米走雞 (太子藍馬之城)

营业中

休息中

最近天氣凍咗～又係時候諗住打邊爐啦！想搵間坐得舒服～又可以打卡嘅餐廳打邊爐😃呢間我食完真係覺得高質～因為用料真係新鮮～而且食完唔口渴～🍲蒜蓉卜卜蜆煲味道超級鮮甜嘅蜆～蜆肉肥美～份量好足～底下仲有啲蒜蓉索晒啲湯汁～好鮮甜～非常推薦！🥩M8肩胛肉眼片配咗卜卜蜆嘅鮮味湯底～豉油都唔使點～又香牛味～我自己最鍾意食嘅部位😍😍要我一個人ko整盤我都OK！！🦪美國桶蠔店員特別推薦嚟嘅～話今日嚟到嘅蠔肉好大好鮮～食落去真係好新鮮同平時食到嘅完全唔同～冇臊味～都冇沙～而且肉質嫩滑～果然係推薦🤗🤗🐟脆炸蝦餅呢個超吸引呀！脆炸蝦餅勁脆，充滿住鹹香，淨係咁食都得，點埋湯汁都得，完全冇辦法停止食蝦餅嘅感覺🤣好快清晒。食評總結：喺香港難得高質嘅打邊爐店，好多小食同食材都係自家製，肉類嘅質素好好，而且店內環境同餐具好有氣氛感，食得好開心。

呢度既環境好有地道火鍋店feel，抽風系統勁食完唔會成身味🍲超符合我地既要求🌟黃金芝士雞煲一上枱就聞到濃濃既奶香味，見到滿滿車打芝士鋪滿雞件，煮滾後總可以拉起絲🧀d雞肉用咗嫩滑部位，每舊都撈滿左鹹香既芝士醬，食落仲有淡淡蒜蓉香味,食到完全停唔到口🌟午餐肉唔係普通罐頭貨，舊舊都切到好厚， 浸咪芝士湯底索曬汁後，仲有肉粒口感，芝士鹹香同豬肉味好正🌟牛板腱靚到唔捨得淥，雪花紋理分明，切到手掌咁大片。只要淥3秒個肉質嫩到似食緊牛肉刺身咁🥩同濃郁芝士出奇地夾，好惹味🌟精品拼盤手工丸好好食，都係餐廳手打既，黑松露墨魚丸、蝦中寶同墨魚滑建議大家試吓，每款都好彈牙

🥣金湯桃膠花膠雞湯：湯底滾起時金黃透亮似熔緊嘅金泊✨，撈起有成塊花膠同桃膠沉底，仲有連皮整隻雞增加油香🐔～ 飲落膠質黏嘴得嚟帶紅棗甜味🐮手切霜降牛頸脊：完全係視覺享受👀！大理石紋油花靚到似藝術品🎨，每片切到透光又唔易散。入口即化得嚟牛味濃郁，油脂位帶微微奶香🐚沙白蜆」：鮮到上枱仲識郁！每隻都好大，浸住雞湯滾到開口，蜆肉飽滿冇沙仲帶鹹鮮。最正係蜆汁精華流落湯底，滾到後期個湯甜到似海鮮燉花膠，全家搶住飲到見底🥣🥤藍檸檬梳打：解膩一流💙！淡藍色睇落已經透心涼，入口先湧現檸檬清香🍋，尾段有微微薄荷涼感，中和火鍋嘅油膩感

本身對芝士雞煲這種食物不感興趣因為聽起來很滯胃但男朋友推介，所以就過來試一下結果非常驚喜！黃金芝士雞煲（小）非常香濃的芝士，配搭芫荽及洋蔥等等令到整件事不會太膩而且可以選擇半隻雞或者啖啖肉我們選了啖啖肉果然非常足料絕對足夠二人份量精選鮮製拼盤-烏卒卒墨魚丸加入墨汁及墨魚肉，非常足料，感覺好像有點黑松露的味道（？）-哈哈哈蝦中寶爽口的蝦滑裏便包裝鮮蝦，令人驚喜！-竹笙墨魚滑非常適合火鍋的一份美食，口感及味道很有層次感封門牛抑肉真材實料，牛味香，口感極好百香果茶很有儀式感的裝置，二人分，大約每人有四杯

呢間雞煲店開業多年 依然咁高人氣✨勁量芝士鍋絕對係招牌🧀提供多款配料 可以加湯打邊爐 🍲.📌黃金芝士雞煲(小) $208滿滿金黃芝士 加埋勁量雞件 2-3個人食細都夠‼️揀左啖啖肉 用左雞髀肉 大大舊又嫩滑🍗芝士可以按喜好自訂份量 怕太膩揀左普通 都已經超級多 加熱至半融 軟滑拉絲🧀芝士鹹香奶味超濃郁 沾滿雞件 每啖都大滿足 芝士控必食💛配以大量洋蔥, 中芹, 芫荽 清爽解膩🧅🌿.📌精選鮮製拼盤 $881️⃣哈哈蝦中寶-蝦膠混入蟹籽, 蝦肉, 原隻蝦 超大件 啖啖肉 鮮味十足又彈牙🦐2️⃣竹笙墨丸滑-爽滑竹笙包住彈牙墨魚滑 口感味道有層次🦑3️⃣烏卒卒墨魚丸-加入墨汁同墨魚粒 扎實爽彈 啖啖鹹鮮松露香 好夾有驚喜🖤.📌鮮炸響鈴(半份=3件) $32超巨型 成隻手咁大‼️每日鮮炸 輕輕淥幾秒 吸滿湯汁 外層保持微脆 入口軟綿爽滑 豆油香十足 夠晒邪惡🧡.📌脆鯇腩 $98魚腩夠晒肥美 甘鮮十足唔油膩 魚皮Q彈 肉質爽脆 打邊爐最愛🐟.📌日本鮮帶子 $118厚切大粒 輕輕淥熟 爽嫩鮮甜🤍.〰️蔬菜〰️全部都大大份又新鮮💚📌雜菇拼盤 $48📌西洋菜(全份) $48📌油麥菜(全份) $48📌蘿蔔(半份) $24📌芫

天氣又濕又凍，圍爐取暖就最Happy🙌🏻一大班人聚會，選址太子米走雞，仲可以預先book房添👍人多可以嘆多啲款，有辣有唔辣，呢個天氣仲可以揀滋補嘅桃膠雞鍋！黃金芝士雞煲表面鋪滿了金黃色芝士，加熱時，芝士會慢慢融化，半流質狀態很拉絲！芝士口感十分濃郁綿密，包裹每塊雞肉，味道濃郁，咸香味道很突出，充滿著奶香，很特別。火焰麻辣雞煲湯底點火後，更帶點焦香，麻辣味道很濃，花椒和辣椒味道突出，入口甜甜地，入口麻辣鮮香！金湯花膠桃膠雞鍋湯底口感非常醇厚，入口滑溜溜的，南瓜味很重😍，湯滾後飲湯後才加水開始打邊爐，很滋補。雞肉口感緊實而有彈性，鮮嫩多汁，款款都好入味！另外我哋都order咗多款食材，白鱔片、虎蝦、脆鯇腩、手切霜降牛頸脊、萵荀、油麥菜、鵝腸、炸午餐肉、手打墨魚丸等🙌🏻，仲有充滿party氣氛嘅2L分享桶，藍檸檬梳打特調和百香果水果茶特調！

原來唔經唔覺，呢間餐廳已經幫襯咗10年！仲要味道上都冇咩大變，值得大家繼續幫襯落去。✨火焰麻辣雞煲 天氣依舊帶點涼意，麻辣雞煲正正合我心意，一間餐廳嘅雞煲帶有火焰嘅視覺效果，雞肉嫩滑，整體醬汁唔會太鹹 ，麻唔香味出色，仲可以叫佢多啲芫荽添！肉食大王可以選擇啖啖肉嘅雞煲，或者亦都有半隻雞呢一個選項～✨巨型水管響鈴 響鈴呢一種邪惡嘅火鍋配料，一定要點返一份！嚟到真係忙到眼都凸埋非常非常之巨型，而且外層香脆，唔需要浸太耐都好入味。✨特色手打丸拼盤 餐廳自己手打，全部都係有自家嘅特色！例如烏卒卒墨魚丸、竹笙墨魚滑、蝦中寶，食落去特別彈牙而且足料。✨ 手打M5和牛丸呢部份係後期追加，因為佢嘅丸類真係食到我舔舔脷，牛丸好大粒好有份量，食得到濃郁嘅嘅牛肉香氣，而且咬落去仲會爆牛汁，有啲似縮細版嘅牛肉漢堡一樣！✨五香鮮牛肉份量遠遠比我想像中嘅多，鮮紅色嘅滑牛食落去好柔軟同時有極厚身！✨午餐肉邪惡中嘅邪惡，但係雞煲一定要有！餐廳已經預先幫你炸起！✨蔬菜類有幾多分邪惡就要俾返些許嘅健康感，所以分別叫咗金菇、油麥菜、萵筍，餐廳全部都可以半份半份咁樣叫，特別適合兩個人嘅份量。✨脆鯇腩餐廳都有好多款生猛嘅海鮮

上星期生日，朋友約我去食飯，凍凍地就決定打邊爐！佢地嘅滋補養生火鍋系列「金湯花膠桃膠雞鍋」好岩一班Lady，凍凍地飲完又暖笠笠又好滋潤😍「金湯花膠桃膠雞鍋」湯底配料份量十足，有半隻油雞、花膠、桃膠、娃娃菜、紅棗、杞子等味道鮮甜濃郁，花膠仲要好大隻，refill 時都係比番原底金湯，打邊爐前一定要飲番幾碗湯先。手切霜降牛頸脊牛頸脊鮮嫩，充滿雪白油花，脂肪平均，肉味濃郁，打邊爐必叫之選。一碌青花椒插在牛舌上個名都幾特別，牛舌大塊薄切，牛舌帶有少少青花椒味，有口感。哈哈蝦中寶蝦中寶超大隻，混入蟹子、蝦膠、蝦粒再包住原隻中蝦，啖啖蝦肉，鮮蝦味十足。手打五寶拼盤（鮮墨丸/鮮蝦丸/鯪魚丸/豬肉丸/鮮牛丸）一碟有齊五種最鮮味手打丸，新鮮手打，鮮味十足又彈牙。海鮮我叫左白鱔、虎蝦、日本鮮帶子海鮮樣樣都好新鮮又大件大隻！白鱔大片仲好肥美，虎蝦超大隻嘅虎蝦又新鮮，蝦味濃仲爽彈，帶子大大粒。清熱銀菊露、竹蔗茅根佢地自家製嘅涼茶，用料十足，岩哂黎清熱降火。

朋友帶我地去太子「米走雞」食雞煲，book埋 VIP房，帶好闊落坐得舒服，叫左2款煲品嘗，幾款打邊爐配菜，已經好飽。火焰麻辣雞煲（小辣）店員即場加酒點火撈勻，小辣都越食越辣，多配料，雞件嫩滑，非常惹味。金湯花膠桃膠雞鍋店員會將半隻黃油雞先剪件，煲滾後先品湯，湯底鮮甜，雞件入味，花膠桃膠滿滿骨膠原，之後用來火鍋，食物提鮮。西班牙黑豚肉肉質鮮嫩，肉汁豐富，夠油脂又不油膩。手切霜降牛頸脊牛肉鮮紅嫩滑，又佈滿雪白油花，油脂平均，肉味濃。其他配料包括巨型哈哈蝦中寶內有蝦滑蝦粒及蟹子、肥美白鱔片、爽脆脆鯇腩，大大隻又新鮮的虎蝦，等等，真係好豐富。飲品2款，每款2L，包括藍檸檬梳打特，調涼快清爽及百香果水果茶特調，香甜消滯，真係好夠飲。

我們叫了火焰麻辣雞煲，店員又點下火，原來加了酒，令雞煲更加香味濃郁。其實bb 辣即係半隻椒的辣度已經好夠，爆香了紫蔥，洋蔥，中芹，芫茜，勁香又惹味。金湯花膠桃膠雞鍋有半隻黃油雞，花膠，桃膠，紅棗，杞子，滿滿的膠原蛋白，而且很補身。啖湯好鮮甜，有南瓜及雞既香味，加入不少娃娃菜，打邊爐前一定要飲湯先。雞煲用上好多滑溜的雞塊，主要都係脾位，啖啖肉都好滑又入味。細雞煲已經夠2－3人食用，好足料。食完雞煲真係好暖身，我們打邊爐決定要雞湯，火鍋配料叫了雪花肥牛，碟牛份量都大，油脂分佈平均，牛肉味香濃又大大片。仲有蝦中寶真係好多蝦肉，見到原隻蝦仁，大大粒，比乒乓波仲要大，蝦滑鮮味，彈牙，甚有口感。西班牙黑豚豬真係好香好滑，肉香味濃。飲品仲好有儀式感，藍檸檬梳打檸味十足，百香果水果茶超多不同的水果，很香甜。

聖誕節想揀個地方同朋友聚會，米走雞不限用餐時間，好適合同朋友吹水聚舊。五個人食，叫咗一個大嘅芝士雞煲，同一個細嘅辣雞煲。芝士雞煲非常多芝士，加額外芝士唔洗加價。辣味雞煲就叫咗BB辣，但都非常之辣！要不停飲野飲。食完雞煲可以叫佢加湯，值得一讚嘅係蜂巢豆腐！好味！芝士雞煲都幾襯加個出前一丁！佢仲有好多款唔同既飲品！味道就不過不失啦！餐廳環境唔錯，員工態度都幾好！依家越黎越小唔係任食既火鍋，但唔洗食到咁撐！總括黎講都不錯！

第一次嚟食。因為想食芝士雞煲。諗咗一排，今日12.24突然過嚟，唔為意八八折優惠今日冇得用，蝕咗。😓淨係食個雞煲唔嗌其他嘢已經$250落樓。水又唔俾一杯，買杯水都要俾20幾蚊啦。破產。😰落單嗌咗一個細芝士雞煲極量芝士啖啖肉，上咗之後，嗌咗一個出前一丁要$20同埋一杯凍檸樂要$24。😓今日嚟之前book咗1:00食，一入嚟全間鋪都冇人。都仲要唔俾卡位我坐囉好冇，淨係俾張二人枱，冇黎醒目。搵間舖之前睇OpenRice個地圖以為係太子站南邊少少，點知兜咗大圈搵唔到先知原來喺太子站北面上少少。地圖有錯。😓一坐低咗就攞盤醬料盤俾我哋。因為佢收每人$18醬料費。但其實食芝士雞煲都唔使要咁多味啦，其實唔知可唔可以叫話唔要醬料。慳返醬料費。就咁一兜醬料收$18， +1。😥咁落咗單無幾耐，芝士雞煲就上嚟啦，好快滾一陣就食得啦。都幾好食嘅！😋始終都想送麵食，食咗大概一半嘅雞，就落單出前一丁同可樂。我以為擺個麵落去就可以煮到啦，但係啲汁太冇水煮唔到個麵，唯有叫佢加啲湯。我叫佢加一半，但係佢加得太多俾我。總之呢個結果係我，因為太多水我又要keep住大火，跟住去到過咗一陣燶味，但係又未收水又未食得，去到收哂水嘅

幾年前食過，今次再同一班朋友一齊食。比起幾年前嘅質素，今次嘅食物水平明顯差啲。首先，新出嘅花膠桃膠骨膠雞煲係唔錯嘅，湯都可以飲。墨魚滑，鴨血同西洋菜都唔錯。但係芝士雞煲就好一般，冇以前咁好食。更加大嘅問題係牛肉同蜂巢豆腐。$130嘅和牛得四片， $280嘅牛頸脊都係得8，9片，唔知係咪冇解凍好，滾完之後，嚡熠熠，水準仲要差過譚仔，最令人失望。蜂巢豆腐係直程離譜，喺急凍櫃直接攞出嚟結晒冰一塊塊磚咁。埋單一人$320 ，唔貴，但係完全唔值呢個價。會情願食任食嘅火鍋。PS：全場得三個侍應招呼，好多次成枱好多淨碟垃圾，要舉好多次手先至有人過嚟收。

近來上網見到好多人都在推介一間位於太子的港式雞煲火鍋 – 米走雞，人氣超高且口碑極佳。於是我就約了好姊妹們去試一下👩🏼‍🤝‍👩🏽。我們一行六人選了他們最人氣的菜色來嘗試：《金湯桃膠花膠雞湯》🍲第一口便感受到濃郁的雞湯滲入味蕾，配上滑溜溜的花膠，滿是鮮香。而湯底中的桃膠更是增加了獨特嘅口感。《脆炸哈蝦餅》🦐蝦餅酥香好吃，哈蝦肉質鮮甜，每一口都充滿品味。《美國桶蠔》🐚桶蠔味道鮮美，加上秘製醬汁更是添了幾分美味，打齋都想再來一盤。《M5和牛餃》🥟和牛餃皮Q彈，肉香滿口，是個不可多得嘅美味。《蒙古羊肉片》🥩羊肉片的肉質滑嫩，搭配上特調的醬料，口感十足，簡直無法抵擋。至於甜點，我們就叫咗《椰汁紅豆冰》同《椰汁珍多冰》嚟做結尾。個層層疊疊嘅紅豆同椰汁交融嘅滋味，真系獨一無二🍹。體驗過米走雞嘅美食後，姊妹們都一致讚好，而且價位都相當合理👍🏻

呢間位於太子嘅「米走雞」一走入去就會被佢個濃厚港式風格吸引到。呢度所有食物味道有層次嚟一個四川麻辣湯，非常開胃，保證你食完唔會覺得油膩，再黎就係脆鯇腩，新鮮鯇魚腩配上香口辣椒，爽口過癮。然後上枱嘅係M5和牛丸，好肥美，每一口都是鮮嫩滑口。最後一道就係西班牙黑豚肉，香口又咬感十足。豬脂肪分布正常份量都唔少兩三個人食啱啱好食完晚餐喺「米走雞」，你真系會覺得充滿熱力！下次試下其他新菜式例如可以有海鮮 同埋其他熟食