禮記美食中心

营业中

休息中

今日中午與3位同事到【禮記美食中心】午餐，我應該係比兩杯凍好立克照頭淋！由頭到底褲都濕晒！尷尬極了！😿棒餐待應拎唔懚個餐盤，突然傾斜成盤野倒落我背脊！我即時除咗件外套，另一個待應情急之下話，小姐我幫妳袋起件外套先，洗衫錢開番張單比我地啦…… 當時好多人望住我……笑，因為我成頭成身都係d奶類液體，個樣真係好狼狽喔😵！我同事碗羅宋湯發現有隻曱甴仔添！班待應好快手咁收起晒我地4碗羅宋湯，冇再補番及交代比我地！過咗一陣等人客走減啲就走埋嚟話：「其實洗衫錢應該好平嘅啫，今餐都唔駛妳地埋單啦！妳知啦！我地好難同老闆交代㗎嘛！當小姐妳唔追究架喇，小姐妳點睇吖？」我頂吖！當我屈錢黨呀？由發生直到個待應埋嚟講數，我都冇嘈過，我冇諗過要claim佢洗衫錢，仲要返公司攞1個鐘假返屋企沖涼換衫！好彩我住得近啫，唔係甜耶耶、立滋滋、啲頭髮漳到一餅野咁點頂啫？我只係覺得。。。點解連講句Sorry！唔好意思！都唔肯講？好似冇事發生過咁？太不負責任喇！我至最嬲！💥😡💣❎我唔會再幫襯依間咁堅持自己冇錯嘅服務態度食肆☠

禮記自助蒸氣鍋先講下佢有咩好啦, 首先佢個蒸氣鍋係幾得意但係記略略有略慢海鮮4個人有一盤蜆, 一人兩隻蝦, 都係幾鮮味既比較令人不滿既係佢既營運方式 佢地出食物既速度極低, 很多人都要跑去搶肉類食物, 廚師未出黎已經有不少食客係食物吧前拎定盤等夾牛肉, 只可以講一分錢 一分貨, 最後唯有食好多好多既丸同菜醫肚

在九龍灣工作都有一段日子，每日如發現新大陸般找到未食過的小店，就很想快點到翌日，快點到那些餐廳試試！又到星期五了，今日就到一家鋪名特別但經營手法如快餐店的茶餐廳—「禮記」。它令我聯想到在中學讀過的課文，哈哈！誠然，禮記都是如快餐店一樣般經營，所有的餐牌都貼在牆上，或者上圖的一塊大牌上。客人需在門口收銀處購票點食物，然後等候叫號。惟一不夠優勝的，就是禮記沒有外賣餐單，而且餐牌到處貼，令客人不能全面了解禮記供應的食物，要直接在店鋪查詢。今日不吃沙嗲牛肉麵了，再來一次吉列豬扒、再拼炸薯條、菠蘿包（$25）又如何？噢！原來不附送飲品的。那就算吧。一打開飯盒就有驚喜了—是我最愛的波浪薯條！不過不夠脆吧。吉列豬扒的麵包糠炸得夠脆，而且完整的包着鬆軟的豬扒呢！不過新鮮炸起，比較油膩。而薯條底下還有一塊青瓜和蕃茄，油多得很，吃不下。而菠蘿包是新鮮的，比一般麵包店的優勝之處是包面上的「菠蘿絲」不會在咬着時散落，反而緊貼在菠蘿包面上呢！好了，吃了早餐，不過是超級高熱量的邪惡早餐，又是時候工作了。聽說在信和中心有一間分店，不知質素又如何？希望找個機會一到。

附近有新開的餐廳, 所以來一試, 這間餐廳得食物有很多選擇, 以及任何的配搭都可以.有普通的茶餐, 燒味, 油炸野, 三文治, 漢堡包餐等等, 好似一個大的小食中心一樣, 樣樣都有.叫了炸雞腿餐配春卷加鹹牛肉煙肉西多, 飲咖啡. 炸雞腿很大而且很脆很好食, 春卷脆而且菜甜.鹹牛肉煙肉西多鹹鹹地很開胃, 咖啡不差香濃. 漢堡包餐也很足料大份, 大份的燒味如果配瀨粉最正.茶餐廳來講算乾淨, 服務也不差有茶有紙巾. 照片太耐已經無了, 不好意思.