米線撚-鮮雞魚湯米線專門店

营业中

休息中

食物質素同份量都對不上佢嘅價錢，外賣更加偷工減料，加錢轉雞髀，份量都得2舊仔，好明顯唔係一隻雞髀，早知叫佢唔洗斬🥹。偶然諗住比貴啲食好啲，非常失望。香車街街市附近咁多平靚正美食，無比較無傷害🙍‍♀️

平時食慣老闆娘米線，衰在晏晝唔開，見水牌有另一間米線，咁就試吓啦喺一樓近最尾嘅位置，位置唔算顯眼。環境係大排檔，唔算非常焗，但有D熱。現場得一座大風扇，唔知係咪因為冇客，所以頭頂嘅風扇冇開 (唔計我得另一名食客)🥵服務都ok嘅🙂要咗碗廚師發辦魚湯米線🍜：魚湯 - 冇乜特別，有蔥粒同莞茜大腸 x 2, 大塊豬潤 x 1 - OK魚腐 x 1, 白魚蛋 x 1 - OK鬼馬油炸鬼 x 1 - OK炸雞粒 x 2, 反斗蝦豆泡 x 1 - 唔錯👍🏾腩肉片 x 2 - 一般，好薄📃大肉粒 x 2 (唔知係咪牛腩) - 似係煲湯瘦肉，搵豉油醃過 - (我個人頂得順) 一般雲耳兩片 - OK雞件 x 2 - 冇乜味，不過算肉多米線唔算多，偏淋$60 (只收現金)🙄 咁我寧願行遠少少，荃灣西大霸街果邊既麻辣年華好D (老闆娘一定係首選，勝價比高)

揀廚師發板米線唔洗煩既然招牌係雞湯就揀埋雞湯食之前行過成層發現以街市嚟講成層啲物價都唔平平時落完單都唔會睇單今次唔知點解 望一望點解會同我落咗麻酸辣湯嘅之後即刻搵落單個呀姐講點知佢話：咩呀 你係落酸辣湯㗎喎我嗰下都俾佢拋窒咗 唔通我真係劃錯點知佢仲拎返我張單出嚟俾我睇我睇咗幾秒 我無寫錯喎 呀姐死死氣去改返餐廳一般嚟講都會睇下係咪自己錯先可能街市做嘢係直腸直肚啲嘢食到了賣相同味道都係唔得配料好求其個雞湯奶味忌廉味多過雞…超怪…..

香車街街市1樓有間米線舖見網上面有介紹，咁當然要試，午餐時間去到都有位，即刻叫個雞湯米線配炸豬扒加蝦膠豆卜。雞湯米線份量對男士偏少，湯底唔算好濃厚同鮮甜，米線偏軟，其實一般。炸豬扒普通，蝦膠豆卜夠脆但好乾，無乜味道。整體來講，今次好普通，唔算特別。

鍾意食米線嘅，我哋成日都會去唔同嘅地方是唔同嘅米線講喺香車街街市嘅米線，大家一定首選係去老闆娘，但係我哋今日去咗試另外一間唔同style，食雞湯米線嘅米線撚街市熟食中心環境就冇得要求咁多㗎啦，我哋一行三人叫左三個米線加一個小食分別叫咗一個蟲草花鮮雞雞湯米線，一個餓媽家姐米線 (廚師發辦)，同一個豬扒米線米線本身就正常發揮，個雞湯係出色嘅，但係廚師發辦嘅話其他餸嘅味會深入左個雞湯度影響左個雞湯嘅味，但係$60有10樣餸真係好抵，啲餸都係好食嘅但如果大家目標係雞湯，推薦係蟲草花鮮雞雞湯米線小食方面我哋嗌咗麻辣雲耳，但係就冇乜特別，唔試都冇損失

天氣涼了，最適宜享受大牌檔或熟食中心的風味，趁機可到訪香港用心的小店，支持支持！荃灣區有不少值得支持的小店，大家對香車街市熟食中心，相信也不會陌生，那𥚃除了有麻香四溢的川式米線，新近亦多了一家以鮮雞與鮮魚湯作主打的「米線撚」。那天是我們的第二回到訪，第一次沒注意星期日休息而撲空，建議大家事前可先致電，確定後才出發！「米線撚」標榜日日煲鮮魚湯及鮮雞濃湯，湯底當然以這兩款作基礎，而鮮雞濃湯更有松草花、黃酒雞和魚翅花膠雞湯底的滋補變奏。而無辣不歡的朋友，可有麻辣、酸辣湯底的選擇，不過個人當然是對準新鮮煲製魚湯和濃雞湯而來！而各式粉麵和餸料的配搭，均以車仔麵形式選擇，亦備有特色精製小食，一下子令選擇困難症復發！大部份小店人手不多，落單後耐心等侍就是了，或先點上小食，邊吃邊等，也是不錯的安排！麻辣雲耳 HK$18 以麻辣醬拌製，醬香挺足，帶點惹味，唯一麻辣醬拌得不是很均勻，醬多的地方，味道會比較濃啊！日日煲鮮雞濃湯 原隻鮮雞髀 人氣酒醉溏心蛋米線 HK$66「米線撚」的日日煲鮮雞濃湯帶有鮮明的黃調，跟乳白色的雞湯截然不同，大抵是選用了黃皮雞所致！個人覺得黃色雞湯味道甜美鮮香，要比白雞湯香氣來得更

見到呢間餐廳同老闆娘開係同一個地方，時間完全錯開，湯底好似幾有特色，唔係周圍都食到，好奇之下就決定試一試😛皮蛋芫荽湯+雞皮餃子👍🏻👍🏻個湯會加埋皮蛋同芫荽一齊煮，唔似有啲舖頭hea爆就咁落兩條芫荽🥹所以個湯好濃皮蛋同芫荽香味。我好欣賞係芫荽碎，食落冇一條條芫荽咁青🤤 入口熱辣辣，順口舒服，雖然一定唔係驚為天人嗰種好味，但呢個價錢冇嘢可以挑剔了😋而且仲有成隻皮蛋嘅份量，雞皮餃子都係即叫即炸，好味！呢個湯我會想成日食！黃酒雞米線湯底都唔錯，幾香黃酒味，相對地會比較濃味一啲😛 我自己就比芫荽湯底100分😋

天氣凍就會好想食返啲補身野暖身上網搵咗好耐 睇吓邊度有黃酒雞食見到有介紹過呢一間米線撚 又近近地 於是就第二日即刻去啦佢位於街市上面嘅大排檔要有心理準備會熱啲環境可能冇咁好一心想試黃酒雞 所以就毫不猶豫咁點咗啦但如果下次食 都會嘗試花膠魚翅雞湯米見到大家都推介即叫即炸響鈴而佢加$12就有 唔使另外再叫小食咁可以平啲等咗大概5分鐘左右就上枱啦店員仲會提醒小心熱一上枱真係會熱到辣口嘅個湯飲落去會有少少酒味亦都飲得出雞湯浸味雞有雞味肉好結實啲骨係好硬嘅食得出係新鮮雞並唔係冰鮮米線係好滑 軟硬度啱啱好響鈴望落去好薄咬落去會發現卷左好多層上枱時熱辣辣真係即叫即炸上面滲左啲鹽 少少咸多多脆浸落個米線湯度索湯得黎又會保留到脆口食完個米線全身熱辣辣 好啱冬天食撇除環境 呢度米線其實幾好食個湯幾好飲如果夏天嚟食 就要預咗非常之熱

🔸蟲草花鮮雞濃湯米線 $48（轉雞髀+$10）強烈建議轉雞髀🍗係原隻雞髀上😍雞髀肉嫩滑，但比較淡味可能醃肉時間唔夠耐但有本身嘅雞肉味雞髀係即叫即整所以等候時間比較長，預15分鐘以上湯底濃郁，冇味精，好好飲😍米線來講呢個湯底好特別👍🏻都算幾大碗，食完好飽🤰🏻🔹環境：座位唔多，沒有冷氣 如果夏天食係比較辛苦🥵我11月食都有少少焗場內有一把風扇怕熱人士未必頂得順😂⛔️星期日休息-時段及等候時間：星期六 下午 ～0分鐘-味道：8/10性價比：7/10回頭率：4/5-#米線撚-鮮雞魚湯米線專門店荃灣曹公街8號香車街街市熟食中心1樓CF8號舖

愛食米線嘅人必食呀！荃灣世一荃灣係米線天堂，我自己私心最愛嘅係雲家，但自從試完呢間之後，就覺得呢間先係荃灣第一呀（注：我未食過老闆娘）。佢有蟲草花雞湯米線，呢隻係配埋雞塊嘅，我每次都會嗌呢個，因為佢個湯底真係好濃厚、好好味！而且雞塊係醃得好入味。我另外叫咗：豬軟骨－軟骨炆到溶溶地，係豬軟骨最上盛最好味，而且超入味！豬頸肉－食得出係醃得好入味，再拎去炸，好正呀！！！同埋即炸響鈴－媲美火鍋店，佢仲要更加出色，真係千層，仲要係好脆好脆！我浸湯一秒就會即刻放入口，呢個滋味真係世一！米線火候煮得好好，而且竟然會好入味，好神奇！真係好好食個人心水排名：第一：米線撚第二：雲家第三：川味米線（係由細食到大嘅感情分）

幾多選擇我當然要試吓麻辣大辣，不過唔算辣，d湯底仲有少少渣，唔知點解會有渣。碗麵唔算大碗Order 了三個餸：魚腐、芝士丸、雞翼。魚腐同芝士丸同一般食肆近似，炸雞翼夠脆口但唔係好熱。有支裝可樂63蚊，同其他地方食嘅米線比，唔係話平。

朋友介紹話li間野好味，就約左朋友打算堂食。點知中秋人地早收，都差唔多收曬野，算啦！諗住下次先再黎。點知老闆娘好好人，見我地特登過黎，就話外賣比我地。剛好仲可以做到我地人頭數既米線由食唔到既失望變左食到既興奮！買完就好開心返去食，打開見到d餸同味道，出面真係冇咁容易食得返既質素。有花膠，有魚翅，雞𩨨大份，湯底香濃。湯底真係就咁飲有驚喜，冇味精，好飲！睇湯面雞油就知。雞肶做法同佢面唔同，唔係預先整熟既。係冇乜米線姐，其實有好大既雞肶，以我入食量完全可以ko佢。如果女仔細食d就未必食得曬。其實佢地仲有好多野食既。下次再食會試其他野

呢間小店新開無耐，估唔到湯底咁正每碗米線即叫即煮，會落埋雞髀一齊煮米線雞髀肉都算幾滑，肉質有彈性，雞皮爽彈唔肥膩雞肉本身無乜調味，但雞味好濃，食原本嘅雞味已經好好食🤤老闆娘話雞湯係每日新鮮一朝早就開始煲質地好濃稠黏口，完全唔會有溝水嘅感覺充滿雞油鹹香鮮味，有啲似濃郁版嘅忌廉雞湯但飲落唔油膩，亦唔會有味精口渴感覺，好耐無試過食米線會飲哂啲湯，超正😛👍🏻！米線粗身彈牙， 蟲草花份量都幾多，爽口整體份量正常，飲埋個湯好滿足😙

香車街街市竟然又開左間高汁米線🍜仲要係我最鍾意嘅雞湯❤️呢到嘅雞湯底比起坊間嘅杰身 飲落勁濃香雞油味 但完全唔油膩😍雞肉超嫩滑 好重雞鮮味🐔配埋啲蟲草花 都幾豐富😆

行荃灣，search到呢間米線撚，覺得個名幾得意，就決定試下🤩。雖然店鋪環境同裝修比較簡陋，但味道都算唔錯~我就點左蟲草花鮮雞濃湯米線，分量適中，雞件嘅賣相同色澤都唔錯😋，雞肉唔會好孩，湯底好濃雞味，鮮甜帶D雞油香氣，又唔會太過油膩。總點左個小食酥炸魷魚鬚，外層炸得好脆，魷魚鬚又好爽口，配埋米線一齊食，感覺無咁熱氣，都幾夾👍🏻 唔錯