秘坊

营业中

休息中

秘坊雞髀配西多士 $30雞髀可以揀滷水雞髀或者炸髀😍 個套餐原本係配薯條 但係我就加咗$4轉西多士🥳炸髀咬落去有肉汁😍 塊皮仲好脆口另外西多士都好好味🥺 佢有三層 每一層都夾住厚厚嘅花生醬 仲食到有唔少花生粒😍 再配煉奶正！得兩舊完全唔夠喉😭秘坊煎餃子 $26餃子有韭菜豬肉同埋蕃茄豬肉揀 我哋就揀左韭菜豬肉🙆🏻‍♀️一共有五粒 食落都脆口 但煎餃個底有少少燶🙈 如果唔燶就更好😬 不過小編就私心西多士多啲🤫聖誕節限定❄️ 白雪雞球雖然雞球比我想像中細粒 但係食落去口感豐富✨一共有四粒雞塊 上面嘅白雪食落口感脆雞塊就食落去酸酸甜甜🥰 都幾開胃

真係慕名而來，網上落單車仔面轉米線，試秘坊蕃茄湯底，另加韭菜餃牛柏葉蘿蔔豬腸加雞翼尖小食味道完全好失望！！餃子入邊竟然係凍，猪腸又多肥膏又有味蘿蔔好淡無味唯一好食係辣菜脯其他真係好難食！

🍽 秘坊荔枝角青山道588-592號永盛工業大廈地下3號舖適逢今次🐽嚟到荔枝角，就決定瓹窿瓹罅去找尋吓好食嘅黃店💛偶而搵到呢間位於工廈地下窄巷嘅秘坊。雖然店舖嘅位置比較隱秘，開業亦只有一年多，但口碑好一樣帶嚟勁多捧場客，每次食飯時間都可以見到有廿、三十人喺度等外賣🥶而今次🐽就試咗幾款比較常見嘅車仔麵餸去睇吓佢嘅水準！🍽豬大腸辣魷魚滷水雞髀油麵 - 豬骨湯加麻辣醬 $47（🧡🧡🧡🤍）呢碗車仔麵份量十足，三款餸都食極都仲有🤤其實本身豬豬想試佢嘅招牌雞扒，但由於好賣到已經售罄哂，就唯有退而求其次揀左雞脾。幸好原隻滷水雞髀滷得肉質嫩滑又入味，而豬大腸亦滷得軟淋入味，而且洗得乾淨冇任何臭味💯辣魷魚就水準正常，口感爽脆。而湯底主要就靠佢嘅秘製麻辣醬提味，搭上爽彈嘅油麵，雖然只係小辣亦足夠掛上每條油麵🥴🍽煎蛋蘿蔔豬手粗麵 - 特濃茄湯 $43（🧡🧡🧡🤍）呢一碗就揀咗車仔麵必食嘅蘿蔔，鮮甜軟淋而且最重要係冇渣🤩而煎蛋就係兩大隻燶邊荷包蛋，兩隻煎蛋竟然只需八蚊，超值之選🤑而南乳豬手都煮得非常軟淋入味，但份量較少。特濃茄湯需要額外加$3，飲落除左蕃茄本身嘅味道一定加左茄膏，味道略甜，都幾啱我口味🤣總結:

#荔枝角覓食呢到出名多工廈，但其實隱藏左好多美食，今日比我地搵到一間！呢間幾乎你想食咩類型都有，選擇種類超多日式咖哩炸雞撈烏冬炸雞大大舊而且香脆肉嫩，配埋咖哩汁送飯式烏冬簡直一流，仲有紅蘿蔔、薯仔做配菜金磚西多士一客4件，每件都大大塊，而且係3層西多士！我地揀左粒粒花生醬，真係估咖到咁多花生粒係入面，足料！仲有2款口味選擇，榛子、咖央！必試呢到嘅樽仔冷茶，茶味香濃，甜度又岩岩好！呢到嘅所有套餐可以配飯、米炒、烏冬、公仔麵都唔洗額外加錢而且老闆同員工都超親切！

食好好食,搵到呢間係工廈既隱世小店日式照燒雞扒飯 凍檸茶 秘坊招牌喇沙 喇沙有豆卜 芽菜 配菜心 鮮肉雲吞 限量蜜糖芥末炸雞咁大碗都係賣$42 份量豐富 喇沙湯夠濃香 飲到椰汁甜味又夠辣 夠惹味 鮮肉雲吞夠薄皮滑溜 肉鮮餡甜 豆卜吸湯一流好食日式照燒雞扒飯 無骨雞扒大大件 加埋芝士一齊食更加香 又甜又香口 煎得脆口美味 咬開肉嫩多汁仲配埋生菜一份健康平衡味道好味炸雞香脆無骨咬開有肉汁又嫩 味道一流消費$120評分8/10荔枝角青山道588-592號永盛工業大廈地下3號舖

經開荔枝角發現一間係工業大廈內的小店 #秘坊，店內主打 #車仔麵 🍜，亦有多款小食、飯同喇沙等選擇。食車仔麵好處可以自己配搭食材，我選擇咗（牛柏葉、辣魷魚、麻辣肥牛、咖喱豬皮、咖喱魚蛋、蘿蔔、唐生菜）配 #泰國綠豆粉絲，同 #秘坊特濃鮮茄湯 🍅。一來到已經好吸引，估唔到咁豐富😆。我喜歡爽口嘅 #牛柏葉，同清甜無渣嘅 #蘿蔔。另外 #麻辣肥牛 🥓都唔錯，少許麻辣很惹味。特別要試泰國綠豆粉絲，食落爽口順滑，配埋蕃茄味濃郁的 #秘坊特濃鮮茄湯，都幾夾喎👍另外小食選咗小份，啱晒一個人都食到：#秘坊辣魷魚 🦑 值得一試，魷魚爽口，吸收咗醬汁味道很鮮味，但唔覺得辣。我覺得分開食比較好，加咗落車仔麵食，鮮茄湯底會蓋過味道。#黃金炸魚餅 🐟食落彈牙，加埋泰式辣醬好有泰式風味。#滷水雞翼 滷水入味又夠淋。如果下午茶時間，一定要試 #金磚西多士、外層香口，裡面夾住粗粒花生醬🥜，而且份量不少，口感特別好，加埋練奶正呀😋最後唔少得飲 #樽仔冰鎮奶茶 ☕️，茶味濃郁香滑，飲完醒神晒。除咗堂食仲可以網上落單📱，更方便快捷，而且有95折呀！

今日過去長沙灣做野，落去樓下見到有間車仔麵店，本以為只有外賣，原來裏面有堂食，即刻跟同事入去坐低食碗麵。車仔麵餸有很多款，除了滷味、還有多款素菜；另外還有飯及小食等，價錢合理。我要了碗泰國粉絲配冬陰功湯底，粉絲份量十足，而且很爽口，食到最後都唔會腍。蘿蔔炆得夠腍。竹笙吸收了湯底酸辣味。辣腩肉肥瘦均勻，炆得夠腍又不會太多肥膏。朋友就要了豬骨湯底配麻辣汁，稻庭烏冬不及粉絲好味。辣魷魚爽脆。豬手炆得入味但可以再腍多人少少。豬軟骨煮得入味，入口溶化。魚餅彈牙。最後飲返杯檸樂解渴。

小店位於永盛工業大廈店家為左方便附近既打工仔，開放左網上平台，大家可以係平台上預先落單，揀好自取時間，黎到即拎走，好方便 百搭車仔麵好欣賞老闆既諗法，想讓客人可以自由選擇配搭，即係湯底都已經有7款，最吸引係冬陰功、喇沙同芫荽皮蛋。當然仲唔少得為素食人而設既素湯。另外醬汁都有9款，最值得一提就係加埋自家制既辣菜脯同埋泰國辣蝦粉，簡直色香味俱全。 粒粒餐肉滑蛋蕃茄通粉 配金磚西多士 $36又有通粉又食到西多士，仲有餐飲tim，而且好足料，黎個價錢簡直就係超值。 韓式辣麻醬雞絲菠菜粉皮 $45對於非常食得辣既我黎講，韓式辣醬一d都唔辣，麻醬味香，而且用左菠菜粉皮，健康又開胃 秘坊辣魷魚 $28食魷魚最重要係個醬汁，黎個秘制辣醬汁味濃惹味，魷魚爽口脆身簡直無得輸整體食物質素：4 / 5推薦指數：4 / 5

秘坊-荔枝角永盛工業大廈地下在巴士落車後在網上落單， 按即時，到店可以用電子消費券付款， 付款後即取外賣。 超準時。正常早餐， 蕃茄湯炒蛋午餐肉公仔麵， 配香草多士。隱藏版早餐， 沙爹牛肉煎蛋公仔麵， 配香草多士。 連續兩日早餐落嘅order係一樣出嚟個效果唔同。 所以沙嗲牛肉係隱藏版嚟嘅。（早餐b係有沙嗲牛肉但係冇配煎蛋嘅。 ）要留意一下，早餐去到十點三。好早就冇囉。之後嗰幾日我都係10:30點先落車，所以食唔到早餐。

🍜 秘方喇沙 ($42) 湯汁味濃 可配上各式食材 混和一起吃 喇沙味湯汁包裹不同食材 各有各特式口味 總是好吃🍛 秘方和風牛肉飯 ($45) 牛肉量多又很入味 魅力非凡 喜愛日式牛肉飯之選 抵食🍙 秘方照燒雞粒飯團 ($15) 即叫即造 飯粒煙韌 與雞粒齊吃 新鮮可口飯食🍥 黃金炸魚餅 ($12/小) 鮮炸魚餅配甜酸醬汁 味道正合適🍗 韓式辣麻醬雞絲菠菜粉皮 ($45) 菠菜粉皮特別 韓式醬料出色 混和起來 確是美味 夏天涼菜又一選擇🍞 金磚西多士 ($50) 西多士大件 炸至金黄鬆脆 放進嘴裏 香口美味 很有滿足感🍜 秘方大雜 ($53) 食材繁多 每款都有水準 可作選擇 秘方濃湯滲入 大快朶頤🦀 焗釀蟹蓋 ($32) 以這等價錢 用料已算不錯 超值之選

話說小編公司附近開咗一間良心小店 係同事的朋友仔開的 不過講明先 我是自費的 係真心推介的 他們主要係賣抵食夾大份嘅車仔麵🍜 眼見好多同事都去幫襯而且有好多好評👍🏻 所以就即管去試一試 食物嘅質素真係好高✨ 定期會推出限定食物 例如鹹蛋叉燒🥚🐷 金沙清🐖 真係好值得試五餸車仔麵🍜 ($41)呢款原本係四餸麵包括有紅腸 豬紅 陳皮魚蛋 豬皮 小編額外再加左蘿蔔🥕 成碗面嘅份量真係遠遠超乎我嘅想像🍜🍜🍜 因為每款送最起碼有五件😱 而且好入味😋 麵嘅份量亦都好多 湯底揀咗腩汁 食完真係超超超飽🥴 而且仲剩返三份一 衰在太貪心👉🏻👈🏻 好浪費😩秘坊麻醬冷麵🧊🍜 ($34.2)夏天有時好熱唔想食熱野嘅時候 就揀呢一個冷麵黎食 冷麵🧊🍜的份量同樣好多 而且配料七彩繽紛 視覺效果up👀🆙 增加食欲 有青瓜絲🥒 蛋絲🍳 蘿蔔絲🥕 蟹柳🦀 食落好清甜爽口 唔會淋晒 正😍

最近開始喺荔枝角區工作，發現同區真係冇好食米線😩 （係連普通米線都難搵😅）得譚仔、三哥⋯⋯⋯ 朋友喺網上見到呢間send俾我，就去試吓！真係同區少有好食米線😍 雖然未到超好食，但係無選擇情況下，已經算好好！暫時得酸辣米線，希望快啲再麻辣湯就正啦！

秘坊以為係有咩獨門秘坊，當然佢地都好多秘製食品，其實呢間舖係係一幢大廈一條走郎裡頭。主打係車仔麵為主，上網落單係有9折，而好多人都網上落單或用熊貓。呢碗係叫秘坊細雜39有芝士腸，蘿蔔，生菜，秘坊豬大腸，秘坊辣魷魚，我就加錢轉泰國粉絲（加3元），爽口，掛湯，配上豬骨湯很配搭。

荔枝角又一間只營業到傍晚的餐廳, 今日終於夾到時間早D食晚飯試下呢間評價不錯, 位置也算方便的車仔麵(仲有另一間又係唔開晚市加評價非常好既車仔麵店 - 賞麵我都好想試)。秘坊last order係17:30。我地📱打電話落單, 老公話一定要提下由落ORDER到取餐, 佢地既服務態度都非常好, 親切有禮。我點左豬紅, 蘿蔔, 牛栢葉豬骨湯河粉。老公點左咖哩魚蛋, 卥水豆腐, 豬軟骨綠豆粉絲冬蔭公湯。豬骨湯底清甜好味, 感覺有落足料去煲。豬紅有入味, 牛栢葉新鮮厚肉爽口, 蘿蔔無渣, 不過覺得可以再煮耐少少, 等D蘿蔔可以再入味再淋少少。而河粉就比較遜色, 痴埋曬一舊舊。老公就話佢點既綠豆粉絲好味, 放耐左都依然順滑彈牙(下次我都要加錢轉食佢)。🇹🇭冬蔭公湯底也值得推介, 酸辣度適中, 泰式香料也落得剛好。而配料當中最愛卥水豆腐, 卥水汁完全滲入曬D豆腐入面, 非常入味, 軟硬適中。秘坊價錢實惠, 用料新鮮, 用心烹調每一樣食物, 一定會再幫襯。

上一次朋友介紹後，是日路過荔枝角去食個Lunch....今日好想食飯，叫左個肉燥飯仲可加豬軟骨😋正呀.... 豬軟骨好軟呀⋯⋯唔用牙都食到😋肉燥飯仲有滷水蛋😋都係開心🥳的一餐