穗港豐味館 (已結業)

剛剛趕得切食尾圍，商場茶記比預期中好食，但臨收檔要聞住嬸嬸掃地漂白水刺鼻氣味用餐很難受啊！南北杏蜜棗青紅蘿蔔湯⭐️⭐️偏水欠火喉，飲落似溝水翻滾。藥膳羊腩煲⭐️⭐️⭐️⭐️超乎我想像，麻雀雖小五臟俱全，落足料無欺場！馬蹄、腐竹、花菇、紅棗、杞子、薑片、等等。藥膳羊肉湯的烹調，不是南乳橽侯醬炆。湯汁濃郁清甜，充滿羊肉甜及藥材甘。羊腩骨多肉少，羊肉鬆化彈牙沒羶嗅，連湯送飯十分滋味。雲耳蒸雞⭐️⭐️⭐️零星雲耳太少啊！豉油味獨特，挽回不少分數，雞肉略乾免强合格。

出餐快，野食唔貴但職員十問九唔應，餐廳比較多小昆蟲，野食質素正常，對得住個價錢，但都唔係話好好食，download左佢地個app ，可以每次用膳後儲積分，直至最近儲滿指定積分換領了一張有限期的$50 現金券，其現金券表明適用與一至日的任何時間在風味館及其下其他餐廳抵扣港幣50元正，但當我今天用膳完畢之後使用其現金券，職員卻表示不能使用並沒有說明原因，只能說這裏不收現金券，請去其他公司使用，即係只能儲分，但儲完D分就唔俾換野，換到coupon就唔俾用，剩係用黎呃人download個app

上水匯新茶記復常後嘅上水比以前“蕭條”，對上水人係好事。適逢新餐廳地點方便（就係平台天橋樓層），選為小弟近日嘅早餐店。今早首嘗“招牌餐” - 沙爹牛肉面，驚喜如下：1. 牛肉新鮮，屬鮮牛質感。薄切，沾上沙爹汁嫩滑如火鍋牛肉2. 沙爹汁味道不錯，甜辣度適中。和湯後香濃幼滑3. 奶茶雖然以仿瓷（melamine）膠杯上，茶味夠濃，溫度適中

近排都唔係成日入上水，之前咁啱拜年入開去，見到呢間豐味館新開張，諗住撐吓新餐廳，點知呢個決定真係令我哋好後悔當日兩點幾諗住食下午茶，見呢間新餐廳都唔少人排緊隊，都等咗7-8分鐘先入得。見豐味館標榜自己燒味餐廳，就叫咗個叉油雞飯，同行朋友就食餐蛋麵。家燕姐同欣宜都講過：叉燒係要肥先好食。好可惜豐味館嘅叉燒上到檯真係柴到唔想放入口，叉燒太瘦食落乾噌噌真係唔好食，啲油雞都少少鞋，真係愧對燒味餐廳呢個朵。仲掹淨條毛，都好嘅，起碼證明真係雞嚟至於餐蛋麵就還可以，係味道淡咗少少

20230204--穗港豐味館地址: 上水龍琛路48號上水匯2樓204A號舖新開業的穗港豐味館，門面乾淨企理週末約六時多不用等侯，有二人卡位，直接入座店內大部份是卡位，QR Code 點餐，也有餐牌提供用QR Code下單系統，簡單易操作，順利下單黯然銷魂飯($58)煎雙單沒有燶邊，叉燒一排放一邊，賣相不錯，太陽蛋篤穿撈飯，但沒有蛋味叉燒肉質軟腍，味道普通，米飯粒軟硬度適中，底部有叉燒汁，飯量足兩碗，整體中規中矩，飽肚之選跟餐配送奶茶奶茶少奶，茶味不濃雙菇回味羊腩煲($98)用煲仔型式上菜，煲仔細細，除了羊腩以外，配料有馬蹄、支竹有一件較硬、冬菇、底部有少量生菜，羊腩炆得過火，有點碎碎爛爛，醬汁夠咸，但味道麻麻。埋單: $156新春沒有附加費，也不設加一侍應服務尚算有求必應如跟連鎖式快餐店比較，價錢相約，有送餐，座位較舒適，食物味道一般簡單飽肚之選供參考餐牌