禦皇燒臘茶餐廳 (已結業)

此店位於天水圍天恩邨街市，普遍做開街坊新意，店面姐姐全部都好有禮貌，整體食物質質及價錢性價比挺高。唯獨燒味就要好小心，燒味飯五舊雞肉竟然三舊都係下欄骨，燒味部咁都做得出，感覺上燒味部完全幫老闆趕客倒米 ！

一家人晚市想叫幾個餸食飯，之後黎左天一呢邊，簡左呢間食緊飯既時候，一個男人後生既樓面，拎掃把係到掃上面既塵落黎 仲要我地成家直情係佢附近食緊飯 佢都仲要掃我地同佢都有禮貌咁講 唔好意思啊 可唔可以唔好掃住 食緊飯 好多塵掃曬落黎 佢冇理會我地 之後另外有個姐姐同左我地講唔好意思個男就發脾氣 大大力擺d凳 係到比說話我地聽咁😅佢個樣仲要嬲爆爆咁 以前食既時候好好食 依家明明晚市 得我地一家人 同埋另外一枱客 但d野食都出得好慢好差 唔會再食

午市套餐：鮮茄豬扒煎雙蛋意粉首先講吓個茄汁先啦：個人覺得唔夠濃郁：比較淡口，但係豬扒大大份：都多肉：再加上煎雙蛋：可以令到成個份量好多：今日叫了多意粉，果然好多意粉食得好飽滿正

午市套餐，黑椒火腿雞扒意粉黑椒味濃郁^火腿兩大塊雞扒好大塊，炸得好脆，雞皮都好脆意粉都OK軟硬適中再加上凍檸茶少甜，中和返個辣味喺午市嚟講，食得好飽份量都多．唔錯唔錯

午市：蝦乾蒸肉餅飯蝦乾：食落去軟口，好有蝦味啲蝦乾啲蝦尾都滲入咗肉餅度好香肉餅，食落去都新鮮：好有豬肉嘅味道：同埋彈牙作為普通嘅午餐都可以接受食落去都飽肚都值得推介～

午市燒鴨拼油雞飯加鹹蛋連凍飲總價$60燒鴨熱辣辣多汁～正油雞呢就比較嫩滑入味加上薑蓉～好送飯今日鹹蛋都可以接受漏油～正再加上凍檸茶嘅解脷今日呢個中午吃得好滿足不錯不錯

一向幫趁開，今晚第一次叫八珍豆腐煲，入面除咗豆腐, 四五條白菜仔，仲有四五舊大小不一嘅肥燒肉，兩三片薄义燒，兩三舊B B手指尾咁大嘅魷魚同肉片，叫黑色衫大家姐埋嚟問，死口都話佢哋個八珍豆腐煲係咁，仲話問過廚師入面應該仲有幾隻蝦，講到好似我哋食咗唔認咁，叫佢再問個廚師又話可能搞錯咗，唔好意思都冇聲仲要聲大夾惡！

星期六晚嗌左4個小菜，個姐姐話唔熟電腦系統落單，落個菜名都搵成分鐘，問佢係咪小菜有跟飯？無就另外叫，佢好好人咁施捨左4個飯俾我，因為佢話：咁俾4個飯你囉⋯⋯姐係咁，無嘅話我另外叫都ok但唔會係咁講野掛？收到外賣一打開真係想講粗口！西芹炒花芝枝片蝦仁，少得可憐😅得3舊蝦仁+4片花枝片，西芹咁平亦都少得可憐，再打返電話問，佢問我係咪$110個個？（呢個時候我真係打左個突，因為我無諗過$110，因為原本唔係想叫呢個餸，而係姐姐話無我想要個款先轉呢個⋯⋯）酒樓價但無酒樓量！

午市燒肉拼鴨飯加凍飲總共$53我真係唔明點解我燒肉個皮係咁樣唔係酥皮 可能每個師傅嘅做法唔同，但係我真係麻麻哋呢一種皮燒鴨就中規中矩～除咗燒肉個皮係咁樣同埋都凍凍地我下次建議可以擺入微波爐叮一叮嘅～

午市 燒鴨拼叉燒加鹹蛋加凍飲總共$60，價錢上都可以接受，小弟去食多數多飯呢都好多飯都食得好飽，叉燒就中規中矩，環境就一時時囉，但係服務員嘅態度幾好，個人覺得，整體上都OK嘅 中午去吃的

請放大圖片 請放大圖片 請放大圖片 請放大圖片最開始我問邊位係經理麻煩叫佢過嚟望下，夥計話經理今日冇返中間有位服務員仲行過嚟問我有咩？最後夥計取消咗張單講句唔好意思就同我話 ：你飲完杯野 就可以走啦請放大圖片 請放大圖片 請放大圖片 請放大圖片

今日食午飯選擇了燒味平常都食開佢既燒味唔差今日都係食佢點知佢既燒肉超級咸已將燒肉放落碗溂粉道都係好咸燒鴨有幾舊無肉得皮而且有點乾好似放左好耐咁叉燒今日係叫做最好味既食物😂😂平常黎都好正常今日質素真係差左還好個溂粉無變過不過我朋友話下次唔黎😂😂

有一說一以前常客黎，早幾年燒味質素唔差叉燒好食燒肉好食，近年越黎越垃圾，服務員態度差、外賣時間等候時間耐，每次打去投訴亦草草了事求其回覆你就算，乜野已經出左餐送緊就到就到，住係你附近10分鐘路程包上落樓，都要等超過一個鐘外賣先到，試問邊位客人會想食已經擺到凍左既外賣呢?外賣食物質素極差，叫炒飯一時咸一時無味，叫燒味次次比有咁差得咁差質素既叉燒油雞，由４０幾蚊一個燒味飯升到差唔多６０蚊唔連飲品，服務態度差、食物質素差、價錢唔合理。

成間鋪既職員服務態度極其惡劣，特別係門口收銀嘅阿姐，根本唔想做你生意咁。食物質素方面亦好差，叫咗碟燒味10分難食。寧願食麥當勞都唔食佢，極不推介亦唔會有下一次。

本身之前幫襯左好耐，之後冇再幫襯！經常落錯單，再唔係就比錯嘢呀！啲嘢啲嘢食越整越多油，朝頭早早餐叫咗一個扒餐，成塊碟都睇到好多油！環境衛生好差，好多時見到有小強出沒，侍應服務態度又差，好多時佢哋冇反應再唔係就唔係慢動作，火都嚟(~_~;)┑(￣Д ￣)┍！唉！晏晝啲小炒好濃味！啲燒味雞飯或者鴨飯，經常性俾啲殼，外賣仲差，啲湯又咸又多油！而家仲要係越嚟越貴，啲嘢就越來越少！唔會再幫襯┑(￣Д ￣)┍(~_~;)