影片
更多
2024-12-21
1166 浏览
依家啲「冬菇亭」食肆卖少见少，尤其啲旧邨重建，就基本上会消失。继早前行完山经过「隆亨邨」嘅「冬菇亭」，就帮衬过吓，今晚同老友记嚟到「美林邨」嘅「冬菇亭」揾食，喺在地嘅朋友推介呢间「米子」，食日式烧肉又得，食港式鸡锅又得。呢度有3间冬菇亭食肆，数到最抢眼肯定喺「米子」，因为门面采用粉红色，加埋灯效，仲要晌头位，所以，好易认到。走进店内，亦喺一室以粉红为主调，若非枱上有日式烧肉嘅烤炉，真喺估佢唔到喺卖日式烧肉。但不得不讲，啲位宁舍阔落好坐，更有部份卡位设计成可以坐成12人，如果无咁多人，又可以以竹帘间开两边。此外，晌部份大梳化旁设置一啲大篮，方便客人摆嘢。所谓工欲善其事，必先利其器，喺枱面嘅一旁已经放齐晒所有食烤肉时用到嘅调味料，例如，柚子酱、烧汁、辣酱、七味粉……等等，枱上亦放好所有用具，另外枱边有个暗格，就摆咗纸巾、糖包、盐包，自由取用。而烤炉采用下抽风式，感觉抽力都几够强，烧咗成晚，都唔会觉得好大油烟味。食物选择方面，当然喺以日式烧肉为主打啦，烧肉定食一共有6款，分两个份量，定价由$66-$238，可谓丰俭由人，仲包埋面豉汤、海鲜盛盒、生菜及日式冷面或珍珠饭，不得不赞仲要免收服务费，
呢度有3间冬菇亭食肆，数到最抢眼肯定喺「米子」，因为门面采用粉红色，加埋灯效，仲要晌头位，所以，好易认到。走进店内，亦喺一室以粉红为主调，若非枱上有日式烧肉嘅烤炉，真喺估佢唔到喺卖日式烧肉。
但不得不讲，啲位宁舍阔落好坐，更有部份卡位设计成可以坐成12人，如果无咁多人，又可以以竹帘间开两边。
此外，晌部份大梳化旁设置一啲大篮，方便客人摆嘢。
所谓工欲善其事，必先利其器，喺枱面嘅一旁已经放齐晒所有食烤肉时用到嘅调味料，例如，柚子酱、烧汁、辣酱、七味粉……等等，枱上亦放好所有用具，另外枱边有个暗格，就摆咗纸巾、糖包、盐包，自由取用。而烤炉采用下抽风式，感觉抽力都几够强，烧咗成晚，都唔会觉得好大油烟味。
食物选择方面，当然喺以日式烧肉为主打啦，烧肉定食一共有6款，分两个份量，定价由$66-$238，可谓丰俭由人，仲包埋面豉汤、海鲜盛盒、生菜及日式冷面或珍珠饭，不得不赞仲要免收服务费，所以，到访当日见到几多年青人帮衬。
唔想太花时间食烧肉，佢哋仲有多款丼饭：牛肉、烧鸡、炙烧豚肉及鳗鱼，定价亦相宜，都喺$64-$92，包埋泡菜及一杯冷泡茶，而且，亦标明采用日本上等珍珠米，绝对喺有诚意。
最估唔到，仲有供应一啲火锅套餐，呢啲就啱晒香港人，套餐共有3款：椰子鸡锅、胡椒猪肚鸡锅、药膳花雕药材鸡锅，配埋和风蟹肉炒饭及火锅配料一份，都只喺卖$198，抵食㖞。如果纯粹试个鸡锅，亦可以单点架，有半只及一只份量拣。
除咗上述嘅烧肉定、丼饭套餐、鸡锅之外，仲有啲料理小食、沙律、汽水、啤酒供应，想食得丰富啲，不妨考虑追加三几款。
我听到好似有放题供应，不过，无深究，但晌出面有个自助区，放咗啲冷泡茶、热茶，面豉汤、啫喱同糖水，任意享用。顺便讲讲，啲面豉汤唔错㖞，除有昆布，里面仲有好多清甜嘅萝卜。仲有，自助区仲有埋火锅豉油、芫荽、蒜蓉、辣椒比大家食火锅时使用！
豚三国王样定食（150g）$92烧肉方面，我哋拣咗一份猪、一份牛，介绍吓份豚肉先，包括有伊比利亚猪肉、黑豚肉、豚五花，单喺睇啲色泽，非常鲜润，感觉好新鲜。我哋都无特别考虑食嘅先后次序，总之一铺过烧好就食，最喜欢沾柚子酱，去腻感强啲，几款豚肉 食落唔会觉得好肥，但又有油香，确喺好食。顺带一提，啲荞麦面亦都好唔错，几有荞麦嘅香气 ，咬落去仲带少少韧劲。
美国烧肉盛盒定食（150g）$102轮到讲吓啲牛，餐牌就只写住美国特选牛肉三款， 而今次所试到嘅喺安格斯板腱、牛五花、牛腿肉，同样睇落啲色泽好唔错，鲜艳亮丽，唔会暗哑。因为牛肉比较快熟，焫两焫就搞掂，所以分开慢慢烧，无论边一只肉都好有肉味，油香丰腴，配烧汁一流。此外，啲珍珠饭黏糯软熟，夹住啲牛肉一齐入口更好味。
海鲜盛盒每份烧肉定食仲送一只新鲜带子同两只虎虾，同样，睇落都觉得好有质素，带子烧熟后入口好软腍，唔会好似轫到擦子胶咁，证明食材新鲜；而啲虎虾质感弹牙，好有虾嘅鲜甜味，同样以质取胜。
胡椒猪肚鸡锅 $168叫个鸡锅贪佢有得食，又有汤饮，首先，汤滚侍应就会帮你落啲鲜鸡落锅内，计埋时，够钟再焗多2分钟，时间啱啱好，啲鸡肉嫩滑到不得了，而锅内仲有好多配菜：支竹、猪肚，样样都好食，个汤亦好饮，好有胡椒好味。
啫喱、紫糯米最后，梗喺食番少少甜品佢结啦，啫喱有多款口味，如果有埋花奶供应就更好；而紫米露亦唔错，紫糯米好有咬口感，少甜，又几润。
晌度食嘢，除咗平靓正，选择多，招呼几好，我哋都食得好称心！
张贴
