稻香 (新九龍廣場) (已結業)

前幾日 同班朋友六個人嚟大角咀稻香 食晚飯 之前聽朋友介紹 呢度啲阿拉斯加蟹做推廣 來到稱咗隻蟹 四斤半先890蚊 肉質鮮甜 我哋仲叫咗羊腩煲 仲有一盆菜跟 188蚊 味道香濃 炆得夠淋 仲叫咗個濃湯魚腐泡菜苗 味道唔錯 呢度啲小菜份量足夠碟頭都大 後尾我哋仲叫咗幾個甜品 爆珠楊枝金露同埋爆珠燉鮮奶 爆珠啲味道好 奇妙 特別 燉鮮奶亦不太甜 今次係一個比較好嘅用餐經驗 啲夥記都好親切 笑容好 以後我都會帶啲朋友介紹啲人嚟食嘢

紅日朋友結婚，一班兄弟姊妹中午去咗稻香飲茶，依間嚟過幾次啦✌🏻 不過好似質素好咗好多，服務都好咗👍🏻👍🏻我地一到，唔係太多人，有啲驚訝！唔洗等位好好，去左偏廳，好大下，都幾靜，啱哂我好怕嘈既屋企人🤣 因為我地好多人，所以叫左套餐食～ 碟碟都好大碟，而且有質素，本身印象覺得稻香麻麻地，依加好咗好多，可能我太耐冇黎，馬拉糕細細件好好味，我平時唔食馬拉糕的，燒賣最好食，真係啖啖肉，蝦又大，原隻食👍🏻👍🏻 足料，蒸得幾好 其他都不過不失，係環境唔錯，幾寬闊，好啱一大班人👏🏻👏🏻

中秋佳節提早約埋屋企人食團圓飯，因要就姑姐老人家,所以揀咗佢家附近嘅大角嘴新九龍廣場嘅大集團酒家，，到廣場入面都有幾間時裝店，又可以shopping ，酒樓有電梯上去，地方都算大,環境都算可接受，菜式方面㨾樣都大大碟，味道也唔錯。

昨晚我地去左大個咀稻香，一同五個人去到都好旺，好彩等左一陣就有位。我地點左一條杉班做兩食，一個白酒煮龍蝦，一個鹽燒鮑魚六隻，蒜蓉粉絲蒸貴妃蚌，小食泡椒雞腳，鮮茄什菌浸菜，油鹽水浸白蜆。啲菜好快就出到嚟，比想像中快，，夠份量，杉斑兩食，涼瓜炆得好夠味，鹽燒鮑魚好香口，有少少薇辣，蒜蓉粉絲蒸貴妃蚌，好大隻，泡椒雞腳有花椒香味，白酒汁煮龍蝦有白酒香味夠新鮮。其實大角咀區這間稻香廚師手勢都唔錯，比較算優惠抵食，所以值得推介。

昨晚下雨星期天，我同朋友去咗大角咀稻香食晚飯。可能我哋早到唔算太旺，一去到有位坐。其實都唔算叫得多嘢，淨係叫咗三個餸。1~金銀蛋莧菜2~涼瓜牛肉3~叉燒例牌 等咗五分鐘就有菜出。 叉燒例牌，畀我們有個驚喜，外觀賣相好特別，有個木架盛載著，有蠟燭熱住，賣相好吸引，有蜜糖香味，都係賣98蚊。2~金銀蛋莧菜，有好香嘅鹹蛋及皮蛋味啲，莧菜好嫩好滑份量好足夠 。3~涼瓜牛肉， 涼瓜一啲都唔太苦，牛肉好滑，油唔多，又有豆豉香味。 雖然我哋叫咗三個餸，但都已經好夠飽。這間酒樓值得推介， 價錢合理，份量又足夠

昨晚，終於同朋友嚟大角咀稻香食晚飯，裝修後都無嚟過，完全唔同晒，去到都好多人，諗住要等好耐，但等咗一陣就有位，起初都唔會期望太多，因為之前去過第二間麻麻地，今次叫咗幾個小菜，沙爹金菇肥牛煲，好夠沙爹味又唔鹹，份量又足，好香好食上湯莧菜，炒得唔老，剛剛好，清蒸星斑，啲肉仲好嫩滑，無黐肉唔熟 ，好好食，仲有加錢每位$14任飲，真係好抵，飲品款式都多，仲有甜品食，有中式糖水，有雪糕，我哋3個人全部加埋都係5百幾，下次嚟開都會再嚟~讚

今日我哋一家三口 晚飯時間嚟到大角咀稻香食飯 一入門口就倍感親切 職員的歡迎聲同埋笑容令到我哋感覺好舒服我哋嗌咗一個晚市三寶 裏面有魚有菜有雞 同埋一個抵食孖寶 係蒜蓉開邊蒸大中蝦同埋一個菜 職員幫我哋寫完菜複述嘅時候 話你哋有兩個菜喎 不如我幫你轉一個菜式好嗎?於是幫我哋將其中一個菜轉咗北菇紅燒豆腐 職員如此專業嘅搭配令到我哋好滿意 啲魚都正㗎啱啱好,幾嫰滑 蒜蓉開邊蒸大中蝦好清甜 嗰個菜係鮮茄浸時蔬幾開胃 又好送飯 我哋叫咗兩個白飯 收尾職員 仲介紹爆珠甜品畀多我哋食甜品口感好特別 口香甜滑 爆珠 好趣味 最後埋單先至五百零蚊 我哋離開時職員都好有禮貌啲送客 呢次用餐比到我哋良好嘅印象 我哋下次會再來! 大家不妨都嚟試下!

今朝同左屋企人去飲茶，我就對飲茶冇乜要求，所以屋企人話去稻香，就去咗新九龍呢間🤣 其實阿媽係貪佢格攝，唔係太多人，所以過到嚟大角咀飲茶🤷🏻‍♀️點知！梗係多人啦！一去到，已經好多人喺門口等緊位！我哋就攞飛，然後阿爸自己等，我就同左阿媽周圍行吓 辛苦晒～ 等咗大概半個鐘左右，就已經有位啦，都算係快！可能因為三個人比較少人拎🤣 呢間稻香超級大！我有幾面，我哋就係一入門口轉左！廁所附近嘅位，多數都係二三個人嘅枱 環境都算唔錯，係服務員比較少，而且呢個位少啲人注意！比較靜，相對來講服務員又睇唔到，所以要服務就要等得耐～ 點心不過不失，因為我本身要求高，所以我覺得都算幾好食～ 同埋好抵！我哋三個人食都係大概差不多二百蚊🤣其實最緊要環境唔係好嘈，又嘆到一個好好嘅早晨

昨晚 收工，約咗朋友去大角咀 稻香，開頭都唔係好旺，可能我哋早到約莫六點半，但到咗晚上約七點半，都就嚟全場坐滿。服務員好主動介紹一啲新鮮嘅海鮮給我們，最後我們點咗一隻約斤半重大肉蟹， 跟住諗下用咩整法好，到最後試下用避風塘嚟煮 ，佢因為可能要即叫，即 劏，即煮…所以等咗約20分鐘·但比預期都較快'一出到呢,個賣相好大睇,好靚,食落口 肉質好鮮甜,夠辣,夠香口,夠乾身,非常之好食, D服務都唔錯，仲週不時有服務員，加水換碟 ，態度都幾好， 這間稻香間唔中都有啲特別嘅海鮮都好抵食好吸引

今日同啲親戚去吃火鍋，佢哋想食刺身。見到稻香啲刺身都好抵食。所以叫咗隻澳洲龍刻約三斤半重，都非常之新鮮，賣相好吸引。 跟住叫咗個大龍躉起片，啲魚好新鮮，賣相好吸引，食落好有口感。 其他火鍋料份量都好足夠 叫咗碟安格斯肥牛 ，好有口感 。地方環境 都唔錯，好鬆動。我哋安排咗坐喺廳房到，有電視睇。 服務員 都好細心。 佢哋啲打邊爐火鍋最重要嘅係出面有個自助吧，有好多款汁醬，同埋有好多款飲品選擇，又有糖水食，又有雪糕食，任食任飲…… 每位都係14蚊,好非常之抵。平時叫兩罐汽水都唔止呢個價錢， 所以值得推介一下。

6月2號 、我同班朋友 、一共十個人 、黎大角咀稻香 生日聚餐 我嘅決定食火鍋 呢度八點半前的火鍋係冇放題的 但係佢哋有好優惠滴火鍋套餐推出 例如118蚊 可享用一拖六嘅火鍋套餐 即時係一個湯底 可配搭六款火鍋配料 另外加多40蚊可享用麻辣雞煲 所以我哋選擇咗兩個套餐 火鍋配料都係好新鮮 尤其是佢哋的海蝦 清甜 爽口 大大隻 佢哋的自助吧 都算叫做抵食 每人14蚊 跟茶位計 有豆漿 鴻福堂飲品 韓式飲品 可樂 忌廉 雪碧 雪糕 同埋熱嘅糖水 有十幾廿種㗎 由坐低開始人直至買單 呢度啲招呼都算唔錯 過程中我哋的火鍋湯底燶咗 啲伙計都主動 幫我哋換湯底 仲提示我哋雞煲要多啲攪拌、否則燶底 到切生日蛋糕嘅時間 伙計主動幫我地清檯 主動提供碟叉 最緊要即係唔收切餅費 成個用餐過程 我哋都好愉快 人均消費百四蚊度 大角咀香係 晚飯聚餐的好去處 中意食火鍋的朋友不妨試下

未裝修前已幫襯過數次,食物質素係ok既,不過等既時間比較耐,今次裝修後第ㄧ次光顧,出菜時間明顯快很多,可能人客比較小的關係先来了個椰子雞湯,椰子味比較淡,主要都是雞味,不過味道不錯再來是龍蝦波菜伊麵,龍蝦食落不是新鮮,不過個汁味道不錯、波菜伊麵亦好吃,價錢亦很低食跟住豉椒炒虫聖子同馬拉盞通菜亦都上枱,出菜速度十分快蟶子十分新鮮,通菜亦炒得十分惹味各樣菜式份量十足同美味,我們兩人食量亦很大,全部都食晒,冇做大嘥鬼。

今朝早同朋友 嚟大角咀稻香食早餐 呢度啲優惠點心都幾豐富喎 早茶推廣 我哋叫咗 惜食一位餐 ， 炒米粉 ，牛肉腸，同埋，農家肉餅飯。佢裡面嘅惜食一位餐 16.8有三樣嘢, 有菜有點心拼盤 ，又有粟米肉丸粥 ， 我哋一共叫咗六樣嘢，買單先至65蚊咋 認真抵食 喺成個用餐過程中我哋都好愉快 食物的分量都可以接受， 啲食品都較熱 。 係入門口嗰陣啲同事都好熱情 ，同我哋 講早晨 呢度是一個值得推介，用早餐嘅好地方 下次我都會叫埋啲朋友或者屋企人親戚一齊嚟。

我上個星期去食火鍋，間野巴閉到飛天，首先，落單半個鐘冇野食到，我對住隻錶岩岩半個鐘打算問有冇漏單，個啊姐睇都唔睇就話「等下啦，係咁耐㗎啦」我頂你咩，廚房3-4個執碼洗唔洗執到間野執左先黎啲野食呀，之後我燥底，啊姐可能感覺到有火氣，之後啲野食就開始到。另外，班啊姐3個人服侍一間酒席房，叫加水，無人，叫開茶，無人，我要自己去入面加水呀。你稻香管理層管唔到就執咗間鋪佢啦。下下要人發火啲啊姐先識做野。真係好嬲。

做左咁多年人，第一次食擂沙湯丸係咁嘅樣😓若果你係其他餡嘅點解唔寫😡😡😡個皮仲要好粉好似糊加粉咁，真心難食到一個點，我吐都吐唔切！問個侍應仲好意思同我講有啲人要奶黃又花生咁，關我春事咩，大佬呀你唔係芝麻餡就改改個名啦，咁仲叫擂沙湯丸咩！餡入面仲要有條黑色硬嘅野，你一手就攞走毀c滅跡，平時又唔見你做野咁快手，唔記得影罪証，堅嬲😡#稻香岀品必屬佳品#點解唔叫擂沙芋蓉湯丸#平時難食都好少岀聲今次打埋去客服反應#真心食完冇曬胃口