影片
开饭介绍
日式裝潢、價格相宜的壽司主題立食店。每天由築地直運時令食材到港，而醋飯則以日本福井米製作，另外更提供多款外帶手卷。
继续阅读
营业时间
今日营业
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
公众假期
12:00 - 22:00
公众假期前夕
12:00 - 22:30
以上资料只供参考，请与餐厅确认详情
相关文章
記得呢間餐廳啱啱開業嘅時候係立食冇凳坐，後尾唔知係咪都係迎合返市場又加返晒啲凳😹今次晏晝5:30入到餐廳，發現竟然有下午茶套餐優惠，而且價錢仲要勁抵。我叫咗一個刺身定食連埋湯、沙律都只係$75，足足有五款刺身，每款有兩片，而且都厚切，完全冇將貨就價，以呢個質素嚟講，呢個價格係超級超級抵。朋友就叫左個都係下午茶餐嘅精選壽司成盒，8件壽司，仲要有一件係海膽軍艦，一樣都係包埋湯同沙律，當以為已經上完成個餐嘅時候，師傅又上一碗細碗嘅烏冬，朋友食完呢個下午茶餐真係飽到上心口。除咗下午茶餐之外，見到佢嘅限定款入邊有生蠔，平平哋$38 1隻，又叫咗一隻嚟試吓，雖然唔算好大隻，但肉質非常爽，有微微海水味但又唔會好咸。另外仲叫咗一個白子小食，白子其實即係魚嘅精巢，好多人一聽到都唔敢食，但其實白紙個口感好正，非常Creamy，配埋個條味醬汁一流。而家知道佢有咁抵嘅下午茶餐，下次去都一定會要喺六點之前入去幫襯🤣🤣
继续阅读
食物味道同價錢係性價比幾高，同埋都唔會趕人走，可以慢慢食，見到好多人食完慢慢飲茶吹水。不過正因為咁，等位都耐，黎到門口下一張到我地都等左三十分鐘先有位食。壽司上菜黎講都算幾慢。我地叫$9-$17款式簡單壽司都要等20分鐘（其它客人已經食完吹緊水，所以堂食都係三個師傅做緊我地兩個客嘅野食，但佢地可能要做外賣單掛，不過全程聽師傅好開心吹水，仲做錯左d外賣單）接近$50玉子燒果d就要40分鐘，好似愈貴等愈耐咁。但唔趕時間其實係抵食，因為價錢好平。
继续阅读
✔️玉子壽司喺餐廳嘅自家製壽司，係用日本嘅雞蛋自己制，每一件都非常甜，而且都幾好食，再加埋佢本身即刻叫即刻握嘅飯！鍾意食黑松露嘅朋友，亦都可以加黑松露！✔️麵豉湯不嬲都係呢一間餐廳其中一個我最鍾意食嘅嘢，加咗好多蝦頭去煲，成個湯充滿海鮮味，而且有豆腐同埋海帶增加成個麵豉湯嘅口感，價錢亦都非常抵，鍾意飲麵豉湯嘅朋友不能錯過！✔️帶子壽司就非常鮮甜，餐廳係用日本嘅高質帶子，加埋Wasabi簡直就係正！
继续阅读
立鮨@tst🌟喺附近飲完酒，所以過嚟食少少嘢，嗌咗兩個手卷，同埋五六件壽司，個人好鍾意佢玉子壽司，係餐廳自家製嘅玉子，餐廳玉子壽司係甜甜地，而且同日本嘅味道非常類似。手卷就推介芥末八爪魚手卷，辣辣地非常開胃，而且非常鍾意佢嘅壽司飯！最後我哋仲叫咗蝦頭麵豉湯，非常香濃嘅海鮮味道！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟
继续阅读
我諗起碼有大半年冇黎過，心血來潮，想過黎食壽司。舖頭比較細，十零個位，啱啱坐滿咗，喺門口等咗2,3個字都冇所謂，仍然會有D期望，我記得以前黎食，質素唔錯，所以有一牌經常黎食。入坐，點少少野，試下先，有員工在開心吹水，都冇所謂嘅，最緊要黎果D野好食。我入坐之後，人開始少咗，但都係等咗一陣，可能師傅地要做外賣。終於食物來了，看來只是中規中矩，細細件，味追正常嘅，但發現D壽司飯嘅飯粒比較細粒，而且較硬，影響咗口感。最後黎一個手卷，D紫菜係包住舊飯，好似春卷形狀，反而咁樣D飯比較"軟熟"，呢個有少少海膽嘅手卷，係我最滿意。同埋我坐喺度寫食評，佢地冇趕我走，因為呢一浸，堂食客少了。普普通通嘅一頓飯，可能只係成自己期望高咗，又或者真係礙於成本上漲，好似冇特別加過價，咁只有喺食材嘅質量方面將就一下。
继续阅读
您可能会有兴趣的...