福岡漢堡扒

营业中

休息中

呢間小編食過好多次，亦都介紹過幾次了😗尖沙咀個間原來執咗，不過好彩係南昌vwalk都開左分店，新分店又乾淨又舒服😌呢間專食漢堡扒嘅餐廳絕對係香港數一數二好食嘅韓牛漢堡扒專門店😍餐牌上面嘅選擇都算多，可以單點/套餐，適合唔同胃口嘅人士😌.🍴二人套餐 $355愛辣人士一定一定要叫墨西哥辣椒漢堡扒🌶️，不會太辣但好惹味，食落更開胃😎套餐除咗包咗一兩款漢堡扒外仲有一碗飯，和牛乒乓拌飯，係免治牛肉碎加蛋，蛋汁同啲牛肉粒勁夾，超級開胃😋另外仲有沙律同湯，所以都非常夠飽，食得好滿足🥰.💰人均消費：～$200.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

今次我同朋友去咗福岡漢堡扒試佢哋嘅兩人套餐（No. 4），真係一個好正嘅體驗！成餐飯啲食物唔單止好味，仲有好多驚喜。😊餐廳環境好舒服，燈光柔和，氛圍好溫馨。佢哋嘅裝修風格偏向日式簡約，成間餐廳乾淨整齊，座位之間有足夠嘅距離，非常適合同朋友或者家人嚟享受一餐。服務員態度友善，招呼周到。前菜泡菜同胡麻沙律。泡菜酸辣適中，唔會過份刺激，入口爽脆，令人胃口大開。胡麻沙律用嘅胡麻醬濃郁香滑，同新鮮蔬菜嘅脆口感互相輝映，每一口都充滿層次。味增湯熱辣辣地好暖胃。味道濃厚但唔會過鹹，飲完之後感覺好滿足。主菜係兩款唔同嘅漢堡扒：菠蘿煙肉韓牛漢堡扒（熱石燒）同芝士蛋蒜韓牛漢堡扒（熱石燒）。菠蘿煙肉韓牛漢堡扒（熱石燒）呢款漢堡扒真係好有特色！漢堡扒係可用熱石燒，即時製作。韓牛漢堡扒肉質鮮嫩多汁，煙肉嘅鹹香同菠蘿嘅甜美融合得天衣無縫，每一口都令人口齒留香，真係食到停唔到口！芝士蛋蒜韓牛漢堡扒（熱石燒）呢款漢堡扒同樣自己用熱石燒，芝士溶化喺漢堡扒上面，加上蛋蒜嘅香氣，味道豐富得嚟又唔會過重。韓牛漢堡扒嘅肉質同樣非常嫩滑，每一口都充滿咬勁。芝士同蛋蒜嘅組合真係好正，呢道菜令我難以忘懷。韓式湯烏冬係一個好好嘅配搭。

韓國菜原來同福岡有關係🇯🇵！呢一間主打自己石燒漢堡扒嘅餐廳，係融合咗日本福岡飲食文化嘅韓國菜😝。店員會不停換上熱石，可以自己將一大球漢堡扒燒嚟食，滋滋聲勁滿足💥。.✌🏻兩人套餐Set 3 ($359)呢個價錢已經包咗兩份熱石漢堡扒🔥，一份額外主食😆，同埋兩款罐裝飲品。.🐮芝士蛋蒜韓牛漢堡扒(中)份量超級多！而且漢堡扒嘅油脂感好足，食入口油香、肉香都好正👅。仲有蒜片，食落更加香口。最後仲可以食埋一大片鐵板煎蛋🍳。.🐷韓式豬頸肉丼飯肉質好嫩、好彈牙！而且甜甜鹹鹹嘅醬汁，好夾豬頸肉嘅油脂感🤩。除咗香濃嘅醬汁，拮穿埋流心蛋，將蛋黃撈埋飯都食💕，更加正。.🍊西柚特飲我哋加購咗特飲，超級巨型！啱晒一路燒漢堡扒一路食🔥。西柚嘅柑橘果香，好開胃。.❤️‍🔥百香果特飲百香果天然嘅酸爽，酸酸甜甜好好飲😝。而且配埋今餐咁重油脂感，飲落好清新。

朋友係IG 度見到福岡漢堡扒，覺得可以自己煎扒好得意，話想試下，咁我地就一於黎試一試啦。見有2人套餐，我地點左 $255 set 2。❤️芝士蛋蒜韓牛漢堡扒漢堡扒肉汁鮮嫰，煎到d牛油彈晒出黎，配埋個芝士蛋，好味道。❤️墨西哥辣椒韓牛漢堡扒辣味岩岩好，配埋和牛肉，同樣配有蛋醬，味道一流。❤️和牛乒乒乓拌飯和牛碎、生菜加太陽蛋，撈埋個韓式辣醬，好有韓國風味。*跟餐有汽水X2但我地叫左特飲+18蚊特飲果然特大，18蚊超級大杯。🍸西柚特飲酸酸甜甜，非常開胃。🍸金橘檸檬特飲金橘味濃、好清喉嚨又解渴。跟餐仲有泡菜、面豉湯＆沙律。 超級豐盛既套餐。一邊煎扒一邊聽住KPOP，真係好似番左鄉下咁😆福岡漢堡扒深水埗深旺道28號V Walk 2樓L2-17號舖

食肉獸福音‼人氣石燒漢堡扒專門店嚟自韓國，進駐V Walk！餐廳主打熱石燒和⽜漢堡，性價比超高，肉質都好高質，選擇配搭多多，推介大家前往**兩人套餐 (Ver.4) 366.00**🔻菠蘿煙肉韓牛漢堡扒 (M)漢堡扒燒烤香氣，肉質軟嫩多汁同時好有口感，菠蘿塊正好帶來清新的感覺，口感層次豐富！🔻芝士蛋蒜韓牛漢堡扒 (M)呢款漢堡扒更加濃郁同醇厚！柔軟嘅牛肉同脆脆芝士濃郁，洋蔥夠清新，肉質優質！🔻韓式湯烏冬韓式湯烏冬，湯頭醇厚不辣，烏冬Q彈有勁，韓式經典！🔻巨峰提子特飲 18.00清新爽口 滿滿一大杯🔻金橙檸檬特飲 18.00 微微嘅酸甜! 飲落特別清爽解膩

呢間韓國石燒和牛漢堡扒，第一間落户香港的尖沙咀厚福街店原來已經關了，路過南昌V Walk見到有分店就去食下。① 兩人套餐 set 4 $366菠蘿煙肉韓牛漢堡扒（M）芝士蛋蒜韓牛漢堡扒（M）韓式湯烏冬巨峰提子特飲 +$18金橘檸檬特飲 +$18兩份漢堡扒都唔細，自己用剷𠝹開，放上熱石，然後不斷反覆去煎，以免燒焦，燒一陣就食得。和牛漢堡扒配搭不同材料，芝士，菠蘿，煙肉，蒜片，蛋等，我覺得加芝士同蒜片，溝埋最好味！每份漢堡扒仲有份沙律菜同麵豉湯，可以中和一下油膩感。當燒左一段時間，熱石開始唔夠熱既時候，職員已經主動前來換另一塊熱石，幾好服務。另外餐廳個抽風筒好強，睇住都覺得好治癒，而且唔怕食完啲衫吸晒味。燒完漢堡扒，二人餐仲有份烏冬，有燒牛肉，腐皮等幾多料，食埋好滿足。本身跟餐有汽水，加錢改配特飲好大杯，夏天就係要呢啲！我杯巨峰提子特飲唔會太甜，溝得幾好。

見過幾次排長龍，所以平日晚市去食，都要等一兩個位。叫咗嗰二人套餐，兩個芝士蛋蒜漢堡扒，包飲品同一碗豬頸肉飯。嗰熱石幾得意，可惜d肉完全唔掂，好散，無肉味，唔知食緊咩肉。蒜片又勁硬，麵豉湯得半碗，一開頭以為係醬嚟嘅。然後就係人手不足，得兩個侍應，見到佢哋好忙，但服務一般，仲要出錯飯俾我哋，同佢哋講都要等好耐兼提過幾次先俾番我哋，嗰碗到最後都無俾我哋，希望佢哋加人手。整體講，三百幾蚊真係完全唔值，唔推介去食。

「福岡漢堡扒」真係令我驚喜到爆呢！好多朋友一直話我一定要嚐嚐佢地嘅漢堡扒，今次終於有機會來食，而且仲點了兩人套餐，實在太好啦！首先佢地嘅環境真係好舒服，店裡有種清新又放鬆嘅氛圍。由入座開始，我就深深地感受到有種貼心體貼嘅服務態度，好有親切感。說到今次嘅主角「漢堡扒」，絕對係亮點中嘅亮點。端上了一個熱騰騰的石板,表面散發著陣陣誘人的香氣。率先上碟嘅係「菠蘿煙肉韓牛漢堡扒」，睇落就已經吸引得食指大動。漢堡扒滿滿嘅牛肉，配埋香甜爽口嘅煙肉同香濃嫩滑嘅芝士，仲有新鮮爽脆嘅菠蘿，簡直係天衣無縫。咬下第一口，份量好足夠，肉質幼嫩多汁，煙肉同牛肉嘅鮮味交織，仲帶有少少煙燻香氣，令我不由自主發出讚嘆聲。「芝士蛋蒜韓牛漢堡扒」，表面金黃酥脆，切開後流出嘅芝士更是誘人至極，仲配搭外表鬆軟內裡蓬鬆嘅麵包，好滿足。單單就芝士呢樣，已經足夠令我口水直流。之後就連同蒜香濃郁嘅牛肉一齊咬下去，咀嚼間口感層次豐富，香氣撲鼻，實在太讚了。整個烹煮過程有趣，讓我彷彿化身一名大廚，倍感成就感！而且在品嚐的同時，還能欣賞到漢堡扒在石板上滋滋作響的景象，更增添了用餐的樂趣~除咗漢堡扒之外，「韓式湯烏冬」都令我印象深刻。濃郁嘅湯

I recently tried the hambageu at Fukuoka Hambageu 😆. We ordered the Original Hambageu, and the Egg Cheese Hambageu. Both dishes were accompanied by miso soup 🥣, rice 🍚, and a side salad 🥗. The Original Hambageu was straightforward yet flavourful, with a tender and well-seasoned hamburger steak. It was a comforting and satisfying dish. The Egg Cheese Hambageu featured a juicy hamburger steak topped with cheese, with eggs underneath 🍳, creating a delicious combination of flavours 👍🏻. The richness

今日行完V Walk商場發現有一間食漢堡扒的專門店, 入到去每個座位都有一個吸氣管裝嵌在餐枱上, 好特別的設計。打開餐牌，相片都好吸引， 原來餐廳用最頂級嘅韓國牛肉造漢堡扒，具有柔軟及奢華的口感。我哋點選二人餐墨西哥辣椒韓牛漢堡扒芝士蛋蒜韓牛肉漢堡扒韓牛乒乒乓拌飯罐裝飲品兩罐麵豉湯加kimchi 加沙律要享受漢堡扒原來要自己動動手，店員放上熱石對住吸氣管，將漢堡扒分成四份，每一份平鋪放上石頭上，每邊燒大約3至4秒，就可以食到熱辣辣非常美味的漢堡扒。燒第二件時記得除去石頭上的燒焦物。墨西哥辣椒，辣味非常惹味，芝士蛋蒜味濃郁又香，兩款漢堡扒各有特色，底部仲有煎蛋，好配合合同漢堡扒一齊食。韓牛乒乒乓拌飯記得加甜辣醬，清新又飽肚。這個套餐都幾有驚喜，價錢相宜，而且用上韓國牛肉性價比高，又有得玩又有得食, 真滿足。

🥩福岡漢堡扒 Fukuoka Hambageu🥩韓牛漢堡扒（細） $115 芝士蛋韓牛漢堡扒 （細） $124脆脆紫菜生卵飯+$16漢堡扒的面層被煎至半熟用鏟子切開一部分生肉平鋪在石上可自行加熱至喜歡的熟度桌上有吸氣管 所以燒個陣無咩油煙味不過燒個陣容易被油彈到有胡麻醬椰菜絲做沙律前菜普通嘅麵豉湯 少量泡菜同燒肉汁底層嘅金針菇可以放在石上燒熟漢堡扒肉汁滿滿 配上蛋同芝士一齊食 翻倍好食🤤脆脆紫菜生卵飯珍珠米加紫菜芝麻飯素同日本生雞蛋🌄環境店鋪細 座位少 得3枱2人位 4枱4人位晚市好快就坐滿 需係門口排隊🛎️服務店員會主動幫忙換黐底的碳石服務還不錯👍🏻

嘢食冇問題 中規中矩 漢堡扒幾入味 汁幾好服務員態度就一流喇 勁過澳牛 一入去就西口西面 成枱人對佢唔該前唔該後 但佢都係繼續西口西面 講嘢冇尾音 呀 佢有笑架 佢對住同事對住電話嗰陣咪有反應 本身對住我地講嘢又細聲又晦氣 對住同事就咁有中氣有講有笑已經冇無理要求 落柯打都自己用 QR code落 都可以受你地員工嘅氣你地一定對員工好差喇 唔該審視一下你地對員工係咪好差 所以要對客出氣 要西啲客—————呢一句嘢係為咗夠數字而要打嘅句子

大鄉里未行過V walk, 同另一半去拜訪一下，我地大概兩點左右來到餐廳食個lunch，呢個時間可能無乜人，不用排隊，職員仲非常好，見我地拎住一袋二袋，所以安排四人座位俾我地。芝士蛋韓牛漢堡扒套餐（大）- 來到呢度當然要叫個漢堡扒啦！套餐會有沙律菜、麵豉湯、白飯，職員見到我哋好似唔知從何入手，主動埋黎問我地之前試過未，之後十分詳細同我地講可以點煎漢堡扒，三秒就要反一反，仲提我地圓鐵板十分熱，十分貼心。估唔到漢堡扒肉汁鮮嫩，我哋仲意將芝士煎得微微香口，十分好食，連平時好少食漢堡扒嘅我，都停唔到口😋。東武里牛丼飯（套餐） - 至於牛丼飯就較普通，雖然牛肉份量沒想像的多，幸好肉質尚可，一點也不靭，不過不失。

平時都唔會特登寫食評，但係呢間嘢個服務態度差都算，啲嘢仲要唔好食。我去澳牛嗰啲態度都冇咁差。叫咗個炸雞完全冇味。唔怪得成間商場得呢間嘢有位。第一次食飯全家人都唔滿意。

早兩日去咗呢間新開冇耐嘅“福岡漢堡扒”分店，呢度特別之處係俾塊漢堡扒你自己逐少放上舊熱石度煎，又好玩又可以打卡。我同朋友試咗佢哋嘅二人套餐，份量啱啱好，幾抵食！⭐芝士蛋蒜韓牛漢堡扒漢堡扒比想像中大，面頭加咗啲芝士同炸蒜片，令牛味更加香濃。漢堡扒肉質都好嫩，唔會太乾。配埋蛋一齊食，感覺冇咁油膩⭐墨西哥辣椒韓牛漢堡扒呢個組合幾特別，漢堡扒上面加咗墨西哥辣椒，帶有辣辣地嘅味道，同時又充滿香濃韓牛味，兩者混合起嚟，味道好有層次⭐和牛乒乒乓拌飯呢碗係和牛肉碎拌飯，肉質淋，味道濃，配上一隻太陽蛋、新鮮蔬菜同韓式辣醬，撈埋一齊食好惹味⭐樂天忌廉梳打整體而言，呢度嘅野食幾唔錯，值得我再去，而且餐廳環境舒適，服務都好好，職員會主動幫客人換熱石，值得一讚！