簡單廚房 (已結業)

经过此新开的食店想试试, 看见装修也不错,很富时代感. 点了一个SALAD和前菜(油墨菜)味道不差,只是份两太小,夹两夹已经吃完.主菜叫了两个(因为两个人吃!),一个是他们标榜的软饭(用拖鞋来代表很抵死!!!)配带子,的确很好吃,带子虽然小,但看出是新鲜;另外一个是牛肉天使面条,要弹的是那些牛肉炒过龙,太"奀"了,要"口赵"一两分钟才可以咽得下肚.最不可以接受就是份量,两个人吃了HKD250但也觉得不足够饱就很有问题,希望可以改善一下.但毕竟味道为它拿回一定的分数.我会再去光顾的.

有一晚大約7:00看見沒有幾多人排隊, 於是去試個2人套餐, 一般啦, 個湯可以, 但不夠熱, 個意粉略為小了點, 一個人的份量還可以, 另個plzza都ok的, 但最想講下個甜品, 真係細到你唔信囉, 個日係啫哩, 未見過咁細隻杯囉, 好彩是送的,(散叫都要8.00)大致來說, 份量&價錢不成正比.

前兩日已經同媽咪去諗住食下午茶, 點知五點倒去到門口掛住個牌....清潔時間4.00-6.00................ 今日再去... 點知話星期六日無下午茶....不過今次唔理喇~ 點都要試下文丞君開既餐廳~~兩個人叫左一個一人餐蒜香牛柳黑松露菌燴飯, 有餐湯餐飲($8X)再要左個炸洋蒽圈($1X), 奶油娃娃菜($1X), 芝士焗青口($26), 藍莓芝士餅(跟餐$12), 兩個甜品百合燉蛋($8)+乜乜熱情果雪山咁($8)價錢同名已經唔係記得好清楚...價錢算係中中亭亭首先講蒜香牛柳黑松露菌燴飯真係唔錯既有種獨特既香味, 唔知係咪就係黑松露菌既味呢..?D飯真係CREAMY, 軟度適中, D牛柳也不錯, 剛剛好熟, 入口都算有得o趙下~ 但成舊肉略嫌太廋~ 唔夠香(或者係我食慣肥野)總括有一定水準個餐湯正, 唔係一般羅宋呀忌廉呀個D~~我都唔知係咩湯...不過有D類似冬菇既味既忌廉湯~ 餐飲我叫左奶茶... 好濃... 唔滿... 明顯餐廳無特別理會到呢方面既質素...炸洋蔥圈同芝士焗青口(4隻)就一般般, 洋蔥圈剛剛好熟, 青口唔大隻OK有芝士味不過不失但係都無咩特別藍

星期日同朋友去呢間野食飯o個時六點半到已經好好人等緊位我好佩服門口派飛個個妹妹仔因為我地入到餐廳之後見到個個都黑口黑面淨係得門口o個個識得笑入面o個d叫佢又唔應到你走都唔同你講byebye郭小姐就聰明啦搵妹妹仔把著門口大關比第二個員工企係人都唔敢入黎啦講返食物先味道係不過不失既但係就太細碟老公食完個set都唔夠好在可以加$12有chees cake先叫做飽ps.門口妹妹仔仲好有耐性咁同每一個攞飛既客人講“因為我地六點先開始晚市，場內既客人都係岩岩入去依家可能要等耐小小，唔好意思﹗”

第一次去, 郭x云企 reception, 問佢攞"飛"...我: 唔該兩位郭: 未有, 等下先 (dup 低頭, 好似驚人見到咁)...(其他人都揸住張"飛"等, 但佢講完又無比"飛"我...即係點??? 其實當時唔算太多人)唯有走人...好..第二日再去,food 中等 but very small, 一定唔飽果隻, 但又唔見得特別出色 今次d staff serve 我 , 一樣勁唔掂, 全程無唔該, 多謝等例牌說話 (埋單都粒聲唔出), 換來又是"酒樓"式扮見你唔到...到我走時又要我自己搬開門口的圍欄離開(因就打烊), d staff 見到 but "側側摶"其實, 郭老闆都咁樣, 又點唔怪得佢地呢?!

服務真係below average, 即使當日(星期六)郭少芸都在場做埋waitress, 由帶位開始, 真係乜野都亂!叫左個石頭飯, 味道不過不失! 原本想試下佢地個"意大利飯"... 不過見佢地個menu全部都叫做"Italian Rice"而唔係Risotto... 即刻唔想叫!

開左一個星期，聽講係某藝人開喎，咪去見識下。今日 (星期六) 6 點 半左右去到，已經有唔少人等位。門口個派 number 個小姐，可能 40 出頭啦，塊面黑爆，派一個 number 都要 30 秒，不過旁邊個帶位個小妹妹就超有禮貌。我就估個小姐一定係老闆。再望下，兩隻手上面的戒指望唔真，但係的 design 好有貴氣，左手隻玉鐲超靚，我就估可能係老闆的屋企人義務幫手，就冇出聲。等左 5 分鐘就放我入去，坐最裡面。不過再望下，有大約 1/5 間餐廳好似冇打算用。我估係人請唔足。「簡單廚房」 走中級餐廳價錢，不過的裝修就走輕鬆中高級餐廳路線。唔錯。我地坐兩人卡位，有的窄，落 order 個位小姐一黎就踩到我隻鞋邊。落完 order 我就立即私下抱怨，再望望落 order 個小姐，依，好熟面口喎，咪同事三分親個文丞君，再望真的，有化妝喎，斷估都冇認錯人…叫左兩個個人餐，一個海鮮飯，一個三文魚意粉。個湯 5 分鐘就到，個意粉同飯就等左半個鐘。有相。味道中上。條三文魚有的乾，不過海鮮飯隻青口同隻中蝦就好新鮮，意粉同飯好濃味。雖然我估佢人手不足，不過的 waiter 就好快手，一叫就有人，ser