福岡漢堡扒 (鴻威大廈)

营业中

休息中

好驚訝地發現原來福岡漢堡扒係韓國菜🇰🇷😂之前一直以為佢係日本野🇯🇵去到見到兩周年二人餐(旺角限定)$248有2塊漢堡扒、韓國年糕再包左沙律🥗湯🥣飯🍚同泡菜都幾豐富而且價錢比散叫或者平時既2人餐抵食🤗🔥 菠蘿煙肉漢堡扒、芝士蛋和牛漢堡扒用韓牛打成既漢堡扒，自己落手去煎熟佢😆感覺有少少手忙腳亂😛不過DIY體驗都唔錯而且煎完塊扒唔會好乾，配埋芝士、蛋等既配料可以食出唔同配搭，唔會得一個味🤗🥢韓式年糕魚糕同年糕既份量都唔少😆年糕偏大條而且好有咬口好煙韌，而且唔辣!

餐廳每個座位都有抽氣系統，可以抽走煎漢堡扒產生嘅油煙，不過抽氣就唔算好勁，舖頭多人嘅時候，都會有啲油煙味，但可以接受嘅。1. 芝士蛋和牛漢堡扒漢堡扒有三個size可以揀，S/M/L，當然價錢都唔同，不過價錢上相差好少，可以按自己嘅食量決定要邊一個size👍🏻個set包沙律、飯、味噌湯，其實份量都唔少！2. 東武里牛丼飯 $118呢個丼飯好食，勁多牛柳粒，而且粒粒都Juicy，嫩滑有口感！加埋蛋汁撈飯！真心冇得頂😋😋呢個set都有沙律菜同麵豉湯㗎！性價比高👍🏻👍🏻(以上價錢未計加一服務費)

之前已經聽朋友介紹話呢間嘅漢堡扒好好食，就想黎體驗下。第一次可以自己用鏟切開自己想食嘅大細，然後放係燒熱做嘅黑石上面燒，每三秒翻一次都幾好玩加上每個位都有自己嘅抽油煙管，唔洗怕會有油煙味。個漢堡扒好有牛油香，食落好juicy，燒熟啲嘅話外面會有一陣焦香，但係肉質完全唔會硬或者老，值得去試下。

今日做半日，本來諗住去旺角行吓掃吓街，但去好多小食店竟然仲未開（已經12點幾）行下吓行吓就見到呢間，忽然諗起呢兩日都想食卡邦尼意粉，咁就入去坐低咗。鋪頭細細，都算坐得舒服。有啲自閉位，自己一個人食都唔係覺得尷尬。lumch menu 有主打diy漢堡扒，但係我就偏偏食卡邦尼意粉，真係對唔住。午市套餐$58（有加一），有兩份小前：椰菜絲沙律，韓國泡菜，一口size，仲有一小杯麵豉湯，加個野飲（檸檬茶，汽水唔洗加錢，其他睇價格加啲咁）講返個主角，卡邦尼意粉，細細碟，女仔應該soze啱啱好，男孩子就可能唔夠食。雖然主打係diy漢堡扒，但係哩個卡邦尼意粉都算幾好食，個汁啱啱好，加上煙肉片都有幾好片，仲有啲洋蔥絲，不過不失。見到隔離枱食diy漢堡扒，樣子都唔錯，下次可以試吓。

去左旺角行街街、係網上搵到個韓國燒烤、都幾特別下、係自己燒同埋自己獨立煙囪！做型好特別叫左兩款一雞蛋和牛漢堡扒同埋芝士蛋蔥和牛漢堡扒、想食生d,熟d自己決定、我中意食6成左右、入口即化、而且仲有少少紅先好食😋

韓國過江龍餐廳，主打福岡食法自助鐵板和牛漢堡扒!!用熱石將漢堡扒逐少煎香，食落焦香爆汁，肉質嫩滑鬆軟，一定要試!!😍- 芝士蛋和牛漢堡扒（細）HK$124 🧀🥚🐂食法係將和牛免治肉放上鐵板上的熱石，每邊煎幾秒煎出兩面焦香，期間和牛油香一直飄出超吸引!!食落口感香脆，充滿和牛脂肪香氣，而且牛肉味道超級濃郁!!食到一半亦可以加入鐵板上的半熟蛋漿及超級拉絲芝士，奶香及蛋香完美融入和牛香氣!!有齊兩種享受😚配套包括白飯、味增湯、椰菜絲沙拉、韓國泡菜，白飯選用日本米，口感Q彈。🍚餐廳質素非常出色，而且價格平民，一定會再光顧!!🥳

福岡漢堡扒 @hambageu.hk.朋友帶我去～ 呢個名以前都聽過我仲以為豬 原來食牛架😂 所以先冇揀🤣.好正！ 成個盤 好吸引 牛肉仲可以揀份量 自己切大細 自己煎 又有配菜 真系好抵食～坐又舒服 有卡位 仲有檸檬水👏🏻.我1放story 錄到D沙沙聲 即有人問我邊度 一路聽到一路食 好開胃🤤..✨小食甜辣炸雞 $38我好少吾抗拒醬汁 真系好食 舊雞滑到離譜😋.✨雞蛋和牛漢堡扒(中) $129好食！和牛味濃 叫中真系岩 叫細實吾夠喉😗D飯都特別好食 好棉棉的.✨2人餐 $355芝士蒜和牛漢堡扒 朋友吃墨西哥辣椒和牛漢堡 試左朋友少少 少少辣 好特別既 好食和牛乒乒乓拌飯 肉燥飯 多左隻蛋 大碗2人分 朋友細食 最後我幫佢地食埋.✨飲品汽水.3人共消費 $574 (有加一)..味道：😋😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤🤤/5.💫 #福岡漢堡扒 #鴻威大廈 #旺角 #花園街. .#米吃 #香港探店 #健身人士飲食 #管理體重 #飽住瘦 #蛋白質 #健康餐 #foodiehk #跟米吃出瘦身材 #

港幣$1000元。不收。餐廳 沒有 洗手間。要客人自行找洗手間。。港幣$1000元。不找續。餐廳門口 沒有表達。沒有提示。。完全不尊重客人。食物Good 。服務Good。餐廳態度No Good。。。

福岡漢堡扒絕對是旺角必試的美食！二人套餐的組合超豐富，包括了雞蛋和牛漢堡扒、芝士蛋和牛漢堡扒，還有忌廉芝士沙律！這裡的價格超划算，還贈送飲品，真是物超所值！👫💰來到福岡漢堡扒，我們立刻被它們的漢堡扒質素所吸引！雞蛋和牛漢堡扒的肉質鮮嫩多汁，每一口都帶著濃郁的肉汁和蛋香，讓人回味無窮！而芝士蛋和牛漢堡扒更是讓我們驚艷，融化的芝士和蛋黃的結合，簡直是一種口感的享受！漢堡扒的口味非常細膩，每一口都能感受到主廚的用心和對食材的追求。這裡的漢堡扒絕對能滿足任何美食愛好者的味蕾！😍🍔除了漢堡扒，福岡漢堡扒的忌廉芝士沙律也是一道令人驚艷的菜品！新鮮的蔬菜和滑順的忌廉芝士結合在一起，帶來了口感的層次感和豐富的味道，讓人難以忘懷！這道沙律不僅美味，還非常營養均衡，絕對是一份健康又美味的選擇！🥗✨福岡漢堡扒的環境和服務也是一大亮點！店內的裝潢簡約時尚，氣氛輕鬆愉快，讓人感到舒適和放鬆。

福岡漢堡扒係來自韓國嘅過江龍，主打DIY 石燒牛肉漢堡扒，每個座位都有自己嘅獨立煙囪，抽風系統都唔錯唔會有好大陣油煙味，一人一個熱石燒唔使爭爐用😆打開餐牌除咗有a la crate 石燒漢堡扒、小食外，基本款嘅韓式拌飯都有得揀，除咗1人前外都仲有幾款二人餐可以揀。二人餐主要係有兩款特定嘅漢堡扒，仲有一款主食同餐飲，小菜、沙律🥗同餐湯都係必備款，依家都仲做緊優惠添，計落性價比都唔錯👍🏻所以小妹今之就選擇了2號二人餐😎😎墨西哥辣椒🌶️和牛漢堡喜歡食辣嘅推薦揀哩款墨西哥辣椒和牛漢堡，食落原來墨西哥辣椒都唔係好辣咋喎😎辣椒切成細細粒同免治牛肉差唔多size ，每次煎迷你漢堡扒都可以沾滿辣椒粒，越食越過癮，越食越滋味😋😆芝士🧀️蛋蒜和牛漢堡芝士蛋醬鋪滿鐵板，免治和牛球睇落份量都唔細，炸蒜片充足，可以嘅話盡量每次都集齊哂所有食材一齊煎香，芝士拉絲加上炸蒜脆卜卜同和牛漢堡嘅油脂香，超級滋味😋😋和牛乒乒乓拌飯一碗夠哂兩個人分享，免治和牛肉碎炒香，再上沙律菜同太陽蛋，配料平實唔算豐富但加埋韓式辣醬一齊拌勻已經好好味套餐可以加$18 升級做特飲，我地分別揀咗百香果特飲同巨峰提子🍇特飲，前者酸酸甜甜開胃又鮮膩解

呢間餐廳主打手打牛肉漢堡，牛肉漢堡好大份圓形肉球狀整成，呢度最好玩既係你可以自己煮熟d牛肉又唔會食到周身油煙，因為佢會吸反d油煙走，而且牛肉有蒜片放面鐵板雞蛋，另一份我地叫左辣既牛肉漢堡，辣得黎又香口，我地二人餐好抵食又有前菜泡菜食，飲品係好大杯既巨峰提子soda酸酸甜甜甘。@福岡漢堡扒 #福岡漢堡扒 #牛肉漢堡 #抵食#hkfoodie #foodphotography #foodlover #foodblogger

DIY自煎漢堡扒花園街5號有間福崗漢堡扒餐廳，望入去好特別，每張柗都設有2個喉嘴，原來係用嚟抽油煙嘅，到底點解呢？🧐二人套餐有得玩又有得食我哋點了個3號套餐（2人）2客芝士蛋蒜和牛🐂漢堡扒，漢堡扒選用日本頂級和牛製作，再用芝士🧀包着，聞落去味道濃郁。原來仲有嘢玩，就係放上件燒到400度熱🔥嘅黑石度DIY自己落手煎，用枝剷仔一路煎一路反，抽油煙嘴渣渣💥作響，頗有氣勢！🌪️店員好細心，見到件黑石🪨無嚟火氣馬上換上滾熱辣嘅新石俾我哋繼續煎，因為熱力只能持續10分鐘左右！所以手腳要夠快，新奇有趣幾得意！3號餐仲包埋一大碗🥣韓式豬頸肉丼飯，碗上面有個溫泉蛋🥚，賣相吸睛👀👀味道夠惹，汁味鮮美。套餐亦佐有：菜沙律、韓泡菜和麵豉湯，碗湯清香，不似一般的麵豉湯咁鹹。飲品有忌廉溝鮮奶，酸尾酸尾，和煎肉類一同吃，味道天衣無縫！各位想玩吓小廚藝不妨來這裡顯吓功夫！🥩

個日行過旺角 條女見到特色野話想試下咁就入左去座底叫左個套餐 有個漢堡加碗飯 先唔講個漢堡 個咩乒乒飯賣相睇落衰過茶記 一隻煎蛋加d菜再加d肉碎咁 個飯底就有d麻油 完全唔夾 茶記窩蛋牛肉飯重好食過佢個漢堡賣相都呃到下人既 不過間野叫福岡漢堡扒 但係福岡係日本但又係韓國野 又叫漢堡扒 出黎又成個波咁既樣 真係r哂頭 對於一個鐘意食牛既人黎講一試就知係咩牛 又乾又鞋 收成四舊水又要自己煎又唔靚d食材 真係唔建議大家黎食

食石燒牛肉就食過好幾次，今次同家姐食下新野，呢個石燒有啲吾同，係石燒和牛漢堡扒。「福岡漢堡扒」位於花園街3-5號鴻威大廈地下7號舖。我們選了《兩人套餐（Ver.2)》（$355）套餐包括有 ： 麵鼓湯 x 2 ; 椰菜沙律 x 2 ； 和牛乒乒乓拌飯 x 1 ; 墨西哥辣椒和牛漢堡（中） x 1 ；芝士蛋蒜和牛漢堡扒（中）x 1；罐装飲品 x 2拌飯已經十分好味，充滿油香，仲配有隻靚靚太陽蛋，混和蛋黃汁一齊食十分滋味。或可加$18轉特飲，凍飲仲要超大杯。漢堡扒用鐵板上，每次食多少份量，就切多少漢堡上熱石加熱至自己喜歡的熟度就可進食。枱上設有抽風，令空氣不致太油煙。至於主角和牛漢堡扒，充满和牛油香有肉汁，即使我喜歡比較熟，都肉質嫰滑，值得一試。熱石上枱非常熱大家要小心，而店員中途會為客人換一次熱石，以確保溫度足夠。

平時食開鐵板扒或者石燒肉，但鐵板漢堡扒仲要加埋石燒 DIY就真係未試過，今晚襯有機會就黎福岡漢堡扒試下。晚餐除左有得散叫外，仲可以叫二人餐，計落係抵食啲。<芝士蛋和牛漢堡扒‧雞蛋和牛漢堡扒>兩者差別不太大，只是其中一款加了芝士，會有拉絲的效果。而和牛漢堡扒會呈現一個球體，雖然放係鐵扒上，但本身係未熟。而我地就可以DIY 將和牛肉放左燒熱的石頭上煎熟。給大家一個提示，首先分量唔會咁多，另外就要用剷將和牛扒「禁扁」，然後每邊放3-5秒，兩邊就會做到焦香的效果，而煎的時候見到肉汁滿瀉出黎都幾治癒。食落去肉汁豐富又夠香口，而且唔洗點醬汁都夠晒味。加上肉質鮮嫩，明顯食得出係和牛質素，配上芝士蛋都幾好送飯。一開頭望落份量唔算好多，但食下食下其實都可以來回煎四至五塊漢堡扒大家唔洗驚酒煙關係，因為每張枱都特設抽煙口，只要將熾熱的石頭放左抽煙口的位置就唔會食到成身都係煙。<忌廉芝士沙律‧特飲>沙律有兩個芝士波，食落去原來係Cream Cheese，質感好似食緊Yogurt。另外配上蜜糖脆脆，配上沙律菜原來都幾夾。最後我地都加錢叫左兩杯特飲，分別係巨峰提子特飲同埋金橘檸檬特