端記茶樓

营业中

休息中

尋日早收工原本同朋友諗住黎呢度飲完茶行個短山，但去到荃灣keep住有啲雨，所以專程入黎呢個歷史悠久既茶樓飲個茶就算😂呢度基本上採取全自助形式，自己搵位/開茶/拎點心 (除左一啲即炒野要搵店員落單同埋埋單計數之外) ～如果有點心新鮮出爐老細就會嗌咪通知😅不過點心無價錢，我地兩個人叫左五樣野埋單$106，扣除每人$4茶芥，粗略估計應該係兩籠$15小點，一籠$18中點同兩籠$25大點～❤️奶皇馬拉糕 (評分: 4/5)買少見少嘅點心👍 宜家市面好多時都淨係得比較深色果款既紅糖馬拉糕～呢個食落幾鬆軟，唔會太甜，不過就真係純奶皇欠缺左啲蛋黃香，但值得一試👍❤️雞球大包 (評分: 4/5)又係好懷舊既點心😁呢個大包皮薄足料👍👍餡料大概有火腿，鵪鶉蛋，雞肉，臘腸，雲耳等等雞肉夠滑，雲耳增加左成個包爽口既口感但鵪鶉蛋就有啲硬同臘腸有啲肥，不過都係值得一試既懷舊野😀⭐️蝦餃 (評分: 3/5)蝦肉幾爽口但味道偏淡，蝦餃皮既收口位亦都太厚，呢個水準比較普通❤️鳳爪排骨飯 (評分: 4/5)食食吓先記得影相😂 排骨都算嫩滑唔韌～最欣賞係啲白飯底粒粒分明，食落有米飯香，唔錯👍⭐️金錢肚 (評分: 3.5/5)呢個金錢肚

3/5The watercress is nice there, tender with the light sweet soy sauce. Very fun and cool place that you help serve yourself. Dim sun is not bad too. Meat bun, quail egg siu Mai.Definitely worth a try. Recommend to walk up one floor to sit outside.

聽過瑞記多年第一次去，中午去仍多人，等露台位行了第二轉半小時才有位。冲茶自助，可以溝吓茶。出點心會有咪通知。最有驚喜係叉燒包有裂口笑口常開，一般茶樓都已經做唔到。牛肉幾實不過不失。點心質素味道一般，食嘅係懷舊風味，有茶粿和豆腐花。叉燒包牛肉計小點，都幾抵。

🔸全自助玩法，自己搵位自己斟茶自己攞嘢食🔸有點心出爐會嗌咪，最好target呢啲嚟攞🔸點心質素一般，坐露天位啲嘢食凍得好快，我覺得豆腐花最好味幾滑，另外西洋菜都係必食因為隔離就有個西洋菜田🔸山上空氣一流，一路食點心一路聽住無數雀仔吱吱吱吱嘅叫聲🔸目測都幾多老人家鍾意晨早嚟呢度飲茶🔸停車場情況混亂，引起唔少爭執，茶客不停食花生，搭公共交通上嚟會方便d🔸兩個人食咗$15x🔸食左乜？!🔘鮮蝦韭菜餃🔘蓮蓉包🔘牛肉球🔘蝦米腸粉🔘山水豆腐花🔘西洋菜

行山前先醫肚！瑞記茶樓出名茶果同西洋菜，但都賣光了！不過其他點心都好美味。🥢蝦🦐餃：剛出爐的蝦餃大大粒，蝦肉飽滿結實，餃皮唔會好淋，幾好食算above mean ~🥢雞扎：魚肚彈牙，豬肚夠滑，同埋食落唔會油淋淋，係真材實料👍🏻🥢牛柏頁、鳳爪：入味但有啲un 唔夠淋🥢义燒包：麵團以酵母發酵，而唔係用梳打粉，所以麵包好有咬口。🥢馬拉糕：正常發揮。味道：🔅🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅（5🔅為滿分）

在大帽山看完日出後，怎會不去附近一間很有歷史的茶樓，而且出名的不是點心，而是它的環境和服務方式。位置：位於川龍村，在小巴站的樓梯下到小路，往前去就到了。環境：茶樓分為兩層。地下共分為房內兩處大廳及戶外地方。而樓上有兩個天台，並設有室內座位，環境最好是天台，因為可望遠處的村屋和藍天白雲。服務：基本上是沒有服務，所有杯碟碗筷都是自取，茶葉任君選擇，自己斟水沖茶，自取點心，最後唯一的服務是付帳單！早餐：本來都沒有期望，但想不到質素那麼差，不知道是否因為那日人多，點心的選擇都不多，大多賣完了。中伏點心：荷葉糯米雞，應該是橙色糯米飯，外形看似正常，但內裏是不見有雞肉，而且只有一塊臘腸和火腿，餡料少之餘，醬汁都很奇怪，怎會是橙色的?味道極之普通，結果是吃不下去。蝦餃皮厚，蝦肉完全沒有鮮味，簡直味如嚼蠟。蒸排骨是所有點心之中最難吃，肉質有一股難以形容的氣味，幸好是全熟，但那股霉味難忍，沒有再吃。馬拉糕如結實的蛋糕，一點也不鬆化，唯一的好是味道正常，只是口感如吃厚實的蛋糕。牛肉球是我唯一沒有吃到，但每個吃完的朋友都說難吃，粉漿太多。正常發揮：蝦腸粉是少數我們一致覺得不錯，最起碼是皮滑和有醬油香。鹹水角

welcome to the taimo shan at tuenwan. againthis is my 2nd tinme coming here!!!its a great place for hiking the highest mountain in hk with excellent breakfast in the morning at this resto. highly recommend the chasiu intestine powder becoz it burns with chocoal❤️. the rests are a bit normal. price are cheap but u need to serve yourself.the route to taimoshan is easy first u have to takebus from tuenwan west mtr : no. 51minibus from tuenwan mtr : no. 80you will get up to the starting point around

一個月之前行山嚟到，三個人點左七樣點心。老實講真係好麻麻，除咗個菜係好食之外 😅 今日又行山，好似冇乜選擇到再入去俾多次機會佢啦。 兩個人點做六個點心，出乎意料一個月之間水準大有改善，最好食係個鳳爪、糯米飯都唔錯，跟住啲姐姐又好好人喎，今次食得好開心好滿意，兩個人食咗$130

今天帶父母專登去這間名氣茶樓，點了不少點心， 燒賣、蝦餃、鳳爪、排骨、牛肚、蝦腸粉、雞扎、炸春卷、鮮竹卷、叉燒包、通菜、娃娃菜、豆腐花結果….燒賣、蝦餃都係唔熟，燒賣的情況最誇張，生豬肉（如圖），同啲伙記講，佢地的反應好明顯係經常發生，之後聽返朋友講佢地都試過啲嘢食唔熟！腸粉、蝦餃的皮厚到好似食包咁鳳爪硬、鹹排骨啲粉可以食到飽牛肚、雞扎、鮮竹卷、炸春卷、叉燒包還可以，起碼熟，但一啲都唔好食！最好食係菜！新鮮！大家想想，生豬肉放入口咬嗰種感覺有幾咁新鮮！

去大帽山行山，第一個行程當然要去飲茶，咁先有力氣上山！來到端記茶樓，夠哂懷舊！所有碗筷都係自助形式取，茶葉任君選擇，自己斟水沖茶，係室內點心區可以自己慢慢揀中意嘅點心！留心聽廣播就會知道有咩新鮮岀爐，非常吸引！特別推介:👉🏻西洋菜全天然新鮮種，果然非同凡響，幼嫩爽脆不得了！👉🏻雞包，叉燒包，大包已經唔係度度地方有，非常足料，啖啖都係餡料，真係要唱番句:大包整多兩籠，大包整多兩籠，唔怕滯~~~

電光閃爍 荒草掛露🌾私心post上JER的人類群星閃耀時歌詞 ☁️☁️☁️☁️☁️☁️☁️☁️☁️終於都過咗重陽節🍁秋高氣爽最岩就係去行山🚶🏻‍♀️🚶‍♂️🚶行山前先飲茶醫一醫肚，再出發還債先·川龍的端記茶樓深受行山客歡迎，鄰近大帽山，食完可以即刻起行，2/F陽台境色真係好靚，望住藍天白雲飲茶，真係非常Chill🎶·茶樓絕對係個打卡點，日系小新清或者港式復古風的相片都可以輕鬆get📸🥰·點心出籠會有廣播提醒🔔新鮮出爐點心～記得衝去點心區拎📣·餐廳係行自助式的，由搵位、沖茶、拎餐具、拎點心都係自己親為🫖食完先叫店員過來埋單點數🙋🏻‍♀️🙋🏻‍♀️-⛰本日行山路線：川龍➢妙高台➢大帽山😋豉椒排骨/雞札/鵪鶉蛋燒賣/蝦餃/茶粿(豆沙)/粉果/春卷(7款)，兩枝維他奶( $148）💰以下價錢作參考:小點（$15）中點（$18）大點（$25）頂點（$50）茶芥每位（$4）☁️☁️☁️☁️☁️☁️☁️☁️☁️

去川龍的話我首選此間酒樓， 閒日泊車都算易，假日就……。佢地味道唔錯， 装修比較舊，對比集團式酒樓點心冇咁花巧精緻， 但黎呢度食嘢感覺心情特別舒暢， 一年總會上嚟一兩次。自助形式，由取餐具、開茶及取點心都係自己攪掂。 當有新鮮出品時會有人嗌咪提醒食客， 手快有手慢冇。雖然點心算係正常一般， 但茶味比一般酒樓更為有茶味， 鍾意嘆茶慢慢坐嘅人啱曬。肉絲炒麵…… 麵炸得夠脆叉燒拼燒鵝…… 味道正常可以牛柏葉…… 味道非常唔錯推介豉汁鳳爪 ……味道都可以

細細個成日聽人去大帽山飲茶，但因為地點唔就腳，早起身，唔易泊車等等一籃子嘅因數，所以未有機會去試試一日，老母突然話想試，所以迫住老豆車左我地上山試試佢可能因為下午2點幾先到，所以食物種類所淨無幾環境衛生就唔可以要求太早，話哂係郊外服務就係自助我入得去嘅，都係可以比狗入嘅餐廳一家餓到相都廢鬼事慢慢影一張大合照就算茶，唔記得咩茶，正常牛肉球，ok鳳爪，ok唔知咩餅，比較油鹹水角，比平時大，不過味道冇咩特別排骨，唔錯燒賣，唔差總結，相信去得依到應該係食佢嘅風味多過佢嘅味道。（可能你早上6點去到，d 野會好味d 同多好多野食揀）再送多一張無黑面嘅相比大家

女朋友好鐘意飲茶食點心，今日特登帶佢去川龍食，順便再同佢行埋山~端記點心係一間好自助式既茶樓，搵位、開茶、拎點心全部自己搞掂～我地一去到，咁岩有張2人枱埋單，有個好殷勤既女職員即刻叫我地過去坐～佢見我地好新手，仲教埋我地開茶、拎野食，仲推介左佢地出名既野食，好似茶粿咁～一般常見既茶葉佢地都有供應，不過熱水真係好滾，開茶時要小心！開好茶，我就同女朋友出去拎野食，蒸既點心同煎炸點心係分開兩個位置拎既，另外仲有油菜。蒸點有飯/腸粉/一盅兩件既點心; 煎炸點心就有炸雲吞/煎堆等等~女朋友最鐘意鳳爪排骨飯，調味岩岩好，d汁同油香滲落下面粒粒分明既飯度~正!食食下，有嗌咪！有新鮮出爐茶粿，即刻拎左個豆沙同花生一齊試下，果然好好食～皮薄餡又多！呢間茶樓好抵食，食物質素當然無一線個D咁好食，但呢度勝在有人情味，有飲茶既氣氛，同埋見到咁多不同點心任你揀，別有一番滋味～

本人一心去行山，祗想起步時食飽早餐，故特選了此茶樓，之前已聽聞什麼都要自助，故到步即自行洗定杯沖定茶，上二樓陽台霸個靚位。樓下食物種類繁多，真有如食自助餐的感覺，選擇困難症又發作了，奈何自己一個人，眼濶肚窄，唯有樣樣望下當食咗。一入門口就見琳瑯滿目的炸物😋，再進入房就是蒸爐位。天呀！! ! 好多點心呀，教我點選呀🤯小心呀，♨️那些碟好熱的，一開蓋就先來個蒸面facial，姐姐們見狀都好熱心話會幫手拎出嚟。周圍都係食物，有粥又有豆腐花。豆腐花$15碗，姐姐話可代匹或自己匹，我當然老實不客氣，自己來片豆花，一於有咁大碗忽咁大碗，滿瀉又滿足呀😆一路聽住雀仔聲，一路品茶很是滋味，最過癮是到時到候會有live廣播📣通知有咩食物新鮮出爐，好多茶客聽後會即刻彈起身去掃貨的，很是搞笑及熱鬧。其實食物質素一般，不過我覺得嗰氛圍超正，環境又未至於很污糟，喚醒咗我兒時細個去飲茶嗰種感覺，現自取點心舊式茶樓碩果僅存，真的非常懷念。其實二樓都有茶水間，大家千萬別學我咁儍，托盤茶壼及杯筷上去霸位😅後記：老板輝哥及輝嫂親自主理以下的食物，大家千萬不要錯過呀。童年回憶-遮仔啫喱，仲有花奶伴随任斟即搓即蒸的茶果，等唉咪就