秘 (謝斐道)

营业中

休息中

食過好幾次 但忽然之間見到有人介紹又想再去食 就約咗朋友去食一轉因為實在太好食 導致見到圖就想食😋💛黑松露吉列牛午市定食之前通常食原味 食過一次黑松露本來就係黑松露嘅極度愛好者今日都好想食黑松露 就揀咗～想食多啲草 Staff好好咁比咗多啲我 相係加草之前😏但好可惜今次牛牛嘅油脂比例唔夠好雖然會比較有咬口啲 但唔夠香 🥲明明想食少啲飯 食食下啲肉又差唔多食晒成碗飯幾時都話 減肥真係一個口號慢慢食 火種都加咗兩次 麻煩哂啦🥰

【吉列牛】$118 ❤️吉列層做得好好食，有少少調味，恰到好處，保留牛肉原本味道。牛肉有一定厚度，食落好有牛香味。牛肉量足，食極都有，非常滿足！.【安格斯牛小排】$118 ❌數量同樣是15片，但牛肉厚度只有吉列牛約一半。調味不足，只落了胡椒，無落鹽。最大問題係，冇牛香味。明明燒完都有肉汁，入口卻冇牛香味，好淡，令人意外。事後上Openrice睇其他人嘅相，牛肉油花靚好多，我個碟就好瘦，差好遠。💔 餐廳Quality control真的需改善。.定食加$20，包一隻溏心蛋、一碗紫菜飯。溏心蛋味道、口感都幾好。紫菜飯就落得太多飯素，太鹹。.落單後，只需幾分鐘便上菜，很有效率。店員加火酒亦很及時，服務不錯。.店舖環境方面，座位比較窄。抽風系統差，雖然不是開放式廚房，用餐區都有好大陣廚房味。再加埋客人燒肉的油煙，全程索左好多油煙。.埋單每人$138，無加一。.結論：【吉列牛】非常值得食，【安格斯牛小排】唔OK

今日嗌咗個燒汁牛柳粒飯，個飯一嚿嚿嗰啲牛柳粒好Un 仲要唔夠味完全唔覺得自己食緊係燒汁同埋唔覺得佢有燒過 成個牛柳都好水$78呢個價錢真係唔抵食,食過堂食係OK但係外賣真係唔使再嗌

自從係日本食過一次石燒牛之後一直念念不忘，無意間俾我發現秘呢間小店嘅石燒牛原來好出名，價錢又唔太貴，不過就要排隊，呢一日我地就特登揀左去銅鑼灣嘅新店同一開店嘅時間去食，好好彩就唔使排隊🤘🏻我地全部都加左$20配定食，有秘之飯素同楓糖流心蛋，飯有左飯素就好易食晒😜，流心蛋嘅流心程度就一般，但蛋味就好濃😎❣️秘·燒黑松露吉列牛 $158 (午市配定食 +$20）黑松露吉列牛一上枱時，我地都聞到好濃嘅黑松露味，但食落就唔係好濃，牛嘅油脂分佈平均，所以食落牛味濃😋❣️板燒吉列牛 $118 (午市配定食 +$20）呢個就冇左黑松露味，其他嘅幾乎一模一樣，所以冇咩追求可以食呢個😛，但值得讚嘅係個吉列皮唔太厚，燒嘅時候唔會甩皮甩骨，油脂感豐富👍🏻❣️板燒安格斯牛小排 $118 (午市配定食 +$20）呢個係三個之中最好味嘅，冇左吉列皮反而最食到牛嘅味道，牛小排燒到七成熟，配埋飯素飯食真係冇得彈🤤，連醬都唔使加🤗❣️和風薯條配芝士醬 $38粗身薯條新鮮炸起，食到滿滿嘅薯仔味，加埋秘之飯素另一風味，反而芝士醬比較稀，味道比較淡🤐 🏦是次消費總額 $492（人均消費 $164） 👅好味度：8.5（10分滿分）燒肉

想食呢間石燒牛好耐，原來銅鑼灣都有分店😳趁lunch time就去試下🚀原本驚會排好耐，幸好等左15分鐘左右就入得💓石燒牛有吉列牛、黑松露吉列牛、牛小排同味噌牛肉可以揀🔆板燒安格斯牛小排+午市定食$𝟙𝟛𝟠 牛小排係我好鍾意嘅牛部位🐂兩邊燒一燒，食落果然夠軟嫩完全無筋😍牛嘅份量有十幾片，燒極都仲有😋牛小排係石燒過程中油脂不斷分泌，都幾彈油，所以我推到個爐去最遠😌加定食有飯素同溏心蛋🥚另外會有一罐汽水🥤佢嘅飯素同醬汁都足夠撈飯，淨係個飯我都覺得好食😛🐰冬天除左邊爐bbq其實食燒牛都好暖😆果日食完都即刻熱辣辣🤣但著左冷衫會索左啲味，因為店舖唔太通風🤭

Secret Chefs 秘 🤫早排仲有堂食嘅時候路過見到幾多人食同埋排隊就犯賤咁去左試啦🥲餐廳設計以木系為主，有日本嘅感覺，但係間舖唔算太大所以會有啲逼😌秘·燒黑松露吉列牛：我就揀左個人最喜愛嘅黑松露吉列牛😍外層炸左一層嘅黑松露圍住塊肉，燒嘅時候會聞到好香嘅黑松露味😆 因為啲牛肉切得啱啱好，唔會太厚，所以其實都唔洗燒太耐就可以開始食啦🥰食落去feel到牛香味同埋淡淡嘅黑松露味，個人會希望黑松露味可以出多少少😚板燒吉列牛：我地都點左板燒吉列牛，外層都係炸得好脆🙌燒嘅時候聞到好香嘅牛味😻但係依款就無黑松露吉列牛咁香，好似爭左啲嘢咁🙃嗌左晚市定食，會有埋飯，流心蛋加一碗湯🙌睇落去可能會覺得唔多,但係食到最尾都幾飽👍食得幾開心，因為可以自己燒吉列牛，係幾好玩嘅同埋可以自己控制番燒幾耐🤩。。。。。。。。。。。。。。。。。。。。。。。秘·燒黑松露吉列牛：$158板燒吉列牛：$118餐廳：Secret Chefs 秘 Overall (Out of 5): 🔆🔆🔆🔆地址：銅鑼灣謝斐道522號地舖

一直食開佐敦嗰間知道銅鑼灣開新店好期待諗住當日3pm去食late lunch入到店內 一個客人都冇有位戴眼鏡既女店員坐低喺收銀度所以就問佢有冇得堂食點知隔着口罩都feel到佢黑面 冇心機 佢不瞅不睬嘅態度令我要再問多次 先可以確定有堂食點餐嗰陣既態度亦好差雖然我唔知道佢發生咩事亦唔expect好好既service但總唔需要受她氣吧好彩食到最尾有位有禮貌有反應既女店員出咗嚟幫我地 先感覺舒服啲希望下次餐廳有改善啦順帶一提 個人認為黑松露吉列牛好食過原味 可以我本人較鐘意濃味

秘依間舖其實係荃灣食過不過因為次次都要大排長龍🥺所以係經過撞正少人先會幫襯又或者有個住附近嘅朋友排隊其他分店聽講都人龍不斷😮‍💨自從知佢係銅鑼灣開咗又少人排梗係搵機會去食下啦🤤鐵板牛就周圍都有但吉列牛都真係比較少秘唔算超級好食但勝在性價比高🤩吉烈牛見到油脂分布均勻雖然肉味並唔重但燒完後都十分嫩滑加上外面脆脆的吉烈皮真係外脆內軟😜套餐包埋清甜中帶點辣嘅大根湯糖心蛋同飯素飯都咪話唔豐富🥰

早排食咗餐難食既吉列牛，呢次決定試既「秘」普遍評價都好，荃灣店人氣好高，仲要係黃店，希望唔會中伏！//環境🌕🌕🌕🌑🌑餐廳係簡單既木系裝修，都算坐得闊落，平日12點去無乜人，唯一扣分既係d檯有d痴笠笠🙉-//食物🌕🌕🌕🌕🌑1️⃣黑松露吉列牛 （$158）實物比預期細片，但加埋都有成十幾塊牛，每片都包裹住黑松露炸皮，輕輕煎一煎已經好香口，肉質亦好軟嫩😻2️⃣芝士吉列豚肉（$88）本身以為個芝士係會連埋個豚肉一齊炸，但原來係芝士汁另上，自己蘸嚟食😂個豚肉好厚，每一塊入面都會有舊細細既肥膏，食落會更加爽口，口感豐富；芝士汁份量十足，撈埋飯食都仲得😂我地仲加左個午市定食（+$20），會包溏心蛋、味素飯同汽水，如果單叫上面既肉未必夠飽，建議大家跟餐叫🤣-//總結呢間吉列牛比我預期中好食，特別係個黑松露，香口到想瘋狂encore😻佢荃灣、佐敦同元朗都有分店，下次去開可能會再試下🤪

一個屋企冇飯食嘅夜晚 即興約咗朋友嚟銅鑼灣 作為一星期七日都可以喺銅鑼灣嘅我 真係唔好再問我銅鑼灣有咩食 真係唔會諗到點知朋友今日幾個idea都可以係我未食過嘅😂😂最後揀咗呢間一見到佢Menu就覺得好黃店 - “秘”星期一嘅夜晚嚟到 都唔係少人 咁啱有一張枱有位咋 之後啲客人都陸續有嚟😌.*""*.·°∴ ☆…·…·…·…·…·…·…·☆·°*""*. .*""*.·°∴ ☆…·…·…🔥板燒吉列牛定食 $118+$38第一次黎就試啲最signature嘅嘢先啦😋見到咁香脆嘅吉列牛外層已經覺得好吸引 燒十幾二十秒🕑 燒嘅過程之中油脂不斷分泌出嚟🔥入口好淋 十級惹味 再沾上燒肉汁 層次好豐富🤩好 好 食😍😍😍不過其實唔點燒肉汁都一樣咁好食😍另外有一碗飯素🍚完全食到停唔到口 一啖吉列牛一啖紫菜飯 可能食2碗都得😆🍲清酒煮廣島蠔鍋 $98🦪蠔嘅份量都唔少 有8小隻🦪非常之鮮甜 湯底都沾上鮮味 再加上淡淡的清酒味 令唔飲湯的我都不完一碗再一碗咁飲😆😆

聽講荃灣店好好食,  排隊排到痴線,  開喺港島咁方便就去試下5點9左右入座, 啲人都未放工梗係唔洗等!! 可能未到6點所以我地仲係午市價錢, 正丫!!揀左黑松露吉列牛+普通吉列牛+蠔鍋 (冇keep單唔記得價錢)黑松露吉列牛: 聞落好有黑松露嘅香味, 但係放入口之後完全冇香味....又冇牛味, 食到嘅只有炸粉嘅油味 不過咬落去係嫩嘅!!普通吉列牛: 呢個簡單應該會食得出口味掛?! 點知食落都係得炸粉嘅油味, 無論整得幾熟幾生都係冇牛味!!!唔知自己食緊啲咩, 吉列炸粉? 味道差, 但係我煎到好熟都依加係嫩嘅 有樣唔好就係個火黎到已經著左, 店員放低我個餐之後, 石板上面舊牛脂肪已經痴左底, 無奈蠔鍋: 呢個最離譜....個湯放左大量碎蒜同埋辣椒, 我每一啖都淨係食到蒜味同辣味 佢有8隻蠔仔, 冇一隻有蠔味!!!食完成口都係蒜味!!!!!總結: 唔會有下次! 牛冇牛味, 蠔冇蠔味!!!!! 終於知道人地話"蝦有蝦味"唔係廢話黎!!!!又未去到要負評, 所以只可以比OK, 佢係less than OK

長期多人排隊嘅秘😋之前已經喺荃灣試過一次…..外賣😙 外賣都好好食😃 今次見到新開咗喺銅鑼灣, 又無乜人排隊, 機會就留俾我😆板燒吉列牛定食 Umm 我覺得係暫時喺香港食過最好食嘅吉列牛🐮 比係某間日本過江龍好食👍🏻 佢嘅牛煎完都唔會同炸皮分開散晒, 唯一想講嘅係, 可以配上wasabi一齊食就更加豐富到肉味層次😋板燒安格斯牛小排 呢個都好好食👍🏻份量亦都好多😋 啱哂啲食肉獸🦖 肉味比吉列牛更出更濃😍 每件牛都無筋位, 食落油分重😋加上白飯有飯素😆好香👻整體嚟講食物係好味嘅😃 不過環境方面就有待改善, 因為一入去鋪已經感覺好油立立, 食完個人都好油立立咁😣

每個星期都會同班同事一齊出去食好西，見到呢間好似新開又未食過就入去試下啦。🥳🥳我揀左吉列牛午市定食野食嚟到，好搞笑，佢仲有舊牛嘅肥肉燒啲油出嚟，即場燒塊牛肉。好好食，鬆脆嘅外圍再配合牛肉，好有肉味仲好多肉汁，真係好好食😋另外佢配搭味素之白飯，嘩！痴線㗎！配埋碟肉肉，食晒成碗飯🍚點搞呀，說好的減肥呢！？食埋先算啦🤣另外有同事叫左牛小排午市定食同事話真係好好食，入口即溶，唔使點醬料都非常好食。服務態度都一流，侍應非常細心，我跌左隻筷子🥢我都未叫，佢已經攞咗對筷子比我。食得好開心🥳但係開心嘅時光過得特別快，又係時候講Bye bye👋🏻👋🏻lunch hour完畢，我都係返去做嘢先喇。下次再嚟過！

秘@secretchefs.hk ，喺本地吉列牛餐廳中名氣和質素一定係名列前茅，最近佢哋喺銅鑼灣新開咗分店，我哋二話不說即刻試下係咪都keep到以往嘅高水準先！板燒吉列牛 ($176)：牛脂分佈均勻，肉質嫩滑，又有幾香嘅牛味，真心正！而且份量比想像中多，完全唔孤寒。由於係薄切嘅關係，每塊牛肉大概煎20秒就可以食。同白飯一齊食啱啱可以中和返牛嘅油膩感。跟餐嘅大根金魚湯都好過癮，係一粒金魚造型嘅蝦餃，味道冇乜特別，但影相一流😂秘風塘軟殼蟹 ($78)：軟殼蟹唔講得笑，一定要試！啱啱炸起好香口，炸粉夠薄，咬落去好juicy仲食到有蟹膏不得了！重口味嘅朋友仔一定鐘意食。芥末八爪魚 ($38)：口感爽脆，八爪魚粒不算太大粒，過吓口癮一流，芥辣味都平衡到，不過不失啦！總結，呢間餐廳我哋都會再去嘅，特別係佢哋個吉列牛，真心高質？下次我哋會試埋佢個原條鰻魚飯，因為我哋見個價錢性價比都幾高！

8月尾個陣因為荃灣分店突然停電，食唔到佢( ´•︵•` ) 一直心心念念咗好耐個日行銅鑼灣，本身晚餐想食Curry Bee，見到隔離「秘」試業中，即刻二話不說入咗去！我地叫咗一個味噌牛肉($98)同一個板燒吉列牛($118+38晚市定食)因為客人比較少，上餐都好快~一嚟到，石燒板上面會有舊細細嘅肥肉，可以用佢嚟燒出啲油脂，再燒牛肉燒嘅過程由你話事，由你決定牛肉幾成熟好似我鍾意食熟啲，男朋友鍾意偏生，呢度唔需要為咗食幾成熟而嘈交XD因為牛肉質素好好，令我產生自己係大廚嘅感覺，點燒都好好食(˶‾᷄ ⁻̫ ‾᷅˵)味噌牛肉入口鮮嫩，牛肉味食落較吉列牛重吉列牛就口感豐富，外脆內嫩飯嘅份量十足，食完一個餐勁飽≧ω≦如果你本身鍾意原汁原味，追求牛味濃啲嘅，可以叫味噌牛肉配白飯，牛肉鮮味唔怕被飯素影響追求口感同層次嘅，可以叫吉列牛但其實兩個都好好食(༎ຶ⌑༎ຶ)記得燒嘅時候要小心石燒爐同板，高溫！夾嘢比屋企人、同伴或者另一半個陣要小心唔好整到(>ω^)總括而言，牛肉質素好，飯同牛都份量十足，又可以體驗自己燒嘅感覺，係回頭率高嘅餐廳d(･∀･○)*店舖只收現金*