籠町茶番 (已結業)

尋日同媽媽細佬行街 去左深水步 一出地鐵站C2出口轉右就見到新開左間茶番叫左三杯野飲試下 我自己就飲桂圓薑母茶 本身轉天氣氣管唔舒服咳左成個月都唔好 見天氣凍凍地就叫左杯薑母茶飲通常第2D賣野飲既店都係熱飲細杯過凍飲 但呢間居然熱飲仲大杯D幾足料 好香薑味 但又唔會太辣 溫度都岩岩好 拎係手唔會話熱到好辣手 之前飲貢X叫左杯熱杯 真係熱到拎又拎唔住 飲又飲唔到!最重要係!!呢杯薑母茶飲完之後 我居然好番 無乜點咳 雖然知道薑對氣管好 不過都要本身杯野足料先有用媽媽叫左杯相思抹茶 佢話味道都幾好 好香亦唔會太多冰 好多珍珠細佬叫左杯朱古力奶蓋原本間野係無賣但係細路仔唔識野 係咁叫個姐姐幫佢整(我都係事後聽番先知= =)點知個姐姐又真係整比佢張單就打番朱古力奶茶 真係好有心呀!!<3亦無特別收多錢總括尼講 野飲真係幾好飲 唔錯 服務態度都VERY GOOD~

細妹買俾我～相思Q奶茶(走冰)，即係珍珠奶茶+紅豆，$20大大杯，第一個印象幾好！試味先！真係冇冰，味道預料之內偏甜，我加咗半杯熱水溝稀佢，多幾啖之餘，味道更好！紅豆同珍珠份量都幾足！原來細妹要求佢多紅豆，店員竟然答「好！」，真係好有誠意！珍珠新鮮，軟硬適中，唔會過硬過腍，有咬口，煙煙靭靭，唔錯！整體感覺，論價錢同質素，比荃灣間貢茶好！喜歡珍珠奶茶嘅，值得一試！P.S.:睇埋張傳單，竟然仲有外賣whatsapp熱線，買滿$100可以送貨！真係辛苦哂啲店員！不過建議有心幫襯嘅自己親自去買，一嚟唔駛店員咁辛苦，二嚟即買即飲好享受嘛！Right？Cheers～

今日同女友路經深水埗鴨療街，見到籠町茶番應該係新開的，上次係荃灣飲完，一直都想飲。買左杯熊貓抹奶茶同抹布奶茶。熊貓抹奶茶，抹茶濃郁，甜度岩岩好，黑白珍珠大細不同，有口感珍珠唔會太軟或太硬，夠煙韌第一次試抹布奶茶，問個職員先知道，抹布係指抹茶做既布丁，口感同布丁一樣，但有抹茶味味道几好，可以再試，奶茶有茶味，唔會特別甜起碼冰塊唔會劈死人location地鐵站隔離，一出就見到，勁方便。職員相當有禮貌，買得都算舒適，等候時間5分鐘左右吧