神輿日本料理 (已結業)

话说小编从来唔会主动提出去食放题，主要系品质参差问题，拒绝大堆头又冇质素嘅食物。”神舆”我嚟过两次，距离两次帮衬嘅时间都相隔大半年，食物质素仍然keep到，呢点值得一赞。价钱只系$178-$258，分四个时段供应；自问呢间系我暂时食过最平但系最啱我口味嘅放题。虽然好评、中评各有支持者，但我都觉得大家可以不妨一试，唔使独沽一味净系食某某大型连锁放题。从前菜、刺身、寿司、手卷、炸物、天妇罗、一品料理、炉端烧，”神舆”有超过10张点菜纸，选择众多。海胆寿司我哋仲encore左几次，海胆鲜甜，冇丁点腥臭味，最紧要系紫菜仍然保持香脆。刺身新鲜，多款鱼类(三文鱼、油甘鱼、鲷鱼、吞拿鱼)，贝壳类(带子、马刀贝、北寄贝、蝾螺)都有供应。芝士焗虎虾我哋每人食咗几只，虾只新鲜爽口，酱汁适中唔会过多，香口惹味。