築地銀だこ (海之戀商場)

营业中

休息中

香港好似越來越少分店，今日專登嚟到呢度食。新鮮整起個皮好脆，入面餡料都好多，而且係最鍾意半熟，琳琳地嘅狀態，再加埋粒章魚，配埋啲醬汁，好味。希望佢繼續保持水準，同埋開多啲分店。

今次介紹既係一間日本銀座過江龍既章魚燒，係日本有超過400間分店，而係香港、台灣、韓國同泰國都設有分店。香港有6間分店，分別係荃灣donki入面、將軍澳、屯門、太古、銅鑼灣同樂富。-1️⃣ 原味正宗章魚燒 💰42（👅: 8/10）今次幫襯既係荃灣donki分店，落單後大概等左5分鐘就有，因為疫情關係買左外賣係海之戀個海旁食，雖然唔係即刻食，但章魚燒個皮仲算皮脆而且內軟，香港人普遍都係鍾意食皮脆既章魚燒，而唔係大阪個重皮軟，呢間幾中香港人口味，不過個皮偏薄易散，可能粉漿較稀，內餡比較濕潤偏流心。粉漿味唔算突出，主要靠醬汁，燒汁、蛋黃醬足夠，略嫌唔夠多木魚絲，同埋無紫菜，如有會更好食。章魚燒睇落脹卜卜圓身，形狀保持到，溫度仲係足夠會辣口，因為見住佢由落單即叫即整。章魚燒入邊既八爪魚食落爽脆唔韌，幾大粒，係香港好多章魚燒既八爪魚都係好腍唔爽，有D甚至食唔到八爪魚。-🌟除左單點章魚燒仲可以跟套餐揀大阪燒/炒麵或飲品。味道會唔夠香港既章魚燒多元化，不過食落都係皮脆內熱及格，如果味道再重D，同埋個皮燒得再焦D會更好。-👅味道: 8/10🍴環境: 7/10💰消費: $42 (服務費:NA)

滿心期待去買咗兩款口味既鯛魚燒一拎上手已經知出事凍既！個皮擺到好硬，餡又少！真係未食過咁難食既鯛魚燒！寧願入Donki買啲急凍既返屋企整仲好味另外都仲有買小丸子就好少少既。。但真係唔值48蚊...加埋職員態度惡劣...總結：唔會再幫襯呢間野

燒八爪魚丸係我最鍾意嘅食物，我每次去日本都一定會食築地銀。因為日本嘅築地銀真係做到皮脆內軟。在疫情之下我買咗一盒出咗海之戀個海旁食。我諗由舖頭買完拎走到我坐低歷時大約3分鐘，但個皮已經完全林晒完全係外軟內軟。如果純粹以味道來講呢佢都幾好嘅，又夠熱。但係如果加埋口感黎講佢真係得3分。值得一讚就係佢入邊嘅八爪魚呢都仲係好爽脆。香港好多燒八爪魚丸入邊嘅八爪魚都林啤啤。呢個都係加分位。加埋我對日本嘅懷念，呢合八爪魚丸都值4分嘅（5分滿分）。

剛開業的時候，食過一次新鮮熱辣口感非常好，最近兩次光顧都是像在麵包店放了一陣子的麵包，今日最後一次光顧，好奇心驅使問一問店員，店員的回應亦讓人非常失望，看來不能回到從前了

章魚燒最緊要熱辣辣食，所以係donki 睇完之後都係係出去嘅築地買黎坐低慢慢食。叫左八粒玉子章魚小丸子（ $50 ），set B 大阪燒+4粒章魚小丸子（ $50 ）。即時整，食落香好多，章魚燒幾大粒，但唔實淨，咬開都有啲空洞同散開，粉漿可能太稀啦，但味道無咩問題嘅，都煙韌。醬都足夠，如果加埋木魚絲應更好。大阪燒正常味道，實淨，豚肉多啲就好啦。仲有杯抹茶牛奶，本身覺得飲落好淡，不過抹茶同埋牛奶嘅味都重，諗住都好嘅健康啲飲杯嘢，點知原來下面全部都係糖漿，無攪勻😂

未有疫情之前，lunch time 諗唔到有咩好食好多時會去sogo 地庫買佢地啲章魚燒立食當lunch。不過而家周街食野好似唔太好就好少去。但係佢係我心目中香港數一數二既章魚燒店。之前發覺荃灣donki foodcourt 有分店不知幾高興。不過一路都冇機會去試，今日咁啱想去個間新鋪排長龍就去donki foodcourt 食吓野。叫左8粒明太子章魚燒滿心歡喜埋位食，未食就見到其中一粒有穿左個窿。心諗冇野既SOGO 個間咁好食呢間都唔會好差。點知一咬落去⋯⋯eeee 點解咁脆？ 再睇真D 點解會得個殼有少少好似水既粉漿，同埋一粒好章魚肉⋯⋯ D 粉去晒邊？sogo 個間入面好full 呢間得個殼，仲要係脆。好難食，仲差過街邊小食店唔入流自己亂整個D。試左4粒都係咁，應該係個粉漿出左事，太稀。原來好食唔係必然，想食章魚燒我都係去返sogo 算。

疫情關係 無得返鄉下係荃灣食完個lunch行咗去海之戀去下Donki當去咗日本係Donki收銀出面有個小型Foodcourt總共有四間餐廳今次揀咗築地銀だこ呢間專食章魚燒嘅鋪頭以前覺得香港食過果d都係好粉無乜脆口嘅感覺直至第一次去日本旅行先知道原來章魚燒可以咁好食佢可以揀套餐可以跟炒麵或飲品因為啱啱食完Lunch所以揀咗八粒原味$48同友人Share純粹過下口癮就算味到都可以但同日本比得七成水凖不過對於解決思鄉病嚟講係一個唔錯選擇

味道：⭐️⭐️⭐️每次去日本 章魚丸都係必食嘅小食之一之前經過Donki food court 都心思思想去試下 奈何每次人龍都係好長❶原味正宗だこ燒 $22/4粒今日又經過 Don Don Donki 🎶竟然唔洗排隊 又係為食小編出動嘅時候喇🤤章魚丸嘅size雖然都幾大粒但用料比較吝嗇 粒章魚有啲細同埋偏韌🐙外層唔夠香脆 內裏軟軟既比較濕潤 入口質感有d鬆散面頭有適量燒汁、沙律醬同木魚碎作調味 都幾惹味

|話你知DonDonDonki 築地銀だこ 有冇日本嘅感覺 🎏🤯|惗住行轉Donki食吓日式小食就當去咗轉日本啦，我地就睇吓呢個計劃成唔成功😉👇🏻套餐4號 $891️⃣ 章魚小丸子8粒 🐙應該係大丸子先啱大粒粒架口感屬冧身皮薄粉團偏流質狀態，份量飽滿但配料唔夠多元，章魚細粒，比例偏少，不過都有chew勁粉漿味道單一且淡，依賴醬汁加持2️⃣大阪燒材料算多元，菜蛋蔥薑都有大小正常醬汁充足但質感略嫌鬆散，香味欠溢3️⃣築地銀炒麵🥢呢款有少驚喜麵身唔乾唔油唔膩，甜甜地牛肉片薄身，肉味突出，份量合理4️⃣抹茶牛奶🍵可以話係澀味嘅水🥴茶味係好濃苦澀味但牛奶失蹤了無論味道上是質感上5️⃣ 鯛魚燒 (吉士味) +$15呢款唔錯，啱鍾意食甜同香口嘢嘅朋友皮身係穌皮，外層脆卜卜，內層煙韌，光滑香甜吉士口感綿滑，唔算多偏甜所以，事實證明日本嘅味道都係要去日本先食到🇯🇵😌🥺

排隊排成十幾分鐘，排咁耐唔係問題，唔緊要，你啲嘢好食咪得佢俾咗四粒生嘅章魚燒俾我，係見到流動嘅粉漿嘅🙄我返去換，一句對唔住都冇，仲要嬉皮笑臉咁同我講，係師傅嘅問題，但係其實係個收銀自己係一個啱啱先落鑊2分鐘嘅章魚燒入邊吉4粒俾我然後佢換過另一份俾我，個皮燶撚到傻，然後入面仲係生，仲要有水仲有個麵，有陣酸臭未食咗咁耐章魚燒，呢4粒係我食過最難食嘅，街市16粒10粒都冇咁難食🙄職員態度又西，對唔住都冇句

相信好多人都去過海之戀嘅donki朝聖，無得去日本唯有去頂下癮！依家係donki 出面嘅food court已經開左啦，餐廳大概有六七間，種類主要都係偏日式，好似拉麵、牛肉丼、章魚燒⋯⋯**********<原味章魚燒(4粒)+大阪燒+飲品> $45依個套餐都幾抵下，好適合一個人叫黎食！個章魚燒外脆內軟，唔會食到一舊舊粉咁，入面係偏流心嘅漿，似係日本食到個種😍不過相對下大阪燒就無咩特別，唔係特別出色！飲品方面係抹茶牛奶，味道都係正正常常😌

讚1. 上菜夠晒快手彈1. 入口即爛，外皮漿做得差，一拮落去已經係爛既，章魚腳得番食指尖大，以前係起碼有手指公架，醬料份量少，仲要無味，入面既子薑太少，整體好難食，退步得好緊要

自從n年前旺角果間執左之後，好耐冇喺香港食過八爪魚丸！呢間係食過以嚟比較好食岩口味既一間！同朋友街完Donki，見到呢間野，諗都唔駛諗即刻一個搵位一個排隊！雖然個場係幾難搵位.......好彩等一等就有位！登登～原味正宗章魚小丸子～盛惠$42～外層又薄又脆，內裡軟腍腍，仲有一大粒八爪魚🐙！配埋沙律醬、木魚、紫菜，直頭冇得頂！又要mark定日子約朋友執行激安順便再encore章魚小丸子喇！😆😆

超美味的章魚🐙小丸子今天去DONKI 逛逛 順便到food court看下有什麼好吃的，見到有章魚小丸子實在太高興，去日本旅行必食的小食，現在冇得遠遊，又可以在香港品嚐實在太好。叫了一客 章魚小丸子配玉子照燒醬，另加了一杯抹茶牛奶，小丸子脹卜卜、圓轆轆，樣子漂亮，加上雞旦沙律醬照燒汁，個醬好好味，小丸子實在太好吃，裏面有大大粒的章魚🐙很有嚼口，個小丸子比較清爽 唔會滿口粉醬，實在好好吃。抹茶牛奶比較甜，太甜，唔知有無得減甜呢。