影片
开饭介绍
装修时尚有格调，以灰色作主调并融入武士元素；其日式西餐及特色日本料理选择丰富，是聚餐、约会的好地方。
继续阅读
营业时间
今日营业
12:00 - 15:30
18:00 - 23:00
星期一至日
12:00 - 15:30
18:00 - 23:00
公众假期
12:00 - 15:30
18:00 - 23:00
公众假期前夕
12:00 - 15:30
18:00 - 23:00
以上资料只供参考，请与餐厅确认详情
有关奖赏计划
今日试左一间喺铜锣湾区性价比好高嘅日本餐厅，叫究极堂。芝麻鸡翼2只 （$38）上枱鸡翼热辣辣，外皮炸得好香脆但唔算好油，咬落去鸡肉仲好嫰滑，充满肉汁，送啤酒一流。烧油甘鱼鲛 （$98）因为钟意食烧鱼但惊左食落有好多细条鱼骨，所以见到有烧鱼鲛就即刻叫左嚟试下。呢份烧油甘鱼鲛鱼皮烧得好脆，鱼肉就一啲都唔干，好有鱼油香，最紧要系冇咩骨。浓汤蕃茄咖哩牛肉乌冬 （$78）蕃茄汤底足料鲜甜，食到有好多茄肉喺汤入面，同埋个汤底都几杰身，令到每条乌冬夹上嚟食𠮶阵都好挂汤，牛肉系类似肥牛，用左日式咖哩都煮，所以整体食落系唔辣而偏向有少少甜味，同埋碗乌冬同肉嘅份量都好多，同朋友share嚟食会啱啲。究极炎之丼 （$138）因为我地坐bar枱，个丼饭未上枱𠮶阵已经闻到炙烧嘅香味，到食落口就觉得炙烧左带子同虾嘅生熟程度控制得刚刚好，唔会烧到过哂龙，配埋醋饭食系非常夹。油甘鱼4切 （$68）4件鱼肉都系厚切，非常新鲜肥美，果然7月食油甘鱼系perfect timing。4重芝士炸虾卷 （$48）有三件，外面嘅饭好软熟，包住新鲜炸起嘅虾，配埋经炙烧过的四重芝士，口感层次显得更加分明。Orion生啤 ($78) 买一送一睇Menu𠮶阵见到啤酒全日有买一送一优惠，所以即刻叫左嚟饮，食住日本野饮冰冻嘅日本啤酒，真系最夹。
继续阅读
环境5分：楼上日式居酒屋格局，吧枱前面有好多公仔劲cutie，散枱整齐阔落又唔迫，入面仲有间VIP房，原来炮台山分店都一样有，背景播住D日文歌好轻松，格调好好，可以畀五分。卫生5分：室内地方同后楼梯厕所都好干净企理，卫生一样畀五分。服务 5分：未落单先有热茶饮，侍应生好好心机介绍Asahi Sour有不同水果味，落单上菜快捷爽手，效率高，服务满分。味道5分：1) Asahi Sour个果香好出，有酒精畀大人，无酒精畀细佬，系人都啱饮。2) Orion生啤全天买一送一，细啤清爽解渴。3) 油甘鱼刺身一客四件，非常厚切，师傅绝不姑寒，好肥好爽。4) 究极丼入面有齐三文鱼，油甘鱼，带子，鱼籽，海胆，虾，吞拿鱼蓉，烧左口鱼边，炸紫菜，望落非常震撼，另跟特制紫菜蛋酱，好足料，又有层次。5) 炸半熟玉子外表好脆，蛋白好弹牙，半熟蛋黄好润，伴随粉红色嘅盐够简单，少少就已经吊到味。6) 天使虾连壳都可以食得落肚，脆卜卜，好香口惹味，师傅好功夫冇炸过浓。7) 自家制炸鸡伴洋葱沙律啲洋葱好爽好多汁，炸鸡全部冇骨，外脆内嫩。抵食5分：每人三百几蚊有酒饮有鱼生炸物食，丰富饱肚，有好歌听，抵食满分。
继续阅读
📍究极堂 (铜锣湾)铜锣湾登龙街28号永光中心11楼高质感而且环境优雅的日式居酒屋✨半熟玉子半熟玉子外层炸至金黄酥脆，流心蛋黄搭配少许盐，简单美味。✨蟹膏豆腐鳕鱼干 蟹膏豆腐滑嫩口感配上既薄又脆鳕鱼干，口感极佳。✨迷你三色丼有蟹肉樱花虾丼、海胆三文鱼籽丼、吞拿鱼蓉丼。-蟹肉樱花虾丼蟹肉鲜甜与樱花虾的独特风味-海胆三文鱼籽丼海胆滑顺与三文鱼籽完美结合-吞拿鱼蓉丼新鲜吞拿鱼蓉，配酱油蛋增添鲜味。这三款丼饭不仅食材新鲜，而且摆盘精致。✨究极丼绝对是丰盛的刺身丼，有两大片厚切三文鱼、2件大赤虾、带子、油甘鱼、三文鱼籽、海胆、香葱吞拿鱼腩蓉、紫菜天妇罗，食材新鲜，加上日本酱油蛋拌饭，回味无穷。这两款丼饭，绝对是必食推介！✨蜜柑芭菲蜜柑芭菲清新的酸甜口感，特别适合炎炎夏日，既开胃又解腻，为这餐画上完美句号。CP值极高，食材新鲜，食物种类多样化，有刺身、丼饭、寿司、Pizza，牛扒 ，绝对值得一试！————————————————————整体用餐体验✨味道(4/5)✨环境(4/5)✨服务(3/5)✨性价比(4/5)
继续阅读
铜锣湾的抵食美味午餐：究极堂的惊喜今日去铜锣湾揾朋友食午餐，果然系名不虚传，玉子烧真系好好味，最紧要趁热食。环境宽敞，卫生整洁干净，仲有VIP房间，私隐度高，真系好适合聚会。交通方便，服务态度一流，亲切有礼，令我享受了一个开心又愉快的午餐时间。原来仲有另一间分店，如果大班朋友聚会，可以预订VIP房（炮台山、铜锣湾都有）。今日我同朋友享用咗午市套餐，真系好抵，性价比高，食物质素一流😋😋😍。以下系我食咗嘅菜品：- **午市套餐**跟面豉汤及沙律：沙律的蔬果非常新鲜。 - ** 芝心吉列猪排蛋包饭 配 浓蕃茄汤卖相已经好吸引，吉列猪扒外脆内软，炸得好美味，仲有拉丝，再加上酸酸甜甜的浓蕃茄汤，实在美味可口，极力推荐- **温泉蛋和风牛肉饭**：温泉蛋同牛肉饭混合，有丰富的蛋味同牛肉汁，令人食欲大增，份量十足。- **西京豚肉韮染炸物**：新鲜炸出，够热又脆，肉汁丰富，还有香韭菜味道，超赞！- **带子他他炸物**：新鲜带子，外脆内软，炸到金黄色，配上酱汁同新鲜鱼子，口感层次感十足。- **明太子芝士玉子烧**：超级欣赏，鸡蛋香浓，软软嘅鸡蛋包著好香嘅芝士同明太子嘅味道，芝士有拉丝，玉子烧又滑又美味，面层仲铺咗蟹籽，层次感丰富，令人满足。这次的午餐我非常满意，无论是食物、环境还是服务，都值得推荐！
继续阅读
朋友带我上铜锣湾一间楼上日式餐厅！好在一早订咗位去到已经爆满！餐厅食物质素好高，而且价钱非常便宜！唔怪之得咁多食客啦！香港嘅饮食业就系靠一班热诚嘅餐饮从业员去维持㗎啦！😎加油🥳加油🥳题外话🎊🎊呢间餐厅原来有两间分店分别喺炮台山同铜锣湾！仲可以book VIP房添，下一次我就约埋啲朋友一齐嚟呢度gathering！🥳甜虾糖杨甜虾细细只一口一啖⋯⋯原来份量都颇多⋯⋯肉质都几鲜甜⋯⋯我哋连虾头都食埋⋯⋯非常香脆可口⋯⋯究极炎之丼这是超值之选⋯⋯所有嘅海鲜都非常新鲜鲜甜⋯⋯经过灼烧后更加鲜甜⋯⋯饭粒晶凝通透⋯⋯用料上乘⋯⋯左口鱼裙边和鲜带子都超级美味⋯⋯仲有吞拿鱼蓉和蟹膏豆腐蓉好丰富😋黑松露牛油果软壳蟹卷软壳蟹份量十足⋯⋯炸得非常香脆，而且好鲜味！牛油果🥑软滑绵蜜增添口感！黑松露香气十足！明太子杂菌地鸡pizza Pizza又薄非常香脆！最钟意食呢款pizza好香口！仲有大量嘅拉丝芝士🧀超满足⋯⋯明太子和杂菌加埋香嫩嘅鸡肉🍗⋯⋯😋铁板京葱地鸡可选薯条或蒜蓉包京葱配上地鸡香气十足⋯⋯鸡肉相当嫩滑⋯⋯薯条又非常香脆⋯⋯最钟意食即炸嘅薯条⋯⋯黑蒜浓汤猪软骨乌冬汤底非常浓厚，黑蒜油好香⋯⋯猪软骨炆得好腍又入味⋯⋯乌冬弹牙又有嚼劲⋯⋯顶层铺满炸过嘅洋葱丝好香⋯⋯潮日有气果酒菠萝味日本直送好饮好容易入口，加埋鲜菠萝🍍⋯⋯🍹抹茶朱古力🍫牛奶非常香滑，充满朱古力和抹茶嘅香气！居然仲有特色饮品添！
继续阅读