秀 (已結業)

午飯時間去韓國街太遠，好彩附近有秀！間中經過都要等位，咁啱今日未有人等位可以即入！坐位未算舒適，不過有真·Oppa招呼有加分😂我地4個人每人叫一個石頭鍋，一共有8款前菜，款款都好好味！特別係個薯仔，甜甜地好得意～石頭鍋新鮮熱辣，今次叫左大豆湯定食，味道有啲似微辣的麵豉湯，煲內有不少配料，除左勁多蜆之外仲有豆腐同蔬菜，同事嘅泡菜豬肉湯都唔錯，唔算好辣～配飯一流！

姐妹又聚會，先會食多啲不同好野，去食韓國菜「秀」芝士蛋卷：熱辣辣，一夾起啲芝士被拉出黎～好邪惡哦！同整個蛋卷好軟綿綿呢～韓式壽司：很正宗，材料十足，仲有淡淡既麻油香牛肉粉絲湯：和一般食既差不多了韓式炒粉絲：好香麻油味，同配料都好豐富泡菜豬肉飯：哩個飯會越食越惹味，多款前菜，可免費添加一次哦！另外，我覺得餐廳幾好，唔會坐到好迫，環境又唔嘈。

每次有同事話想食韓國菜,必定會選擇秀每次去食都坐滿人,但唔駛點等位就有得入有好多款可以選擇,落完單就會上四碟前菜,我最鐘意食佢個甜薯仔!之前試過泡菜豆腐湯,冬天食就最岩,因為夠熱同夠辣但我多數會選擇韓國粉絲炒豬(可以選擇牛/豬/雞,價錢都係$70)每次上碟都係粉絲多過飯好多好多,因為粉絲先係主角嘛望落好似有D油膩,但食落唔算油,粉絲好彈牙,不過可能因為炒絲太多,變左肉比較少,所以想食肉為主既就唔好叫呢個喇

Me and my friend trying to find Korean Restaurant around Tsim sha tsui east and we found one located at Energy Plaza , we ordered their new menu Seafood stew it was so delicious and the soup was so tasty , can also ask the staff to add the soup. It also include noodles separately.they also gave 6 side dishes and its not bad too ! surely will come back and eat this stew again , will recommend it !

在商場門外看見這間店的poster 看似吸引 不假思索 進店 午餐選擇挺多且吸引終於選擇了牛肉鍋本以為只是牛肉湯配上飯誰知湯內還有雜菜及粉絲湯頭帶有胡椒味 帶點微辣更讓人開胃 不禁使人一口接著一口的吃下去配菜方面 也絕不欺場選擇多 至少有我至愛的薯仔泡菜也不太辣 正合我意 如此組合也是$78再加一夫復何求

星期日約咗三個朋友出嚟聚一聚，約去尖沙咀食韓國嘢，隨意揀咗位於尖東嘅”秀”。佢近住科學館，搭隧巴去好方便。估唔到星期日都有lunch set，仲有24款，有辣有唔辣，每日供應。小碟嘅前菜唔算好多，唔太特別。我哋揀咗石鍋雜錦牛肉拌飯定食(可揀牛/豬/雞)，味道唔錯~炸醬麵好大碟，用料新鮮，醬汁甜甜地相當開胃。仲有牛骨湯麵，個湯好好味，仲有好多片牛肉喺底果度，d麵幼滑彈牙😋另外叫咗個韓式海鮮煎餅，朋友覺得好好味，但係我就覺得啲粉比較厚。 總括嚟講啲食物嘅質素都相當好，抵食夾大件，服務亦親切，坐得幾舒服。埋單每人都唔使＄100，有機會會再去。

今日中午時分黎到尖東，係咪太耐無黎尖東呢？成個尖東都俾啲大陸人侵佔哂！想搵間嘢食都難🤦🏻‍♀️🤦🏻‍♀️🤦🏻‍♀️🤦🏻‍♀️行遠少少去到幸福中心有幾間嘢食，見到哩間叫做秀既餐廳，再望下原來係食韓國野，間餐廳其實都爆爆地，但咁啱有張二人台，我同朋友就入咗去食啦。不過入到黎先知原來呢間餐廳都好細間，呢度啲侍應都係韓國人啵，咁即係好地道啦間餐廳？睇到午市餐牌都幾多選擇啵，我地嗌左石鍋雜錦拌飯同埋牛肉湯飯😋😋😋然後侍應就俾咗四碟前菜我哋啦，個泡菜真係唔同啲喎，因為平時食開嗰啲都係咸啲既，呢間就比較清淡，我鐘意呀！可能今日冇食早餐嘅關係，好期待我嗰石鍋雜錦拌飯，一上枱個石頭鍋都幾大碗喎，見到都好足料，起碼我見到啲牛肉係一嚿嚿，出面好多韓國餐廳啲牛肉係碎碎地既，不過溫馨提示要快啲搞下啲飯，唔係真係好痴底囉！朋友個牛肉湯飯都幾好味喎，開頭以為牛肉好少啦，原來全部沉晒底，同埋個牛肉湯裏面係埋麵線，再加多一碗白飯，好飽呀！然後我哋在嗌咗杯熱柚子蜜，好大杯！

食食食，食整都未夠，一班人齊齊食，叫左6碟都好似重未夠。以為尖東夜晚食飯好爆，又唔係喎，呢間唔比人打電話book,去到先知一入即有枱。一面坐一面等，一面睇下隔離枱叫左咩。隔離枱個碟牛仔骨香噴噴，我地都叫左，好好味。重叫左年糕炒魚餅，炸雞，韓國壽司。

係尖沙咀食韓國野的確幾多選擇秀 依一間位於近尖東如果味道＋環境整體黎講佢唔會係我encore之選環境入到去其實有D殘舊坐得唔算舒服而衛生情況只是一般般食物方面 有D幾好有D麻麻韓式炒粉絲即叫即炒 夠熱 味道ok芝士焗辣雞亦都係熱哄哄上枱唔食得太辣 可以同店員要求少辣雞肉亦算嫰滑較為失望嘅係壽司飯同芝士卷蛋壽司飯味道偏淡 沒有少許醋飯味之味道芝士卷蛋雖然有幾舊充滿芝心不過好快冷卻而整體芝味也有點不足另外朋友仲叫左支梅酒我個人本身不好酒所以對於我黎講有點難入口環境氣氛： ★★☆☆☆食物質素： ★★☆☆☆服務態度： ★★★☆☆

生日主角想食韓菜，其中一位朋友就一早"搵吓食"，搵間今晚9人都未食過嘅韓式餐廳，有新鮮感得來大家又可食新菜！事前無刻意細閱這間餐廳食物，只記得位於尖沙咀加連威老道。當日搵地點先知原來喺以前B1層唱k嘅中心，坦白講第一個印象感覺此地方冷清凋零、特別係下一層洗手間更破舊寂寥。餐廳環境就有點歷史感，不過算舒服，而且衛生都唔錯！大概六點半比訂枱時間早到，但餐廳內都已有幾枱客，服務姐姐好有禮貌話安排我哋坐住一邊，隔枱客離坐就再拍埋。又好細心主動開埋冷氣，而進餐過程亦有留意我哋需要，仲有上菜時更突然送上一個類似蒸蛋食物，可能我哋多人又知道在坐有生日壽星到切自帶蛋糕吹蠟燭時又主動較細冷氣風，所以有時小店嘅服務比好多大餐廳更細心周到+窩心！食物方面，共點咗11種食物，可能無期望下就真係會有驚喜上主菜前先來兩盤韓前菜，每盤6碟仔，如唔夠，可向服務姐姐refill，前菜樣樣都幾好食喎！辣炒鮮魷 - 辣鮮魷好爽口又好惹美，汁再配附上嘅麵，好味滑豆腐海鮮湯煲 - 隨海鮮湯附白飯一碗，豆腐滑，辣辣哋幾好飲。韓式辣年糕炒魚餅 - 年糕同魚餅好配，又係辣辣哋又入味炸雞拼盤 - 炸得好香脆、雞肉又滑，辣唔辣都一樣正韓

禮拜日中午到秀韓餐廳吃中午飯比較便宜。係去天文台道那邊吃韓食的另一選擇😋剛剛係禮物日中午，樓上許多韓國人完成了主日聚會便下來吃午餐, 整個餐廳環境, 人客同食物都變得很地道. 餐廳牆壁上會找到五張宋仲基嘅靚仔相(阿仔數嘅，我唔肯定）前菜都係泡茶，不太辣，叫老闆比多碟.午餐啲set lunch 較平， $80~$100. 叫咗石碢雜錦伴飯，飯礁很脆, 不太黑, 最好立即夾起來吃, 伴辣醬都醒胃再加個牛骨湯，有啲味精，睇落冇乜牛肉，只有湯米粉原來啲肉喺晒底! 還有韓式炸醬麵都很清甜 炸醬雖外觀不揚但伴辣醬伴飯一流

Was there for lunch. Super cold ! Remember to bring a jacket but the temperature is perfect after you have the hot stew soup. Average Korean stew, there is lack of depth in the soup base. But quick service, not bad for a lunch place. With all the nearby Korean restaurant, won't pick this for dinner.

放工去搵食，路經幸福中心見到有間韓國餐廳，於是入左去見到全場得2-3枱客，好似好奇怪不過吾想再揀，試下無所謂啦餐廳環境設計幾特別，有街燈系室內先黎左啲前菜，味道幾好幾開胃呀然後試左網民推介的泡菜煎餅 $95有大同小選擇，叫左小份無咩味，點啲汁食都係淡淡 跟住叫左冷面 $95青瓜絲蘿蔔絲牛肉蛋，一層層咁疊上去覺得味道一般般的.. 面太多食食下發現全場得返我地同另一枱客但當時好似係8點半咁上下.. 呆總結黎講，前菜果6碟野係FIGHT低左果2道菜式

在一次放lunch去買外賣等待外賣的時候，發現原來有間韓國店在那裏附近，於是本人這吃貨很快就去試味了，雖然本人未算是食量最大最吃得的人，但也算是個小吃貨！這間店的一鍋份量就足以讓我飽得很滿足，吃得出這店對食物的堅持！本人每次都把食物吃光光！不過覺得欠缺一點就是只有任飲白開水沒有熱茶，本人比較喜歡食物配香香的熱茶，配上熱茶的話，那就更完美了！本人會繼續光顧這店的，回味無窮，無時無刻也會想起這裏的食物，愈想愈肚餓！

今日兩人稔住去金巴利街嗰間秀，點知原來已經結束，非常可惜，不竟呢間幫襯咗都有六七年，韓國人主理有真韓國嘅味道。上網搵第二間韓食，點知見有間又係叫秀嘅韓國餐廳，見個招牌一樣，咪稔住試下，去到問係咪分店，即答唔清楚，佢咁答都應該唔係，而且全店得一個人幫襯，靜到呢。。。唔緊要，稔住一試無妨，前菜正常，但一食就知唔係金巴利街嗰種味，點知海鮮辣麵一碗糊，年糕水水餃湯係完原冇味，係湯同水餃都冇味，其他嘢未嚟前搵店員理論，嗰戴眼鏡嘅麻甩佬店員就話啲嘢係咁，我話有冇攪錯，佢仲回我唔好食就咪食。。。我只係反映食物質素，佢仲俾啲咁惡劣嘅態度回應，最後cut order走人。