米線哥 (已結業)

今日計劃好午飯過後到位於太子的煤氣公司睇煮食爐同抽油煙機, 所以揀左附近呢間食評不錯的米線哥LUNCH。我地嗌左藥膳麻油雞米線, 辣肉燥, 香辣豬頸肉牛肉酸辣湯米線, 凍檸百事同凍檸茶。首先湯底方面, 味濃, 不其然令我將佢同譚仔比較, 大家同樣是味精頗重, 而藥膳麻油雞湯的薑放太多, 蓋過了其他食材的味道。肉類方面, 雞, 豬頸肉同牛肉同樣不甚新鮮, 沒有肉味, 肉質也偏乾硬。辣肉燥的調味很單一, 一丁丁的辣味和很重的豉油味。成碗麵覺得最好味既係D圓肉即係龍眼肉, 大粒又甜。老實講, 覺得譚仔都要比佢好味, 雖然都係味精湯, 但譚仔起碼有D層次, 配上質素穩定的土匪雞翼, 簡單快捷的一餐。

平日附近工作，有時心郁郁都想食下四川風味料理，就會諗起呢間專食米線嘅店舖。雖然行遠少少有其他米線選擇，但呢家就腳同好味嘅原因，就會喺度解決餐飯。嗌左碗麻辣米線，濃濃麻辣香味撲鼻而來，口水在嘴裡不斷分泌出來，不禁嚥了幾下，今次叫了大辣，可能這辣度適合不太食辣的人，我覺得辣度再上調一度就剛適合自己。自己配了豬肉片同腐竹，麻辣味滲進腐竹及豬肉內，咬下腐竹同豬肉片一刻麻辣味湧出，刺激到味蕾想進更多口！建議下次可以配一杯冰涼嘢飲就再適合不過！

每次黎米線哥都會食佢既水煮系列，已經encore左好多次，因為出面真係好少食到咁足料 咁正宗既水煮湯底😋😋水煮豚肉米線 小辣 （少米） $54湯底好足料，有好多生蒜茸、辣椒碎、花椒，真材實料 。腩肉都有十片八片，女仔既話強烈建議少米線，因為佢真係非常之大碗🤤🤤 除左腩肉之外，呢款米線本身都配咗芽菜同雲耳，食落好爽口，口感豐富！而啲米線又索晒個湯，又麻又辣，十分惹味過癮😆 不過食食吓有啲咸，重口味人士就非常適合食呢個🤤

太子｜米線哥🍲𝗕𝗼𝗼𝗸𝗺𝗮𝗿𝗸咗呢間鋪好耐，今日終於試到～🤤- 辣度 低至「微微辣」，高至「超勁辣」！- 好足料👍🏻👍🏻👍🏻🤤————————————————————————- 好香麻油味，但食唔出藥膳味😀- 雞肉冇太多額外嘅調味，都算滑～👍🏻- 個湯重肉味，令米線都好入味😋- 雖然寫麻辣，亦有好多辣椒乾浮喺面，但真係唔算辣👌🏻只係多油咗啲😇- 豚肉好香口好入味，略嫌薄身咗啲🥲- 重蒜，提升咗原本湯嘅味道🤤🔺無加一服務費整體而言▪️味道 𝟰 / 𝟱▪️環境 𝟯.𝟱 / 𝟱▪️抵食 𝟱 / 𝟱📍太子花園街𝟮𝟯𝟮-𝟮𝟰𝟮號黃禮賢大廈地下K號鋪

選擇困難症推介💛大嚿 $56有齊12款配菜呀😍豬肉、牛肉、雞肉、豬膶、微辣肉燥、魚旦、牛丸、魚片頭、芝士腸、火腿、豆卜、蘿蔔、 生菜、自家制風味泡菜及雲耳.清湯湯底有驚喜，似豬骨湯又有少少雞湯感覺，係好飲的，米線簡直要比like，煮得勁彈牙。而12款餸無咩令我印象深刻，但整體質素唔差。

食厭咗三x,譚x大肚婆今次試吓呢間米線店同加藤屋同一個老細啊！自選肥牛糖心蛋麻辣米線（微微辣少米）＄46食米線最緊要係個湯底佢呢個湯唔係就咁加花椒油，而係真係咬到一粒粒花椒，所以係麻多過辣湯底唔錯隻糖心蛋都望落去同食落去都係有水準入味而流心而肥牛就好普通可以唔嗌

酸辣湯大嚿米線 $57 （飲品+$5）類似譚仔/三哥嘅過橋米線咁，大碗上同有好多餸，大推畀餓底嘅朋友仔，酸辣湯底唔會過酸或者太油，但就冇咩驚喜。藥膳麻油雞米線 $52（飲品+$5）冬天必食之選，食完成個身即刻暖笠笠，麻油雞夠晒滑，睇過OpenRice嘅食評好似水準唔太穩定，但所長到訪時覺得呢個招牌米線在水準之上呀，份量又夠，可以一試💛炸雞 $20即叫即炸好香口，雞肉亦唔會太肥，餓底者可點，否則一碗米線份量已經好足夠。

一向我都好鍾意食雞湯米線既，之前睇YouTube 見到有人介紹，睇落好似好正，好養生feel咁，所以就勁有興趣想試😋藥膳雞湯米線一嚟到果時，個賣相好吸引，個碗勁大，份量睇落好多咁！佢都有好多雞，有雲耳，紅棗，蟲草花等等，睇落好養生咁，不過食落就冇咩藥膳嘅味，所以如果怕藥膳苦既人，喱個唔會有喱個問題出現😂相比起藥膳味，覺得佢個麻油味比較出，越食越覺得個麻油味好勁😂佢個米線質地都唔錯，不過湯底就中規中矩，如果鍾意食麻油味嘅人應該覺得幾好味既

藥膳麻油雞米線，味道和份量吊打春水堂。有一大堆雞塊，煮得很嫩。雞湯經過麻油的調製，別有一番風味。佐以蟲草花、桂圓、红棗等，他家招牌值得一試。川蜀風味米線也是推薦的，還可以自己搭配選配料搭米線。但是筷子污糟，也沒有配餐巾纸，衛生一般。

男朋友隨便係網上見到呢間主打藥膳雞做湯底嘅米線店，近排想養生少少嘅我地就去試試佢嗰藥膳雞湯米線！🐓🍜🐥藥膳雞湯米線 $52雖然米線啲料都幾足，有蟲草花、杞子、紅棗、金菇等等配料，但個湯一啲藥膳味道都無，勁失望🙍🏻 佢啲配料放得好整齊，其實好明顯係後期再放上去。。。同埋個湯勁油，但唔係雞油，係麻油‼️成個湯都係麻油味，有少少似食緊出前一丁豬骨麻油湯底咁，麻油味完全蓋過晒其他味道～呢個米線勝在雞肉夠大件，同幾嫩滑🐔。🐖日式豚肉煎餅一舊豚肉都見唔到，非常油膩。🌟推薦指數：3/10

對學生哥幾好既一間本土米線店先講環境 寬敞舒適 光線充足清潔做得幾好 好乾淨 整齊普通酸辣就麻麻巴蜀湯一試無妨比較特別嘅一種湯底好似係米線哥自己創出尼地點都近太子地鐵站

📍太子大大碗米線‼️• 啖啖肉麻油雞😛 -- 米線哥👦🏻🍜•Follow @pigfoodiexhk for more food!🐷💛#pigfoodiexhk_太子#pigfoodiexhk_港式 =======================呢幾日突然凍咗咁多，食返碗熱辣辣嘅米線真係好幸福🤤今次就嚟咗位於太子嘅米線哥～------------------------------⭐️藥膳麻油雞米線 $52 (4.3/5)首先碗麵真係超大碗，女仔建議可以叫少米🤣米線好爽口滑捋捋，掛湯力強～湯底好香麻油味，飲落好暖胃唔會太鹹，但就唔太飲到藥膳味🙈另外因為麻油湯底都會偏油身，所以小編都無飲太多🙈雞件有五大塊，肉質軟腍，而且係起晒骨，啖啖肉🤩配菜有蟲草花、木耳、紅棗、圓肉、金菇等等，小編最中意蟲草花，好有咬口😛整體嚟講都可以一試👍😋------------------------------賣相：3.5/5味道：4.3/5性價比：3.9/5回頭度：3.8/5------------------------------店舖資料名稱：米線哥地址：太子花園街232-242號黃禮賢大廈地下K號舖前往方法

建議：舖頭係花墟隔離街，位置好方便 行完花墟想食番碗米線，所以行左去係附近既米線哥。之前聽講話係加藤屋既副線，今日終於一戰。睇餐牌都幾多款湯底，如果自選既有6️⃣款 (清湯、酸辣、麻辣、新疆、可辣味噌、巴蜀麻辣)，除左清湯唔洗加錢，其餘都要加一蚊，而巴蜀麻辣就加兩蚊。或者有另外3️⃣款固定湯系列可以揀：藥膳麻油雞、蜀地川風水煮 同巴蜀酸辣肉燥撈米🍜今次試左：▫️藥膳麻油雞米線 (HK$52)▪️自選三餸麻辣米線 (HK$45)價錢上唔算貴，份量好足，如果比較細食就可以揀少米。藥膳麻油雞聞落好香，飲落就唔係太重藥膳味。🐔麻油雞系列固定左配菜，唔可以加餸 或者轉薯粉。雞件都幾多，配菜有紅棗片、雲耳、杞子、蟲草花、金菇、桂圓肉 同少少芫荽點綴下🍜 作為#芫荽控 ，如果有得多芫荽就正啦💚 可惜店員話無依個選項🤣 不過其他配菜搭夠，最有驚喜係桂圓肉，雖然只係得兩粒，不過夾上黎時已經脹卜卜，睇落已經好好味，食落仲好甜👍 另一碗米線，Fd子揀左微辣。麻辣度亦都好足🌶️ 如果唔係太食辣，可以考慮微微辣。自選配菜就中規中矩，都算多選擇😌

睇完youtuber 介紹見呢間米線好似幾正今日一於就去試下 去到見到門口有唔少人喺度等 好彩都係要等四張就到 等左大概我諗3 4個字左右就有得入 我地見左個豬頸肉 肥牛 蘿蔔新疆湯底同埋巴蜀酸辣肉燥撈米線 個新疆湯底一黎已經好香😋😋食落都好好味 唔係好辣 個味好特別 喺其他米線舖未食過個撈米線都唔錯 比新疆湯辣 不過都唔係好辣 可接受 不過啲肉燥就有啲肥 同埋成個米線有少少咸 要叫野飲先得 然後仲叫左個台式泡菜 都ok 嘅 不過食到最後空口食都係覺得有啲酸同咸 間野啲野食ok 不過冷氣就唔係好夠 唔知係因為我地坐近門口定佢冷氣真係唔夠 食到我男朋友好似沖完個涼咁 🤣🤣 我都出左啲汗午餐人均$50~100味道❤️❤️❤️價錢❤️❤️❤️❤️服務❤️❤️❤️環境❤️

-呢間上次都有食過外賣但係就揀兩餸咁叫，之後有再返去試多次，堂食好食過外賣好多，大大碗、好足料，佢其實都係加藤屋開嘅，喺太子嘅鋪頭都喺加藤屋隔離，持有學生證仲有得減3蚊，自從冇左吉野家之後、又唔多鍾意sakiya嘅牛肉飯，會去食加藤屋🍜藥膳麻油雞米線 $52 (8.8/10)呢個不設外賣，入面有蟲草花、紅棗、杞子、雲耳、桂圓、金菇、芫茜，想講佢啲雞肉完全係成塊雞扒原件切片，好足料同埋唔會好韌，啲餸都好好食，麻油都唔會過多，用嚟餸米線食啱啱好，我自己好鍾意呢個米線，不過冇咩藥膳味🍜大嚿 $58 (8.5/10)其實啫係譚仔嘅過橋米線，入面有豬肉牛肉雞肉豬潤、魚蛋、牛丸、魚片頭、芝士腸、火腿、豆卜、蘿蔔、生菜、雲耳、微辣肉燥、泡菜，揀左酸辣湯底勁辣，個湯本身有芽菜、腐皮、泡菜、木耳絲、芫茜，我覺得佢個辣係喉嚨辣出嚟，不過冇咩後勁，同譚仔嘅小辣差唔多，不過佢真係好多料，多過譚仔嘅過橋，講緊係火腿都已經有5塊，非常之抵食，而且好夠味☺️🍗米線哥炸雞 $20 (8.9/10)佢同老闆娘嘅炸雞球有啲似，但呢個冇老闆娘嗰個咁油，配返個蛋黃醬，好好食，唔怪得佢會係小食排行第一，下次會想試香辣炸雞🍸凍檸茶