禦皇燒臘茶餐廳 (已結業)

千祈唔好食哩間啲野食，衛生差，啲野食都唔知擺咗幾耐，員工態度極差，大家冇謂比錢買難受，叫外賣你最少都要等一個鐘，外賣到咗，啲飯凍嘅，啲燒肉白色嘅，啲皮又韌又冧，完全就係琴日賣剩再攞返出嚟比大家食🌚‼️千祈唔好係哩間餐廳食野‼️

貪方便入左呢間鋪，食佢啲油雞 同 叉燒，油雞好咸，啲肉又乾，好似擺左好耐，叉燒太甜又勁柴，絕對不會再幫襯，好難食。員工服務勁差，講野好串，呢間野一定唔會再去。環境污染惡劣，地下好多垃圾，食物殘渣，只係冇影到相，有雞骨係地下，坐位油淋淋的感覺，台面都係有油，唔敢掂張台。後悔入左呢間鋪頭。真心垃圾。有廚師唔帶口罩係廚房行出黎，睇黎啲食物帶晒菌。見到燒味啲廚師，隻手摸完呢樣摸下果樣，再斬雞斬叉燒，衛生真係好唔掂。

我好少借咁樣寫差評，但今次呢間餐廳真係不知所謂，49蚊俾啲下欄嘢人食，成個蟲草花蒸雞，冇一舊係雞肉，全部都係雞翼尖同雞腳，然後一大堆蟲草花，真係令人搞唔清楚究竟雞係主角定係蟲草花係主角。咁樣做生意有冇良心？喺住宅區都係做街坊生意，咁樣做生意係趕客定咁樣係你地嘅生意方針？一見到已經即時反映，職員可以黑面啤返個客然後行開，真係服務態度令人受唔起。食物已經唔得，服務態度更加係差到無論，真係建議大家唔好嘥錢，俾錢買難受。

我外賣回家，回家後發現店員沒有放薑蓉及餐具。回去問店員拿薑蓉，有位店員態度惡劣，質疑我是白撞。無奈只是十五至二十分鐘的時差。就連替我下單的店員亦認得我。現在疫情未穩，用此包裝補回薑蓉給客人。極為失望及無奈。事件發生於五月五日，時間為1745-1800。

叫左個外賣 脆皮咕嚕肉 完全吾掂 未食過咁難食既咕嚕肉！ 價錢不值 賣成88蚊 完全無良心茶餐廳好心換果個大廚啦 d老細有無試食過？ 咕嚕肉又吾脆 又多粉又勁多肥豬肉。 超吾值 超吾好食 超難食 超級無敵難食。尼個咕嚕肉不知所謂。 人生第一次寫左尼個食評

下午茶嚟呢一度食左咸魚雞粒炒飯同埋星洲炒米，$32嘅下午茶真係好抵。鹹魚雞粒炒飯 $32（3.5⭐️）炒飯雖然未算粒粒分明，但質感岩岩好，唔硬唔淋，味道正常，咸香味唔太出，味精粉味偏多。雞粒好嫩！值得一讚！星洲炒米 $32（3⭐️）黃姜粉多左少少，搶左咖哩味，米粉較平時粗身少少，自己中意食幼身啲個隻，炒粉配料算慷慨, 食到幾隻蝦。飲品叫咗熱咖啡同熱奶茶，略嫌奶茶茶底較苦澀，沒有特別出眾。但係$32有呢個質素都算係不錯！

喺商場搵嘢食，見到有咁多人喺門口叫外賣，所以決定試一試。見到全店最出名的是燒味飯，但是我中午剛剛吃了燒味飯，所以晚上唔想再吃。於是膽粗粗試吓茄子斑腩飯味道偏鹹份量一般，有預期中好味，很好價錢合理。

呢間燒味鋪啲阿姐真係脾氣極差😐😐😐😐😐。嗌咗一碟燒味四寶飯好聲好氣問佢做咩四寶得3樣係咪少咗😨，四寶飯有咩大家唔知咩，唔通一黎到放上枱我食咗🤬🤬❓又係咁撩我碟飯黎數。個阿姐就發曬脾氣話個師父斬左係咩就咩，換係你你碟飯比人撩黎撩佢你仲會唔會去食呀😕😕❓不過真心難食d燒鵝又肥 d燒排骨❓得骨係到….......🤢🤢去街市20幾蚊燒味飯都好食過佢啊。比錢去食啲咁既垃圾❌🙄🙄🙄

自己一個人行調這間燒味餐廳，諗住簡簡單單食個四寶飯。點知......飯一尼到....兩片紅腸、兩小舊燒鴨、一舊只有骨的「肉」😶我問個侍應「呢舊咩野尼架？」佢就即叫左個「經理」尼答我 佢話呢舊係排骨...仲話四寶飯係甘架啦！首先，四寶飯應該有什麼配菜我唔評論，但只係俾舊骨客人食，仲話係甘樣既！我就覺得生意手法好有問題⋯⋯其他配菜例如紅腸..都係非常難食..所以...呢間餐廳真係可一不可再...還是第一次見識的甘「特別」既四寶飯

今日中午十一點幾半左右去左天一商城揾食...............見到禦皇燒臘茶餐廳既出爐燒味 已經 掛曬出嚟 ...............看似不錯............... 就被燒味吸引左入去！點了兩個餐，十一點三十分仲有早餐， 沙爹牛肉麵做得不錯， 沙嗲味香濃！另外點了 一份燒鵝 瀨粉， 連凍奶茶加$2, 燒鵝嚟到嘅時候 嚇了一跳， 燒鵝肥膏多得 離譜 ，肉少得可憐， 叫個帶著名貴手錶的姐姐來看一看， 她說燒鵝是這樣肥的，不能換， 之後再叫另一個 侍應 過來看， 她看過之後都覺得真係很肥， 所以換過一碟 給 我， 不過換過碟的時候又發現有點不像燒鵝， 算了吧無下次！

聽說朋友推薦禦皇的小菜，所以晚上決定試試!本來想吃家人推介的燒味，但入坐後，侍應推薦它們的麻辣味道還不錯，所以點了一碢麻辣煮魚😊麻辣魚賣相不錯，辣道剛好，魚肉嫩滑，雖然魚骨頗多，但小心吃還是可以。套餐中包括白飯和例湯，一人份量足夠有餘。麻辣魚鍋中的配菜豐富，有青瓜丶薯粉丶酸菜丶芽菜等，當中以青瓜最美味，脆脆的，看出師傅的用心❤️惟一可改善的，是減少油的份量，雖知魚肉需用油泡，但為了健康，減少用油會更理想😁希望下次再試試其他菜式😁

老公想去試下新開燒味餐廳，見佢門面一般，抱著試一次的心態，大部份客都係食燒味，望落不錯，但我對燒味喜好一般，所以試下小菜。。。點知喜出望外🤗下次會試試燒鵝瀨粉⋯

去悅品酒店探朋友，順路食啲野，原本以為好似外邊餐廳既炸花枝球咁中間實係空心，點知一上菜咬落去啖啖肉，個脆皮都令人好驚喜，一定食過翻尋味。午市太多人但點都要搵時間再食呢個花枝球！