第五街冰室 (京瑞廣場) (已結業)

第五街冰室食物種類夠哂多，有小菜套餐、鐵板扒餐、一般茶餐廳炒粉麵飯、海南雞飯等等，而且價錢經濟實惠，啱哂我呢類無飯一族開餐👍餐廳新淨舒服又乾淨企理，仲有牆身設置部份FIGURE，夠哂特色。座位大部份以卡位形式，自然坐得舒適又可以自成一角👍🌟　BB鴿 $38/隻，$70/2隻乳鴿係我一樣好鐘意嘅選擇，而呢到嘅乳鴿就相當抵食，2隻只需要70蚊。乳鴿即叫即炸熱熱辣呈上，咬落鴿皮脆肉滑，Size都算足夠，咸香味道適中，送酒一流👍🌟　馬來沙嗲雞 $78馬來沙嗲雞同樣抵食，而且味道不錯。醬汁甜中帶微微辣，仲帶一絲絲椰香，用個汁撈飯絕對可以食返一，兩碗。而雞肉皮肉軟腍，完全無韌口感覺，呢個價錢絕對物超所值👍🌟　第五街一品煲 $118一品煲以大量配料海鮮制成，適合我呢種每樣都鐘意食少少既人選擇。蝦球，鮮尤，鮑片等海鮮肉質都爽口彈牙，相信餐廳用料都有返咁上下質素，唔會將價就貨，而且一品煲味道唔會太濃太咸亦係值得一讚地方👍🌟　XO醬四季豆炒豬頸肉 $88雖然用咗大量XO醬製作，但炒出嚟又唔覺得特別油膩，菜式濃烈惹味，同樣啱哂用嚟送飯。首先豬頸肉肥瘦均勻，肉質咬落尚算爽口。四季豆就口感軟腍同樣帶點爽口脆感，

而家好多餐廳都好鍾意用懷舊做特式、看到懷舊又特式的，總會喜歡拍下來留念，又或者很多人也喜歡懷愐過去，可能大部份人都覺得過去的總是特別「回憶」🥳真係咁蹺😂寫梗呢篇文章講緊回憶嘅時候，剛好坐在車上司機開著的歌曲唱着…「回憶也許你的………..」😂😂當晚與你記住蒲公英，今晚偏偏想起風的清勁，回憶不再受制於我我承認，回憶也許你的，當晚與你記住流水聲今晚站在大地自己傾聽 .…呢首歌真係好好聽，所以懷舊回憶的餐廳，大部份人都什為喜愛❤️—————————-又講吓今晚食啲乜⋯⋯🟫中式湯：煲得夠火候的湯又夠甜⋯⋯——————————🟥BB鴿X2：竟然有我最鍾意嘅乳鴿，呢個仲要好抵食，$75兩隻，點可以唔叫呢！😄又香又脆，肉質又嫩，又平又好食的乳鴿😋👍————————🟧水煮斑片🌶️🐟：我同朋友都鍾意食辣，而且仲好鍾意食水煮魚，呢一度竟然有咁出色嘅水煮魚，而且仲煮得好好食，配料又夠多，魚肉又夠滑，有爽口的芽菜、芹菜、木耳絲茶樹菇蒜頭及多款配料………等等—————————🟩西芹腰果蝦🦐球：又爽又脆的西芹，炒得嫩口、腰果香脆、蝦球彈口，呢度嘅廚師煮嘅食物都有反咁上下功架，的確做得不錯的小菜——————————🟪椒絲

叫咗兩個餸， 一個雲耳勝瓜炒牛肉， 正常味道， 但份量好少， 一個火腩豆腐煲， 又係份量好少 ，火腩乾柴， 係乾到咬唔開嗰種 ，而且咸到入唔到口， 最後要過滾水先食得入口， 同四眼紮馬尾的阿姐反映 ， 完全冇回應 ，超冇禮貌， 無下次， 係石門附近最差嘅一間餐廳， 唔怪得之長期都冇唔滿客。唯一一樣嘢可以就係佢哋嘅種類多， 中西扒餐小菜乜都有， 但係 服務態度同埋味道有待改善， 尤其是紮馬尾四眼嗰個阿姐， 希望佢態度可以改善........

喺石門做少少野，經過呢間裝飾特別嘅小炒餐廳，睇埋Menu發覺價錢非常經濟，所以就衝左入去食飯！除咗中式之外，仲有好多唔同嘅菜式，但我都係點中菜，因為可以叫多幾樣餸，食到唔同嘅口味！場內環境佈置都非常用心，放置咗唔少珍藏品～咕嚕班片～班片嘅尺寸非常之大，肉質有口感，而且魚肉係結實型，係食得出的質素，味道酸甜，十分開胃。西湖羮～濃稠嘅程度啱啱好，份量都好多，而且非常牛味夠！大概有四小碗！第五街一品鍋~叫一品鍋，貪佢樣樣都有啲，食極都唔會悶，而且通常都會較為惹味，用熱辣辣嘅鍋裝住，食到尾都依然keep到溫度，而且口味非常到位！雪糕紅豆冰、黑牛～呢啲都係冰室必叫嘅特飲，雪糕香甜幼滑，而且紅豆非常糯軟！👍🏻食得咁豐富都係呢個價錢，真係超級抵，而且重點係好食！

好少嚟石門，行行吓原來呢度好多嘢食，經過一間叫做第五街冰室，望一望個餐牌原來好多選擇，咁我同我朋友即刻入去睇吓有冇位坐。地方闊落好多卡位坐一啲都唔Hea嘅例湯，鮮甜，好足料BB鴿：肉質柔嫩，一啲都唔乾，非常滋味。馬拉盞西芹炒鮮魷：有鑊氣，魷魚鮮甜，西芹好新鮮送飯一流。彩椒翠玉瓜炒蝦球：大大隻蝦球，爽口鮮甜，翠玉瓜好爽口調味方便非常適合。見到隔離枱食鐵板牛扒，好大份，睇見都想食，下次一定會嚟食，同埋我見佢餐牌都好多好多選擇。

今日星期日屋企有三個人食午餐，諗唔到食乜，摷完外賣平台之後再摷吓另一個外賣嘅平台！見到呢間餐廳個名好似啲屋村茶餐廳咁嘅款原先都唔想試，點知上嚟開飯網見到啲食評有很多都是讚美的，雖然爸爸的護理員姐姐話呢啲人可能係打手，但係都想證實一下，搵外賣app送咗以下兩個食物加埋飲品👇1. 海南雞飯$91 - 我哋三個都覺得好食，特別爸爸鍾意食新鮮雞嘅都話好食，有啲雞胸有啲雞髀，處理公平！所以我同護理員姐姐食雞胸及雞側，爸爸食雞髀，有兩款醬汁分別係蔥油和辣椒汁，好彩我屋企有印尼ABC甜豉油，攞咗隻有三格嘅海南雞飯醬汁碟出嚟裝睇落好Pro；沒有選白飯的選項所以只能食雞油飯，但係估唔到又香又好味，質感適中。熱西洋菜蜜味道也不錯。2. 羅漢齋炒麵$81 - 炒麵底是半煎炸脆麵，應該係用咗啲有味嘅水嚟將啲麵餅去灼熟，所以個麵底本身都有味道，啲雞髀菇唔會有噏味，一般人唔識整都有浸噏味的，羅漢齋的配料除咗沒有珍珠筍即是粟米仔還有紅蘿蔔之外，其他配料都齊，還有兩條大菜心的菜薳，炒羅漢齋的芡汁非常好味，加埋落個面度頂呱呱！杯凍檸茶少甜雖然沒有太興集團及亞洲飲食集團的那麼好飲，但係都做得唔錯。因為今日的早餐食得太飽

上次平日五點零鐘想搵間餐廳食野，之後就入左呢間試下，平時住附近都冇黎過就試下啦。咁我就叫左個芝士雞排公仔麵，第一眼嘅賣相都已經好差，芝士冇覆蓋晒成個面，另外佢係兩款唔同嘅芝士，食落去嘅味非常之怪。除咗咁樣個雞扒仲要難切開，入面仲要好紅，我諗下次唔會黎試😅

超有驚喜炒小菜🤩呢間冰室除咗有小菜之外，仲有鐵板，焗飯，泰式越式嘅食物都有😚 今晚就試咗滑蛋炒蝦球，椒鹽鮮魷，蒜蓉炒西蘭花，同埋日式胡麻醬炒安格斯牛柳粒蝦球分量比想像中多，而且大隻得嚟又新鮮爽口😋炒蛋蛋香味濃，又夠滑身，送飯一流😁椒鹽鮮魷好新鮮啊🤩炸得香口而不油膩😋而蒜蓉炒西蘭花都好有鑊氣😙本身都擔心日式胡麻醬配炒安格斯牛柳粒好似唔係match咁，點知出到嚟個效果又幾好喎😙洋蔥好甜，又爽又多汁，牛柳粒肉質鮮嫩，無筋，高質😋仲有例老火靚湯添😋呢間冰室嘅座位好闊落，唔使同人迫得好埋咁，冷氣又夠涼，幾好坐👍🏻

第五街冰室晚巿，沒有傳統茶餐的美食，但有著不少小菜，鐵板餐選擇，單看鐵板餐，已經非常吸引，更沒想到，無論份量十足，味道又好食，價錢合理。******************************第五街冰室位於美食眾多的石門商場内，從石門站而出，幾分鐘便能到達。第五街冰室地方也很大，座位也不少，更有電視可睇節目，餐廳也會播放音樂，確實坐得舒適。餐廳選擇也不少，有中西式炒粉麵飯、焗飯、咖哩、沙律、還有鐵板餐、廚師推介小菜套餐、湯飯餐、西式晚飯。當中包送湯，可選西式或中湯，飲品和主食都要另外加錢，選擇絕對不少。價享收費也合理，最重要沒有加一收費，已經實惠。單看大部份食物，都包餐湯，飲品以優惠價要另外加錢，除了碟頭飯麵，餐食想要飯或意粉都是另外加錢便可追加。中湯，蓮藕雞腳綠豆湯，材料十足，湯又夠甜美，好飲。羅宋湯，湯中有不少雜菜，湯的味道也很濃郁，不錯。XO 醬豬扒炒烏冬 HKD72，非常夠鑊氣的炒烏冬，烏冬口感又滑溜，帶點微辣，夠惹味。豬扒肉又大大件，非常入味，肉質又夠淋，好食。馬拉盞炒時蔬 HKD60，選上了通菜，通菜炒得非常爽脆，又很香馬拉盞味道，送飯一流。酸辣青口 HKD95，青口不

今晚要開工(so sad)，開工前跟同事食個快飯，就來到公司附近的餐廳～第五街冰室～我們點了。。。鴛鴦鐵板扒餐(118元)我們要的是蒜蓉汁， 一上枱雞扒和豬扒份量都很大，好比一隻手掌的size，肉被煎得很香脆， 有薯條墊底也有少量嘅蔬菜伴碟。男士食都夠飽👍🏻芝士白汁石班焗飯(95元)芝士味很香，白汁不會太咸，石斑塊大約有4-5塊，石斑塊是被炸香後再跟白汁與飯一齊去焗。魚肉肉質實淨，啖啖肉。焗飯是炒飯底，有蛋香味，不錯。👍🏻炸BB鴿(38元)炸得香脆，肉雖不多，但有肉味。羅宋湯(跟餐)好味，足料，會讓你一口接一口不停地食，我也是食了一半才記得影相。紅豆冰這店紅豆煮得很冧，粒粒分明之餘也起沙，好食。👍🏻店的樓底高，空間感足；店裝修很有趣，有很多有趣嘅擺設，也有貼很多附近興趣班宣傳招紙。 感覺係一個聯繫感很強嘅社區👍🏻so warm

今日響石門接朋友收工， 佢帶咗我去佢公司附近嘅茶餐廳食飯，叫做第五街冰室，冰室嚟講都叫做裝修/裝飾得幾靚，睇得出店主好鍾意iron man同toy story, 因為周圍都放滿佢哋嘅figure。 餐牌種類繁多，我哋睇咗五分鐘先決定到自己想食乜嘢！  我自己叫咗海鮮粉絲雜菜煲，佢就話呢度嘅鐵板餐好正，佢就叫咗西冷牛扒！鐵板餐主要有6款，厚切豬扒，飛鳥雞扒，西冷牛扒，一口牛柳粒,海陸空 （大蝦，豬扒同乳鴿）,第五街雜扒 （豬扒，牛扒，司華力腸，火腿，煎蛋）,  前面嗰四款扒仲可以揀小食例如辣肉腸雞中翼金菇肥牛卷閘蟹鉗等等選擇， 佢選擇咗炸蟹鉗，蟹鉗都幾豐滿，啖啖肉，牛扒夠大同厚，啱曬食肉獸～仲有勁脆嘅薯條，加10蚊仲有意粉，正！！！呢個海鮮粉絲雜菜煲有啲豐富，有蟹柳，魷魚，鮮蝦同蝦乾，唔同款式的菜同入味嘅粉絲。飲品方面，我哋都檸檬利蜜納同檸檬Coke Zero,飲完全身爽矖～

在石門做完嘢梗係順便食埋飯先走，呢度其實仲有好多間食肆未幫襯過，包括今晚呢間第五街冰室，座位數目都幾多，有卡位亦有大枱，牆身亦有唔少裝飾，比起一般茶餐廳來講有心思。晚餐選擇都幾多，除咗有晚市套餐，仲有多款小菜、焗飯、扒餐、泰式嘢等等，真係應有盡有，花多眼亂，就梗係叫幾個些牙食啦！我哋叫咗一個晚餐A（$128），有煙三文魚沙律做頭盤，簡單得來又有點高檔😂，煙三文魚都有好幾塊，感覺仲多過啲菜🤣，加埋千島醬汁，係唔錯嘅頭盤。主菜係黑椒牛仔骨配薯菜，牛仔骨相當大塊，仲有三塊添！（其中一塊較細），肉質都唔錯，性價比相當高！另外屬於金牌一哥焗飯系列嘅「芝士白汁焗石斑」（ $95 ），我哋揀咗配意粉，芝士蓋滿碟面，石斑啖啖肉大大嚿，味道略嫌偏淡，意粉都OK嘅。仲有咖喱牛腩飯（ $72 ），咖喱好香辣度恰到好處，有牛筋牛腩和薯仔等，好味又豐富，碟飯仲相當大碟，值得推介！以上三個餐都包埋餐湯，有羅宋湯、忌廉湯和中湯可選，飲左個中湯都唔錯，有埋湯渣。另外我哋仲叫埋經典茶記特飲，黑牛和白雪公主！就係可樂加雪糕和七喜加雪糕，冰涼透心好好味呢！見到佢做乳鴿特價， $70兩隻，超抵呀！又忍唔住叫黎試吓，都燒得好香

上次黎石門的時候，發覺呢頭都好多食肆，所以今次再相約朋友一齊嚟食飯，今次選擇咗「第五街冰室」，地方空間感大，坐得幾舒服😌。XO醬四季豆炒豬頸肉 $88看上去色彩豐富很吸睛，XO醬不是很辣的，如果你怕辣，這個菜你就不用擔心辣這個問題了。以兩個人食，份量算多。勝瓜雲耳炒牛肉 $68勝瓜及雲耳都很爽脆，一半牛肉有些韌，可能咁啱係根位吧！台式三杯雞煲 $98味道可以再濃啲就好啦！雞件大大件，好足料。BB乳鴿 $70(兩隻)香脆乳鴿，無得彈👍🏻羅宋湯味道夠濃，好飲。紅豆冰 $23好味，椰汁好夠雜果冰 $23雜果+糖水，下次我會試埋菠蘿冰🙂

約咗朋友喺附近食飯，見到呢間冰室門面設計好吸引，睇埋Menu價錢都好合理，所以就入咗去啦！除咗門面之外，室內設計亦都非常吸引！係非一般冰室！Menu非常多，中式、西式都齊！紅豆冰、凍檸樂～喺冰室，當然要飲紅豆冰，豆非常多！亦都夠晒林，椰汁同豆既比例剛剛好！中湯、白飯～湯都夠料，可算係香濃，唔錯！唔錯！咕嚕班片～酸甜程度恰到好處，班片非常厚實，亦都炸得好香口，大推！甜椒野菌炒安格斯牛柳粒～用牛柳炒果然係最淋！牛味香濃，配搭得宜，醬汁惹味，佐飯一流！第五街一品鍋～樣樣海鮮都有少少，全部都啱我口味，當中有豆卜，吸晒醬汁，非常入味！食得咁豐富，都係呢個價錢，真係抵到爛！

今天嚟到石門工作，做得比較夜，經過京瑞二期時，見到有一間冰室，內裏裝修整潔，見到餐牌都有好多選擇，我好想食鐵板餐，而同事又想食焗意粉，於是一起食埋飯先返屋企。夏天實在太熱，我們先單點了一個大蝦沙律$98，雖然不是新鮮大蝦，但係都好大隻；沙律菜都好清甜；跟餐有羅宋湯，味道香濃，都有幾多湯料。紐西蘭牛柳$168 ，七成熟，牛柳有手掌咁大，好厚身，我揀了香草汁，汁料是係另上，可以自己選擇加幾多，好彈性。忌廉磨菇焗咸牛脷意粉$78，眼見都幾多芝士，牛脷都好大塊，同事說都幾好食。跟餐叫了兩杯特飲，只需加$18有一杯雪糕紅豆冰，當甜品食啱晒。見到隔離枱炸乳鴿都幾吸引，下次可以試吓