竹源越南餐廳 (已結業)

米睇佢位置偏僻又舖面細細咁，其實好旺場架！日日未夠1點鐘都必定樓上樓下都坐到爆，原因只有一個字~抵！所以要食就要晨早去搵位。檬粉、湯河廿蚊大大碗；飯類26/7蚊超大碟；男人老狗都分分鐘會食餘炒炒麵飯30零蚊又係好大份量。但其實味道只屬一般，炸項如春卷蝦餅蔗蝦等都麻麻地。牛油雞翼都係果隻味，比起其他野就略貴。個人推介煎札肉檬，咖哩牛腩飯，炒金邊粉和菠蘿炒飯，如果唔怕肥膩的話，可試試火箭蝦。