢間就一萬個放心，牛舌一定厚度有咬口安格斯牛咬落去仲有肉汁咇出嚟😍勁多醬汁但略嫌甜咗少少呢個質素絕對 對得住價錢呀！火候真係剛剛好

今日去荃灣行街又想去食石燒牛，咁就去返呢度攞位，約等咗10分鐘左右就可以入座算快！上次佢哋新開張$88有300 gram但而家冇咗呢一個餐啦！佢哋所有扒類都有有前菜沙律同埋餐湯有泡菜/洋蔥牛脷湯選擇，牛脷湯好飲，白飯任裝同埋仲有紫菜味粉。我哋今次叫咗美國拉麵安格斯牛肩扒（ $148 ）有300 g，有咗上次經驗，所以今次塊牛扒放碟上之後再慢慢切開同加熱，咁就唔驚響塊石板上整熟晒，牛肩扒都好有肉味不過筋比較多，同埋之後如果塊石板唔夠熱，可以叫佢換過一塊添！另外仲叫咗凍黃金蕎麥杯牙珍珠奶茶（ $34）好似飲麥精咁樣味道都唔錯！

純粹搵地方食下午茶，見佢有午市定食個牌點知啱啱過左鐘～但見d餐價錢都平所以照入去試下！我地二人叫左厚切牛舌芯，好味！以前聽人講過牛舌厚到成塊扒咁切黎食係好好食，終於一試，係爽口彈牙好鍾意❤️追加左份牛肉唔記得係咩另一份係澳洲穀飼牛扒300g，份量夠，只係$88超級抵食！肉質唔錯，燒得啱啱好～另外仲有沙律🥗湯🥣珍珠米飯🍚放題任食完全冇食過神石燒既我勁興奮真係食得好滿足食左兩碗飯唯獨想反映既就係個千島醬汁好難倒出黎，見有位男士都係同樣狀況，放棄左轉胡麻醬

見Happy Friday 同同事中午13:00 過黎食飯好彩有係Openrice 預約座位 如果唔係應該要轉戰樓面好忙 又帶位要處理外賣單我地都等左陣先有人帶位 但服務ok食物性價比高 大家叫左$78石燒牛餐同埋壽喜燒B餐 各兩份石燒牛份量足夠質素中上壽喜燒份量都多 但冇寫包烏冬 搞到追加烏冬既食唔晒再加上有自助餐吧 一定夠飽餐廳地方比較小 出出入入拎野食唔係太方便自助吧啲野雖然清得快但補充得算快，如果再清潔啲就最好整體唔錯 好抵食既Lunch Set

放假梗係想食好少少😎 4點搵野食見到呢間次次都大排長龍既燒肉無人🫣個午市限定套餐$50 up真係好抵！當然要入去食下啦😏我叫左set A $78 既美國牛膈肌盛合，入面有齊牛豬雞，可以一次過試晒幾種食物質素係點😎另外我仲加咗$12試埋澳洲M8黑毛和牛，份量都比得好足👍🏻石燒黎講真心覺得好抵食😏講解下美國牛膈肌盛合套餐入面有咩⬇️美國極黑黑安格斯牛膈肌~100g美國無激素走地雞~50g西班牙極豚肉~50g等緊餐嘅時候梗係去拎啲前菜沙律先👍🏻半自助位有湯、沙律、飯同水拎，佢有樣我覺得好正既係沙律有4款汁可以揀！最開心係有意大利黑醋汁，店家真係諗得好周全☺️ 餐具和調味料都是自助的🙌🏻粉紅岩鹽、黑椒、生薑燒肉汁同燒肉汁都係出面自助取🙌🏻調味料隔離就係水機，可以順便拎埋水😉拎完一轉返到去主菜亦都到了~一放低就嗅到勁香燒肉味~由於雞同豬都係要全熟先食，所以都係切牛食住先🤩 雖然石板好高温，但都無燒燶啲肉，不過我中間都有反一反啲肉，感覺安心啲🤣講返個美國極黑黑安格斯牛膈肌先，我偏好薄切，切出嚟之後每邊都係石板上輕輕煎一下，焦香味再重啲，同時刺激嗅覺真係會食慾大增🤤入口個一刻濃郁牛味同肉汁即刻湧出嚟！食

啱啱約咗朋友響荃灣食飯交收，知道愉景新城D park開咗間新嘅神石燒餐廳就walk-in 入嚟試吓啦！佢哋新張期間有一個好抵食嘅（$88）有300g澳洲穀飼西冷牛扒，呢度係用QR code點餐嘅好方便，可以叫石燒牛扒或者係壽喜燒或者係唔同嘅牛肉部位套餐，今次就試吓好抵食嘅$88餐，呢度所有嘅套餐都可以喺出邊自助及沙律、白飯，另外仲有羅宋湯同埋麵豉湯，另外仲可以追加生蠔或者鮑魚（ $28 ）而且佢哋仲可以七折優惠價upgrade order隔離鋪嘅珍珠奶茶或者特色飲品。牛扒方面質素唔錯，有塊石板可以控制生熟程度，你鍾意食幾成熟都得，不過如果想食生啲記住唔好燒咁耐，全部嘢夾埋加一都係$150左右性價比非常高，新張期間食滿$150仲有扭蛋抽優惠卷，下次可以再嚟試吓其他套餐。

今日試新開神石燒 見佢有$88 300g澳洲西冷牛扒 好抵 所以試吓安排入坐後 用 QR Code落單 沙律 湯 飯 全部放在自助區 $88牛扒+自助區任食 真係好抵🤣牛扒不過不失 岩曬食肉人士 🐄🐖🥩下次可試吓其他扒

琴晚同朋友去，本身自己攞到B85號飛，因為該店沒有顯示飛號，本人同朋友等咗大概30分鐘，之後我問門口接待的店員（身材肥胖）佢表示而家嗌到B85,本人剛好是B85,但他隨即改口話其實係B84仲未嗌到B85(而且態度惡劣),我覺得貴公司係咪培訓員工方面出問題會請呢態度啲咁唔專業嘅員工守門口,雖然貴公司食物質素不錯,但係我覺得受咗一吐氣

這間分店新開張，是荃灣區第二間分店，而且我們喜歡吃肉，所以想進來嘗試一下，食物味道不錯，價錢合理，$88食到期間限定300g澳洲西冷牛扒非常抵，其他假日午市套餐價錢也可以接受，而且可以自助形式拿取沙律，飯及湯，CP值高。但是店員給我們的位置較差，2人檯不能夠擺放太多食物，令到進食時不能帶來舒適的體驗，而且部分座位旁邊就是商場走廊通道，會有一定程度的風險，整體來說如果能夠改善服務及環境方面就是值得再試。