禾田麵包

营业中

休息中

呢個係禾田麵包店既芝士撻，個個都好巨型而且好滿，同樣價錢係出面其他麵包店麵買唔到個咁巨型既芝士撻。咬落啲芝士好creamy，芝味濃郁，食完飽足感十分足夠。如果想不到下午茶食什麼，不防食一個芝士撻。芝士撻可以熱食也可以冷食，熱食和冷食有兩種截然不同嘅感覺。熱食就充滿芝士牛油味，冷食就有種在食雪糕的感覺。#禾田麵包 #天后 #芝士撻

夜晚食完飯經過呢間餅店，我有一個習慣，見到餅店習慣望一望櫥窗，睇吓餅店賣什麼。特別是家庭式的餅店，通常有意外驚喜。櫥窗陳列左蛋糕、啫喱、布甸等等，望落去都幾吸引，尤其係雪莓娘，一個個脹卜卜，好想買曬黎食！呢間鋪有雪莓娘，鍾意食忌廉嘅我，又點會錯過呢？於是我買咗一個芒果雪莓娘$12。外型滿分，好大一個，仲大過我手掌。皮好薄，煙煙韌韌幾好食！不過食左好耐，都食唔到芒果肉，成個三分之二都係忌廉，而且D忌廉係好稀個隻，食到最後，終於食到一啖芒果肉同蛋糕⋯⋯用料唔夠大方，有偷工減料之嫌⋯⋯

今日難得嚟到炮台山做嘢比較少去到啲港島咁偏遠嘅地方難得經過見到小店買緊麵包所以就決定買個蛋撻試吓見到佢得牛油皮揀而且蛋撻個中間黃色嘅部份都真係好黃下😂感覺上用咗好多蛋黃去整拎上手仲有少少暖一咬落去果下就feel到個牛油皮好實 即係唔會好容易碎晒嗰一種之後就食到中間嘅蛋但係就冇乜蛋香味可能係因為啲牛油皮嘅牛油味實在太重一味淨係食到好多牛油味食唔到蛋香味係而家嘅蛋撻都真係好少數因為大部份嘅連鎖店都起碼賣到7/8蚊所以下次大家經過都可以試吓呢間但係就唔好太高嘅expectation

It was a Sunday around 13:00 as I had just eaten a plethora of Chinese BBQ and was craving something sweet.Noticing the egg tarts for $5 I had to give it a try as I was unable to resist. Egg tart: To my surprise it was a lovely egg tart, especially for $5. If the crust would have had more butter and sugar in it, it would have been almost identical to Tai Cheong bakery egg tart. The filling was creamy, yet slightly firm. Not very gelatinous, which is a good thing for me. Also was sweet, but seeme

早上一直餓著肚子到午後，又要趕赴下午的約會，怱忙間在會面地點附近買些麵包頂肚。本來想買兩個麵包，怎料$8一個麵包買二送一，認真划算。沙律腸仔包的沙律醬比例恰宜，腸仔不會太鹹，影襯出沙律醬的酸味。除了沙律腸仔包之外，披薩麵包也是小人自選的。披薩包的腸仔跟腸仔包的果有不同，腸仔片混以茄醬和芝士，是一個好味的港式比薩麵包。最令人喜出望外的是這個另加的香蔥火腿包，雖然夾著的只是一些火腿碎片，但青蔥落手夠重，每口都夾雜著濃濃的蔥香，再加上面層少許的芝士做成香口的脆皮，教人回味不已！吃了三個包，充滿能量地繼續行程鳥~

禾田第一間開係電氣道水星街附近，啲麫包好食又特別選擇又多，有啲自創款式係人地店無，價錢適中，我係個麫包痴唔順路都會特登行過去買，間店又收得晏。佢地有個特大菠蘿包，買比任何人試個個激讚。另外店員好好，會熱心向你推薦介紹。當我知道佢再開多間近炮台山不知幾開心，以後唔洗行咁遠。但。。。原來，果然炮台山分店未必同本店一樣好，佢地個膠袋寫明電氣道有兩間店。一次又一次。。。中伏炮台山分店。。二次都覺得自己食緊啲隔隔日嘅麫包。好硬，餡少。點解兩間店差咁遠，試一次唔信，再試多次…唔好食不但止，又受氣…第一次買，店員找錢求其塞比你，錢跌落地都話知你。第二次又係同一店員…因為啲迷你飽無標記寫明係咩…我問吓啫，佢好勞氣咁衝出柜枱，好惡咁指個飽講係咩餡。無權利問???唔洗咁惡掛?仲要佢指住腸仔飽死話係呑拿魚，明明電氣道店係好Nice嫁嘛。希望本店店主改善吓分店服務咪趕客，令本來支持你地嘅食客失望。

現在市道不好個個都想慳錢今日想同大家介紹一下呢間好有心嘅麵包舖，一個靚麵包大家都知道係日本鋪頭可能買到20至＄30.1個但係禾田麵包，全日做買二送一，嗰個麵包都大大個，而麵粉都係有趙口的，佢哋出嘅芝士撻雞批蛋撻都係好長手芝士撻＄12一隻，買五送一，即等於＄10一隻。新鮮熱辣蛋撻＄5一隻，亦都是買五送一的。麵包我最喜歡紫薯包，另外沙律火腿包、日式吞拿魚包，奶黃菠蘿包都是頂呱呱，如果＄8一個麵包，買二送一， ＄16有三個啦。

兒時西餅 ”帽仔” (正名：荷蘭撻) 而家好難搵到，知西營盤有，於是特登去買，由於獨市一間，所以就算味道和外型欠奉都 “袋住先”！不過而家唔駛啦，因為喺偶然機會下，俾我喺天后搵到一間無論味道、質量、外型都係兒時食過咁樣的“帽仔” (呢間店員稱它做 “煙囪”)，$6 一件，真係好感動！"帽頂" 有 JAM+蛋糕，之後滿滿的忌廉，"帽身" 係牛油皮+蛋糕身，上有糖霜。鬆軟香口，而且口感實在唔太漏唔太甜。

今晚忽然想食cheese cake , 所以入左去買. HK$18/件真是可以話天后/電器道的小段中最平民價.  食開cheese cake 的都知如果去cafe/cake shop食一件都唔只呢個價.  我在東區一些地方見過更平的, 但事實是染色蛋糕, 俾你都唔太想食. 講返轉頭, 件cheese cake 原本我都以為無乜藍梅, 食落原來都唔少. 藍梅是用藍梅醬, 食到少少的粒粒, 我覺甜度可以, cheese 都算滑.  食完一件都唔覺cheese搞到滯. 以呢個平民價, 我覺是可以接受. 

之前有客人送了半熟芝士撻給我吃超好味，我的客人說，這間餅店雖然不是大規模但比起一些名牌餅店更出色，我就冒着好味加出衆相隔2天親自再去買但超失望，變了全熟芝士撻，出品好飄忽但店员服务態度好好，但芝士撻实在不能吃，是全熟兼難食同前2天真的差天共地。

今朝趕住出門口所以經過附近麵包店買左$10/3pc既麻薯波但拎上左結果唔係波係好似餅既形狀都唔緊要，點知咬開完全唔煙韌，空氣一樣可能小妹平常食果啲都幾有嚼勁所以就覺得依個好大差別

今日行過見佢$10/2個北海道鮮奶撻好抵所以買左2個嚟試下。唔知係咪唔係岩岩出爐既關係呢，放涼左食落覺得唔夠滑，牛奶味唔太突出，不過平均$5個都算係甘，抵食既。

收工經过呢家係天后既禾田麵包店 哇 係門口聞到陣陣既香氣 由於本人係个綠茶控 唔洗諗 即買兩件綠茶红豆煎餅 結果係...質感外脆內軟 仲有足料既紅豆蓉 堅係會令人愈食愈餓 最抵讚係食洛仍然微熱 外皮微脆 綠茶味唔算太重 但口感算輕身 唔太油利

🍴綠茶紅豆餅 $4/件 （$7/2件）.買嗰時仍然微熱，皮煎得微脆，鬆軟好食，綠茶味濃，紅豆蓉份量亦多，而且平均都係$3.5一件，絕對抵試!其實佢店既chesse tart 都好受歡迎，經常好快售罄，仲可以訂貨tim. 雙子妹我都食唔少，等我下次介紹埋先~ .

冬至剛巧係姨丈生日前夕，小肥喺天后收工，返屋企前就喺附近慢慢行，搜羅一個外表最吸引o既生日蛋糕，口味當然要係姨丈最愛o既朱古力啦 ！行經電氣道，見到「禾田麵包」傍晚時份仍企滿客人，XO仔亦趁墟探頭一望，發現廚窗內有個頗為別緻o既朱古力慕絲蛋糕，細問下得知兩磅賣$168，另加$5仲可以即場寫埋朱古力牌添，唔洗諗啦，一於去馬 ！收銀姐姐忙得團團轉，幸好負責寫朱古力牌o既係廚房入面o既師傅，細佬結果頭尾都係等咗八分鐘左右就搞掂，效率真係幾高 。有家人為自己暖壽，姨丈驚喜萬分 ，對朱古力慕絲蛋糕亦讚口不絕。朱古力味o既蛋糕底濕潤鬆軟，隔層o既朱古力慕絲亦微甜香滑，飯後每人一中件都唔會覺得好溜，美味又抵食，最緊要係逗得姨丈笑不攏嘴，認真抵玩！