笑匠歡宴坊

营业中

休息中

買了迪士尼年票，也知道憑年票在樂園的餐廳飲食會有 discount。所以，我們周不時會故意地去試下在樂園內不同的餐廳。這一次，我們就來到了城堡後的幻想世界區，大的一間餐廳大排長龍兼搵唔到位，我們就去這園區的另一間餐廳《笑匠歡宴坊》 (Clopin's Festival of Foods)，一試。試了一個香港式的快快快快餐。在門口已經得知，這兒是快餐炒粉飯麵同湯麵的專門店。所以，我們看中的不多。畢竟，折後都要過百元一份餐，直接令我們覺得，這一間餐廳比起場內其他的餐廳更唔抵食。兩大一細一更細，所以我們是三個餐加一份小食大家分享。而小食就是小朋友見到就會開心的炸雞翼。不過，份雞翼好厚粉，但亦因為粉夠厚，炸到好脆而又保留到肉汁，整體上，叫做 OK 咁啦。素食餐，叫做糖醋植物雞肉飯。也即是咕嚕素 Nuggets。而這一個飯就好失望了，首先，佢地好冇誠意地說是植物雞肉，但實際是植物雞 Nuggets，而糖醋汁少之又少，想甜甜酸酸地撈下飯食都唔夠。我同仔仔同異口同聲地，點上這一個菠蘿海鮮肉鬆炒飯。可以說，這店的眾熱食之中，似乎最像樣，又值回票價的，就只有這一個飯。因為，真係有好多蝦，魷魚等等的海鮮有

聖誕節去迪士尼感受聖誕氣氛，午餐無得揀一定在樂園食，樂園餐廳沒有什麼選擇，而且價錢貴。今日去左旋轉咖啡杯對面的【笑匠歡宴坊 Clopin's Festival of Foods】。有別其他快餐，這裡大部份用餐區都設於室外。圓木枱加上木櫈仔好有大排檔 feel。平時在樂園都係食漢堡包薯條，今日試下湯粉！客人到麵檔前即時落單，餸料已經預先煮好，廚師好快就做起一碗碗湯粉。【樂園牛四寶湯粉  $130】有牛腩、牛肚、牛筋及牛丸，湯抖普通，湯底偏甜沒有什麼牛味，沒有期望因此沒有失望，只求醫飽個肚。【牛油雞翼  $55】小朋友最愛的炸雞翼可以自己獨吞四只，外面香脆，味道一般。好彩張入場卷食物有75折 （除飲品外）。

2022.12.12 lunch 入樂園都預咗要幫襯園內食店，但幸好在某一旅遊APP有卷買，卷包兩餐+一個零食，可以慳幾十蚊😁🤞🏼 所以人均消費我就無入了，睇相啦😝其實餐牌唔多選擇，我哋揀咗扎肉雞絲湯粉同海鮮菠蘿炒飯，再加錢要支汽水。 好攪笑，雞絲變雞肉，其實如果唔想切，不如你餐牌寫雞肉啦😂 味道比預期嘅正常，不過啲粉就⋯⋯碎到一個點🤨 比較挾嚟食🙃至於個飯，味道都算正常，最衰唔夠熱，如果唔係應該會好食啲。

買左一年 迪士尼pass去左十幾次 終於比我係最後的一個月見到笑匠有開門 唔洗再炸雞漢堡燒雞呢類當然要立即幫襯 試下味道金卡會員係單數月份仲可以享有75折 成件事立即抵晒原本無包太大期望去試 點知比我想像好大蝦雞肉札肉牛骨湯湯河 $125每樣材料都各2大蝦爽口但唔係好大札肉 肉味濃唔粉好彈牙雞肉就一般牛四寶湯河 $125牛丸係一般四洲牛丸牛根牛腩幾淋，但鹵味淡，份量多牛肚無怪味兩款湯河都係同一湯底，湯底幾甜無過重味精，食完飲幾啖都唔會口乾！芫茜、辣椒係要另外要求！記得叫佢比多少少湯，我第一次食好快索晒d湯得返河粉。而呢到的河粉都係越式乾河而唔係中式油湯河！另外，加10蚊就有枝裝可樂！整體我個人覺得食牛比雞抵食！

海鮮肉鬆菠蘿炒飯$130大份量、飽肚、多料嘅迪士尼園內熟食。竟然有三隻大蝦？！啲蝦爽口，同埋冇霉。開頭捻迪士尼嘅野食會係少料啦、貴啦同埋細份。不過個炒飯都幾好。有足足大排堂碟頭飯份量嘅飯量。佢炒飯料有魷魚粒啦、菜心粒啦、菠蘿啦同埋洋蔥粒。之後佢仲有三種toppings 有腰果、提子乾同埋肉鬆。佢出餐好快，排到隊同埋講之後就會即刻幫你預備，然後就拎得個餐。生果杯$40生果杯裏面有西瓜粒、哈密瓜粒、蜜瓜粒同埋提子。蜜瓜好甜，西瓜起左小小沙。食落去唔似罐豆生果，冇防腐劑味，而且都冇浸過糖水。佢好啱夏天食，佢賣嘅時候會用冰水浸住個生果杯。所以啲生果會係凍嘅。

5-12-2021 (Sun)同老公喺廸士尼玩,食完雪葩後,就算唔肚餓都要食晏喇,因為公司有一人一張嘅$130.00餐飲劵,我哋揀咗呢間試.我哋去到有好多人買嘢食同已經冇位,咁我哋分道揚鑣,一個排隊買嘢食,一個等位,等咗好耐,我就有位,老公由買嘢食到有齊,都原來用咗46分鐘,真係冇誇張到,因為呢日有好多遊客.我哋要咗$130.00嘅菠蘿海鮮肉鬆炒飯,同$120.00嘅柚子大蝦及魷魚沙律,加$10.00要支汽水.開動喇, 柚子大蝦及魷魚沙律酸甜度啱啱好,不過其實有辣椒,我揀走咗就唔辣,而各3隻嘅大蝦同魷魚都爽口,青瓜亦新鮮爽口,底嘅脆皮好脆,夾埋沙律汁食,有啲似食炸雲吞,好好味.味道:5分菠蘿海鮮肉鬆炒飯,o衣o家至諗返起,原來冇菠蘿,海鮮就只有大蝦,個飯唔太油同唔會太乾硬.味道:4分服務同衛生:我等嗰張枱上手遊客係食到成地下都係河粉,我就叫人掃地,嗰個人嚟到就只係掃地但冇執嘢,我又要叫另一個嚟執.抵食係2.5分

來到笑匠歡樂坊，覺得好似去咗中東的市集咁樣，充滿異國風情，影相出嚟都好靚，好適合打卡。入得樂園就預咗食嘢唔太平，不過入到去見到呢間餐廳風格好似係東南亞美食，又唔算係太貴，而且都唔太差吖！柚子大蝦及魷魚沙律呢個沙律竟然係出奇地好味😋，尤其是當日天氣忽然間好熱，11月尾都有成26、27度，酸酸甜甜嘅汁食食吓都幾辣㗎，加埋青瓜沙律冰冰凍凍好嘢味，上面有啲柚子肉同埋花生碎，魷魚比較少，大蝦肉質好爽，最驚喜係包住喺出邊嘅薄餅，起晒酥脆卜卜好好味😋😋😋😋😋，沙律放喺酥餅上面雙重口感真係好好味！仲叫咗一個糖醋植物雞肉飯，唔記得影相，不過都唔係太差😋反而最唔似係伏嘅菠蘿炒飯竟然伏伏地，你千祈唔好諗住佢係菠蘿炒飯，菠蘿真係唔多，咖喱味超濃，你叫佢做咖喱炒飯就啱嫁啦，呢個係唔啱小朋友食，佢哋應該會覺得咖喱味太濃唔會鍾意食。飲品方面 +$10 可以加配可樂，+$20可以加配青檸梳打

入黎十次都唔知會唔會開一次嘅笑匠，今日居然開門，當然要襯天氣涼爽去試一試，唔係都唔知幾時有機會再食到。餐牌多咗啲東南亞口味嘅菜式。菠蘿肉鬆海鮮炒飯 黃色係星州炒米個隻咖哩味，放落炒飯度都幾特別。蝦肉大大隻同唔霉，抵讚。炒飯上嘅提子乾同菠蘿都令到個炒飯冇咁單調，係炒飯有少少唔夠乾身，不過唔知係咪都係特色黎。柚子大蝦及魷魚沙律 蝦同魷魚新鮮爽口，好適合做沙律。成個沙律冰冰涼涼又酸酸甜甜，夏天做開胃菜一流。特別想讚沙律外嘅脆皮，香之餘又脆口。不過個沙律有辣椒，唔食得辣嘅就可能唔係咁岩食喇。員工好有禮貌好nice，希望笑匠之後會開多啲，俾多個選擇入park嘅客人揀啦。

入得樂園食飯預咗要洗錢 呢間係今日唯一有開而又係賣中餐嘅餐廳 係快餐形式露天餐廳 室外嘅 冇冷氣 不過天氣涼涼地都OK嘅 係雀仔比較多 職員一收唔切人哋嘅碗 啲雀仔就會飛晒埋去食 即使有部趕雀機喺隔離都冇乜用所有餐都$100以上 價錢比較貴 但一個人食都叫夠食同埋質素冇想像中咁差 食咗個鳳尾蝦辣雞飯 送埋杯汽水 辣雞係麻辣嘅 我幾中意 啲蝦都算大隻同埋彈牙 鍾意食辣既可以一試職員都好有耐性解答顧客問題 不過好多內地客唔明白點買飯 有少少混亂 但午餐時間我都冇期望d乜 快餐黎講算係咁 不過夏天黎既話應該都會去番室內餐廳食

可能真係因為童心未泯，最近唔知點解迷上左去Disney玩，無論係dating定係同啲friend一齊出嚟都係 雞比叉燒飯，叉燒好少，不過啲汁就仲ok，可以撈著啲飯嚟食。不過個碟頭飯真係太細啦，我一個女仔食都唔夠飽 而且附近仲有雀仔成日飛埋嚟不過叉燒勝在唔肥，不過飯真係太貴囉，覺得絕對唔抵食 蝦子雲吞撈麵都OK，不過蝦子好少，撈麵又太鹹，成份野無太多特色，唯有將就食下啦 海鮮撈麵都可以，口感濕滑，海鮮落得比較多，而且撈麵好入味，啲醬汁好食

食之前聽到隔離枱話「d飯真係硬到食唔落」，個心都有d驚，心諗：「唔係差到咁掛？」好彩我地食既糖醋里脊肉飯都唔係差到咁。飯的確硬左d，不過係街食飯好多時都係咁。咁arm佢有碗魚旦湯附送，加d湯落d飯度食好味好多。里脊肉(豬肉)都幾多，冇十件都有八件，炸得都算OK，唔會太乾。糖醋只係就咁淋上d肉上面，冇真係將食物同醬汁撈埋(雖然佢標榜係小炒)其實去Disneyland都係為左玩，食好野就唔會去Disney啦，所以無謂太harsh啦……

十二月三十一日,零七年真是難忘的一年,因為能夠遇到您^^食完lunch之後搵winnie the pooh(其實我地係想搵跳跳虎既)影相,去玩決戰巴斯光年,有人唔復輸~好彩最後2比2!!!仲差我幾十件炸雞呀!!!仲整左對好靚既杯,去睇winnie the pooh,就去左呢度食野喇!我叫左個所謂担担麵既麵!呃人既,担担麵都唔係咁既味!同埋幾難食!!!!!記得唔好叫~~~呃人架~不過老公仔個炸鱔飯幾好食wor!在迪迪尼同老公仔倒數~比零七年畫上完美既句號!

晚上的時候, 原本想食好一點(到那些有人Serve)的餐廳, 到美國小鎮大街的餐廳忘了入場時Book位, 早已Full了, 想到探險世界的河景餐廳, 但那裡也要等位, 而且D食物不是太對胃口, 最終決定來這裡, 坦白說天氣涼的還可以, 坐在室外也很舒適!感覺好像主要吃中菜&東南亞菜, 我叫了一個雜菌炆素麵, 女朋友叫了一個咕嚕肉飯, 另外女朋友還叫了一個豆苗餃, 一碗紅豆湯!我的麵真的不太好吃, 很勁的味精, 不再提了, 女朋友則說她的咕嚕肉不錯, 我見她還吃得津津有味的!說回那個豆苗餃, 絕不像那些「叮叮」貨色, 餃本身也很大粒, 用料不錯, 食味很不錯!致於那個紅豆湯也不錯, 甜度適中, 可以幫我一解那個素麵的味精, 吃得出幾多豆, 而且也「煲到起沙」, 很不錯呢!每個餐都是包一杯綠茶!雖然叫了一個味精麵, 但幸好有個豆苗餃及紅豆湯, 環境坐在室外, 也別有一番風味!都是那句話, 到主題樂園的食肆, 隨心就可以了, 可必太執著呢!

除左個fish burger外同朋友仔亦黎左呢度叫左個宮保雞丁飯($45)跟餐有個茶包茉莉花茶幾多料飯份量亦足初頭食唔覺辣但食多兩啖先感到喉頭辣講真味道係幾好但因為佢d"食送"係直接加o係飯面而佢本身又好多汁所以d飯無可避免地撈左好多汁食而佢d汁又油所以個人偏好只屬麻麻地服務唔錯有禮貌

人又多又迫...小朋友又餓就近近地食個午餐. 我叫左個素菜撈面同d小朋友share食...不過唔得太多汁啦, d面又唔好食, 仲有估唔到有少少辣(對我就少少辣). 成個餐都唔好食...餓都食唔曬.不過我家人就話燒味飯好食好多.