福記(港式)茶餐廳 (已結業)

我今天路過想住試一試。點了一份豬扒蛋飯52元。餐廳有標註「點以上餐送熱飲6元」我埋單好奇就問一句，到底係送，定係要收6元，個老闆的老豆，好似60張歲，黑口黑面，居然開口鬧我，大大聲講「送就不用比錢啊？」簡直是可笑至極。同你講多句都係侮辱我智商。後來又不斷重複話我唔識中文字。我出了門依然問候不斷，我實在忍無可忍，要寫這篇食評控訴這間餐廳。寫之前居然發現有人評價這家餐廳的服務態度很差，我真是感同身受！順便幫這家餐廳補習一下中文，既然要收錢就不要寫送！因為送即是表示免費，這是小學生都知道的常識。打開門做生意居然毫無意識，我無非只是好聲好氣問一句，竟然換來如此低劣的咒罵。正確的態度應該是承認你寫錯了，然後再給我一個合理的解釋，我唔會唔比，區區6蚊。不過做人同做生意真係唔係咁打橫來講的。我希望大家不要幫襯這間茶餐廳，因為佢地除心地差之外，煮東西吃的水平亦很低，我未吃過咁難吃的豬扒飯。

港式茶餐廳，港式早餐佢都都有一般茶餐廳嘅，火腿通粉，沙嗲牛肉麵等我今次叫咗朱扒腸麵朱扒有少少香茅味，ok嘅係個麵太淋，個人喜好爽麵，所以食得唔係幾過癮………杯咖啡唔好對佢有期望，中規中矩環境都…….港式style，你明㗎啦枱同刀叉都癡立立咁囉嚟食港式茶餐廳又唔係食法國餐

今天叫外賣APP, 訂單上取外賣時間為12：18（落單時間為12：06）,本人12：20到達,相繼見到遲過我到達,剛入去的食客之食物已到並正在進食,本人要等到12：38才有外賣（當中不下兩次詢問）！他們只推說「外賣係要等耐D㗎啦！」😡是否因外賣APP訂單利潤較少所以專登拖慢？真的太過份！講真,我哋D打工仔食飯時間有限,您接唔到可以唔接,遲了給客人又態度差不認錯。一間態度上無品,對食客沒有禮貌嘅餐廳,您會覺得佢嘅出品會如何?

第一次試依間餐廳，平時同事都有叫開既。點知等外賣就等左好耐。等了80分鐘先有野食。如果趕時間既人就唔好揀依間餐廳喇。如果唔係同同事一齊夾份叫野食既話，我就一定會取消訂單。如果唔係過左lunch time 都未有得食呀。

飲品有小烏繩，店員態度惡劣，還反問，是剛飛下來的很吧，你想怎樣，要換一柸嗎？我不是趕時間就直接報食環算了。已經是第二次發現食品有小烏繩，廚房衛生情況估計一般般。

今日心血來潮行過想食啲茶記碟頭快飯一睇就知呢一碟係可以用只匙食嘅飯可以一隻手撳吓手機📱呢個係午餐洋蔥雞扒腸仔飯（多汁）+凍檸茶有陣時趕住下一場做其他嘢食呢啲十分之方便

平時好少經過呢條小街，今日心血來潮想行遠少少，跟住就比餐廳外面嘅餐牌吸引住～【葱花咸牛肉芝士蛋三文治】的確有驚喜👍🏻👍🏻👍🏻脆脆嘅烘底麵包、滑溜嘅炒蛋配咸牛肉🐮、加上滿瀉嘅流心芝士汁，真係好睇又好食呀😋😋😋！！！！成個套餐都只係 HKD36 包一杯熱飲👍🏻👍🏻👍🏻 Happy❤️❤️❤️👩🏻‍🍳📑 下次等我再試餐牌上嘅其他新品推介啦😉：1. 芝士蛋豬扒三文治2. 五香肉丁炒蛋三文治3. 酥炸雞脾西多士

今天到愛群道清真寺活動，在附近泊好車，找找有什麼吃。好像不太多食肆喎，見到大大個紅色招牌：福記茶餐廳，好啦，就這間。早餐不貴，價錢好正常。地方也算企理乾淨。沙爹牛肉通粉，沙爹好食。不過，牛肉被「 乸」得太過，失去牛肉質感。通粉煮得夠淋，好味我最怕快餐店，通粉被碌兩碌，還是生硬硬的 。奶茶好飲，因為，我最怕奶味太濃太羶的。這杯奶茶不錯！

經過這區，通常都會揀啲街坊小店幫襯。福記茶餐廳地方不大，見到好似係店主的一家人自己經營。身邊的客人都是街坊在閒話家常，增添左份人情味。下午茶時間叫了沙嗲牛肉煎蛋麵加凍檸檬茶。老實講，食物跟其他茶餐廳的味道差不多。不過呢度可以慢慢食，望住出面的毛毛細雨，聽著街坊最近關心的話題，係大型連鎖茶餐廳給不到的感覺。

某外買平台呢幾日做特價，買滿$80減$55買咗呢一間茶餐廳嘅早餐雪菜肉絲煎蛋通粉 + 多士 $37煙肉香炸魚柳牛油多士 $41 第一次叫呢間外賣，嘢食大份又抵食凍檸茶檸檬有三片 份量多下次可以再試吓其他

普通嘅燶曬嘅雞扒、普通嘅冇味嘅“公仔麵”、普通嘅鑊屎菠蘿包、 普通嘅黑面神夥記. 問佢哋攞麻油, 佢就話麻油一大窩喺廚房, 唔好問佢攞鹽因為會喺個海度. 唔知係咪因為用咗兩分鐘時間諗食乜嘢佢就整蠱我哋？急乜啫, 間舖頭都冇人🙄ok here is the English version to fill up space. in short, I had bland noodles, burnt chicken in soup, and a pan-burnt pineapple bun. smelled of gross oil. service was bad. that's Hong Kong for you.

福記唔算超級好食。但性價比已經係一流。例餐未必係絕佳，不竟做學生生意，平靚快就得。但個間野的小炒係好味。招牌炸豬扒飯既香且辣，豆腐火腩亦係唔錯。奶茶，檸茶係水準之上。係摩里臣山附近實在搵唔到比它好的飯堂。

一行三人到灣仔福記茶餐廳開飯，肉絲炒麵，豬肉絲可能落得太多梳打粉”那” 到完全無豬肉味極差，咖哩牛肉飯買相極差，味道一般，煎蛋豬柳漢堡扒飯，估唔到用街市買既現成豬柳漢堡扒十幾蚊五塊果隻，味道唔使講都知道唔好食啦，呢碟飯真係成本低利潤大呀！

一早, 被安排了任務要到灣仔的會計師樓跑一轉. 早到了, 手上文件也多, 第一時間想到的, 便是在灣仔找家茶記, 輕鬆的食返個早餐先. 下了巴士, 就入了交加里呢一條內街街仔找食. 不過, 大多的都是中午才開的食店, 或是一些冇得俾人坐的外賣店. 沒有太多選擇之下, 便來了這一家地方小小的菜餐廳仔用餐.一早, 若不在家食早餐, 係茶餐廳呢一D地方, 我總愛叫一個公仔麵餐. 貪其快, 夠飽, 而且配搭多. 久未有吃五香肉丁的, 而且早餐麵可以配三種料. 於是一口氣, 就純肉吧. 五香肉丁, 午餐肉, 芝士腸, 實行罐頭食物萬歲.普通的光身麵, 大家大概都知道是什麼味道, 不用多評. 另外一就是配料, 午餐肉, 略嫌其煎得未夠燶未夠香. 芝士腸, 味道是可惜的, 有芝士流出來, 但我食不出味道來. 最香口的, 就是五香肉丁, 肉粒粒大粒, 夾起來不散. 那辣香的汁混入湯底中, 份外的惹味, 而這就是我於茶餐廳食早餐, 經常叫五香肉丁麵的原因. 只是後來, 吃得太多了, 改一改口味才多月沒有再吃.夠溫飽, 充滿力量後, 開始忙碌的外勤工作天.

19-1-2011繼續到交加里食又快又平的 lunch, 想試的「趁熱食」無位, 結果入了隔嚟呢間茶記. 想食撈丁, 又見牆上餐牌話咖喱係「必食」之選, 就叫個]咖喱牛腩撈丁 + 熱奶茶 (total $36).先嚟熱奶茶, 色水極「奶」, 唔落糖飲一啖, 係好勁的奶味, 無澀味, 但亦完全無茶味, 落小半羹糖再飲亦然 咖喱牛腩撈丁: 睇出前一丁賣相好似煮得好腍, 食落亦果然偏腍, 可幸未到「發水」/「入口即溶」的地步; 咖喱食落唔算太辣, 亦帶點椰奶味 (?), 似馬來式多於港式, 都算啱口味; 牛腩就以牛筋及切成 cubes 狀的瘦腩為主, 前者炆得軟腍入味, 不錯 後者就當然以黐於點肥的較香, 不過其實都幾韌; 反而「搭」的兩條菜心好嫩好清甜, 幾估佢唔到的; 整體就一般而已.環境超級迫夾, 不過呢度係平日 1:xx pm 的灣仔, 無辦法啦.快快食完快快走人, 埋單 $36 , 其實唔平, 應該唔會再來了.