福記(港式)茶餐廳 (已結業)

外間溫度不算太諒, 而且這幾天成廿六/七度, 有嘜可能唔開冷氣架!!!!!!記得1996年左右已經幫襯過, 期後轉手又轉手, 竟然又是當時老闆做番喎, 不過好似唔係佢全權負責, 現在打點的好像是他的親人, 不肯定, 純粹亂估, 但我肯定是同一人, 幫襯下午茶, 餐肉治烘底加凍奶茶, 麵包烘得不夠時間, 又有些少實, 外不夠脆, 內不夠軟, 但餐肉煎得非常熱, 凍奶茶少甜不夠味, 肯定又是只把普通奶茶加冰, 水多茶少, 失敗之作

還記得第一次來，是新開無耐。店子實在偏僻，要不是同一條街有間新記芝士麵，我都無留意開左間茶記。最慘係條街成日有大貨車停係度，仲要停正係佢門口，變相有無形單擋，都咪話唔顯眼。茶記好細，位子不多，入得去就預左成日俾人頂背脊，又要預左成日要起身讓路俾人出黎，今次我終於試到坐係近門口個死角位，真係寸步難行，仲要熱到暈。點解仲要黎食？因為搵位易囉。是日午餐近乎天天一樣，永遠都是香茅豬扒飯或煎雞扒飯，不如改名做特餐或常餐吧。今天依舊叫了煎雞扒飯配洋蔥汁。點解標題係「每況愈下」？因為以前仲有個不錯的例湯可供選擇，現在都沒有了。以前的雞扒煎得香口，現在好似舊式快餐店咁整定晒。以前汁尚數ｏｋ，現在杰得黎又唔好味。最後成碟飯我食剩好多下。餐飲熱菜蜜，正常不過不失，但我還是喜歡以前那個例湯。要競爭先要有進步，人流不多的情況下都攪成咁，好難令人感受到誠意呢。

係伊館睇完王祖藍演野會，本來打算睇完去食下tea，但已經係下午六點幾，咁就行去活道諗住掃街。但我倆始終都想搵個地方坐低hea下飲下奶茶，經過這間小小的福記，望下門口個牌，下午茶時間竟然到下午七時，即刻入去卡位坐底！我叫左菠蘿油+凍奶茶而honey就叫左魚柳薯條+熱奶茶。菠蘿油賣相很好，菠蘿皮夠脆，可惜個包食落唔太新鮮。但這個餐勝在夠平，如果不是轉做凍飲加$2，只需$16。魚柳薯條份量一般，薯條較少，魚柳炸粉較厚但夠脆，而凍熱奶茶的味道一般。這裡最值得一讚是下午茶時間比一般快餐店較長，而且夠平！！！

四月下旬．晴天氣熱，除了想吃一些辛辣的食物去刺激胃口，也想吃湯飯。連湯帶飯的，雖然很多時也熱辣燙口，但就易入口一點。是日經過這裡，見開了新店，「是日推介」上有兩味是湯飯，正合我意。推門入內，人多到不得了，還好找到一個一人位置坐下來，餐牌也不研究了，快速的要了個蕃茄蛋牛牛肉湯飯。湯飯大大碗的，夠熱。蛋花不多，蕃茄切成碎茄的模樣，呈完整粒狀，那麼應該是沒有滾落湯度。吃起來，果然是不太熱的。而牛肉更是滑到離譜的疏打牛，吃了一片，就完全留下剩下的。還好，湯的味精不很重，當作是一個少油少鹽的健康餐，未嗜不可。連凍咖啡32元，不便宜，附近也大把選擇。