第一蠔粉麵 (已結業)

今天接小女回家突然路經發現此店，之前在OpenRice 發現這間罕有主打以蠔的小店，已經想試,所以我們二話不說便入店內。店舖雖小，但夠光猛衞生，老闆及老闆娘服務態度親切由於我們剛剛吃了dinner,所以決定只叫小吃。好可惜我原本很想試的胡椒蠔湯已沽清，唯有下次再試。我們叫了兩個小吃：-串串金蠔仔：蠔仔雖然不大，但也能吃出蠔味，下次一定要試大金蠔，相信會更肥美更鮮味-蠔餅:炸得表面香脆，食落也不會太油膩。內裏蠔仔又能保持juicy值得一讚！若果d蠔仔數量能再多d,啖啖都能吃到蠔肉就更幸福啦！聽老闆娘講12月d金蠔會更大隻肥美到時會出多款期間限定，希望會有我喜歡的芝士焗蠔、薑葱焗蠔、韓式醃生蠔.......所以我這個蠔痴一定會再來一試！

依間餐廳之前有報章雜誌推介過❗️所以bookmark左今次終於黎到啦😇 餐廳主角係蠔🦪佢地用唔用既烹調方式去煮食蠔☺️總會有一款岩你😄.🦪鮮蠔湯米線 $58依個蠔既煮法應該係最簡單😎簡單既煮法都一樣帶出佢既鮮味😌蠔仔既數量幾足下☺️都夠送晒一碗麵，不得不讚佢既湯底🥰飲完之後都會想飲多一兩口，唔會好鹹😎.🦪金蠔湯米線 $58完全係新年食品🥰睇得出個誠意呀，個蠔好好夠味☺️個質感類似蠔豉😍完全係我中意食既野呀，金蠔個量反而較少🙂

太子就成日都經過，每一次經過都會見到呢一間食金蠔嘅米線，每一次都係好多人，尋日終於有機會可以入到去坐低嗌左一碗金蠔台式麵。記住啦各位係台式麵唔係台式麵線，佢個感覺好似幼烏冬咁樣嘅，都唔差，幾彈牙！最好食就係個金蠔，佢煎得啱啱好，非常之入味，老實講我覺得佢配生菜或者佢攞生菜夾住嚟食都應該已經好好味，另外再嗌左一碗普通嘅生蠔米線，份量比金蠔多，但係點樣都唔及個金蠔好食，因為幾乎全部人入去都係嗌金豪蠔，分量有限，所以隔離枱佢叫咗一碗金豪米線，佢都要等咗一陣，所以如果大家去食嘅時候你要預充足嘅時間，不過真係值得去食，而且老闆娘非常之好人，服務態度好好，淨係呢一樣嘢我已經足夠會再去。

Sourced locally every morning from Lau Fau Shan, this oyster specialist makes the tastiest oyster dishes in Mong Kok (closer to Prince Edward)! Freshly cooked when ordered and without MSG, my fav is certainly the Oyster Pepper Soup. Complemented by a simple vegetable & pepper soup, you can taste the freshness of each meaty oyster just as they are. Other dishes accentuate the goodness of oysters just as well. The Oyster Pancake was crispy and all that cilantro in there didn’t overpower at all! I

今日放工經過太子，俾一間叫第一蠔粉麵既鋪仔吸引倒。鬼叫佢門口放囇d用蠔做既菜式既相出嚟，又蠔餅，又炸蠔，蠔湯甘，仲話d蠔係自己係流浮山經營既蠔場直送。鋪仔細細，空間尚算可以。流浮就自然諗起金蠔，我就叫左一個金蠔湯台灣麵同蠔餅試試。蠔餅香脆唔厚粉，蠔仔份糧都適中，無俾脆粉遮蓋蠔味。金蠔台灣麵就老土d都要講，金蠔好有蠔味，質感軟熟。湯底鮮甜帶有少少蠔味，有水準。下次再黎我會試埋串試金蠔，香煎金蠔同蠔湯，真係中曬蠔毒😍。

叫了鮮蠔粥，58元份量正堂，有4隻蠔。蠔味道不錯，但是感覺上蠔是曬過的，好彩未到蠔豉的感覺，否則的話平時只食鮮蠔唔愛蠔豉的我就真係食唔到。粥底還可，有豬肉碎和花生。只是我不愛花生，浪費了。如果你唔食芫茜，咁就唔好叫呢個。因為佢芫茜應該一齊同粥煮左陣，唔係係粥面可以好易分得開。不愛芫茜的我，食得有點痛苦。

呢間係太子嘅餐廳主打蠔，居民餐廳老闆贊助本身係流浮山做蠔，所以啲蠔都係每日由流浮山直送。金蠔湯米線有五隻細金蠔，金蠔煎香後再灑上砂糖，都食得出蠔味。香脆蠔餅好香口，不過點泰式辣醬就有啲怪。⁣The family behind this restaurant operates oyster business in Lau Fau Shau. They serve many dishes with oysters. Give it a try if you are an oyster lover!⁣

經過呢一疫，其實覺得生活不易，每一間食市苦苦求存，且行且珍惜。我之前食過一嘀餐廳，覺得唔太啱食，都會有嘀深深不忿，但寫衰人，我好少...近黎我都見有嘀foodie 可能推介一嘀餐廳，之後就好多人食完會話，濃嘀、淡嘀、唔新鮮之類...攪到罷食又反思一下，可能我嘅隨心一寫，可能會影響人地嘅生計，我真係不得不認真起黎，自己食完，如果唔太特別，我開始睇埋其他人嘅食評，希望可以攞到一個比較持平嘅角度因為每個人口味唔同，我唔想講得太自我中心，始終每一間鋪，都係每個人努力得返黎嘅成果今次食呢間蠔，係我成日經過見到，佢好特別，用流浮山嘅生曬蠔做主打，我見佢個串串金蠔仔好平喎！$54六隻，就外買黎試下啦！其實咁講，佢有嘀九十幾蚊蜜餞金蠔三隻，我冇叫到，叫咗呢種細蠔食，其實都合格㗎！佢都有心機燒到脆邊！過下口癮都好ok 㗎！價錢又合理，下次如果再試，可以叫大嘅試下！重叫咗個柚子茶！佢自己整㗎喎，唔太甜，同好多柚子皮，好fresh 呀！

❤️見到社交平台朋友介紹，說本地難得的主打本地蠔店，所以就捉了老公一起。老公怕腥，所以叫了魚旦米線，而我就叫了本地蠔米缐。本地🦪米缐-味道不過不失，蠔味少，size偏細，份量尚可。魚旦米缐-無什麼特別，選用陳皮魚旦。蠔仔煎餅-偏油膩，無什麼蠔味。整體來講，本地製作，當然要支持，但本地蠔的蠔味相對其他國家的蠔相對遜色一點，加上近年常常說香港海域污染問題，特別貝殻類，所以不能常吃😅。BtW支持本地製作，加油💪🏻！😙🌈

呢間餐廳好適合繁忙的香港人 同樣係即叫即煮 但 蠔唔可以煮太耐 所以等嘅時間 長極有限我去到拎完非 再去隔離商場去個廁所反黎 就已經到我香脆蠔餅 價錢 : $58食後感 : 必點 左先 蠔餅 分左4件 件件都啖啖蠔 而且啲蠔size都比岀面買嘅大個鬆脆程度 我肯定係用左鴨蛋 用鴨蛋整嘅蠔餅 會特別香口 同鬆脆 成本都較高tim 加上啲蠔都大粒 $58都合理金蠔湯米線 價錢 : $58食後感 : 個湯同鮮蠔 果款一樣 但 比起鮮蠔果款 因為金蠔味道 較重 所以湯相對而言感覺淡口左小小 但其實係一樣的金蠔 好滋味 蠔嘅邊位煎到小脆 口感很好 .鮮蠔湯米線 價錢 : $58食後感 : 上菜已經聞到係新鮮嘅韭菜加芫茜 浸湯嘅香氣 食指大動 湯頭好清甜 真係好清甜 鮮蠔分量會因應蠔的大小比(6-8粒) 我呢碗有7粒 啲蠔 熟度係剛剛好 仲好新鮮 蠔味十足 店員服務態度好好 有禮貌 又nice

老公同我都鐘意食蠔，今日專程嚟試下呢間主打食蠔嘅餐廳。舖面好細，只係坐到十個人左右。我哋兩個人坐長枱同人搭枱都唔係話好逼，旁邊仲有張櫈擺下袋，但隔離枱一行四人，個個身形都唔嬌少，就顯得有啲逼喇。坐喺度可以望到廚房，感覺都幾乾淨。Menu選擇唔多，除咗各種大小鮮蠔金蠔，仲有幾款大路嘢。價位就真係一啲都唔算經濟，不過想食蠔真係唔係度度有得食，唔太貴都可接受。唔洗等好耐就有得食，呢個所謂炸四寶丸呢。。。食唔出佢點樣炸過，味道都好一般，無乜特別。然後就係呢個每枱必點嘅炸蠔餅，落單之後聽到伙記叫廚房即炸。比想像中要細碟，已經幫你分咗四份。香脆蠔餅果然係好香脆，脆得嚟個感覺又唔會好heavy好熱氣，比起一般蠔餅佢無咁多粉，出嚟唔會好硬，又唔會淨係食到炸麵粉。蠔嘅數量目測唔算好多，但食落蠔嘅鮮味好豐富，啖啖都食到有蠔咁。最後係金蠔湯米線，一碗有五隻小金蠔。講真個湯底同米線真係好一般，清湯底可以話一啲味都無，即使有乍菜香菜都幫佢唔到。不過個金蠔的確唔錯，蠔味夠濃，個皮煎到香香地脆脆地，咬落𥚃面又好多汁，而且一啲都唔腥。招牌食蠔一啲都無失禮，下次蠔癮起會再嚟。

本身都算鐘諗食蠔既我，見開左間全蠔既鋪就梗係黎試吓啦位置係太子站一出係對面街，非常易搵但店鋪比較細，枱唔多，所以去到都要排一陣隊坐底叫左蠔粥，一睇個賣相感覺好似好普通咁，但原來有驚喜好好食呀蠔唔會腥又有蠔味蠔都算大隻好味跟住就梗係要試吓佢個蠔餅啦即叫即炸一上枱就整黎食點埋個醬好好食呀好香脆可口蠔都係大隻既最後叫左個米線，味道都唔差既，呢個唔係重點就唔多講啦

在這疫情下，出街都變成奢侈。剛好有天要到旺角買東西，就預先在網上搜尋熱門美食介紹。在網上找到這一間餐廳，專門食蠔，而且是香港原味道，於是一試。鋪頭細細，不過乾淨企理。入到去都有不少食客，不過大家都有一定距離，算是食得安心。既然這是賣蠔的專門店，當然第一次來到都係試招牌菜，鮮蠔米線。碗內有不少蠔，雖然實際大小比圖片有差異，不過都幾鮮，無異味。枱上有其他調味料提供，不過為咗飲湯，我就冇特別加辣椒油。米線份量也剛剛好，湯底幾清甜，食完都唔會覺得口渴。

本身好驚食蠔怕腥既我，見到屋企附近開左呢間就試下，叫碗蠔粥，完全唔腥好有鮮味，但個粥超級地咸，未知係咪當日問題，另外亦叫左份蠔餅，份量俾想像中少，認為可以一試，但唔會再食

晚餐時段經過，見到太子新開左間以本地鮮蠔製成既粉麵專門店，比門口poster吸引左，就決定試試佢，舖面細細但坐滿人，拎左飛等位，等兩張枱就有得食喇😋排緊隊既時候，店員已經會落定單，可以減低等候既時間👍🏻有好多野都好想試，兩個人，最後揀左兩碗自選米線同蠔餅自選米線揀左鮮蠔，$20有四隻，鮮蠔好新鮮另一款配料揀左牛丸同貢丸，都好好味呀蠔餅好好味呀，粉唔厚，有好多蠔，好香脆😋😋😋第一篇食評，請大家多多指教🙏🏻