米線江湖

营业中

休息中

說到荃灣的美食，新開不久的「米線江湖」莫屬!這家位於荃灣中心的店舖，以新鮮受歡迎。價錢好實惠！🌟#江湖花甲粉 + 3餸（肥牛/炸豬扒/豆卜）湯汁十分香甜！用滿滿的新鮮花甲煮成，怪不得鮮甜無比。彈牙Q彈的米粉掛湯汁一流。搭配上3款精選配料，如香嫩的肥牛、香酥惹味炸豬扒和Q彈可口的豆卜，香新清甜可口。每一款配料都能突出米線的鮮味，好好食，大推！🌟#雙拼雞翼份量十足，能配搭兩種不同的口味，一份滿足不同的口味偏好。香草口味清新爽口，而黑糖則為雞翼增添了一絲蜜意。🌟#百香果紅茶粒粒百香果籽，香甜開胃，配上紅茶十分解膩。外賣鮮茄辣湯米線好果就要分享俾屋企人，佢都話好惹味，好正，愈食逾想食。店內的用餐環境整潔舒適，服務員亦非常細心周到，值得一嘗

呢排落雨，經過荃景圍做完野，肚餓諗到唔食咩，本身諗往求其食d野，見到間企理D既米線店，同都有人響出邊排緊外賣，順便避下雨，就入左去試。點左個蒜香豬扒豬腩肉紅薯粉，點知有驚喜，豬腩肉肉質軟稔鬆軟,都ok 啦👍🏻個豬扒竟然係煎，有誠意，蒜蓉香味好夠好食！另外佢用薯粉係扭紋果隻薯粉，口感滑溜又滑煙，我比較鐘意D～因為本身我唔係好食得辣，點左個清湯底，但竟然湯係超好飲，好甜！（食完都無口渴）見Menu仲有蕃茄湯底，同埋芫荽皮蛋，見到現場有幾個客都要蕃茄湯，我相信都應該好唔錯，下次開工再食😆

米線江湖 - 荃灣中心裡的美食寶藏之前中完Covid 唔敢食咁多煎炸嘢，就喺屋企樓下搵咗間米線食，點知竟然係隱世嘅米線小店！佢除咗有一般有嘅麻辣同埋酸辣之外，仲有蕃茄米線同埋即滾嘅芫荽皮蛋湯底，不過清清地都係揀食清湯米粉啦…本身諗住清淡d,已經叫雞肉札肉同菜心，但點知個湯甜到我wow左野，唔係講笑，我覺得好飲過譚仔，唔係味精feel，竟然係完全飲到骨味！成碗米粉係完全融入到骨湯中，仲有小小椰香味，雞肉都好滑，扎肉就正正常常啦，但係個湯令到哩碗白雪雪嘅米粉真係好好食，我最後係飲哂個湯。補多句，店員姐姐好好人又靚女，會翻食！

嗌咗個花甲粉，一打開碗嘢見到啲花甲肉勁奇怪，我從來未食過亦未見過花甲啲肉會係咁嘅樣，我試食咗個，嘩！又腥又臭，同客服反映返佢話同餐廳溝通咗我可以直接申請退款，點知餐廳拒絕退款喎，話啲花甲係新鮮㗎喎？😂😂我都幾佩服呢間嘢，真係幾唔知醜⋯啲花甲咁嘅樣都夠膽講得出係新鮮嘅👏🏻👏🏻👏🏻同客服講叫我直接申請退款就可以，轉個頭又拒絕👏🏻👏🏻👏🏻大家嚟睇睇相，睇下啲花甲嘅靚樣🤣🤙🏻

原本見難得有間小鍋米線新開張就同家人抱有期望咁去試下 點知真係大失所望 。個湯底有啲怪味 同埋份量又少 間野本身又無service 又錯單 啲野等左好耐先黎 明明去個時無咩人 食過荃灣咁多間米線 呢間最差 不會再食

呢間米線江湖好似頂咗手唔係好耐，既然經過門口今次就試吓。試咗佢嘅干撈紅薯粉，Menu上面推介加豬耳，加埋牛丸。紅薯粉係扭扭嗰一隻，都好Q彈，同埋豬耳一齊食係好有咬勁，而佢哋嗰隻牛丸係裏面有爆汁嗰隻，我都幾鍾意。之後加點咗三隻香草雞翼，我自己就唔係好鍾意食土匪，睇得出係生焗，外皮焗到金黃，啱啱上枱熱到食唔到😂最緊要係店員有禮貌，店裏面嘅店員都係比較年輕，手腳快呀總括而言，味道唔錯，服務幾好，可以再食，聽講佢地花甲粉好食下次試！

住荃景圍都知上邊係美食沙漠，一係就麻甩佬茶記，要行落去愉景真係好辛苦🤢哩個位做左幾手米線，都馬馬地，哩間哩個月開左見都執得幾企理就用老公入去試下，叫左一碗豬腩肉腐皮麻辣米線同花甲粉佢地個湯底係近譚仔果類，無層油果隻，我比較鐘意，湯底唔錯竟然飲得出有雞骨味😄豬腩片都鬆軟入味，腐皮我個人鐘食有口感，唔係溶哂果隻👍🏻之後老公個花甲粉真係正😍上菜用錫紙包住，入邊成10隻花甲，一碗已有娃娃菜同金菇，花甲甜味成個湯都飲到，蒜蓉味又香真係好好食🤤本身佢配粉絲，都可以轉米線同米粉，但店員推介粉絲夠吸湯，仲有我覺得佢月食月大碗😂老公湯哂d湯