簡單廚房 (已結業)

今晚到新都城食晚飯，隨便走咗入呢間，見倒門口嗌飛嗰把聲好熟，再望望原來係郭少云，晚飯時間雖然多人，但係好快就有位，叫咗兩個晚餐，分別BBQ雞肉黑松露菌意粉及南瓜雞肉飯，餐湯及意粉味道清淡不濃味，感覺幾輕怡，份量亦不多，比較適合keep fit人士，只是雞肉好咸幾硬吓，南瓜石頭飯幾軟不硬身，幾好，但都係嗰句，雞肉幾咸，以此份量與價錢比較的話，會覺得略貴。部份職員態度幾差，埋單那個侍應，隔住右手邊嘅椅背比單客人(因為我哋坐個位，張椅係u型)，我諗行多一步，企喺餐枱先比客人睇單，係咪有禮貌d呢?!找錢嗰陣又係咁，我覺得佢好懶囉，仲幾無禮貌咁嗌埋嚟--"找錢!"，多謝或拜拜亦無，唔係咁忙都咁嘅態度.........整體嚟講，食物質素ok，但係部份職員嘅態度真係有待改善。

LUNCH成日經過見到有SET LUNCH.....好似幾抵.就揾左日去食啦.去到先見到..嘩..原來唔平...最小都會$28.29..但食就係D好普通GA野....咩烏DO呀...炒飯咁.朋友因為貴就只係叫左沙嗲牛肉撈烏DO. $28我就唔甘心.都係要試就食貴小小.食個XO豬頸肉石頭飯. $43...-_-但我個個餐就送多個湯.白湯..但CREAM味好重...我自己唔鍾意.所以飲左D就無飲啦...朋友個沙嗲牛肉撈烏DO賣相好好.!食落沙嗲又唔錯BO!唔辣!我個石頭飯都好吸引!有小小辣! 好香!!!!!個飯好熱!! 同埋都幾多..食完好飽!其實野食唔差..但最小平返D就好啦.....

情人節前1 日同老公去食左個 蒜香牛柳黑松露菌燴飯(1 人餐) + 黑醋鵝肝雜菜沙律,餐湯係磨菇湯. 個飯加左cream同香草去燴, 第一啖有d怪, 食落都幾好味, 不過好快膩. 件牛柳煎得香好"林", 唔怪得郭少芸話係鎮店菜之一.個鵝肝雜菜沙律有半個apple伴住鵝肝黎食...鵝肝煎得都香但表面唔夠脆, 中心好似醫汁o甘唔結實, 我就覺得勁"穌", 但老公就好鍾意.service 就一般. 會再去試下佢個"一王一后"推介

看番之前的食評，講開員工態度問題，我相信老闆應該關注及檢討一下。昨天原先想到店裡吃下午茶，當時大約是三時，人客不多。一名戴眼鏡的女侍應帶我和朋友二人到一張二人枱，但我們說想坐卡位，那侍應便一臉不悅，語帶悔氣的說那是四人枱的。在那時候人客不多，且空枱多的是，我們頓憤怒。我認為，客人的要求你可以拒絕，但也不需要給我們這張咀臉吧？！一怒之下，便和朋友離開了！其實之前都來過吃飯，食物質素不錯。但總覺得部份員工的態度有侍改善。經過今次的經歷，更令我對這店的評分降低了。真的希望老闆能夠關注及檢討一下員工態度的問題。

同朋友想搵個傾計既地方, 於是就揀左新都城間 MatchToo估呢度應該唔會太嘈+ 好坐. 1入到去 原來都幾多人喎. esp. 學生, 因為 set lunch ok平, $29 up 坐sofa, 我地2個幾開心 , 都坐得好舒服下架!!但係我個飯好攪笑, 黑色架XDDDDDDDD果個黑椒西冷飯, 黑到唔黑不過味道唔錯既, hahaa 咸左dd跟餐湯+飲品. 忌廉湯+凍咖啡. 好飲喎杯咖啡!! 好鐘意飲呀我覺得食得好舒服, good!!

x'mas 期間來了兩次lunch，兩次我也覺得不錯，不過同事／朋友吃的就不太好我第一次吃了：鮮茄焗豬排飯餐 - 炒蛋飯底， 豬排雖不多但不韌，鮮茄當然有助開胃第二次：焗龍利飯餐(mustard sauce) - mustard sauce幾香，其實整個飯是靠個sauce 兩次都有南瓜湯，這個不錯，吃完個set很飽…around$40也值吧同事吃的豬軟骨麵、海南雞飯不太好朋友吃的焗西冷牛排飯：兩個字 - 咸、韌所以看你吃什麼吧，不過這裡的decor是很不錯兩次也看不見郭少云啊

聖誕假期想找一個舒服的地方吃吃午餐，見簡單廚房有大量位置，裝修又不錯，所以進去試試。入門口前見到午膳最低消費$40, 晚膳則要$100, 心想，吃一個SET LUNCH, 最低消費$40也很合理。然而，與朋友進食期間，而覺得這$40很不值。我們叫了 海南雞飯 和 咖喱牛腩飯 SET LUNCH。一口把牛腩汁放進口已覺得味道怪怪的，而且飯和餸都只是剛好夠熱，飯又乾又硬，好像"隔夜飯"般。朋友吃她的海南雞飯，反應也不大好，因為雞太大塊，而且有點冷冰冰，雖然香港沒有新鮮雞供應，也沒有可能找來完全沒有味道，而且"諧十十"的雞來招呼客人吧! 另外，海南雞飯的飯與牛腩飯的白飯，是否應該有些不同？不過....雖然餐廳內的佈置不錯，地方而很大很寬敞，但一嚐到眼前的食物，已沒有好心情去欣賞這些東西。 朋友說在朗豪坊的分店食物不錯，但我已經沒再算再去"博"。

聖誕同家人去食飯, 見簡單廚房新開又唔駛等太耐就入去一試. 每人一百幾十, 比起同場其他食肆貴, 不過聖誕無所謂啦, 而且裝潢新穎, 菜色吸引...怎料...我地一共叫了3個1人套餐, 湯: 有南瓜栗子忌廉湯和牛肝菌忌廉湯, 尚算ok, 不過跟湯的面包條唔新鮮, 好"淋"主菜:1) 酥皮焗牛柳釀野菌2)鮮露筍伴龍脷火腿卷3)香煎鵝肝天使面配香蒜橄欖油香茜汁小食: 一口豆腐甜品:士多碑梨奶凍, 泡芙*2, 朱古力慕思,焰火山(忘記名稱了)... 賣相雖然討好, 可惜的是服務有問題及食材不夠新鮮:上菜: 竟然是3碟主菜分開上, 而且相隔太耐, 一個食完到另一個食, 完全破壞了聖誕與家人共進晚餐的氣氛, 最後一碟龍脷火腿卷三催四請足足等了一個小時!服務: 我地同附近都係上了菜冇刀切...水又冇加...是否聖誕太忙??味道: 酥皮焗牛柳釀野菌, 酥皮有"益"味; 鮮露筍伴龍脷火腿卷, 龍脷竟然腥得厲害; 香煎鵝肝天使面, 鵝肝都未煎香, "淋beh beh"...3碟都吃了7成吃不下去了...(有問題的都是主菜的重點!!) 是否又是聖誕太忙??好處: 甜品算最好了, 小巧精緻; 另外催龍脷時侍

和男朋友到簡單廚房吃午餐～有舒舒服服的半圓疏化位坐～點了炸醬石頭飯和豬軟骨湯麵～石頭飯有點辣，但很惹味～湯麵則普普通通，麵的份量很多，但豬軟骨卻只有三小件～除了主菜之外，還點了一件朱古力蛋糕～外表很吸引～可是味道卻不太好～略嫌蛋糕不夠鬆軟呢～

30/11 一行3人夜晚去左呢間軟飯王試食, 喺接待處見到有個帶左鴨咀帽既侍應, 開頭都唔為意佢係郭少芸, 望真啲原來真係佢, 佢冇乜點化妝, 只係搽左個base, 不過好親切好親力親為果隻呀, 果到啲套餐只得2人同4人, 我地3個去只好叫個4人餐, 牆身掛左啲大拖鞋喺到, 幾得意既, 環境坐得幾舒服, 啲野食呢味道都唔錯, 但係就細碟左啲啫, 價錢亦都唔平, 中價位囉, 我地個餐有蝦沙律, 三文魚頭, 三文魚沙律, 田螺扁意粉, 牛柳燴飯, 辣牛肉pizza, 當然個餐啲頭盤同主菜果啲係有幾款比你揀既, 最好食都係個pizza總結不妨一試

11月份幫襯過兩次：第一次係週末，住寶琳站的街坊都知逢週末新都成1-3期各大酒樓有幾 "虛陷"啦。推著小狗好不容易見到有門口位就飛埋去，兩位唔該。郭小姐勉強的笑一下就給那張抬我們。看了menu就order兩個set dinner... 由於坐得很近他們落單的order machine，等食物時就聽到員工爆晒粗，都係因為工作掛...，但對於客人來說就幾影響啦，邊食邊聽你地"炒蝦拆蟹"。食物終於到啦，時間都ok，order的set dinner 係牛柳 同 一個松露汁意粉。quality算係好；但因坐在路口，所以食埋甜品 (not too special) 就拿拿聲鬆人。第二次係平日，同老婆放工都夜啦，8點九返到寶琳，想起佢地個menu好似幾多野未試過，於是又再去。眼見客人小貓三幾隻，所以入坐時就話想坐卡位， waiter姐姐話，六人抬黎架，唔好意思，你們都係坐兩位抬啦...，我地話，但係宜加都無人等位，咁多卡位...，姐姐重申一次她們的立場! 吹漲。諗著算啦，來食野又唔係來 "圾氣"，就點了大大個印在table mat那set 黑松露牛柳野菌飯同兩個小食，a)瑞士雞亦，b)豆士鯪魚油墨菜

11月28日晚上, 我和家人去了新都城, 不知食咩好, 見到match too, 都未try 過, 後來見到三百幾蚊的四人套餐, 都幾多野食, 可以choose 兩個$18 or $26 的snack , 有個大蝦雜果沙律,有4 個湯,有一個rice ,一個粉, 一個pizza , 有4 杯餐茶, 有4個mini dessert...先講頭盤,個goose liver toast ,好難食, 好苦又冇味,塊TOAST 硬過石頭 我都食過goosrliver , 未食過這樣難的...order 了caser salad , 冇咩特別......個cream of carrot soup , 好晤掂,, 冇carrot 的效果, color 是奶橙色, 閉上眼飲了都不知是什麼??而且都不夠熱...個大蝦雜果沙律都不錯, 蝦都幾fresh ,不是霉, 雜果當然是by can,都ok , 冇特別講到main course,所謂元貝的燴意大利飯,好鬼酸, tomato 汁太重手!!元貝烚完放上去, 淡而無味..菠菜雞肉闊條麵, 芝士味太重手, 好滯...另外我side order 一個欖油mus

上次同老婆去食，都唔錯 (見第一個食評)。早兩日再約呀媽去。我先到，郭小姐响門口叫 number。佢叫：「 337 兩位」我接口：「2 位呀唔該」佢黑起口面冇理我，去左帶位。等一陣佢再出現响 counter。佢叫：「 338 兩位」我又接口：「2 位呀唔該」佢又冇理我，去左帶位。等一陣佢再出現响 counter。佢叫：「 339 兩位」今次我唔出聲，企高兩隻手指。果然佢都係唔理我。等一陣有兩個人後面走過黎，話：「2 位」我就睇下係唔係我果日樣衰，定係佢問題。好彩佢都係唔理人，我個心立即舒服返。不過，奇怪，佢真係做生意架？最後我呀媽一出現，我就拉佢走上樓上食 pizzahut 算數。

今晚和家人去了這間餐廳食晚餐,之前都聽聞這間餐廳是一個明星開的,於是去試試,6點幾去到,坐了近門口的卡位,我們6個人,叫了一個4位套餐再加一個飯,食物都ok,但份量少了少許......服務都好好,看了之前的食評說這間沒有服務,但我們不覺是這樣,因他們怎忙都不停替我們加水和執拾,好過其他餐廳很多,還覺他們很細心,值得一讚

星期五晚七點幾，等左一陣就有位。個湯口感就幾好，但係無味既，飲完好似無飲過既失憶之湯。XO醬海鮮炒飯，幾好味，但勁多油。餐牌話辣，但食落一點辣味都冇。咖哩豬扒飯，豬扒非常薄，但個汁幾辣幾好味。勁油…食淨兩件冇再食喇…味道一般。整體感覺，味道同環境都係OK，但唔值得等位，會再幫襯。