禮三井日本料理

营业中

休息中

(5/4)事緣某朋友生日，故找處不多人的地方吃飯，有人提議來此處試試，之前曾常光顧此食店的午餐，不知味道如何。本人實在吃得太飽滯，故剩飲梅酒，原來梅酒是罐庄，應該City's Super有供應。其他食物如下：1.三文魚(一磅)2.鰻魚飯3.炒烏冬4.燒茄子5.軟殼蟹天婦羅6.三文魚(再來一磅)實在沒有吃甚麼，故唯有訪問鄰旁友人；三文魚如何，友人說：「不錯，新鮮，$65一磅，算係咁，但不似日本空運貨色。」那鰻魚飯呢？友人說：「定食感覺，不過不失。」炒烏冬呢？友人說：「喜歡吃烏冬的人應該要試試。」我都好喜歡烏冬，唯有下次試試。燒茄子，呢一友人說：「好似無味咁，唯有點附有的汁料才有味道。」心想：「茄子本身是無味的，當然要有調味料才有味啦～」軟殼蟹－友人說：「香脆可口，多食無妨！」閒談中，一位識了數載的同路人，擅長嚐「杯中物」，據聞酒量及酒歷非淺，紅白Gin,Vod,rum,國產都不放過，唯啤酒麻麻，隱藏了數年都不為人知，幾時有空檔，煮酒論英雄都不錯，但絕不能飲醉，失了意義。謹致及祝賀生日那位：「直上！」

突然想食日本野，行行下見到一間唔係咁起眼既日本料理咁咪試下囉。星期六午餐時段人流唔算多，靜靜地食下野都幾好。午市套餐選擇幾多，淨係ABCD餐都有成幾個餐牌，每個餐牌既ABCD都有D唔同，真係花多眼亂。揀左1)七味牛肉配拉麵2)加州卷、烏冬配甜蝦剌身，每個餐都係$45，以佢咁大份餐黎講算抵。烏冬只係一般係超市買到既現成烏冬水準，拉麵都冇乜特別。原本想叫佢既鰻魚卷，但係原來鰻魚到依家都未有供應，孔雀石綠問題都未能解決。甜蝦刺身都算幾新鮮，但係唔夠鮮甜。個七味牛肉都係好似吉野家既牛肉飯味，唔知咩叫七味呢？成個餐份量真係幾大，食完都好飽下。

放左學同同學來，佢話呢一間野正！！平時行過都唔覺眼既呢一間日本料理，我今日叫左一個七味牛肉飯，嘩！！好好味呀！！三十幾蚊有呢一個quality 真係抵到爆！！遲的要再同男朋友來先得！！

佢地既食物一向都覺得ok, 唔係太差, 只係差在服務, 荼又唔加, 又成日搞錯晒d 單…不過尋日夜晚(24/8) 幫襯完之後實在頂住條氣, 真係不吐不快.我個朋友七點幾早我少少到, 佢地安排佢坐係個cashier 前面既二人到. 大家都知道, 通常日式二人都係好細好窄, 又擺到成都係調味品之類, 而且放眼望去, 仲有好多空位; “辛苦搵黎自在食”, 咁我未坐低就同個cashier 女仔講(因為最近係佢, 而且我個位係面向cashier): “個位好窄, 而且仲有咁多位, 我想轉位”, 就指一指隔離既位…個女cashier一見我唔滿意個位, 就即刻黑晒口面話係有人訂左(成24個人), 我再同佢講坐另一張四人, 佢就話: “四人都係要搭格勒…”, 同一時間有一對男女入黎, 佢諗都無諗就指左佢地坐個張我想轉既四人(當時我仍未坐低…咁算點先?! 玩野下~~), 我即刻望住佢問點解又俾佢地坐, 佢知衰唔出聲但面口比之前仲黑, 最後我都算數, 坐番原本個位. 落單既時候我已經完全無事. 因為唔想影響到個朋友.點知食物都未黎, 佢就企係cashier 個位, 同另一個男仔講話我好麻煩, 係到“亞之亞

油麻地返工咁耐，都唔知呢度有間日本料理，朋友約食lunch話有間幾正既日本料理可以一試....不俗!!是日午餐：幾正喎，醬汁唔錯....要再黎...所以...兩日後...睇詹瑞文前黎食個晚餐！是日晚餐：...少少失望，不過咖哩汁做得幾好，下次可以考慮試咖哩飯！...唔好叫...失望！全力推介：七味牛肉飯..朋友們話好正，我唔食牛所以冇意見，但佢地話....下次我一定要破戒試下！

昨日原本想去山東街\\\"夏雪\\\" 試下，但個朋友話要搭車去，唔想行，錦經過\\\"三井\\\" 就是旦費事錦煩搭車入去食啦。入到去，有7成full ，我地點左:炸雞軟骨- HK$ 22.00 size ok，同其他店無咩特別天婦羅炸/ 甜壽司- HK$10.00 好味(必食)，每碟2件醬爆雞定食- 好似$40.00 唔知，因唔係我叫，但有食幾好味牛肉拉麵- HK$ 45.00 好大好大碗，我朋友即湯底夠\\\"龍\\\" 好好味雖然地方唔就腳，但有機會都會去食，唔駛次次都去\\\"橫岡\\\" 嘛仲有呀，用CITIBANK, 東亞，大華銀行信用CARD 有10% DISCOUNT架

假期與友人共進午餐.三井門外頍有日本風味,不過一走進去,其港色氣味突然充滿了.位置算ok 多,座位不太窄,我lunch time 一早進入等待友人,12:50pm 就滿坐了.我叫了客花之卷定食, 有三件花之卷和一碗拉麵.花之卷算ok啦,和別的店比沒有甚麼特出之處,拉麵也是普普通通的. 反而友人的豬軟骨味道頗強烈,為我喜歡之餸菜.凍飲+$3. 算抵油麻地地方,這間吃得過

已經許久沒到此一食...以前在那邊上學, 原本跟友人打算每次吃不同東西,實行"食勻全油麻地", 不久我倆竟總是到這裡吃...漸漸也成了我倆的老地方!這裡勝在夠清靜,縱然已有8成入座率,感覺也不太擁擠食物方面雖說不上一流,但也不錯;友人喜歡吃"雞軟骨",即叫即炸,熱騰騰,好香口!!而我則很多小吃都喜歡,滿足我不過定食最底食,大大碗,其中"豬扒飯"更見一班!大大件,有口感,脆醬合度好處,更喜歡它加入雞蛋一起炸後的香味!!第一次去吃時真的很驚喜!!可以一試!!

星期日中午在油麻地上完堂，本來想去「橫綱」試下d拉麵，但勁多人排緊對，於是走左去「三井」。叫左個炸雞+刺身定食(連加一約$40)d刺身好好味呀!!!!!(蝦+三文+吞拿eachx2)應該係好新鮮0既貨~~果碟炸雞粒都好多ga，所以食得好飽!!同埋都好快有得食，環境又幾好，下次再去幫襯~~

定食好抵食(around$42-60)份量好大份服務都幾好環境比較靜味道itchiban

10/8，8:00pm，今次第2次食，覺得水準穩定，就算好耐無去，食物質素依然無變，而且環境都比較清靜，最o岩三、五知己o黎聚一聚！必食推介係軟殼蟹天婦羅，食過咁多間最正呢間，炸得又香脆、粉唔多，又會食到D蟹肉，總之就正啦，而且唔貴，＄３８蚊大大隻！

昨天到百老匯電影中心看電影, 本想到橫綱吃午餐, 但由於人太多, 加上趕時間, 所以選擇了三井, 三井在假日也提供午餐, 值得一讚! 我們點了吉列豬扒配烏冬, 煎銀雪魚配烏冬, 與及一客蛋黃炸軟殼蟹. 午餐雖然只是數十元, 但也有三文魚生送, 本應屬十分超值之選, 但三文魚上枱時, 瘀瘀黑黑, 大食Eric吃了一口便沒有再吃, 大家也知道原因吧! 吉列豬扒有一塊半, 但我認為只給一塊豬扒好過, 因為那半塊豬扒是上一客豬扒的另一半(半塊加半塊, 剛好是一塊), 是翻炸的食物, 不但顏色與完整的那塊豬扒不同, 連那接駁位也有油炸迹象, 分明是翻炸, 其實一塊豬扒分量已相當足夠, 奈何要加上半塊豬扒, 簡直是敗筆, 看到也不想吃! 另外, 蛋黃炸蟹其實做得不錯, 但味道偏鹹, 不能吃多. 結帳一百七十多元, 回贈一張五十元現金券, 好像很超值, 但食物如此不新鮮, 即使有現金券, 我也未必會再來光顧.

幾年無去依間食~ 去開依頭上堂, 本來想去橫岡食拉麵, 但6:15pm就排緊隊, 所以就去三井食啦~ 6:15pm入去, 無咩人, 但6:45pm已經7成滿~ 兩個女仔, order兩個set~ 朋友o既係吉列豬扒定食跟拉麵($110), 我就要刺身飯定食($130), 配麵豉湯, 前菜(中華海藻), 刺身或海鮮卷, 同餐茶~ 朋友話佢個扒同麵都唔錯~ 我個刺身飯都幾多料~ 海鮮卷就大portion, 味道一般, 起碼唔太油~ 總結: ok啦~

吉列豬扒拉麵D豬扒幾好, 爽脆唔肥膩, 但係拉麵唔得, 食落似軟身公仔麵. 另外蟹柳烏冬d 蟹柳散晒. 牛肉湯烏冬份量同味度OK. 三個湯都冇乜好講, 咁便宜都唔可以expect d 乜, 總知係連味千同別府都好過佢. 四國冷麵好淡, d sauce 都吊唔倒味, 成三十蚊得包半份量既陽春麵物體加個SAUCE同蛋 比較特別既係芝士沙律卷, 芝士味道似係羊奶OR忌廉芝士, 加埋青瓜同吞拿魚生. 另外送既齋三文魚生唔新鮮, 食到人肚痛. 究竟係午市例牌馬虎d, 定係間野真係唔係好掂呢? 話晒都開左好多年, 橫崗執凈地鋪都未輪到佢..

LUNCH唔太貴~又幾好食~服務態度都幾好~