第五街冰室 (京瑞廣場) (已結業)

是日外賣自取晚餐：咖喱牛腩飯、凍檸茶、肉醬意粉、凍奶茶從來未食過咁難食既咖喱牛腩飯同肉醬意粉，肉醬意粉係咸既，無茄汁，茶底唔得，絕對難飲，食物超難食，絕對唔會再光顧。Blacklist難怪外賣自取有6折，但仲要逼人地加$5.4飲野。回想起，一到餐廳只見一枱客，非常冷清，原來食物質素如此差。環境暗暗的，服務員態度一般，不夠主動協助客人取外賣。總之言，食到一肚氣，非常氣憤，難食的一餐——第五街冰室！！

夜晚一家三口食晚餐...叫左兩個鑊氣小炒...好有鑊氣...但鹹到驚自己會腎虧...俾小朋友食前都要用水拖拖d鹹味😖😖杯凍0⃣️水又係甜到無極限....要不斷自己加水沖淡佢...😖😖😖

因為 要同比卡去， 京瑞廣場輕鬆玩，所以就係京瑞樓下搵嘢食先啦， 我哋揀咗第五街冰室， 因為見到佢個餐牌有紅咖哩豬扒飯， 入到去侍應就好快擺低餐牌 我哋亦都好快點咗餐 爸爸就叫咗個黑椒豬扒意粉， 豬扒佢哋真係整得好好食 有肉汁肉身唔硬 紅咖哩甜甜地辣辣地幾好食 要一讚佢個茶膽杯凍檸茶真係好好飲

今日叫左APP外賣，一開始個app就話30分鐘送到。到最後等左1個幾鐘先到。中間等到50分鐘，我打去第五街冰室，個收銀阿姐又話唔關佢事，佢淨係做收銀唔管外賣（甘你聽乜春電話）。之後我就話我想知我個外賣出左未，收銀阿姐就叫我打番去APP，我就話我試左客服無人理，我又一次問個外賣其實出左未。（我唔明點解好似我求緊佢咁）我話係一個意粉同烏冬，係142蚊，阿姐覆我話你甘樣我check唔到嫁，佢一定要訂單編號（你間鋪幾百單外賣上落呀？）。來來回回玩左我勁耐，到最後就話幾分鐘前出左，我就cut線了！個外賣黎到後我仲O咀。我叫蕃茄菠菜汁焗豬扒意粉，佢地就比左茄汁意粉，仲要係超少汁，我好似食緊白烚意粉，d豬扒係臭既。同埋絕對無焗過。另外我叫一個忌廉湯，一個羅宋湯，佢地就比左兩個羅宋湯，仲要倒瀉左半碗，個湯又超咸。只有個炒烏冬唔錯。我打番電話去間鋪問咩事，又係呢位神一般的收銀阿姐聽電話。佢話佢地間鋪係無蕃茄菠菜汁（係我落錯單？），同埋個湯客人係無得揀（係我禁錯制？），仲有倒瀉左碗湯係唔關佢事（都係我既錯？）。我真心爆粗鬧完佢就cut左線。甘樣做生意不如汁左間鋪啦。服務又差，廚房又慢又難食。價位都算貴。

近年馬鞍山有新食點，就是石門。今次试吓第五街冰室食午飯。餐廳裝修有啲懷舊feel，卡位不少得，有長"木枱，坐低揀咗兩個飯，另外叫咗一個懷舊餐，再加多一個沙律。港式懷舊餐其實都係例牌菜，揀豬潤或者叉燒再配麵、米粉、意粉等。揀咗豬潤，豬潤新鮮，公仔麵煮得恰到好處，再上火腿煎蛋加蒜蓉多士，加杯奶茶，味道一般，冇乜特別懷舊驚喜。午餐咖哩牛肉飯，呢度菜嘅靈魂係咖哩汁，汁夠濃郁，帶点辣，但欠椰香，牛肉就一般，整體都係一般。第二個是菠蘿茄汁焗豬扒意粉，豬扒吾韌，但係冇乜味，好彩其他配料有味，加埋一齊食都可以，可惜菠蘿和茄汁都唔酸唔甜，所以只是好一般。後上的燒雞沙律配千島醬，燒雞不錯，夠霖也滑身，配上新鲜沙律菜，不錯，加多杯紅豆冰，可惜紅豆吾夠霖。每人$60，不過不失啦，石門有咁多餐廳，下次可以試其他囉。

來到新界的工業區上班，人人都會心想，中午食飯一定只有麻甩的工廠飯堂，唔會有新意。起初來到石門工作的我，都有咁既念頭。後來真的來到這一區工作，漸漸地發現，原來這一帶都有好多餐廳會令你會心微笑架。這一天，我拜訪了一間其實都係普普通通的食肆，不過，其裝修同環境，都令人感覺到有與別不同的感覺。這一間時尚的茶餐廳，其名字叫《第五街冰室》。近年來，許多餐廳都流行一種所謂的工業風格來設計餐廳。這《第五街冰室》也就是用上了這一種帶點西式的工業風來裝潢。再加上這兒沒有把檯擺到密密麻麻，是少有的舒適感高分的茶餐廳。 簡單的港式早餐，我來了一碗沙爹牛肉麵。這牛肉麵的醬比較豐富，所以，入口也份外的香。醬同湯底混合得很好，令到整碗麵由內至外都充滿了沙爹香味。套餐配有一份火腿奄列及牛油方包。奄列外熟，而內裡就保持流心。火腿夾著半熟蛋漿，入口是份外香甜的。午餐再來一試。包一個餐湯的午餐，我選擇了羅宋湯。這是一個酸甜湯，菜是充足的，但肉味同濃郁度，就只是一般。我選來選去，最後都係選中一份香港式的中餐，洋蔥豬扒飯。洋蔥汁，加了少少辣椒香味，甜得黎又有少少的辛口，感覺很是香。再者，汁早已經滲入在米飯之內，實在會令人食慾大

偶然嘅機會嚟石門食早餐，見呢間啲早餐幾多款式就入咗去。餐廳內部都幾大，我哋十點去到仲有啲位，走嘅時候已經差唔多滿座A餐 經典金牌早餐 $33素鮑片火腿絲(揀咗通粉) ，素鮑片有四大塊好足料，湯底比B餐沙嗲牛濃，通粉品質幾好，爽滑彈牙腸仔口感幾好，唔會太咸太陽蛋太熟，下次落單會提一提侍應餐飲要咗檸茶，檸檬夠香唔苦澀，係靚嘅貨色B餐 濃情沙嗲牛肉 $35沙嗲牛肉(揀咗意粉)，湯底本身冇咩味，食之前將牛肉嘅醬汁撈埋落湯裡面就剛好！牛肉好食！一來醃得入味之餘仲保留牛肉味，二來有肉嘅質感。意粉有啲稔，麻麻地，大碗到食一半已經飽曬火腿奄列蛋皮煎到剛熟，蛋汁混和火腿絲，食落超滿足餐飲要咗奶茶，茶味濃而不澀，奶味可以多啲，整體夠滑，好飲重點一提，餐包好軟熟，夾埋香滑嘅牛油，記住留肚食埋佢！

知道陳根記搬咗去石門，一於搭車去懷舊下，點知冇開門，就揀佢旁邊嘅第五街冰室食午飯。行入去都有啲懷舊feel，有卡位，有長木枱，坐低睇下個餐牌先，set lunch選擇唔算多，我揀咗兩個飯，另外叫咗一個 懷舊餐，再加多一個沙律。懷舊餐其實都係例牌菜，揀豬潤或者叉燒再配麵、米粉、意粉等，我揀咗豬潤，豬潤新鮮，公仔麵煮得恰到好處，再上火腿煎蛋加蒜蓉多士，加杯奶茶，味道一般，冇乜懷舊驚喜。午餐咖哩牛肉飯，呢度菜嘅靈魂係咖哩汁，汁夠濃郁，帶点辣，牛肉就一般，整體都係一般。另外一個是菠蘿茄汁焗豬扒意粉，豬扒吾韌，但係冇乜味，如果其他配料有味，加埋一齊食都可以，可惜菠蘿和茄汁都唔酸唔甜，所以好一般。最後是燒雞沙律配千島醬，燒雞不錯，夠霖也滑身，配上新鲜沙律菜，不錯，加多杯紅豆冰，可惜紅豆吾夠霖。4人平均每位$60，不過不失啦，石門咁多餐廳，下次可以試其他囉。

夜晚兩公婆同BB一齊去石門食飯，貪有個位可以放到BB車，就入左去。入坐左個近門口位，雖然餐廳已經加左D風機，但明顯冷氣不足有D熱，我估如果日頭有太陽晒入黎仲熱。兩個人叫左一個海南雞餐同薑蔥魚腩煲餐，海南雞唔錯，夠滑夠味，但味有D似沙薑雞Feel。D味飯就好差，好乾似飯焦，要撈D例湯先食到。薑蔥魚腩煲好食，炸得夠火侯，夠野味。兩個餐埋單$150，都幾抵食，可以再來，不過可能要等無咁熱先。

入面有好多位，唔洗等，叫菠左蘿雞粒炒飯有例湯送，係佛掌瓜，好甜，幾好飲，唔似味精湯，飯炒得幾香，雞肉粒有預先炒過，菠蘿就係正常罐頭嘅，不過略為蔥份量多左d，飲品叫凍檸檬茶，有好片檸檬。

入去已沒有人招呼，坐低後，幾位staff見到都視而不見，好不容易有個staff 施施然走過來，一開口就說某餐已售罄，然後就行開了，沒有再理會我。食物一般，餐具不太清潔。環境幽暗，久整潔。玻璃大門壞了半開。

落雨求其入咗lee間嘢一般茶記的歺牌啦…常餐a: 沙嗲牛肉意/面, 歺肉奄列加多士常餐b: 叉燒意/面, 火腿煎蛋我點a, 伙記話:無沙嗲牛。我話: 咁我又想食歺肉奄列喎, 咁點b轉歺肉奄列吖?! 佢話: 唔得, 唔轉得!! set好晒, 無得轉。我話: 唔係嘛, 你無沙嗲牛喎。佢話: 食雙菜絲啦…總之無得轉。不知所謂的服務! 又貴又唔好食, 叉燒"鞋"到鞋底咁。點了個黑椒雞扒意, 甜味多過醎味, 油到嘔!!我都知茶記要求不能太多, 但它真的差到我要在openrice作首次點評, 獻出我的第一次!

同朋友係石門肚餓，就去搵下午茶醫肚，見呢間係石門站附近，就決定試試。店內環境不錯，走舊美國小鎮風格。粟米斑腩飯（下午茶）$39 -斑腩即叫即炸，外皮脆口金黃～-魚肉不實不乾，有少許肉汁-粟米汁不淡，打芡未有大幅中和粟米味- 飯身屬硬，煙韌有嚼口～- 惟賣相不佳賣相：😋😋😋味道：😋😋😋😋😋性價比：💲💲💲💲黑椒鷄扒飯（下午茶）$39 -黑椒汁味濃-雞扒厚身，外皮經脆炸，爽脆口感-有蔬菜伴碟-飯身屬硬，煙韌有嚼口～-惟賣相不佳賣相：😋😋😋味道：😋😋😋😋性價比：💲💲💲咖喱牛腩飯（下午茶）$39 -咖喱汁不太辣-咖喱偏港式配方-牛肉不韌，肉筋分明-薯仔作伴菜-惟賣相不佳賣相：😋😋😋味道：😋😋😋😋性價比：💲💲💲💲整體：不打卡，想方便的話，呢間的下午茶算平同正嘅。

晚餐到這店大概晚上九點後，這店的食物選擇頗多，上餐速度也破快，15分之內通常就能處理好上枱，但食物質素也能保持，值得一讚。但去了好幾次，不同的員工態度個個都很好客，大概晚上九時15-20 分，注：「這店寫到明收10點」，通常侍應說九點半last order,。試過好幾次入去，員工都係不是太有禮，都是説，「快點叫野食，我哋就收」但係我們八個人又只有比一個餐牌，請問怎樣快呢？要叫快些都要配合的。試過有一次我們九點20 分入到店的，正想坐下來，有個侍應說：「冇喇冇喇，停咗啦，我哋九點半截單」，這個時間坐超過一半人，可能真的做不切，所以就提早說截了單。1）太多人唔想那麼夜再做新客人生意明白的，但可以同客人說一聲唔好意思的，飲食業太辛苦都會體諒的2）說明了九點半先截單，但事實真是9:20分 (鋪寫收晚上10點的），希望明確定下什麼時間之後不能進入餐廳，不要每一次也更改3）你們的食物真的不錯，所以很希望晚上九點半前進入餐廳都可以食到

石門呢個地方認真神奇，住宅區唔多，但係夜晚嚟食嘢嘅人多到超乎想像。每個星期嚟到都會見到有新食店開業，今日就試咗喺地舖嘅一間「第五街冰室」叫咗三個餐，都會跟餐湯同埋飲品。羅宋湯主菜先嚟，反而餐湯後上，唔搵侍應催都唔嚟個羅宋湯有少少辣，但都幾足料，唔知點解要用膠兜裝住，有d唔環保♻️馬拉盞炒生菜（$48）呢碟係散叫嘅，生菜咬落夠爽脆，好新鮮，估唔到原來生菜同馬拉盞都可以咁夾黑椒薯仔牛柳粒配白飯（$95）牛柳粒夠淋，煮得好入味。黑椒味唔會過重，小小辣，夠晒醒胃第五街雜扒（$128）雜扒餐夠大份，有牛扒，豬扒，火腿，司華力腸，薯角，煎蛋同西蘭花🥦。如果價錢可以平少少嘅話應該會更吸引晚餐C- 芝士焗大蝦飯 ($78)有餐湯仲有沙律同飲品，$78都算抵食。上枱時夠晒熱騰騰，大蝦同芝士焗到焦香，令成個飯加倍美味，仲有唔少墨魚仔，個份量都幾多，個碟都算幾深。晚餐-沙律沙律菜爽脆新鮮食物普遍有水準服務可以再提升價錢好參差，差距較大