祥發茶餐小廚

营业中

休息中

依間係北角好出名嘅餐廳，幾本上就算唔係起度住，只係起附近番工番學，都一定聽過佢嘅名。佢鋪頭門口已經貼滿曬報紙嘅報導同獎狀，實力可以受到肯定。依度嘅野食有好多款式，如果想食最出名嘅瑞士雞脾或者雞翼嘅話，但係又驚唔飽嘅話，你可以揀佢嘅瑞士餐，佢有好多款唔同嘅配搭，價錢由$35-$45不等。我哋嗰日12：45左右嚟到，餐廳裏面已經坐滿人，好彩我地只係2個人，拎完飛等咗唔駛10分鐘已經有坐坐，仲要係卡位嚟，真係好好彩。睇完menu，我叫咗瑞士雞脾、豬扒包、炭燒豬頸肉配雜菇飯同凍檸茶(凍飲+$3)， 盛惠$48。 豬扒包今次豬扒嘅份量少咗，不過依然又嫩又好味，個醬似甜版同加咗芥末嘅魚柳包醬，麵包睇得出有烘過，不過我放咗陣先食，所以已經唔脆，不過整體嚟講真係好好食。炭燒豬頸肉配雜菇飯碗飯雖然話係mini size，不過我覺得份量都唔算好mini，豬頸肉有三大嚿，嘅爽口惹味，菇嘅份量好多，感覺上成件事健康咗(其實只係自我安慰🙈)。瑞士雞脾雞脾最先上，食咗幾啖先記得影，雞脾算大隻，入味得呢啲肉有好嫩，瑞士汁比起出面食嘅偏甜同深色，非常好食。順帶一提，我偷食咗朋友一啖芝士豬扒天使麵，發現十級好食，有興趣

今日lunch要食自己 所以叫外賣才是皇道 上次食完間荃灣出名既瑞士雞比之後念念不忘 決定試另一間瑞士雞比出名既茶記！叫左個雞比餐 雞比係膽 然後有好多種配搭 好多種選擇 由小食到湯麵或飯麵都有 中式到西式都有 要2款至4款都得 仲包埋野飲tim 真係任君選擇！淨係揀食乜都有排諗 哈哈 諗過度過之後我揀左瑞士雞比+芝士火腿牛角包+細炭燒豬頸肉什菌飯 再跟凍0茶 賣單$47 其實幾抵食 重點高質素 瑞士雞比大大隻又夠入味 肉質未到超級林 可以話係岩岩好 炭燒豬頸肉亦好惹味 細細碗但都有3大舊 其中有一舊較瘦 所以會有少少un 但整體好正🤤今時今日係港島既茶記 呢個價錢咁高質又多份量真係賣少見少 誠意推薦！

北角吃午飯大多要40-50元，而祥發的"組合餐"價格太多在30-50元。同比同區而言，價錢也算合理。祥發必吃的有瑞士汁雞脾及沙爹牛肉包。我點了A+B+C的組合，有瑞士汁雞脾, 沙爹牛肉包及一客五香肉丁米線。瑞士汁雞脾味道一流，對比其他店的雞脾，祥發的汁味道較甜。可是雞脾的賣相有點不太好，部分雞脾送上時皮有破損，部分雞肉跟骨分離。不過，雞髀份量也足夠，炆煮時間充足，令到瑞士汁能滲入雞脾，味道真的不錯。沙爹牛肉包所使用的豬仔包有微微烘烤，包身變得鬆脆可口，配上沙嗲牛肉，口感外脆內軟，表現也不錯。最後更吃了五香肉丁米線，表現正常，一貫港式茶餐廳風味。

港島出名食嘢貴，朋友介紹既呢個茶餐廳真係好食兼抵食。要留意番，逢星期日係唔開既，小心摸門釘。必叫瑞士汁雞脾，佢有雞翼，但個人覺得佢雞脾抵食啲，大隻多肉好多。佢好夠味，又夠滑我叫左雞脾，配沙爹牛肉包，再配酸菜豬扒飯。成個配搭，連熱飯，係$45，真係好抵佢既配搭係勁多選擇，真係乜都有沙爹牛肉包都好正，包上枱個時係熱辣辣既，夾埋彈牙既牛肉，兼沙爹汁，好惹味酸菜豬扒飯都唔錯，酸菜係爽脆既，豬扒都滑所以食過一次後，每逢到北角，都一定會黎幫襯佢服務就普通啦，人客比較多，侍應係比較趕同聲大大，所以最好睇定餐排先好入去。

超豐富瑞士雞髀雞翼餐🍗🥞🍳🥐 呢一間瑞士雞髀雞翼茶餐廳真心要推介俾大家👍🏻👍🏻款式多，任君選擇《真係有得揀先至係老闆》雞髀夠大隻，上晒瑞士汁，睇得出都係好入味，見到已經好想食😋😋加上佢可以百搭，任配兩款或三款嘅嘢食👍🏻👍🏻 朱古力煉奶多士濃濃既朱古力將醬油再加厚厚的煉奶，朱古力控必試，不過食得多就真係會好溜啦😆沙嗲牛肉包呢個係本店推介，店長將豬仔包焗到好脆，再加上秘製醬料沙嗲汁，入面嘅牛肉非常足料，一口咬落去啲汁都必晒出嚟，食落口感一流👍🏻同埋價錢一啲都唔貴，加埋餐飲都係＄45，抵食平價之選，同埋一定會揀到你心目中最想食嘅嘢😂😂

午餐時間去， 門口已見10多人我2 個拿飛， 等左唔使10 分鐘入得， 好快！門口已經唸定食乜， 有人行過即落單我a+b+e唔使5 分鐘又好快到晒西多士黎到店員都窩心： 趁熱食😍我主要黎食去！ 超好味😋😋

祥發既雞髀餐就成日食今日就黎食早餐早餐佢既配搭比普通茶餐廳多連少見既紅腸炒蛋都有我今日叫左鹹牛肉炒蛋 多士 榨菜肉絲麵呢度d炒蛋幾滑 同埋每次都穩定發揮鹹牛肉如果多少少會好d因為唔算好食到鹹牛肉既鹹香味多士牛油偏多如果唔想食咁濃味可以叫佢少d牛油多士配埋炒蛋好好食榨菜肉絲麵好似配左少少雪菜咁我平時鍾意食偏硬既麵呢度d麵質我覺得剛剛好加左榨菜都唔會好鹹而且榨菜好脆口好好食另外個friend叫左紅腸炒蛋配蘿蔔糕佢話蘿蔔糕好好食唔會太過淋而且好香早餐$32我覺得可以接受份量都唔算太細

無須要到甚麼矜貴的太X館或瑞X咖啡室甚麼的，原來一家普通的茶餐廳都有美味的瑞士雞脾，較之雞翼或炒河更加吸引！某日在北角，一個人無無聊聊，隨心走入一家茶餐廳吃下午茶，竟又有新發現。小人喜見有瑞士雞脾，當然要來一大隻是也！雞脾是巨型版，用一隻碟上剛剛好。瑞士汁完全滲進雞肉裏頭，雞肉啖啖油滑，滋味滿分，果然沒有叫錯！這裡的瑞士汁沒有過份的甜，鹹甜適中，是港式瑞士汁之中吃過最好味的，趁飯或趁意粉都是一流！吃一大隻足味雞脾加一杯凍飲，已成就了一餐豐美的下午茶！

最鐘意快靚正，楂車都方便，隔離已經有car park! 重點大大個套餐幾10 蚊食到take away! 雖然個餐牌好復雜！我同老公食個時都研究左一陣，但個餐個雞翼係瑞士汁，雞翼超入哂味，豬頸肉飯都多肉汁！個包，吞拿魚同包分開上，大大pat自己搽！下次再食過！

經典美食 - 瑞士食脾祥發嘅瑞士雞髀響北角出哂名，平日太多返工人士排隊，今次響紅日去試就唔洗排。門口出面貼滿雜誌嘅推介。同時，亦貼有不同嘅獎狀。瑞士餐主打瑞士雞髀 / 瑞士雞翼 / 炸雞翼 ，配上形形色色不同的食物。有輕食，亦有飽肚食物，任食配搭。瑞士雞髀大大隻，肉腍夠入味。用刀叉食都唔難，骨肉好易分離。瑞士汁甜甜地，仲食得出好似潮式滷水嘅感覺。我仲選咗豬扒包。豬扒熱辣辣，配以介末醬，好食! 加2蚊仲有大大杯紅豆冰，勁抵呀! 

下午茶餐既a+b a+b+c 睇到我頭暈眼花😂 最尾嗌左個a+b 雞脾加西多 37仲有野飲真係扺到爛 雞脾夠大隻非常入味，至於西多，呀姨仲好貼心咁上左西多先話襯熱食！一啲都唔孤寒，非常重手既糖漿同牛油，好好食！

住北角有樣好，就係有好多好野食。呢間其實平時都係我既食堂黎，適逢有親戚黎香港，就帶佢食下d港式風味既餐廳。佢地一開始見到個menu咁多野食咁多唔同既組合已經投晒降，不過我反而佩服咁細既茶餐廳可以做到咁多唔同種類既食物。呢個招牌瑞士雞髀緊係一定要叫啦，一如既往咁高水準，d瑞士汁入晒落隻雞髀度！ 因爲佢地第一次黎，所以叫埋瑞士雞翼，其實都好正，因爲都係果個汁。不過一樣價錢既話，雞髀真係抵食好多！芝士汁燒鰻魚餐肉炒蛋飯 - 飯係迷你飯，但因爲一個餐有咁多野食，其實好飽。鰻魚燒得幾好幾香，呢個價錢食到呢個質素，其實真係唔錯煎餃子就普普通通，略嫌多油，而且煎得唔太夠香。沙嗲牛包d沙嗲正，夠惹味，同埋都足料。櫻花蝦濃湯魚肉春卷麵 -  親戚食既，但佢都讚不絕口，個湯鮮甜，而且個麵煮到岩岩好。每個人都食到好飽，但平均每人都係$50落樓，絕對係平靚正之選！

呢間響鰂魚涌非常出名嘅瑞士雞髀雞翼茶餐廳真心要介紹俾大家！每次一到lunch一定大排長龍。推介瑞士雞髀雞翼好味就一定啦，雞髀夠大隻，煮得唔會太老，啲甜豉油够入味上晒色，見到已經好想食！😋重點係佢好似馬會投注咁樣可以瑞士雞髀一拖二，一拖三，再配主食，小食，甜品等等，加埋嘢飲都30幾至到40幾蚊不等，視乎你想配幾多樣嘢食，悉隨尊便，而且佢嘅選擇項目相當豐富，花都眼亂樣樣都想食，有選擇困難症嘅人要小心啊🤣但可以有咁多個食物選擇，嗰種感覺真係超開心！推介可配嘅主食有咖喱牛腩飯，豬潤麵，豬頸肉鰻魚飯等等都唔錯，不過佢啲芝士汁天使麵或飯等等就有啲伏，因佢啲芝士汁怪怪地，我上次食過一次有啲怪怪地嘅酸味，所以避開就可以了。小食嘅話西多士，吐司，豬扒包等等呢啲都係推薦的！我每次去最鍾意陪就係佢嘅沙爹牛肉包！份量大得嚟，入面嘅牛肉一亦非常足料了，我叫一隻雞髀再加沙嗲牛肉包再加咖喱薯仔牛腩飯再配以一杯熱檸水都係＄45，相當抵食！有時遇到呢啲大胃王，好似尋日咁我另外再加多隻雞髀都係加多10幾蚊，（係，我琴日lunch食咗兩隻瑞士雞髀餐🤣）真心大滿足！店名：祥發茶餐小廚環境：6/10服務：7/10 價錢：8/1

星期二夜晚收工 諗住係北角輕鬆簡單食一餐醒起之前食過既呢間祥發 最出名就係瑞士雞脾套餐食物符合價錢水平食食下 有一男一女年青人入左黎 當時2000左右餐廳入面有吉四人坐同二人坐咁女仔問短髮呀姐 可否坐另一吉二人坐或四人坐短髮呀姐拒絕❌ 堅持佢地要迫埋去本身有兩人既台於是男友人一言不發 離開店舖由入店至離店 男友人沒同店員交流過 但當佢離開後 短髮呀姐就同其他店員講： 我唔俾佢坐呢度嘛我當堂嚇一跳 如果件事發生我身上會點 我就覺得成8點幾 又無人排隊唔好話轉四人坐 轉個二人坐都合理短髮呀姐可能唔想執張台 可能想將口罩男 放去角落都唔定 但短髮呀姐態度真係好差 事後仲好威威我都係少d黎食呢間祥發啦

好鍾意食雞脾！瑞士雞脾係童年回憶！今日特登黎食一次！淨係叫左隻脾，估唔到原來只係15蚊！！！係香港地坐底係茶記竟然仲有咁抵食又飽肚既小食？！以為會好細隻啦，點知黎到都有返咁上下。淨係個上脾都有成隻手咁長咁大！本身諗住唔好沾咁多汁，因為好似好唔健康（人大左係要注意下三高之類），但點知，拎住個刀叉切切切，一唔小心就沾晒d汁。（其實係d汁真係好惹味，所以要沾肉食）真係好邪惡啊！最後忍唔到口，又叫多左隻，食完真係好飽。。。 30蚊就咁滿足，夫復何求！