穴蔵

营业中

休息中

🇯🇵九龍塘的日本料理選擇有不少，而小廚神與大吃貨最喜歡的就是穴藏。這裏的食材新鮮，而且服務周到，是小廚神與大吃貨的食堂。😝😝我們最喜歡吃的，是招牌的刺身拼盤。😍😍大家可以看看，不論是三文魚子、海膽、吞拿魚、帶子還是其他刺身，🐟都是時令而且新鮮鮮味的。每一樣都非常鮮甜，而且每次到訪都能保持水準，實屬難得。👍🏻除此之外，我們還喜歡吃這類的串燒。🍡這一隻串燒價格不算便宜，但是吃得出是用心烹調的。質素甚至好比一些傳銷店，而且有過之而無不及。👍🏻👍🏻例如牛肉串燒、牛舌、 白鱔片，都是非常出色的。😍🇯🇵穴藏整間餐廳不算便宜，但是價錢與食物質素相對，小廚神甚至覺得有少許物超所值。若果大家到又一城逛街或在九龍塘附近，也歡迎及推薦大家來試試。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️穴藏地址：九龍塘達之路80號又一城UG35號舖電話：27019881

魚生新鮮厚切，通常好多舖頭都切得好薄這間切得好厚，所以算是物有所值。海葡萄沙律好新鮮個汁酸酸地幾好味但係太細碟。之前睇食評話店員冇禮貌，但我所見所有店員都好有禮貌，今晚食得好開心。

由於一人用膳, 餐廳都會問客人接唔接受坐吧枱。我表達咗意願想坐非吧枱, 餐廳都盡量安排👍🏻炸雞咖喱御膳隨餐附有非常迷你嘅前菜、沙律同麵豉湯。雞件熱辣辣新鮮炸起, 雖然肉質仍然嫩, 但炸得有點過火喉。咖喱汁調味適中, 唔算甜, 份量足夠撈飯。甜品係紅豆餡菓子一粒, 略嫌外皮有啲硬, 但少少嘅甜味好成功咁清除到口中的味道同炸雞嘅膩感, 但又唔會破壞主菜嘅餘韻。雖然整體發揮正常, 但價錢唔算便宜, 感覺晚市食物質素較高。

結束wfh後第一個上班天，同同事諗住晏就食好啲，就嚟咗食日本嘢😋飲食記錄：覺得晚市無堂食，午餐堂食食日本嘢好似抵啲，凝住平時啲靚食材會留俾晚市，所以依家午市食日本嘢，食材應該靚啲😋（午市堂食仲有9折）我個餐嘅刺身壽司入口溶化幾好味，反而鰻魚同玉子壽司就太凍唔係幾好味🤨味噌湯、沙律同茶碗蒸就好普通無咩驚喜～同事就揀咗火灸丼，望落都唔錯，同事話都幾好食後記：第二朝我個肚一直忍住忍住痛，到夜晚肚痛發燒，再第朝去睇醫生，醫生評估完我情況，懷疑我食嘅壽司唔乾淨搞到胃炎。。。同事可能因為食火灸，所以無事。。。

結論: 整體食物質素幾高，價錢都公道星期日去食lunch，叫左個9件壽司御膳，個set 有一個沙律、一個茶碗蒸、一碗味增湯、9件壽司同埋一個紅豆甜品。主菜部分嘅壽司分別係三文魚、劍魚、油甘魚、甜蝦、玉子燒、蟹肉、三文魚子、左口魚同埋3件紫菜卷壽司。先講下前菜，個茶碗蒸overall都好好食，入面嘅蝦好彈牙，不過略嫌佢啲雞肉有少少雪藏味…到主菜嘅部分，除左玉子燒唔係好夠甜之外其他壽司都好正，魚生有脂香而且近乎冇筋，下面嘅醋飯亦都唔會太大舊，最好食嘅就係左口魚！炙燒左另佢更香更澎拜，吞左之後啲油仲停留左喺個口入面！整體份量仲好足，差啲食唔曬添呀！

這所餐廳位於九龍塘又一城，位置方便，室內裝修環境潔淨，而且坐得好舒服。亦有前菜，而茶亦有玄米味，不濃易入口，甘香有後勁，會令人想不斷加茶。而壽司亦飯粒分明，魚生亦僅次OMAKASE 素質，丼飯亦色香味俱全，令人食慾大增。

🍛日本產炸雞咖哩御膳 $98即叫即製 上枱時仲冒緊煙！有5舊大小不一嘅炸雞塊炸至啡色略顯有啲過龍 但保持到肉嫩多汁相反白飯俾得好多 絕對塞得飽😂同樣 咖喱汁超多 撈哂成個飯都夠味道係平時嘅日式咖哩 唔辣偏甜比較可惜係整體略為單調 如果咖喱汁可以加入薯仔或者蘿蔔粒會更好～

每次嚟又一城都會揀呢間食日本嘢，雖然價錢有少少偏貴，叫性價比唔高，但都叫有質素，每一次嚟食物嘅水準都係一樣，好穩定。每次嚟呢度都會叫炸鱈魚片同埋吞拿魚魚脆餅。呢兩個小食真係好好味，百吃不厭。另外，都會叫一兩串串燒，今次叫咗豬腩肉同牛（有䓤粒嗰款),同埋炸軟殼蟹牛油果卷物和燒蟹蓋脆餅。今次第一次叫天婦羅吞拿魚卷，呢個真係好好味，外面有熱辣辣脆卜卜嘅紫菜，軟綿綿嘅吞拿魚卷物，一啖有兩個口感，我鍾意食呀，呢味餸會列入必食清單。另外，想提一提如果平日夜晚去而冇book枱，好大機會會坐吧枱。

地理優勢, 九龍塘附近沒有太多日本料理. 商場只係有溜冰場附近的千X. 價錢來講大家都有清晰定位同客人budget所以冇咩好compare. 牛肉蕎麥麵:4/5 師傅有煎香啲牛肉令到佢更加香, 但係牛唔係特別靚同埋冇咩肥/marble 所以有啲韌份量好多同埋啲蔬菜都應該有煎香所以OK辣三文魚壽司卷:3.5/5不過不失冇咩特別, 啲飯啱啱好唔會太硬Amberjack fish 沙律: 2.5/5沙律醬太多, 啲醋搶晒啲味Amberjack 切到好厚有啲韌Overall, 不過不失. 如果 craving 日本嘢可以不妨來試試.

一份十件壽司一份豚肉烏冬一份 鰻魚小卷一份新火小卷仲可以用埋買$500 只需付$450， 首有次用mastercard付款再 减$60。抵!週五用晚膳只限九十分鐘。味道方面，睇下我附的相就知道有幾好味!

已經不是第一次光顧了，一直保持食物水準、服務態度好、環境舒適！慶祝和聚會的好選擇👍👍魚生盤新鮮又厚身；櫻花蝦炸豆腐好滑；豚肉烏冬大碗麵滑湯清😋😋今次仲可用$450買$500優惠卷，可以即買即用👏👏

很久沒有與飲食界資深的朋友團長吃便飯，今次我話事作主提意到去年年初品嚐過的日本餐廳，再次嚐嚐主廚的廚藝和堅持。餐廳整體裝潢用上木系、壁畫、特色黃調吊燈等作配搭，讓人感覺氣氛溫馨且設計甚具特色。鉾杉山廃仕込み清酒生產於日本三重縣，擁有著 15% 的酒精度，其飲用味道酒香馥郁，辛口融和，用作配搭漬物、串燒、肉類等皆很是適合。愛知縣 白象拔蚌白象拔蚌來自日本中部的愛知縣，由於其在優渥水質中成長，因而味道相較是最為上乘，食用時清甜新鮮，濃厚爽脆，且充滿海水氣味。深海池魚刺身師傅特意把深海池魚厚切，以務求把肉質層次感更能展現出來。咀嚼口感肥美刺少，鮮嫩甘香，細膩爽脆，令人齒頰留香。皮剝將皮剥魚配搭醬料、芝麻、青蔥粒、三文魚籽點綴同食，整體鮮味十足，紮實彈牙，細膩鮮甜。長崎小長井真蠔師傅把圓潤飽滿的真蠔再添加入漬物、蔥花粒、柚子醋調味，以提升其層次口感，食用味道鮮甜嫩滑，酸中帶甜，清新開胃。東京松輪鯖魚松輪鯖魚時令期為初夏、秋季，其特色是肉質呈現櫻花粉色澤並擁有豐富脂肪，食用時清爽細嫩，富有脂香。北海道帆立貝刺身將帆立貝刺身𠝹開數刀後，再塗抹上醬油、柚子皮點綴，以作提鮮之用，入口味道清甜彈牙，濃郁

之前都食過一次，上次喺食泡菜豚肉炒飯，上碟又熱又好味，泡菜豚肉好惹味，平時唔太鐘意食飯嘅我，都食晒成碗😋今日就食魚生飯，一上枱又靚又吸引，魚生好多又厚，真係心心眼，魚生好新鮮，飯有味暖暖哋，仲啱我，好食到食晒成碗😍呢間好高質，值得嚟多幾次啊～

同同事喺九龍塘開完會揾個地方食個正lunch, 同事介紹去又一城呢間日本餐，咁就去試咗。同事食刺生set我就食天婦羅蕎麥麵配壽司餐。食物嚟到賣相都ok，有啲擺盤嘅，但談不上精緻。天婦羅炸漿較厚，但温度夠，食落熱辣辣，隻炸蝦都算彈牙，其他蔬菜都鮮甜，蕎麥麵食落順滑，湯底唔會過咸，反而主角刺生就麻麻哋，魚味比較淡口，但好彩都叫做新鮮同有彈性。試咗同事嘅刺生set個魷魚，入面包住啲海膽，海膽好腥，味道麻麻哋。服務都可以，上菜快，會自動自覺加茶，侍應都好敏感客人需要。整體而言性價比唔高，呢個價錢可以有更好選擇。

午餐跟餐前菜好食，幾開胃。沙律醬既量剛好，唔會整到一食成口醬，亦唔會太酸。另外個個木耳絲好爽👍🏻甜甜地，有驚喜。迷你丼餐，可以選2個飯海膽三文魚飯海膽比menu睇落小，但比例上其實差不多🤣 Ok的👌🏻👌🏻天婦羅飯跟餐仲有個迷你烏冬吉列黑豚御膳炸得剛剛好，外皮好酥脆👍🏻點佢個醬食就超送飯。跟餐配有椰菜絲、白飯、茶碗蒸、麵豉湯、漬物。跟餐甜品，和菓子入面包左豆沙餡，唔算好甜👌🏻👌🏻