秋田日本料理 (已結業)

朋友食過附近秋田日本料理話幾好食，今晚阿媽唔煮飯就落去試下，鋪外鋪內裝修都以木為主，鋪內簡單既裝修，但座位都ok，鋪頭雖然唔大間，但都幾多野食選擇！隨便叫左d個三文魚炒飯，香噴噴熱辣辣，師傅炒得幾香口，炒得色澤均勻，粒粒黃金分明，唔會太乾身岩岩好，三文魚油香味滲晒入d炒飯到，食起黎好香三文魚味，三文魚份量又多又大粒，食落唔止有飯食，仲又有餸食，再加回蔥花，賣相更吸引！玻璃蝦壽司鮮甜好味，帶子壽司帶子都幾大粒，都好鮮甜好味！ 三文魚刺身色澤好靚，新鮮肥美，肥瘦比例岩岩好，師傅厚切食落啖啖肉，食起黎不單止唔漏點埋芥末一齊食非常好味！ 總括樣樣都唔錯，價錢既合理，都值得推介！

今日和同事周圍揾食，平時大多數在屯門市廣場、Vcity等大型商場午餐，今日終於機會試下尋常小店。秋田日本料理位置比較偏僻，在華都商場地下，與屯門市廣場Aeon地庫隔條馬路，熟悉屯門的朋友應該也不難找。我覺得秋田的午餐Set也頗美味抵食，而且選擇不少。我點選了吉列豬扒烏冬，先說豬骨湯底濃郁滋味，呈奶白色，吃一口煙韌的烏冬再呻一口豬骨湯，美味過人。吉列豬扒份量很多，炸到甘香酥脆，粉漿厚度很薄，不會覺得成口粉，而且有生菜墊底吸油，減低油膩感! 脆卜卜的吉列豬扒，點配甜甜酸酸的沙律醬，很快便吃光光了! 總括而言，秋田的午餐Set性價比高，四十多元也可以吃到厚實的吉列豬扒烏冬連餐飲，頗為難得! 所以大家有機會也到地區小商場發掘特色小店，可能會有意外驚喜。

一黎到見到有兩張四人一張系近廚房一張近門口，枱佢比左張近廚房嘅我地，但系因為有bb又唔想架bb車放系路中心阻住人記問佢可唔可以坐另一張？點知個侍應答：我唔知喎我淨系知啲野好重咁算啦，我地即刻讓開比佢啦，另一個都比我地坐近門口，叫左野食之後都好快上。叫左個八爪魚壽司，我以為系芝麻八爪魚所以上果時我話好似唔系我地，之後個侍應就答：我地不嬲都冇芝麻八爪魚系得呢個嘅，咁我就話咁算啦唔緊要啦，點知佢話冇得你唔要就走左...我都冇話啲咩又冇要求取消點解要咁講野呢？你番工做到燥都唔代表我要咁黎受你氣睇你面色架，完全系貼錢買難受，一定唔會再幫襯！

為了秋田我不得不開ACCOUNT，寫我人生第一篇食評。平心而論，秋田有其優勝之處，但這次體驗其優點卻遠不能彌補。優：-侍應服務態度好：不斷斟茶，即使我與朋友幾個字後（因朋友遲到及餐廳客人不多）才點餐亦沒遭白眼-價錢不算高：免加一，晚餐平均消費約一百，一碟壽司約十五至二十元劣：壽司飯質素奇差：壽司飯沒壽司飯味不在話下，還要極“淋”且糊成一團，然後被緊緊壓成一個大飯團（像秶飯般黏），真正的“味如嚼蠟”食材不新鮮：帶子北寄貝沒味道，軟殼蟹則有油溢味，其他質素平平紫菜還是紙菜：吃壽司紫菜變軟絕對可以接受，但前提是可以咬開吃完這餐，帶走的是一個疑問：壽司師傅究竟是以怎樣的心態端出那些壽司？我不奢求什麼精益求精、力臻完美，只求己所不欲，勿施於人，如果西九明將是boss,那秋田是final boss，最遺憾的是秋田沒意見表，不能傳達顧客寶貴的意見。

中學時期已經好鍾意去秋田食，價錢平，款式多，份量大。對於一個經濟能力有限既中學生係幾咁吸引。升大學後都好耐冇幫襯😭今日見得閒去左食晏叫左個照燒雞排大碗飯，多飯就唔洗多講啦傳統黎既，今次塊雞皮燒到好似炸子雞咁款真係好正好正，雖今次啲雞肉痛啲「鞋」口，但我相信係批雞既問題黎嫁姐😁😁😁

秋田由我在屯門開始返工,已經開了10年時間，以前成日和同事來這裡吃午餐，近年來少去秋田，昨天和同事一起再來吃午餐，接近1年冇來秋田了，秋田有好多學生同OL光顧,它的價錢不算太貴，我和同事只叫34元價錢套餐，我和同事分別點了咖哩魚柳飯，咖哩汁要求另上,曽看過其他食評咖哩汁太多，其實，我來了秋田無數次習慣叫咖哩汁另上 ，我不愛吃辣咖哩汁，秋田的咖哩汁偏甜,十分啱我的口味，我覺得整體一般,至於服務呢,我覺得服務OK,並不算太差亦不是特別好,我每次去秋田，店員好快走來寫野 ，我覺得服裝OK，環境就一般,座位之間尚算舒適食物水準咖哩魚柳飯，魚柳炸得太乾,冇以前咁厚，而家細塊咗好多，白飯就一般咖哩汁，它的咖哩汁偏甜,啱不愛吃辣的我雞朳烏冬,根據同事所說，它話好吃奶茶，我覺得一般,奶唔夠滑,茶味亦唔夠,普通啦服務由我在屯門返工,光顧無數次,服務都OK,亦冇出現其他食評所提到店員態度差問題，我覺得這裡服務只是一般,它的店員冇咩笑容就真環境地方適中，座位之間尚算舒適價錢34元,我覺得不算太貴番吃間中都來

今次食到一肚火,嬲到唔開AC講唔得,如果有任何抹黑可以三口六面講清楚,有日中午同女朋友到呢間餐廳食飯,我叫左個牛丼飯,女朋友叫左個定食,重點就係我個飯,個碗大大洋蔥個份量可以講極多,肥牛既份量大約係打邊爐既一條,剪斷幾段咁,我本身都諗住算,照食冇影相,佢地都係做樓面廚房點整管唔到,所以等佢收碗果時好好聲氣講一句(如有不同可以當面講清):姐姐呀,下次同廚房講下D牛肉多番少少,洋蔥就好多,之後佢同我講:     我地呢個飯係主食洋蔥,我話:下!牛肉飯主食洋蔥?! 佢:係呀,出面間間都係咁 我:下,起碼吉野家唔會先囉  之後佢答我 : 咁你做咩過黎食?唔去吉野家?! 講完就行開左,等到埋單,我就鬧佢牛肉飯主食洋蔥,不如改名叫洋蔥飯, 佢回應我:廚房點整唔關我事我理唔到, 之後我行出大門果時仲好大聲講一句:食開吉野家就唁好過黎食啦食佢呢到貪佢個洋蔥飯平咩,42蚊,我出面唔好食都唔洗受氣,我住附近先黎試食下,如果大家想洗錢,唔飽兼受氣,黎食真係不二之選!

今晚同朋友在屯門區搵食，四周圍都排隊等食，朋友介紹了這間，等了一陣就有位！這裡有套餐，我見二人餐好豐富，不過我們點了定食，定食個餐好豐富，我點了生薑牛肉飯定食。前菜：兩片三文魚刺身及日式沙律。三文魚刺身不錯，沙律就比較凍！主菜：麵鼓湯、生薑牛肉及白飯。麵鼓湯正常，生薑牛肉應該是即炒，洋蔥多，但不覺得有生薑，炒得比較多油，汁比較多，牛肉是勁肥的牛，自己吃不到太多！還有餐茶，價錢算平，$70左右，定食算是豐富夠飽肚，還可以坐耐些吹水，因不算多人等位，職員也沒有比壓力趕人走！

今日老公陪我食lunch,之後我先返工!!佢帶左我去食依間”秋田”…老公話秋田幾抵食,價錢公道!!12點幾黎到, 都5太full….我叫左個咖哩雞扒飯+$10 有2件三文魚壽司,仲有個湯湯..野飲!!三文魚壽司: 塊三文魚還可以既, 但d飯真係唔得!!一夾就散咖哩雞扒飯: 太多汁啦, 感覺似食緊粥飯,搞到好淋!!!最後個湯係咸左d..但老公話好食, maybe食麵會好d掛!!!

幾個月前去過呢間嘢食晏，叫咗燒汁雞扒飯，發覺唔夠汁，咪叫侍應比多少少汁囉，點知個肥妹話要加錢，即刻O嘴，之後一排都無再去食......今日經過見到佢哋轉咗menu，咪入去試吓叫個下午茶，燒汁牛扒大碗飯，碗飯嚟咗之後發覺好少汁好dry，咪叫侍應比多少少燒汁囉，點知佢話已經比多咗汁，跟住無理我就行開咗嘞，今次真係火都嚟，要寫上嚟比人知道吓呢間嘢係咁屈客人錢架！！！

I would consider this is "Excellent food" for this price rangeFair price on manu No survice charge is one nice thingA set of 10 sushi is just $50Shushi are of normal sizeNo wield smell nor taste was foundEnough waiters serving in the resrurant, their reaction speed is accetable.Lighting is rather dark such that difficult to take photos with food.This is one point to note if people love taking photos everywhere.

由1999年開始幫襯至今，平均每個月最少幫襯兩次，仲要中意到每次都會去打卡，朋友都忍唔住問....我係咪老闆？推介呢度既刺身呀，平靚正，但其實我最中意的係拉麵啦！佢個辣湯拉麵好正呀，辣到上癮.....牛油金菇焗帶子都好好味！(唔記得個全名啦)

返左大半個星期工~又係時候獎勵下自己~~為免係旺角排隊等等等浪費哂D時間~都係返屯門食日本野好D~今次叫了唔太多野~一個海膽三文魚飯同少量SUSHI~~海膽三文魚飯：海膽量一般~都算新鮮~但三文魚係粒粒~唔係一片片的~好處係可以攪埋海膽一齊食~~SUSHI：海膽墨魚 , 吞拿魚 , 燒墨魚so：不過不失的海膽墨魚~吞拿魚就麻麻地~~反而覺得個燒墨魚so幾新奇~有咬口~值得一試~街坊生意~~總不能跟旺角的壽司店 或 大型連鎖店比吧~~至少....尼度唔多需要排隊...每次去大型連鎖壽司店...見到牌上既號碼...同店外的人潮...足夠令我投降~

其實小妹成日都黎尼度食野~~又近屋企~~又唔太貴~~加上通常唔洗等位~~不過就多數都係食晚飯~~~LUNCH就比較少~~大大話話都食左5年幾了揀了一個 SUSHI LUNCH SET有5件手握 , 2件卷物 , 湯 , 蟹子沙律 , 野飲其實我就覺得幾飽.... 蟹子沙律超大碟.....如果手握壽司可以揀就完美了~~!!三文魚: 算肥美蝦 : 可能本人唔喜歡食熟蝦 , 所以覺得唔好食~北寄貝: 麻麻地魚: 一般卷物: 正常話佢好差又唔係...好好味又唔係.....平時DINNER散叫既壽司 , 會比較好味~都會再黎既~~不過都係叫番雜錦魚生飯會安全D~服務: 唔錯~~不時有人黎加水~~態度好好~

星期日既屯門,周圍都多人排隊,七點幾去青森食飯???? 起碼要等一至兩個鐘啦....成日見到呢間秋田,都想入黎試下,男友話佢好耐之前黎食過,都ok 架,咁黎呢度開餐啦,7 點半黎到,等左10 分鐘左右就入得喇 魚生壽司拼盤,魚生算新鮮,壽司麻麻,d 飯應該係用機啤.... 前菜：茄子同青瓜,茄子我冇食到,青瓜應該用醋醃過,對個人黎講太酸.... 炸蝦同軟殼蟹,兩樣既粉漿都唔多,蝦係半生熟架,正~!!至於軟殼蟹...個人唔識欣賞...只係覺得好大朕油膉味.... 牛肉炒什菜,呢個好味,送飯一流~!! 照燒雞扒,雞肉乾左d....另外仲有麵豉湯同飯,湯普通啦,碗飯用珍珠米,煮得岩岩好,抵讚埋單$188 ,最正既係佢全日不設加一,呢個價錢有咁多野食,抵~!!