窩心冰室 (水泉澳廣場)

营业中

休息中

服務唔得 態度唔好 食物質素差 分量少 中午去食 入座啲員工比面色我睇 我好好態度 唔該前唔該後 但係佢地都冇點好樣過 落單時 我講得好清楚 但係都問來問去 好似我阻住佢咁 放低碟飯好似挽飛碟咁 撞落黎 野飲又倒曬出黎咁 完全唔掂 食物質素又差 味道普通不在話下 飯又少 好似要好多錢咁？ 比勁少飯 好啦食左8成左右 我放低飲啖茶 睇睇手機 佢就黎收走左佢 我未食完架喎 我真係O左咀 好啦 我算 我忍 我幫朋友叫個外賣 其實我第一次食 我朋友話幾好架 成日食 好啦 幫佢叫 個員工語氣極差 好吧 我都忍 叫左 外賣到又係飛過黎 真係嚇一嚇 火爆地去埋單 走去朋友到 算數啦 都冇下次 上到去 開外賣 都唔係我要既野 野食野飲都唔一樣 我真係把幾火

窩心，我由一開張捧場到而家，由以前每個禮拜都會去到而家，抱着俾多次機會嘅心情而去，但係，每次見到佢新請嘅女員工，都令我覺得不快，窩心的食物我覺得OK唔錯，味道唔錯，份量也足，之前覺得佢所有員工都很好，易溝通有禮貌，所以我之前都好鍾意去，自從佢哋請咗某一女員工後，我嘅每次經歷都覺得，好嬲，好唔爽，好冇禮貌，食到背脊骨落，呢位女員工冇禮貌，嘴藐藐，成日將對手擺喺後面或橋住對手，你食緊嘢嘅同事佢會過嚟執了三四次嘢，然後有一次，我同佢講唔好意思啲湯好似有少少唔同嘅味道喎，佢答我，係咁㗎喇，換過俾你啊，不過都唔使啦…🤔你就自問自答嗎😵‍💫🥲其實最唔鍾意就係佢自己淼淼，勁冇禮貌個樣，俾人感覺係，我嚟食嘢要受你氣？？大家出嚟食嘢，都係想放鬆吓個心情姐，搞到食完成套戲，啲嘢食幾好食都冇用啦，我真心覺得佢啲嘢食真係OK，如果唔係，嗰個女員工我一定keep住去幫襯嘅，不過，唔好意思，我已經俾咗三次機會，但係每次見到佢都係咁乞人憎，我覺得老細請着佢，真係食客少一半囉，唔單只係我，我哋個水泉澳群入邊，個個都有類似經歷！不過，佢其他嗰啲員工係冇問題嘅，仲有某幾個放頭髮，年紀老啲嘅姐姐都好好人好有禮貌，周唯獨係嗰

有幾日假期就去咗沙田探朋友，朋友就推介我呢間叫窩心冰室嘅餐廳度食下午茶，我哋叫咗個芝士西多士、吞拿魚蛋白潛艇。芝士西多士 $30平時食西多士一般都係配花生醬，呢度有芝士，我芝士控就一定唔會放過佢啦，一切開個西多士，內裡啲芝士漏晒出嚟，好正呀。吞拿魚蛋白潛艇 $32吞拿魚同蛋白都幾足料幾夾㗎，蛋白都幾多，都幾好食呀。整體來講：下午茶嘅價錢都幾抵食，味道都唔錯。奶茶，檸檬茶都ok 嘅，有茶味(凍飲加$3)。

食物尚可,但職員對卡位分配太執著,三個人也不肯比卡位,而最離譜係外賣只送屋邨大部份樓宇,而不包括崇泉樓, 山泉樓,峻泉樓,嶺泉樓,是否這四座樓宇的顧客無錢比呢？這是否涉及岐視呢？

有一次結帳，職員連多謝一聲都唔講，太差勁喇。呢次仲離譜，打電話叫外賣，居然大聲喺電話講話無外賣後收線，真無禮貌。如果忙碌的話，可以同客解釋原因，洗唔洗攞客黎出氣啊，以後可以同呢間新店割席，食完都一肚氣，這一間不是水泉澳獨市的，去返太子燒味食好過。

今曰嗌外賣，重復講佐3至4次，重重復復話要咩要咩！最後都係漏佐，搞到屋企人滿心期待咁等佢最想要既羅宋湯最後冇送黎，之後個外賣咖喱牛腩飯就酸佐，本來好好既假期心情咁就俾呢個午餐影響佐，冇下次！！真係唔明點解咁多人排隊，我相信如果唔係水泉澳商場冇咩其他選擇，啲人都唔會排隊去幫襯！食物一般般都係！哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼哼

上個月新開的茶餐廳,初開業時人流十分多,無論排隊等位或外賣,外賣更有一段日子要暫停,肯好現時正常番啲,等外賣都變番十幾分鐘就有,這間稱得上係屋邨比較一間似樣既茶餐廳,暫時試過早餐及下茶餐,比較出色係沙嗲牛,夠香,食落有花生醬味,用料夠,我嗰碗有5,6舊牛肉,數量也可以,蛋好滑，丹麥多士現場食會好啲,外賣回家後有些淋,咖啡也夠香濃,有些街坊投訢店員沒有禮貌,暫時我幫襯咗幾次,之前都有試過堂食,我只可講正常茶記招呼啦,暫時還未試過不禮貌對待,希望可以維持,有機會會試埋晚餐。

等咗好耐，終於係2021年4月5日開張😃相信水泉澳的市民都熱切期待這一間新嘅餐廳（冰室）來臨！因唔想同人迫，選咗今日（開張第三日）10:45時段來嘗試，好彩有一張卡位無人坐，我即衝入去（之後門口就開始有人排隊等位😅）今日試食早餐，速度算快，賣相👌🏻，感覺良好👍🏻未開張前，我睇過窩心在大窩口店的餐牌，相對之下，水泉澳價格較貴，可能是不同區別的競爭關係，加上商場上面的茶餐廳內的價錢較高，所以窩心都會比較之下亦調高咗！如果質素好，價錢高啲都無問題，希望窩心努力💪🏻，唔好因為人多，工作量多弄至與客人產生磨擦😊