禮記美食中心

营业中

休息中

今日去攞回鄉証，經過諗起呢到一間抵食茶餐廳，順便經過要嘆番個早餐先去攞回鄉証。今日係閒日，餐廳內唔算好多人，我點左個沙爹牛肉麵套餐，只係$30咋，仲有多士同腸仔飲品跟埋，算係幾抵食。沙爹味濃郁，牛肉口感算正常，唔會好韌，麵身煮得剛剛好，幾好。多士就㨂左奶油多，呢個味道唔錯，但包邊就有些小硬，飲品點左杯醒神凍鴛鴦，奶茶同啡既比適中，整體而言性價比都算高。🔎禮記美食中心 (九龍灣)📍九龍灣常悅道13號瑞興中心地下B號舖

叫左個自由配搭常餐$35, 外賣加$1, $36, 有3樣野: 分別係沙嗲牛肉米粉, 厚多士, 火腿炒蛋。厚多士D牛油幾香, 火腿炒蛋就一般, 炒得老左D。沙嗲牛肉米粉反而幾香口, 牛肉都有5-6塊(有大有細)。三十幾蚊黎講算性價比幾高, 都食得過

平時諗唔到食咩，都會諗起禮記美食中心，呢間餐廳巳經食過好多次，佢既選擇比較多，特別中意佢既豐富常餐，可以按住自己既飢餓程度去選擇，價錢由34-58不等，熱飲+$3/ 凍飲+$5。如果唔想食常餐，又可以食午市快餐，快餐仲包埋羅宋湯/例湯添，熱飲加$3/ 凍飲+$5。今日好肚餓，見到隔離枱點左咖喱薯仔牛腩飯，咖喱色水唔錯，一於試下啦。羅宋湯辣辣哋幾好飲，至於牛腩炆得冧得黎仲有咬口，咖喱既味道同色水一樣唔錯。地址：九龍灣常悅道13號瑞興中心地下B舖

今天開完會，剩下我自己一個，已兩點了，不夠半小時又有下一個call，又想出去走走，於是就去個頹餐廳吃個頹飯。雖然是頹，但那個例湯又不錯喎，沒什麼味精，節瓜味還明顯，ok。“咖哩雞扒飯加半條司華力腸”，頹飯固有的方程式，預先煎好的百搭肉，放在熱辣辣的飯上，加個汁 ... 這雞扒及咖哩汁，味道還可，雞扒還算嫩滑，一點也不柴，咖哩汁也不是粉漿，稠得自然，只是沒什麼香料或蔬菜的痕跡。當然，最無厘頭的就是那半條腸，也許用蛋或雞肉腸會比較自然，現在這個配搭，就在告訴我它們在清雪櫃！🥵

上次搵唔到九龍灣兩餸飯我們今搵到喇$26 2餸 平時閒閒哋都三十幾蚊一個飯 今日仲要加一蚊多一個餸tim 真係好平呀 講番啲餸 蒸肉餅都幾滑 咖哩汁唔錯 都幾香濃 係雞就um 左少少 推薦椒鹽豬扒 味道夠 只係放得耐淋咗 相信新鮮出爐嗰陣 應該真係炸得好香脆不過對我黎講 就份量唔夠 對一般女仔應該夠份量 啱曬附近寫字樓嗰啲要減肥 又唔想食太多嘢嘅OL 平得嚟又食到餐飯中午時間都幾多人排隊下 排到去蛋撻王嗰度 大家要預番少少時間 10分鐘左右禮記外賣

介紹一下禮記美食中心， 每次返工經過附近都會入去食午餐， 食物質素幾好， 今次同埋同事一齊食，意式吉列豬扒配炭燒雞串飯+茶走$51， 柱侯竹支蘿蔔牛筋腩飯+凍奶茶$50，常餐沙爹牛肉米粉＋ 腸仔煎蛋＋牛油厚多士＋茶走$35。 吉列炸豬扒好大塊， 但味道偏淡， 柱侯竹支蘿蔔牛筋腩炆得入味又香， 沙爹牛肉米粉係我至愛， 常餐還可以任意配搭， 自由度高！😉但可惜今次發現茶餐廳防疫措施做得不足， 有探熱處但沒有員工做體溫檢測， 店內也沒有特別做任何防疫措施， 相比起現在疫情之下，很多茶餐廳也很注重這方面了。

朋友帶我到他經常吃的茶餐廳😊， 位於九龍灣常悅道13號瑞興中心地下B舖～禮記美食中心， 常餐有好多選擇， 還可以自由配搭， 對於有選擇困難症的我🤔， 又一挑戰， 最後決定叫常餐（ 腸仔煎蛋加多士， 沙爹牛肉米粉 ， 美式雞扒 ＆茶走）$49， 朋友就點午餐（ 支竹火腩飯， 餐湯＆ 凍咖啡 ）$50。🍽️支竹火腩飯， 餐湯＆ 凍咖啡～ 餐湯是青紅蘿蔔， 清清地幾好， 支竹火腩飯味道正常， 份量很多， 凍咖啡味道香濃。✨🍽️常餐（ 腸仔煎蛋加多士， 沙爹牛肉米粉 ， 美式雞扒 ＆茶走）～ 沙爹牛肉米粉有大量沙嗲牛肉， 牛肉口感嫩滑， 美式雞扒肥厚， 腸仔煎蛋加多士都好味， 茶走有濃厚的煉奶香。✨整體禮記是一間性價比高的茶餐廳， 抵食大份， 味道也不錯啊！😁👍🏻

今日去咗九龍灣做gym，做完梗係要補充體力，但係又唔可以食啲junk food dirty food，見呢間茶餐廳開咗好耐，應該有啲質素。同女朋友一齊叫咗個喇沙海鮮跟豬扒，同埋多士火腿蛋配叉燒米粉。唔錯，少少略貴，環境以茶餐廳來講算好

通常黎公司附近嘅禮記食飯，都係食佢哋好豐富嘅常餐。但今日見到午市快餐竟有蒸烏頭魚飯，又見到隔離嗌左好似幾靚仔咁，就忍唔住試吓喇。雖然只係茶餐廳SET LUNCH，但呢個蒸烏頭魚係原條，細細條開咗邊咁，個人餐黎講份量一啲都唔少。烏頭用咗豉汁加鮮檸檬蒸，辟到醒味之餘，又帶個鮮味出嚟，唔錯唔錯。午餐連埋中湯，加$5有凍飲，成個餐都只係$54，就有咁大條魚俾你食，都幾抵㗎，所以見到依度好多人都叫依個餐。因為抵食好食，所以依間野LUNCH時候都幾多人，搭櫂就一定，有時仲會坐得幾迫架。

今日LUNCH想食飽D，就黎左禮記食飯。依度雖然係工廈地鋪餐廳，但每逢放飯都有好多附近打工仔幫趁。環境尚算ＯＫ，係要坐得迫Ｄ。佢地除左有一個好多選擇嘅常餐揀之外，每日午餐都仲有好多選揀，有西式飯類，又有中式小菜或蒸送，炒粉麵咁。今日我一坐低見到隔離食嘅乾炒牛河好似好靚仔，就忍唔住邪惡一次，叫左個乾炒牛河，午餐連中湯，再加$3有熱飲。乾炒牛河黎到，份量唔少，叫阿姐拎黎唔少得嘅辣椒醬，阿姐竟然毫爽的拎一支FULL SIZE的黎。河粉炒得乾身，碟底冇油，但粉唔會碎濕濕。牛肉成本高，但給得慷慨，切得大塊，醃得入味，這個價位，收貨有餘了。

九龍灣的茶記多，我挑選了一間外觀還可以的茶記試菜，入去之前，已經被外面炎熱的天氣熱得頭昏腦脹，內面的冷氣不足夠抗拒外面的酷熱。還要外加風扇才有涼的效果。沒差，先點食物再看這次點了一套十分簡單的下午茶，豬排包配沙律。沙律還是很好吃的，清清淡淡甜甜酸酸。只是略嫌沙律不夠凍，裡面連蘋果菠蘿也有，算是不錯的沙律。豬排包我感到意外，意外的好吃。面包經過烤焗，表皮香香硬硬，配上內面的豬排，是非常有口感的，外脆內juice，豬排都夠大件，煎得保留到水份，是個不錯的配合。凍檸茶則清清甜甜冰冰涼涼清清爽爽，是對抗外面炎熱的主要餐點這餐也只是不到30大元，滿足

要先到收銀處落單，再自行去比飛等拎食物，過程幾快，6分鐘內就有得食啦點左個常餐，腸仔炒蛋，加五香肉丁公仔麵 配吉列豬扒 飲凍奶茶 $51價錢就一般啦，唔算係低食但如果唔係好肚餓，可以兩個人食一個常餐賣相都唔錯，唯獨腸仔好油炸feel，其他食物飲品都ok呀而且地方夠大，有卡位坐，可以坐得好舒服，都適合三五知己傾計吹水，係間算幾好嘅茶餐廳，都比贊啦👍🏼By Good Chui😸

每逢星期一,都是自己食飯既日子。通常一支公的時候,我都會去禮記食個快靚整的lunch.今日叫左個東瓜火腩飯,所謂既男人的浪漫,東瓜都幾淋,夠入味! 火腩的口感有點似扣肉,食落唔算肥膩! 配埋個中湯+熱飲, 男人的一個午餐就係咁簡單!重點係性價比高,$48有湯有野飲,係九龍灣返工既人都知,呢個價錢算平架啦!

經過禮記數次，今早終於去試試。這間店地方不算細，但原來旁邊還有樓梯，通往二樓的「禮記美食」，原來是吃自助火煱的，而這間則是茶記。網友說這裏要先購票，取票後再等叫號取餐。也許今日是星期六，食客不多，因此有阿姐來落單，其後又將食物送上。這間茶記較為特別的，是全部套餐的價錢並不包括飲品，若要飲品的話要另加錢。我覺得這樣安排不錯，既可慳錢亦夠彈性，因為真有些人不想要飲品的。套餐的組合和收費亦夠彈性，基本上早餐和下午茶時間的價錢相同。而那個「豐富常餐」，更可以自由組合，食客可以按自己的喜好和食量來選擇，值得一讚。我揀了「陽光粉麵餐」中的B餐：沙爹牛肉改米粉+餐肉，加送的包類，則可以選擇餐包、菠蘿包和多士。多士又可以選要果占、煉奶、牛油和花生醬其中兩款，較為特別亦抵食，我揀了奶油多士。另再加$3試試奶茶，合共$28。首先要讚一下，未知是否客人不多，所以全部食物送來時都熱辣辣，食物夠熱已經加分了！其次要讚的，是那件奶油多士，竟然是厚多士，烘得金黃鬆脆，煉奶和牛油的份量不多，所以好吃之餘亦不油膩。多士是留邊的，因為新鮮烘好，故多士邊十分好吃，比飛邊好得多。奶茶亦夠濃滑，亦頗大杯，伴著厚多士吃，已經是一

最近黑白淡奶又再舉辦活動，茶記又有新意思，除了傳統茶走，還有紫薯牛奶和杏仁牛奶，喝到杯中有指定圖案就可換購Chocolate rain 奶茶杯碟一套，可惜去了幾次，不是茶記沒提供黑白杯就是沒有圖案，今天趁有點時間早餐還未吃，就再接再勵去。咸牛肉雞蛋三文治雞蛋挺滑，配少許咸牛肉是絕配紫薯牛奶色澤漂亮，呃like 之選，但紫薯味道較淡，還是夏天出品的紫薯紅豆冰內外兼備更可惜的是空歡喜一場，原以為幸運終於降臨，怎料是登記期已過的圖案，在錯的時間遇到對的圖案，就是感概不已唯有下次再挑戰吧！