米線陣 (無限極廣場)

营业中

休息中

下午茶叫咗個大漢豬扒下午茶，配凍豆漿。豬扒炸得好酥脆，點埋啲辣椒好惹味。唔食得辣嘅朋友仔，都可以試吓。唔算話好辣。店員服務態度亦好好，環境亦坐得好舒適，值得一試。

仔仔鐘意食米線⋯又去左米線陣 🤪Luca 例牌 ～ 冬菇 芽菜 米線 😂媽媽見到有新野✨濃香「擔」當, 好吸引咁 ～以「香濃擔擔湯底」為主調憑秘製擔擔濃湯獨有的「5感滋味」 － 濃。香。辣。甘。酸以鞏固「香濃擔擔湯底」 為米線陣招牌湯底之一配料有紅辣椒油、芝麻醬、肉碎、冬菜、碎花生再配風琴豆腐串, 大大串浸晒落湯底⋯ 吸收晒超好食喎主食我揀左招牌大汗豬扒～大大塊！我鐘意佢既微辣呀！而家嗌任何主餐牌或擔擔米線就可以以優惠價$9加配「桂圓烏龍冰茶」，正秋冬就係桂圓當道#米線陣 #擔擔湯底 #米線 #季節限定 #濃香擔當 #香濃擔擔米線 #風琴豆腐串 #鹽酥雞粒 #招牌大汗豬扒 #桂圓烏龍冰茶

平日行到中環附近，有好多餐廳，但見米線陣有新推出米粉就試下。11點半人不多，本身scan code 落單，但唔見有辣度選擇，問個黑衫冬菇頭女店員，原來大汗豬扒米線冇得選擇辣度，順便叫佢落埋單。唔知係唔係咁得罪左佢，載咗口罩都feel到佢西面冇禮貌，（相反帶位果姐姐好親切）。因為睇緊電話，米線到左我隔左陣先食，點知我想攞果陣，冬菇頭女店員就攞走左碗麵，叫我等陣先。因為我坐的位近出餐口，叫佢同另一位白衫四眼男店員講嘢，之後佢就放低返碗麵。明顯碗麵少左d野，見佢冇主動解釋，我問佢有咩唔同，佢話係另一個餐，價錢唔同就走左…………麵我係照食，但整件事食得好唔開心，餐廳裝修幾靚，d員工冇質素都令客人唔會回頭lor。

／米線陣／上環／中上環食lunch時段真係好難搵位，喱間都排咗10幾分鐘，但質素真係麻麻午餐set lunch｜蕃茄濃湯雞脾肉貢丸米線配凍檸茶｜個湯底其實唔太食得出蕃茄味，好似清湯咁，不過蕃茄咬落去就好甜。雞肉同貢丸嘅份量都算慷慨，但米線嘅質地淋得濟

成日都去呢頭見客，諗住走入去試試 可能因為撞喘lunch時間， 等左差唔多15分鐘先有 位。 點左呢度慨皇牌推介 "麻辣番茄肥牛米線" , 要60紋，永樂街附近都有車仔麵同米線鋪好少去到60文 ，落order 之後好快就送上喫聞落好香麻辣味同番茄味。即刻試下 個湯頭點知原來味道偏淡，番茄味唔多覺之餘亦只有好 輕微噘麻辣味。魚腐彈牙但魚腐噘味道偏淡食落反而只 覺偏咸。 肥牛好薄身， 份量亦好少， 米線咬落中間個心 好似仲有少少硬硬地未熟透，米線份量亦偏少。本來諗 住叫 D野飲 ， 但食左個米線之後就打消左個念頭。

今天没约人，去了上环米线阵叫外卖，自助机是很方便，可能去的比较早一点，等了5分钟就拿到了，4餸65蚊，但我只食到3個餸，之後再講。回到公司打开袋，包装还是可以的，吃米线最重要的筷子质量挺好，米线和汤底是分开装，食物舖在米线上面。叫了滑牛肉，云吞，猪软骨和猪润，但撈左幾次，發現云吞一粒都冇，漏左单，呢个真喺好扣分。因为我是在非繁忙时间去的，就我一个外卖，竟然还会漏单，服务真的有待改善。食物质量方面，汤底咸左小小，但蕃茄肉甜，平衡到，猪润够厚又嫩身，好食过南记。牛肉就一般，一点都不滑。猪软骨也是不过不失。总体给分，猪润米线值得一试，但就攞之前check一次，费事佢漏单食白果。

又到下午茶時間喇‼️‼️揀佢因為見到價錢抵🤣🤣見到門口餐牌有西多士😝突然好想食就試下啦☺️☺️..............................點左Ⓖ餐❤️❤️有西多士。大汗雞翼加埋小食涼拌雞絲粉皮💕..............................大汗雞翼我真係估佢唔到🤤可能我鍾意食辣野😌😌我連嗰啲辣蒜粉都舔乾淨晒🤣🤣好好味呀西多士同粉皮正常水準整體有雞翼拉高左分😝😝

今日中午去左上環米線陣，叫左大汗豬扒米線，但我覺得有些辣，不斷飲水，之後有位男店員走過黎問我係唔係辣食唔到，男店員就走去拿碗湯比我，話比多啲湯淡些無咁辣，仲話再唔得會幫我做返個少辣比我，我覺得非常窩心，我會常來幫襯👍🏻

今次叫咗碗牛展生菜米線，生菜都正正常常，個牛展淨係俾得三片，相當姑寒🥶個湯底清到不能再清，完全係病人餐嚟，仲要賣成五十蚊💩食嘢期間仲聽到隔離枱話叫咗個雞，但入面仲好生，完全食唔到，想叫個職員再煮煮佢，點知個員工口黑面黑咁話份份雞都係咁，無得換喎🤨態度非常差，又唔係平，又唔係好食，絕對唔會再幫襯！

早餐食蕃牛肉通粉，本以為呢一個係最普通嘅菜式，來到嘅時候就係一陣燒焦嘅味道，跟住望見個湯底有啲黑色嘅嘢浮浮下。順理成章地我向店員反映呢一個問題，理所當然是要換過一碗，因為我質量同之前差得太遠，過咗幾分鐘佢又再攞過嚟，同之前嗰碗都係一樣，碗入面就係飄浮着好多黑色嘢，不知是服務員還是廚房問題。但感覺就好像被無視了牛肉方面係ok嘅,番茄也加了糖去烹，算上中規中矩。奶茶方面呢，我試咗凍奶茶，都算係中規中矩。

收工食晚飯，其實有一次經過都想食，只是之前有些特別原因好早收咗鋪，所以到現在先有機會去食，望入去見到座位幾企理舒適，環境唔錯⋯⋯眼闊肚窄的兩個為食貓，叫咗個二人套餐仲叫咗其他食物，見到價錢唔貴幾抵食，又無加一，所以又叫吓叫吓又成枱食物🤣🤣🤣🤣🤣————————————————————二人套餐：🟩自選套餐內的餸兩款及米缐x21-魚🐟腐➕肥牛➕米線配農場蕃茄湯——濃濃又滿滿的蕃茄，蕃茄和湯也相當甜，魚腐夠焾入味帶口感，肥牛也滑溜，米缐大大碗且硬度亦適中。2-🐷豬大腸➕魚蛋➕米線配香菜豬骨濃湯底——豬🐷骨濃湯也不錯，魚🐟蛋夠魚味，爽口彈牙，豬大腸做的味道不錯，入味，不過炆得過焾咗，無咗食豬大腸果種煙靭有咬口的感覺😊🟧自選套餐內的小食一款1-黑醋豬軟骨——這個味道酸酸帶醋香的味道，吃得開胃又好味😋越吃越想吃👍🟪自選套餐內的蔬菜一款1-蠔油唐生菜🥬——玻璃生菜，爽口清甜🟦飲品x21-凍好立克——飲品就欠咗D，水汪汪，稀單單2-凍檸茶——-飲品沖調都係稀單單😅———————————————————另外再散叫其他食物：🟣米線餐可再加叫鮮蝦🦐雲吞三粒只係9元，而且味道仲好好食，入面仲好多蝦，雲吞皮又夠

其實這間餐廳比起譚仔米線不足之處在於譚仔的麻辣比這間好吃，但譚仔的清湯又真的是沒有味道。所以我今次選擇了蕃茄米線。蕃茄米線配上雞肉，10分健康因為沒有油。如果想減肥可以嘗試吃這間餐廳。

由於疫情關係，每當選擇出外食飯都會搵啲較大或集團式嘅餐廳吃飯，感覺上食品及環境較衛生，可能系心理作用吧，今日中lunch hour就選擇了公司附近嘅米線陣，集團式經營較安心，之前食過幾次都系鐘情於大汗雞扒米線，喜愛佢有濃郁嘅蕃茄湯底及微辣帶juicy嘅雞扒，可能最近疫情影響生意關係，今日見到餐牌多左個2人套餐$128，有2款小食還包飲品，當然要試一試，平時一碗大汗雞扒米線吾包飲品都要$57，今日點了雲耳青瓜，口水雞，牛米線，豬扒米線，2杯激檸飲品，呢個套餐實在非常抵食又好食

見門口貼了張二人特價套餐又有好多野食,二人套餐包括兩碗米線兩個小食一個菜兩杯飲品都是$128,點了一碗牛輾牛肚蕃茄米線另一碗竹笙腐皮番茄米線,小食選擇了口水雞大汗豬扒紅油青瓜雲耳兩杯激檸,因為我們三個人所以再加一碗大汗雞扒番茄湯米,番茄湯有新鮮番茄不是一般只有番茄膏的番茄湯,.口水雞味道都可以,大汗雞扒好好食好脆有辣椒粉放底,大汗豬排都好食冇雞扒咁多炸粉所以冇咁脆都是有辣椒粉放底,將辣椒粉放入湯真的好好味,有冷熱水供應不過是自助的

話說早餐唔知去邊度食，最後去咗無極限度覓食晨早流流唔想食得咁飽，叫咗個嫩滑炒蛋系列，一個餐包再加火腿、雞蛋同埋腸仔，豐富得來又唔太飽好似唔錯<嫩滑炒蛋餐$31>結果係希望越大失望餐包凍冰冰，無烘過，硬綁綁可以定死人炒蛋係就係滑蛋，但係一啲味都冇，食咗最正常就係嗰兩篇火腿再加埋腸仔，真係正常火腿同埋腸仔嘅味道，不過都唔夠熱原來米線一定要食佢個米線，食其他嘢都真係幾伏下下次點都唔會再食佢個早餐喇，嚇死人咩