秀 (已結業)

今個月初與幾位摰友到 "秀" 韓國餐廳晚膳，為其中一位好友慶祝生日，餐廳內的環境感覺舒服，食物質素極有水準。當晚我們 order 了一份二人套餐、炸雞併盤 (原味+辣味)、煎餃子，食物味道十分吸引，尤其那碟炸雞併盤，炸雞皮脆肉嫩，表面舖滿花生碎令炸雞更有咬口，原味款配以沙律酱品嘗更顯美味，而辣味款是我的至愛，廚師將蜜糖與辛辣味混合得恰到好處，美味非常。上星期六與太太及她的好姊妹再去 "秀" 幫襯，今次 order 了牛仔骨、芝士旦卷、海鮮煎葱餅，也少不了我的至愛炸雞併盤，前菜有一碟醬油豆腐卜，我在其他韓國餐廳重未食過，味道甚佳，難以形容，十分回味！總括兩次所享用的晚膳，食物色、香、味俱全，這間餐廳值得推介及幫襯！

南瓜盅十分好味，最鐘意有厚肉冬菇，入哂肉味同南瓜味，要預早一兩日訂先有得食㗎。聽講餐廳開張時，特意從韓國請來廚師，專業教本地廚師一年，所以食物十分地道韓國菜。十分好味。招呼又細心。

佢哋11月轉左老闆，管理好咗好多，員工全部都好親切，好有禮貌，好溫柔，就算要求多咗佢哋都冇比面色，真係超Nice！上桌時間都幾快。啲嘢食都好味左好多，特別係佢哋嘅韓國炸雞，好值得一試，外脆內多汁，點汁超好食😋！仲有佢哋嘅牛仔骨都真係超好食，肉質鮮嫩，好惹味！！！部隊鍋都幾好味同埋食嘅時候都見到好多韓國人去，睇嚟都應該好地道，唔係嘅話都唔會有咁多韓國人去。而且價錢都唔算貴，裝修仲好靚！好似去咗嗰啲高級咖啡店咁。反正我自從轉左老闆之後就覺得超推介！以前可能冇咁好但而家真係無論態度定係食物都超好囉！

朋友做業主,去左買樓,買完樓之後一齊去食飯慶祝原來建議食牛角,但因為時間關係所以轉左食韓國菜秀我好多年前食過一次,印象中都幾好,價錢合理我地3個人食左under $600,都幾抵食海鮮煎餅,有D厚,普普通通牛肋骨俾想像中出色,牛肉好淋好入味而且份量好多,加多個牛骨湯,好香肉味,超正

今天和同事一起到公司附近的韓國菜吃午餐。一共點了三個菜式。韓式石鍋飯 － 味道一般，味道比較淡。炸醬麵－ 麵底較淋，而且炸醬的味道亦偏淡。芝士玉子燒 － 完全吃不出芝士的味道，只能說是吃一個普通的玉子燒。各個菜式的份量是足夠的，可是味道麻麻。同埋我覺得lunch 價錢的話，這間是偏貴左小小。同區有其他更好的選擇。

一間我唔太推介嘅韓國餐廳😐🌟 炸雞拼盤 🌟本身見上網好多人大推 諗住試下但有啲失望🤐炸雞好似用左萬年油炸咁 炸到好深色又好似炸左好耐 好硬仲要我啱啱整完牙 食唔到硬嘢 食得好辛苦食兩舊已經唔想食😣🌟 海鮮香蔥餅 🌟薄餅幾煙韌 幾好食嘅😋幾大份 幾飽肚但我地影左幾張相 已經凍左🤯$98嚟講 我覺得有啲貴🌟 燒酒 🌟就係平時喺超市用十幾蚊買到嘅燒酒可能我地唔係叫左好多野食食唔到佢地韓國地道美食但叫左兩款都麻麻地已經冇動力再encore🙁🤑 炸雞拼盤 $188🤑 海鮮香蔥餅 $98🤑 燒酒 $70

趁住父親節正日去咗tst食韓國餐。以前讀書嗰陣都成日喺學校附近既「韓國街」食野。今次黎到附近既「秀」食飯。事緣book咗app有折，所以都叫咗唔少野食👻一黎阿朱媽會先上前菜。最鍾意係薯仔，非常惹味...但係份量唔多，大概每人每款一塊～未試過大醬湯，決定今晚try try～材料主要係冬菇、豆腐、蜆肉... 偏咸😕石頭飯真係好好食，幾種材料加埋一齊好有chemistry。混埋辣醬攪拌更加惹味。真係好食到一人食一個都仲🉐️！另一個favorite係炸雞。辣味好食啲，感覺似甜酸醬，唔食辣既朋友都應該接受到。唔使怕原味太寡...因為有沙律醬點，都ok架！至於其餘兩款就唔特別推介啦，麻麻地。不過整體而言，呢間都算好食既！大家不妨支持下呢啲小店，可以encore🎉

地點在近尖東既幸福中心, 通常係門口就已經聞到對面譚仔既湯底味, 所以都可能幾難留意到呢間門口特別細既韓國餐廳。平日有商務午餐, 不收加一。餐配海帶麵豉湯及前菜, 之前光顧前菜是兩人現在疫情下就分開了一人一份。今次食了11號的豬肉伴飯, 份量足蔬菜亦新鮮爽口。炎熱天時吃最好不過。另外推薦的是7號泡菜豬肉飯及9號的粉絲飯。粉絲飯如果不叫少飯是一定吃不完的!不推介既係16號海帶湯飯,因為個湯真係同送個湯一樣。味道正正常常, 係調較了合香港人既口味。呢度防疫措施好好, 門口有搓手液, 亦有紙袋供暫放口罩, 大枱有透明膠板間開。入座亦有一壺滾水俾你自行食具過一過水。食得放心安心的。

好耐無食韓國菜，今次同朋友來，佢平時係日本控，今次係第一次食韓國菜。佢對炸雞個d無大太興趣，就同來試下呢間啦!牛骨湯：去首爾旅行時都會按排一餐飲牛骨湯，呢度既牛骨湯同首爾飲到個d味道好似，而入面都係有面線架。泡菜煎餅：朋友唔係好吃辣，但呢個佢都可以接受，泡菜餅煎得香脆，份量都好足。黃花魚飯蕉湯定食：朋友以為飯蕉係脆脆既，分開既，一上來見到係飯蕉係湯入面浸到霖晒，各自食左一細碗後，d飯蕉就脹晒，口感就麻麻了，反而黃花魚煎得香脆，新鮮熱辣拎上來。走既時間仲見到有幾桌韓國人來食。

今日下午茶時間叫咗兩個午餐（沒有牛骨的牛骨湯配白飯同埋韓式伴飯）同$188嘅炸雞，食物方面可以話係緊緊合格，韓式拌飯算正常，炸雞出嚟嘅時候是脆的，但醬汁奇奇怪怪，而重點的牛骨湯，一舊牛骨都沒有只有三舊牛肉賣$70以上，而牛肉係一舊完全連咬都咬唔開的肉類。最想分享並不是食物而是在環境，我和朋友坐靠窗位置，餐廳嘅員工在我們開始進餐的時候，他們在我們的前，後，唯一的旁邊枱坐下，然後不停大聲地討論尋日午飯的已臭魚湯，聽到我們不斷反胃，仲同提及用保鮮紙包住水喉，聲量大到好似怕我哋聽不到一樣，近廚房的那張枱，仲有一位阿姐勁大聲地用內地語言傾電話，我已好大聲說已經嘈到我哋，但可能個幾位呀姐不是講廣東話，所以並沒有理會我們，我哋頂唔順要調枱，聲量都沒有減輕。在我們調枱後，幾位阿姐直接躺在長椅上，連鞋都除埋，果一刻我完全不覺得我是值得用$300以上去食三個食物，極度嘔心。唯一值得提一提，只係一位比較年輕識講廣東話的員工是有禮貌地對待我們，我有東西在調枱時不見了，仲主動幫我們搵個垃圾桶，最後搵返，除此之外沒有其他好處😰但我絕對不建議任何人來此餐廳食飯，無論任何一樣條件都並不達到正常餐廳的要求😓

用app訂6點食有半價。試過就覺得算抵食。尖東好靜。無乜人。食成餐飯得我一枱。可能早既關係。真心希望生意多d，唔好無左一間好味既食店。講反食物先。前菜好食，諗左好耐，叫左牛仔骨。炸餃子。豆腐鍋。炸醬麵。牛肉紫菜飯卷。份量好足。勁飽。味道好。只是炸餃子冇乜味。可能叫泡菜餡會有驚喜啲。豆腐鍋好食，近排成日睇人食豆付鍋。搞到想食好耐啦。全餐飯好滿足。食左400幾蚊。好抵食。其中牛嗰個無折扣，但都叫左，如果有折就抵到爆。正價食都ok，服務好。有禮貌。會再次光顧

辣汁拌冷麵 $75辣海鮮湯麵 $90部隊湯煲 $100-呢間韓國餐廳係尖沙咀開左好耐 不過位置係尖東嗰頭 唔係韓國街所以未必話好多人去 當初都係N年前🐷既朋友帶我去呢度 嗰陣第一次食部隊鍋！-冷麵既麵質唔係一般韓式拉麵 類似蕎麥麵食落口好彈牙 冷麵配埋啲醃菜同韓式辣醬好開胃😋係而家咁熱嘅天氣食最啱！不過注意返個麵份量睇落唔係好多 但係一夾落去就知份量充足 細食既人同朋友share會好啲-部隊湯煲份量充足！一個人食完既話應該好滯吓 湯底味道唔錯 唔會太辣用黎撈飯好夾 不過成個湯煲最好味既係個粉絲吸矖啲湯😋-辣海鮮湯麵湯底夠辣之餘同濃味 而且好足料所以🐷好中意食 雖然食到佢出晒汗🤣同佢一樣中意食辣既人可以一試！

我估有超過10年歷史，係尖東有實力嘅食店，都幾多韓國人嚟食，疫情後無嚟過，同之前有少少唔同，除咗人少咗，前菜每位一份，之前係share 型式，另有熱水提供洗餐具，其實本身都幾乾淨，所以都非必要。嚟過無數次，今日前菜係通粉，泡菜同薯仔，嚟過咁多次都未見過通粉，其實有啲怪，不過都試下，食落又真係唔多吸引，泡菜對我嚟講係偏辣，點咗我最愛嘅係牛骨湯飯，熱辣辣，湯有牛同麵，另上白飯，個湯幾好味嘅，麵質我都鍾意，份量好多都只需75仲唔使加一所以之前好多時lunch 都要排隊

尖沙咀同同事一起食lunch，搵咗間韓國野食，裝修浪漫韓風，位置都多，坐得舒服待坐下一陣，侍應就送上四碟小菜。我很喜歡甜薯仔和青菜，碟青菜唔知係咩菜，超級有嚼勁，感覺很多纖維啊，同平時食過既其他青菜好唔同雜錦拌飯HKD70有雞，豬，牛選擇，我選擇了牛，拌飯係超大一碗的，有很多蔬菜，很新鮮的感覺，入面的紅蘿蔔超級甜，牛唔係平時果隻薄牛片，係堅手切的大塊塊牛肉，好有牛肉的韌性，好味道，自己手動加醬料，怕辣的朋友仔就少放醬料啦牛骨湯 HKD70湯入面有麵，但又額外配咗飯，分量都多，剛剛送上湯仲係滾緊，熱氣騰騰，牛骨湯清甜得來又唔會感覺淡，撈飯食一級棒

典型小韓國餐館，枱與枱之間的空間不大，不會坐得太舒服，會聽到鄰枱說的話。上一次來是平日的午餐時間，坐滿了人，但星期五的晚上卻只有兩三枱客，而且9:15就last order, 9:45就要關門了，我們8:00 到店，點了鐵板烤五花腩、辣泡菜豆腐豬肉湯、水冷麵、泡菜薄餅，食物吃完卻連想要飲杯燒洒傾計的時間也沒有。不過黎呢度也不是吃環境，講返食物，這𥚃的韓國小碟（泡菜、甜薯仔）都幾好味，鐵板烤五花腩乾了點，肉質不夠好。泡菜薄餅不夠泡菜不太夠味，又不薄脆。幸好水冷麵幾好吃，而辣泡菜豆腐豬肉湯是我在香港喝過最夠味最足料的，豆腐和豬肉也有很多，豬肉又煮得很入味又吾韌，不會太辣，我們幾個朋友都讚這個湯夠晒濃郁惹味。整頓飯$534， 三人份量，還好吧。