神輿日本料理 (已結業)

🍠紫心香芋丸-香脆金黃表面+芋頭香夾心💕勁似熱既既香芋雪糕鍾意炸物嘅朋友一定要試！🍶清酒煮蜆-我食咗𝟻兜，清酒味唔算好重但重點在蜆肉幾鮮味。芝士燒海老呢個有驚喜，甜甜既芝士蓋住椒鹽爐端燒海老，好香口 連個殼都脆卜卜！至於其他食物: 刺身壽司幾新鮮 不過不失！串燒既一口牛都好食😋𝙱𝚞𝚝壽喜燒同埋雞軟骨真係失望位😂食落唔係咁新鮮既𝚏𝚎𝚎𝚕，同埋竟然無牛舌同多春魚🥺飲品種類少 。最近已經冇乜放題係唔超過$200！呢間算係幾抵食😋

上星期，間老婆朋友，旺角邊到有好食放題？佢介紹神輿日本料理，服務面態度不錯，但係食物數量非常小，我叫在生焗芝士生豪，壽司，刺身我本人覺得焗芝生豪不錯，仲有叫在串燒，我希望佢可以增多d不同野食，食咁多放題之仲數量最小

好耐無食日式放題🤤 放工去左創興覓食，友人揀左呢間，係創興5樓，任食任飲～..一入去，空間感好大，兩個人獲安排坐係4人枱，好舒服😌 第一round唔係唔叫海量刺身呀？三文魚、帶子、八爪魚、蟹柳都好新鮮唔錯👍🏻..見佢有張特別食物推介，係海膽主題，叫左海膽軍艦壽司同海膽手卷，海膽軍艦壽司還好，海膽好味既，但海膽手卷真心唔得❌睇圖都覺得海膽勁小，一啖都唔夠，好似食左少少海膽汁既手卷咁，食落口既係少量青瓜絲、紫菜同飯，呢個唔駛叫..刺身後叫壽司🍣幾多選擇，其實味道幾好，不過包得唔好睇😅唔期望高質，不過相片都睇到包到唔實有d鬆散😂. .我幾鍾意食蟹籽沙律，每次食放題都會叫返碗。呢碗有d驚喜係好大碗😱 份量十足。熟食方面都係好多選擇，不過食刺身同壽司太多，無叫好多..天婦羅，炸得比較深色，味道還好，但唔知係炸得耐左少少定粉既問題，我都係鍾意炸得金黃色同薄粉質感既天婦羅; 另外叫左焗蠔，幾好食😋..呢度有甜品供應，有蛋糕同啫哩，仲有雪糕，太飽關係，我只食雪糕，呢度既雪糕係由工作人員畢俾你，4種口味，最特別係有少見既薄荷朱古力味，另有少少配料俾你搭～..總體來講，我鍾意d位夠闊落，空間感十足，唔會逼

6點幾係創興諗住求其搵間放題，就去左5樓呢間，一入去見到冇人已經嚇親，坐低用app點菜，上菜速度好快，但係啲食物質素真係好差未試過一間放題嘅刺身可以咁差北極貝未點豉油已經黃晒，赤貝勁唔新鮮又腥，甜蝦竟然係街市$20一大包嗰啲貨色，真係未試過一間放題咁差俾呢啲甜蝦，蝦頭都冇，赤蝦又冇。象拔蚌點左兩次都冇上過一塊！海膽軍艦啲紫菜真係冧到完全咬唔爛，舊飯大過爭鮮。。清酒煮蜆勁多沙雪糕機又壞咗冇雪糕，得個幾款甜品仔。。完全唔吸引全場最好味就係燒菠蘿，但係都燶晒呢間永世blacklist

9個同事收工去食放題，冇約定架，即興去食，都係去旺角，去左呢間叫神輿，9個人要分兩張枱坐，但彼此都好近，冇咩影響。$238一位，免收加一落單就scan張單個QR code，用手機落單，都幾方便，啲野都黎得快，可能其中原因係唔多人食放題保本都係食刺身為主，刺身唔好就咩都唔駛講架喇依個價$238，我覺得還可以，款款質素都正常，係切得較薄，切得太厚蝕本刺身款式都算多，有啲唔係間間有例如赤貝、馬刀貝、油甘魚呢啲都有佢啲帶子，赤貝、馬刀貝算鮮味，唔錯佢仲有幾張海膽壽司同手卷嘅紙，係俾你另外寫嘅，質素可以，因為呢個價好難俾到啲好靚嘅海膽你，但海膽個原味都喺返度，唔會有咩異味先，啲顏色金金黃黃算對辦其他野食種類唔詳細講喇啲煲類、串燒、冷盤小食都有基本水準，絕對試得過飲品種類都多，汽水、烏龍茶都有。出面仲有甜品同雪糕攞，雪糕仲好多味，但我冇食，係同事食

自從大🈲屋集團唔可以再食之後，相信大家都小左食放題，要搵間食得又高質既放題都唔容易。⁣今次我地介紹呢間放題位於旺角創興廣場既「神輿日本料理」，一出Lift就見到好日本Feel既神社⛩️裝飾，有一幅俾人祈福既掛牌牆，上面見到好多我地既訴求，餐廳都無擦走，相信呢間餐廳都係同路人。⁣⁣餐廳環境空間非常寬敞，唔會有種好擠迫既感覺，整個設計都有日本神社⛩️感覺，非常別緻。⁣落單用QR好方便，不過叫海膽就要用返紙喇，雪糕甜品就要自己出去坽。⁣⁣海膽有軍艦同手卷兩款，海膽份量多，唔會因爲放題俾小小你就算，非常鮮味，絕無腥味，紫菜脆身，証明即叫即整。⁣刺身壽司都好新鮮，其他熟食、炸物、天婦羅🍤都係即叫即整。⁣⁣💰價錢 $178-$258 物超所值👍⁣

今日夜晚大約7:45左右上黎食，3個人食，啲刺身越嚟越差，叫親都無黎，又求其亂執，燒雞腎啲腎又無調味，枝豆無鹽，芝士年糕啲芝士勁羶，叫清酒煮蜆，第一次叫2人份都無事，之後再叫等左成15分鐘都未黎，再問佢就話整緊，第二，三次再叫都只係細細份既一人份糧，我都算，去食雪糕，已經同佢講係要2球薄荷朱古力，最後佢俾左一球薄荷朱古力同一球紅豆，呢間野以後都唔會幫襯，已經唔係第一次幫襯，點知越做越差，寧願食其他

第二次食, 食9點場落單掃QR CODE, 服務供應商係大陸的, 個網勁廢, LOAD入去又失敗左幾次, 落單又JAM死左要登出登入重新落落ROUND刺身極速送到, 三文魚OK, 吞拿魚OK, 但甜蝦有陣味唔新鮮, 帆立貝霉霉地但都入到口, 最離譜係油甘魚, 得5蚊銀咁大塊, 仲要瘀瘀地咁, 完全唔新鮮手卷係大大件果種, 不合時宜, 間間有良心放題都係少飯, 不過紫菜係仲脆既小食飲品呢D都係極速送到但熟食熱食真係極度驚人般差, 等得耐唔在講, 千呼萬喚出到黎既雞軟骨竟然係又淡又唔熱, 一串五粒得中間三粒叫做係熟, 頭尾兩粒仲生生地, 重燒過先叫正常返少少, 但都係冇味芝麻雞翼好食過大字頭專用果隻, 隻味冇咁化學, 算係熱食全晚最滿意墨丸食落係同魚蛋一樣, 唔知佢係黎錯定真係咁既口感一口牛串又係冇味, 又鞋口, 粒車厘茄仲好食過粒牛...炸榴槤波中間係凍既, 即場吐返出黎炸牛奶第一次黎OK, 暖暖地, 第二次黎兩舊都係凍, 又要退回, 重做過先整返熱既黎真心問一問, 炸野果位師兄你係咪唔想撈? 唔想撈都唔好搵我地黎較非呀原本都覺得呢間野幾好, 今次之後真係永無下次

今日同同事farewell 諗住同同事開開心心食番一餐, 結果我都未食飽就走左食完開番openrice睇評價真係得啖笑, 可能大家平行時空第一係 間鋪係咁漏單同上菜超慢我地一行十個大男人, 好快脆就食完一碟是常識吧我地頭一粒半鐘頭都叫左幾轉刺身 點知先黎得兩細盤其他熱食同壽司都要兩個字以上先上到黎海膽軍艦叫左三轉黎得一次仲要提我地last order仲會唔會叫野食唔係我地同佢講番我地好多野都未到, 大家冇野食你眼望我眼, 佢都唔打算同我地check單check完仲要番番黎同我地講我地啲單已經唔見左唔見左? 定唔想整啊?第二係 野食質素幾唔掂我地叫左幾轉刺身, 乜魚都叫左啲咁但係放入口都唔係幾分得出係乜魚打乜魚隻隻魚都係一樣, 冇味既, 吞拿魚仲要係勁多筋其他熱食之中成晚最好食既應該係燒菠蘿, 叫做幾多水幾甜其他熱食又唔夠熱, 份量又細第三係 價錢問題同區晚市日式放題都係差唔多, 今日我地7點入座每位258+1我預期會食番啲好啲或者正常啲既食物結果竟然係又漏單又慢又唔好食老實講真係好失望, 個人黎講唔會再去, 都會叫朋友唔好黎呢間食, 係咁

2019最後一晚同👦🏽黎個即興放題🤣好青春🤣滿屋集團列入黑名單後 要搵🟡既放題都吾容易 9成都藍到黑🤬 出𨋢已經聽到人話 呢間好食！座位闊落坐得舒服😌 scan QR code電子落單好方便 食物選擇吾算多 可以集中叫刺身 壽司同凍小食 蒜香茄子🍆好食 爐端燒等熟食一般 反而個麵豉湯幾大碗吾會死咸

朋友生日返嚟呢一間日本放題餐廳，一入到去已經見到啲裝修好靚，坐低左之後佢有唔同嘅點餐紙，咩都有得食：壽司烤物鍋我唔係影咗好多相，因為好多嘢食都好好食，一嚟到已經好肚餓就食咗但係好多嘢食都好有驚喜，例如記得有一個芝士帶子，個人本身唔鍾意食芝士，但係呢個芝士唔係嗰啲好臭芝士！！係勁香！壽司都好多種類可以揀，仲有手卷可以叫如果要呢間餐廳食飯 記得要預先book位 因為現場見到都幾爆滿味道：5/5分服務：4/5分環境：5/5分抵食：4/5分

想食日本放題又唔知邊間好，就梗係要問下我個老友飲食達人，跟他去吃就無錯的。這裡裝修好有日本風，木條佈置格局做形好像在日本一樣。放題種類繁多，任君選擇～～先上小食蒜香茄子、芝麻醬豆腐。芒果汁、檸檬茶幫忙食慾開開胃先。刺身～～八爪魚、松葉蟹棒、帶子、吞拿魚、北寄貝、甜蝦、蠑螺帶子是我至愛，大大件好厚身。炒雜菜，炒得惹味加上芝麻同木魚即刻帶出鮮味。芝士焗虎蝦、忌廉焗帶子、七味焗雞翼燒汁一口牛，牛肉味濃有咬口蒜炸得甘香。軟殼蟹同蔥吞拿魚腩手卷，細細件剛剛好。炸物～～墨魚餅、炸蝦餅、芝麻脆皮雞翼、海蝦天婦羅、松葉蟹棒爐端燒～～菠蘿、一口牛、鹽燒白魚丸、醬燒花枝丸、鹽燒雞腎吃到中段點了幾款串燒，菠蘿燒酸酸甜甜好醒胃，鹽燒雞腎燒得脆香。清酒煮蜆 ，大大隻好肥美。秋刀魚，燒得好香脆。日式千島蝦薄餅關東煮、牛肉壽喜燒最後在出面取埋甜品吃，真的很豐富好滿足啊!

計返都有一段時間冇食過放題，心中既放題癮又再發作，今次去到位於旺角創興廣場內的「神輿日本料理」。食得放題一般都會食個半至兩個鐘，慢慢食兼享受優閒既感覺，會花兩個小時，當然唔會想坐得咁辛苦，神輿就岩晒我，座位夠晒寬敞，唔會有壓迫感。放題黎講最重要都係食物，刺身新鮮種類多不在講，亦有海膽壽司供應，而我最欣賞既仲有吞拿魚手卷，同其他放題唔同，飯既比例極小，大量既吞拿魚蓉，朋友亦對此非常滿意。壽司刺身外，值得推薦既仲有燒物，燒雞軟骨、燒海蝦、仲有燒番茄牛柳串燒，爽甜既番茄配上多汁鮮嫩既牛柳粒，令我忍唔住都encore左兩round。

下班又餓又累，想吃好些，便跟友人到這間日式放題。其實按照這個價錢，只覺得是可以任食，沒有很高的期望。隨意點了些喜歡的食物，吃著才發現原來質素很好。甚至想不通為什麼會如此便宜！甜品種類不算很多，但勝在都是小口的，可以嘗盡將所有口味。我點了些前菜，全部都比我吃過的放題要好吃，特別推介番茄，不知他加了什麼，但就是很好味。刺身方面，每次點的刺身不多，但是真的很鮮甜，不像我在其他放題店吃的。另外一些燒焗的食物也美味，最令我有點失望的是我點了一個炒飯，它的味道還可以，但是份量實在太多了，無法吃完。總括我還是會再來，因為實在便宜好吃又新鮮。

話說小編從來唔會主動提出去食放題，主要係品質參差問題，拒絕大堆頭又冇質素嘅食物。”神輿”我嚟過兩次，距離兩次幫襯嘅時間都相隔大半年，食物質素仍然keep到，呢點值得一讚。價錢只係$178-$258，分四個時段供應；自問呢間係我暫時食過最平但係最啱我口味嘅放題。雖然好評、中評各有支持者，但我都覺得大家可以不妨一試，唔使獨沽一味淨係食某某大型連鎖放題。從前菜、刺身、壽司、手卷、炸物、天婦羅、一品料理、爐端燒，”神輿”有超過10張點菜紙，選擇眾多。海膽壽司我哋仲encore左幾次，海膽鮮甜，冇丁點腥臭味，最緊要係紫菜仍然保持香脆。刺身新鮮，多款魚類(三文魚、油甘魚、鯛魚、吞拿魚)，貝殼類(帶子、馬刀貝、北寄貝、蠑螺)都有供應。芝士焗虎蝦我哋每人食咗幾隻，蝦隻新鮮爽口，醬汁適中唔會過多，香口惹味。