影片
营业时间
今日营业
07:00 - 18:00
星期一至日
07:00 - 18:00
*最后落单时间: 17:45
以上资料只供参考，请与餐厅确认详情
朋友系网上见到foodie介绍呢间餐厅新出既不同口味菠萝油，就带我一齐去试～我地点左开心果酱味，估唔到咁夹，好欣赏佢唔太甜，个味好清唔腻，初时都惊会中伏。牛油好软好香，唔系雪到硬崩崩，牛油既咸味同开心果酱甜味互相提升。好，重点黎，就系个菠萝包，可以话系我食过最好食，个饱够热，个皮好香好脆，但个饱系好软，真正外脆内软，又唔会死甜，夹住果酱同牛油，真系超好食！！！我同朋友另外一人叫左一个餐，佢叫左「男人的浪漫」，有热狗+肠仔鸡扒意粉+一杯茶，都只系$65，热狗超大个，朋友俾左半个我，脆皮肠好香脆，不过我本人唔钟意浓味，所以觉得咸左啲。个饱又系外脆内软，好怕啲好硬果啲，或者硬脆会𠝹嘴果啲，里面仲加左牛油真系超香，净食包都觉得好正。我就叫左蛋米，蛋炒得好滑，唔错～间野有啲隐蔽，要入左栋大厦，系中间转左行出去先揾到。
继续阅读
话说今日去坚尼地城睇医生之前，要喺附近医肚先。俾我无意中见到呢间餐厅，感觉好似几怀旧，就入去试一试。佢哋标榜啲餐包系佢哋自己整嘅，跟住我要个沙爹牛肉米，啲沙嗲好入味，米粉软硬度适中，个餐包好新鲜好软熟，唔同交紧果啲或者果啲过夜面包通常会比较硬。再配咗个施华力肠炒蛋跟个餐包加杯热奶茶，50蚊有找真系好抵，仲要杯热奶茶都好好饮。☕️👍👍
继续阅读
其实旧年5月22号佢未正式开张我就先试过，不过太早佢未有openrice页面，所以我将食评放左系佢湾仔分店下面：22/5/2024 -行过西环见到红纸中遮住招牌，但已开业。面包准时七点送出，试左豪华极品早餐（公仔面+菠萝油+奄列）水准高过一般茶餐厅。服务快捷，态度好，早餐价钱$38-49，考虑埋质素系抵嘅。25.1.2025 -之后都常常再去，但见半年得一个食评咁少，所以再讲多Ｄ。以茶记标准，佢嘅奶茶同食物绝对在平均之上，仲有自己铺出嘅面包，要加分。经过大半年，水准keep到，仲好似多咗面包款式，所以由面餐到饱餐都好多选择，唔会闷。
继续阅读
话说搬咗嚟石塘咀几年，试过晒石塘咀同坚尼地城嘅茶餐厅，一直都揾唔到啱心水嘅冻柠茶，港式茶餐嘅质素都系参差，搞到我平时要去上环先有得食终于俾我喺星期日发现咗呢间祥香园！连续试咗四日早餐同茶餐，食物嘅质素同冻柠茶都系维持到，所以决定写食评表扬一下🤩呢四日都有食沙嗲牛肉面，沙嗲牛肉配洋葱嘅味道好夹，虽然唔系平时有花生粒嘅，但都系好好味！屋企人有食火腿通粉，早餐吉列鱼柳，菠萝油同提子包，大致上都系好味！之后都应该会keep住帮衬，试埋其他嘅餐，但都系会嗌冻柠茶饮🤪P.S. 少少建议，如果外卖面餐可以面同汤分开就Perfect，因为我Walking Distance来回要25分钟，面身本身都发胀晒，口感上比较腍。同埋吉列鱼柳可唔可以有沙律酱？继续努力！
继续阅读