米匠石磨腸粉

营业中

休息中

本身都好鍾意食石磨腸粉，無意中search到屋企附近竟然開返😍營業時間仲好長，又唔使等好耐，店員好nice，可以儲印花，配搭都好free～櫻花蝦畫龍點睛，一定要加！！！食咗幾次，口感煙韌又有米香🥹見全部店員都係後生仔，我呢個後生仔梗係支持十波啦～所以上嚟寫下評分希望俾更多人認識撐下佢哋啦～配料方面小妹都係食肉多🤣豬頸肉製叉燒唔錯～好濃叉燒味，豬頸肉令到佢更香更彈牙爽口👍🏻蝦我次次都嗌（純粹因為鍾意食蝦）但都好爽口冇咩雪味，豚肉碎同牛肉碎就正正常常👍🏻希望佢哋繼續加油～

呢間新蒲崗采頤花園附近嘅石磨腸粉鋪真係值得一試，五芳街行過去唔使五分鐘就到。今次試咗「油炸鬼櫻花蝦腸粉」，真係有驚喜！腸粉皮夠滑仲帶有米香，入口彈牙唔會爛，油炸鬼脆脆地配埋櫻花蝦嘅鮮味，食落口感層次十足。豉油調得啱啱好，唔會太鹹，提味之餘又唔會搶走腸粉本身嘅風味。如果真係想再提升啲，我會建議最後淋少少濃香嘅花生油。之前喺廣州一啲傳統腸粉鋪試過，嗰陣花生油香氣真係好提升到成碟嘅層次，尤其係配埋櫻花蝦嘅味道，會更加突出。價錢都算抵，連飲品加隻蛋都係四十蚊多啲，係新蒲崗呢個區嚟講真係唔錯嘅選擇。如果喺附近，呢間鋪頭真係可以試下，味道同價錢都交足功課！

哩間新開冇耐嘅石磨腸粉嘅小店，規模唔大，但好有心思去製作食物佢哋嘅醬汁同飲品等都係自己較同調配落單唔駛等好耐就有得食！腸粉一入口，口感真係好香滑，薄薄一層，咬下去就有一種柔軟嘅感覺，幾乎喺舌尖上融化。每一口都好似帶住一種米香，令人回味無窮。而且腸粉裡面包住嘅餡料都好新鮮特別鍾意佢嘅辣椒醬加咗蒜蓉，十分之惹味辣味同蒜香混合，簡直係絕配～完美地提升咗腸粉嘅風味每一啖腸粉搭配少少辣椒醬，食到停唔到口！所以食完再嗌多咗份哩期咁啱做緊個限定飲品——陳皮菊花茶，真係一流茶嘅顏色清澈，飲落去清新解渴。陳皮帶出嘅香氣搭配菊花嘅清香，飲完之後感覺精神一振，暑氣全消。特別係食完熱辣辣嘅腸粉之後，飲一啖陳皮菊花茶，真係冇得頂係一間一定會再回頭嘅小店！！