禮三井日本料理

营业中

休息中

此店是現時為止是我認為最好食的日本麵舖. 來這兒食野一定要試晚市的麵! (午市唔夠晚市好食) 無論湯底,麵質,配料,香,味,都是一流水準,D湯直情可以真係當湯咁飲埋,你見過未?食完真係成個人都醒晒,正過隔離橫棡和扎幌起碼兩條街,差在你可能話佢唔夠地道.其他食物亦幾好,特別是魚生,且非常抵,特別是午餐,$40就可以食到好飽,質味兼重,但只是款式無加太賀個D咁多.小弟時常幫襯.

本來諗住去食吉野家o既~既然冇位所以咪去食第間囉~不過我都叫o左個牛肉飯~睇下邊個好食D~個牛肉飯D 牛肉都幾腍, 但係食落覺得好鹹,D 牛肉o既汁又唔夠吉野家咁多,唯一好o既咪勝在夠熱囉~ 我bf 叫o左個綠茶冷麵, 講真凍就夠凍,但係就好普通喇~同螢壽司真係差九條街喎~而最特別o既就係試o左個鹽燒雞軟骨串燒,燒得好香,咬落去個口感好得意,唔錯唔錯~依個絕對係值得一讚o既~^o^

呢度D 冷麵好鬼正,麵條非常彈牙,以香港冷麵水準來評,我認為是超水準之作,其次金菇牛柳卷也很好食,不過D 壽司就認真麻麻喇!

在下午茶時段，都有幾十款日本小食，任君品嚐，有三文魚、墨魚、鰻魚、北寄貝、蟹子、壽司、沙律、還有芝麻八爪魚等等美味小食，適合一家大小來品嚐，味道確不錯，價錢又經濟。