米子燒肉家

营业中

休息中

好耐以前都嚟過美林邨嘅冬菇亭食嘢，原來呢度都升級咗，變晒啲乾淨企理嘅餐廳。今日同朋友就嚟呢間米子燒肉家試吓佢嘅燒肉。本身諗住淨係食燒肉，不過見到雞煲好抵食，我哋先點咗一個藥膳花雕藥材雞鍋開胃先。有半隻雞選擇，都係$168。個鍋一送到上枱已經見到好多藥材，特別適合愛美嘅女士。呢度最好嘅係店員幫我哋搞掂晒，唔使自己計時。一打開已經聞到好香嘅藥膳味，加埋隻雞煮嘅時間剛剛好，非常之亂滑。半隻雞兩個人就fit晒，可以加多個定量燒肉餐。我哋分別叫咗澳洲燒肉盛合定食（150g@$128）同埋美國燒肉盛合定食（150g@$92）澳洲燒肉盛合定食美國燒肉盛合定食燒肉定食可以揀白飯或者冷麵，頭盤有泡菜或者沙律，湯同糖水係自助形式。個湯我都飲咗幾碗，因為唔係一味得個鹹字，好飲。甜品係啫喱仔，都係任食㗎飲品方面就有三款，都係健康嘢，啱晒呢啲熱氣嘢食。講返主菜先，兩款牛嘅肉質都好好，燒耐咗少少都唔會韌，有鮮味，而且份量都唔少，男士都未必需要追加。當然，追加都有唔少選擇，除咗肉亦都有海鮮，價錢都幾OK。除咗食物OK，都要讚吓呢度嘅裝修夠闊落，食得好舒服。店員服務仲好好，又夠笑容，值得一讚，香港就係需要呢啲。下次有

天氣凍咗咁多，最啱就係同朋友食燒肉，打個邊。我們叫左澳洲燒肉盛盒定食、美國燒肉盛盒，仲有椰子雞火鍋！燒肉定食都幾抵，除咗燒肉拼盤，跟餐仲有湯、沙律或泡菜、日式冷麵/飯，CP值高。燒肉部分既質素相當不錯，個人就更喜歡帶多點脂肪既部位，因為脂肪分佈均勻，入口嫩滑又不會過於油膩。將燒好的肉片包裹係新鮮生菜上，再加上一小片泡菜，味道層次瞬間提升，為肉味增添更多變化。日式冷麵配上金黃蛋絲，視覺和味覺都得到昇華。椰子雞鍋好足料，湯底帶天然既椰香，竹笙同馬蹄既加入帶嚟不同口感，整體暖胃又滋補。雞肉厚肉，啖啖肉喺正！

米子燒肉家，藏匿於大圍美林邨，抵食，服務周到，是燒肉與火鍋完美結合。椰子雞鍋，選用新鮮椰子水作為湯底，清澈見底卻又蘊藏著無盡的鮮甜。嫩滑的雞肉片輕輕放入，瞬間被椰香包裹。澳洲燒肉盛合，內裏保持了肉質的原始多汁。搭配的配菜，新鮮的沙拉、軟糯的米飯和特調的醬汁，構成了美食。另一份牛魔王燒肉定食，精選自優質牛肉部位，經由秘制調料醃制後炭火烤制，外皮呈現出誘人的焦褐色，而內部依舊保持著令人垂涎的粉紅色澤。

宜家天氣凍左想食啲熱野，打邊爐同埋燒肉就暖岩去大圍食野見到呢間評價都唔錯，又可以一次過滿足兩個願望，就黎試下。首先就先叫左個椰子雞煲，冬天食雞煲暖粒粒個雞煲上到黎，職員比左個計時器我地，計好晒時間煮出黎啲雞好滑！湯底都好足料，仲有竹笙吸湯，好食！呢到仲有免費任飲既茶，另外仲有罐裝飲品，種類好多。另外呢到仲有一人燒肉定食，1人份量最貴都只要$128，性價比好高！我同朋友每人叫左一個燒肉定食。套餐除左肉之外仲有海鮮同埋飯/冷麵，我地揀左冷麵因為比夠少見，但發現同燒肉好夾雖價錢唔高，但一人份黎講完全夠飽我地叫左牛舌同埋美國燒肉盛合，有幾種醬料可以揀，我自己覺得牛舌加鹽係暖好食佢仲有比埋生菜，可以用韓式辣醬配埋食即刻有韓燒感覺。海鮮有我最鐘意既章魚，份量都唔少好滿足

朋友話美林村冬菇亭開左間燒肉店，就一齊去試下，環境乾淨闊落，卡位坐得好舒服，原來仲有雞煲，我地叫左燒肉盛同椰子雞煲.牛五花燒肉盛，牛五花油脂豐富，燒完油脂令肉質更柔軟，牛香重，口感細緻，好好味. A4和牛肩胛，霜降紋理好靚，油脂分佈比例均勻，肉質鮮嫩，入口即化，牛味重，正!燒大蝦同扇貝，蝦肉爽滑彈牙，鮮甜.扇貝好新鮮，好大只，好鮮美.好食.椰子雞煲，天氣涼涼地，好岩食雞煲，椰子湯底清甜，滋潤，雞肉鮮嫩，椰子精髓渗透入雞肉，更加鮮甜，真係超級好食.仲有自助區，有甜品，飲品任食，真係超級滿足.下次要試埋燒肉放題.

上星期去大圍美林邨探完朋友之後，就喺美林邨入邊搵嘢食。天氣凍凍地，好想食啲暖笠笠嘅嘢，響冬菇亭嗰個位搵到一間可以食燒肉，又可以食雞鍋嘅餐廳。入到去，座位好闊落，坐得好舒服。店員亦都好細心咁樣介紹佢哋餐廳入邊有乜嘢食。由於又想食燒肉，又想食滾吓滾吓嘅雞鍋，我哋就叫咗 兩份一人前燒肉套餐🥩同埋 一份🍲椰子🥥雞鍋。✨一人前燒肉套餐，我哋分別揀咗⭐️豚三國王樣定食，同埋⭐️美國燒肉盛合定食。套餐好豐富，除咗150g/300g肉之外，仲包含🦐海鮮盛合，🍚珍珠飯或者🍜蕎麥麵，或者升級加$6紫菜珍珠飯，🥬生菜，至於糖水，湯，兩款嘢飲，同埋🍮啫喱就係自助形式。✨兩款肉🥓嘅質素都唔錯，我特別鍾意🥩豚肉入邊嘅豬肋條，燒到個皮脆脆哋，外脆入邊非常Juicy，配埋柚子醋一齊食，好好食。至於✨兩款海鮮，帶子配埋牛油俾你一齊燒令到個帶子更加香，鍾意蒜嘅朋友可以去火鍋配料自己再加啲蒜咁就會變成蒜蓉牛油燒帶子。虎蝦亦都非常爽口彈牙，好新鮮。湯係麵豉湯，入邊有好多海帶同埋蘿蔔，今日嘅糖水係紫米露，唔會好甜。跟住我哋再食咗個⭐️椰子雞鍋，店員好細心，有禮貌地💕幫我哋煮雞，話俾我哋聽幾時可以食啲雞。由於店員有幫我哋計時，所以啲雞

火鍋套餐有三種湯底可以選擇，我哋揀咗胡椒豬肚湯，冬季暖身之就至啱。 胡椒豬肚湯底好夠胡椒嘅香味，而豬肚亦都夠軟身，唔會韌， 由於套餐嘅雞肉份量已經好多,所以冇order到其他火鍋配料, 雞件啖啖肉，但徧肥，如果除掉雞皮會更好。燒肉套餐方面，我地揀左豚三國王樣定食和美國燒肉盛合定食，各有三款不同的豚肉/牛肉，啱晒鍾意試唔同口味嘅朋友，無論爽口的，有趙口的，肉味較濃的，都有得試。燒肉嘅質量，不過不失，我反而喜歡套餐包埋嘅燒蝦，夠爽口，帶子就略嫌遜色，配埋冷面，份量十分足夠。另外一點，我最欣賞的是任飲的熱玫瑰花茶，啱我呢啲為食但又想養生嘅人😂總體來說，燒肉/火鍋套餐定價親民，而且免加一，餐廳地方闊落，坐得舒服。如果好貪心又想燒肉又想打邊爐就可以來一試

依家啲「冬菇亭」食肆賣少見少，尤其啲舊邨重建，就基本上會消失。繼早前行完山經過「隆亨邨」嘅「冬菇亭」，就幫襯過吓，今晚同老友記嚟到「美林邨」嘅「冬菇亭」搵食，喺在地嘅朋友推介呢間「米子」，食日式燒肉又得，食港式雞鍋又得。呢度有3間冬菇亭食肆，數到最搶眼肯定喺「米子」，因為門面採用粉紅色，加埋燈效，仲要晌頭位，所以，好易認到。走進店內，亦喺一室以粉紅為主調，若非枱上有日式燒肉嘅烤爐，真喺估佢唔到喺賣日式燒肉。但不得不講，啲位寧舍闊落好坐，更有部份卡位設計成可以坐成12人，如果無咁多人，又可以以竹簾間開兩邊。此外，晌部份大梳化旁設置一啲大籃，方便客人擺嘢。所謂工欲善其事，必先利其器，喺枱面嘅一旁已經放齊晒所有食烤肉時用到嘅調味料，例如，柚子醬、燒汁、辣醬、七味粉……等等，枱上亦放好所有用具，另外枱邊有個暗格，就擺咗紙巾、糖包、鹽包，自由取用。而烤爐採用下抽風式，感覺抽力都幾夠強，燒咗成晚，都唔會覺得好大油煙味。食物選擇方面，當然喺以日式燒肉為主打啦，燒肉定食一共有6款，分兩個份量，定價由$66-$238，可謂豐儉由人，仲包埋麵豉湯、海鮮盛盒、生菜及日式冷麵或珍珠飯，不得不讚仲要免收服務費，

冬天來了，說起食咩最暖胃，又暖笠笠呢，那一定是火鍋啊！今天給你推介一家性價比超高的火鍋店，不僅好吃，還特別養生。價格實惠，特別推薦椰子雞湯底及胡椒豬肚雞鍋店員服務也好體貼，飲品都係任飲，總之夠晒開心，仲有日式燒烤，A4肥牛正到爆，一樣唔可以錯過㗎，特別適合朋友飯聚或家庭飯聚。下次打算試試他們家的藥膳花雕藥食材雞鍋，聽名字就覺得蠻補的，期待一下。米子燒肉家地址：香港大圍美田路30號，美林邨熟食亭1-4號鋪

📍米子燒肉家（大圍）📍大圍美田路30號美林邨熟食亭1-4號舖米子燒肉家係一個朋友聚會/家庭飯局好地方。座位寬敞，氣氛輕鬆，非常適合打邊爐或燒肉迷細味品嚐。 🟡豚三國王樣定食（150g）燒肉香氣十足，油脂分佈均勻，入口鮮嫩又帶少少焦香，非常滿足。仲配埋紫菜飯，飯粒煙韌帶淡淡紫菜香，完全提升整體層次，燒肉配飯一流絕配！ 🟡美國燒肉盛盒定食（150g）美國牛肉片燒過後帶輕微焦香，油脂滲出，口感鮮嫩，肉味濃郁。仲配搭清爽嘅冷麵，酸酸甜甜嘅麵汁幫你解膩，燒肉加冷麵真係好開胃！ 🟡🍲 椰子雞煲（半隻雞）椰子雞湯底椰香濃郁但唔會過甜，絕對無添加味精，味道自然清甜。一上枱見到雞件份量十足，雞肉啖啖鮮嫩多汁，完全無雪藏味。店員仲會幫你計好煮食時間，確保食到最啱口感嘅雞肉，真係好貼心！ 🟡飲品及糖水任飲糖水當日係紫米露，濃稠但唔會死甜，紫米煮得剛剛好，口感綿密又香滑，食咗燒肉再飲返兩碗真係超滿足。湯品則係豐富用料嘅麵豉湯，湯底濃郁但不膩，暖胃又滋味。 米子燒肉家價錢合理，我星期五晚去係見到全場爆滿！

同朋友一起試了這間平民價燒肉，比想像中有驚喜好多選擇的一餐，吃了美國燒肉、牛魔王燒肉、椰子雞煲，雞煲勁足料，牛肉比想像中高質，唔錯～菜單款式真係多，打邊爐、燒肉都可以，老人家小朋友都啱食。全場卡位，地方闊落，員工熱情招待細心解釋。設有長卡位，適合大家庭或多人聚會。免費花茶、甜品、湯雞半隻足料，大件嫩滑好味。亦有多種牛肉選擇、美國牛，澳洲牛，日本和牛，牛肉靚有雪花，厚切～除咗白飯，紫菜飯，仲有小朋友好鍾意嘅冷麵🍜至於個椰子雞煲，員工會幫手睇火煮雞，同埋建議最佳嘅食法。椰子雞湯鮮甜味濃、雞嫩滑。很滿足的一餐！讚👍🏻

住大圍嘅人有口福啦，以燒肉為名嘅鋪頭，竟然仲有雞煲食！完全唔使出到遠一遠！店舖有提供多人座位，偶爾約埋一大班朋友聚會，揀呢一間店舖絕對係唔錯嘅選擇！既然以燒為名！當然要試吓啦，我哋分別叫咗豚三國王樣定食(150g)及美國燒肉盛盒定食(150g)，以相當平民嘅價錢但提供豐富嘅食物！起初都怕價錢平質素會唔太好，但食落超驚喜！肉類質素相當唔錯👍🏼另外仲叫咗半隻雞煲，揀選咗椰子雞湯做湯低，雞件一上枱就發現餐廳絕對唔馬夫！雞份份量十足，而且好肥美！啱晒我呢啲鍾意食雞嘅人😍店員仲相當細心，幫我哋計好進食時間，令我哋可以食到最嫩口嘅雞☺️仲唔會有雪藏味添👍🏼湯底亦需要大贊！相信絕對冇加任何味精作調味！淨係飲到椰子嘅清甜可口😋另外可以出到自助區位置調配醬料，雖然醬料係以最簡單嘅芫荽、辣椒、蒜蓉比客人調配！但係蒜蓉原本有額外調配過，所以淨係最普通嘅三樣嘢調配出嚟味道都絕佳！除此之外，糖水同湯品亦都可以隨便添飲😋當日嘅糖水係我嘅至愛腐竹雞蛋！食到飽一飽都忍唔住飲咗兩碗🤭因為味道相當住家，完全唔會死甜。湯品就係用料豐富嘅麵豉湯！味道亦相當唔錯，友人同樣添咗幾次😆

CP值高💕💕🪄大推介養生健康⭐️藥膳雞肥瘦適中的半隻雞雞肉嫩滑配上桂圓、紅棗、川穹、黨參、當歸、 準山、杞子、和時菜作一打開有濃香的中藥材味！湯底好正！澳洲燒肉盛合+ 燒牛舌定食有飯/冷麵, 前菜和甜品🙌🏻牛肉吃起來牛味，加點鹽再配點醬油，正！牛脂平均分佈,份量多,非常嫩滑🪄提供多款醬料🪄祕製醬油、 鹽和辣醬另外提供免費自助凍熱玄米茶和普洱茶🪄餐廳環境坐得舒服👍🏻👍🏻

見有段時間無黎，呢晚就同朋友過黎差唔多爆場，好多一家大細黎除左放題外，仲有定食揀套餐跟左湯、沙拉或泡菜澳洲燒肉盛合定食(300g)份量唔少，有二款牛肉油脂分布均勻，陣陣肉香，油脂感十足美國燒肉盛合定食(300g)有三款牛肉絕對滿足，牛肉色澤鮮豔各有特色仲有蒜蓉醬，柚子豉油，燒汁醬，七味粉、鹽，同埋辣椒醬，重口味嘅朋友，可以再按自己口味條配醬料朋友見天氣凍，仲叫左個椰子雞煲半隻有店員幫手計時煮，大火滾4分鐘再熄火焗2分鐘，雞肉嫩滑到不得了，個湯清甜又滋潤最開心係仲有甜品糖水食，勁滿足

係粉嶺食過呢間，去大圍油站果邊問朋友拎完野。朋友話樓下冬菇亭間燒肉都幾好，地方夠大，裝修粉紅色系，少女心大爆發...個人都後生d去燒肉家，食燒肉就一定架喇，點咗2個一人套餐，燒牛舌同澳洲燒肉盛合定食，full set有齊前菜，主食同甜品，大滿足。前菜有沙律/泡菜主食有飯/冷麵，冷麵同熱辣辣燒肉，一冷一熱更衝擊味蕾😆燒牛舌: 每片都切得厚薄適中，燒熟後入口煙韌☺️燒肉set: 每款肉都有幾件，食肉獸最愛除咗燒肉，由於當日天氣轉涼，經店員推介下，叫咗半隻雞的胡椒豬肚雞鍋，有雞食有湯飲。上菜後，店員附咗主動幫忙落雞件，更加建議最佳烹飪時間及點食更好味等，充滿滿滿的人情味😍 後記: 原來中午有學生set，睇黎lunchTime都係坐滿學生...聽到個staff叫個清潔清埋張d卡位，話中午有堆學生坐過果個位🤣