粉果佬 (已結業)

平時好少去觀塘區 咁啱今日路經見到粉果佬試食了十蚊五粒燒賣 䜴油辣油好香比起自己區的燒賣好食好多賣相都好靚職員亦很好服務和幫忙！如果再有機會去觀塘 會留肚試埋其他食品

👨🏻‍🍳粉果佬 (觀塘)📍觀塘巧明街99號地下3號舖 「系煙韌彈牙既燒賣😻秘製辣醬超辣‼️」 好中意食煙韌彈牙既燒賣！！不太食得辣，但系佢既辣醬好香、後勁凌厲🤣中意食辣既朋友應該會like😝燒賣關注組見到，所以黎朝聖，位置有點偏遠🤣 暫時食過👍🏻的燒賣(排名不分先後) :🥠粉果佬🥠冠華粥麵🥠魚肉湯皇美食🥠孖寶車仔麵🥠金華美食 p.s., 食燒賣中意落甜醬辣醬麻醬 (甜麻辣)，不加豉油，有無朋友同我一樣？😆🫶🏻 #粉果佬

尋日食過燒賣, 我覺得好食喎, 豉油同辣油都ok, 食完會回味會想再食. 不過阿姐捽完鼻再夾燒賣就有啲…入嚟係想share條link俾朋友, 然後發現點解咁多人俾喊喊同劣評嘅呢? 仲要係彈燒賣. 所以入openrice都真係淨係用嚟睇地址同餐牌, 啲評語真係唔駛睇.

真係平平無奇既燒買，水一樣的魚肉碗仔翅！如果有人覺得好食，應該並不是在香港長大！坦白講，龍津重好過佢。。又平過佢。。真心希望貴 店可以改善下質素，否則應該好快被人取代！

啲燒賣又硬 又難食 都唔知點解可以拎出嚟賣 定係想人買左直接掉 真係人生未試過咁難食啲粉果咬左啖都頂唔順 魚蛋又係死 好想知有乜係得架 三樣嘢都係遇過最難食 😵‍💫😵‍💫😵‍💫😵‍💫😵‍💫😵‍💫

粉果佬(呢間本身係大埔係名物，出曬名，宜家係觀塘開左分店，一於再試下佢)味道評分:☄️(highest_surprise)/☀️/🌤(pass)/⛅️/💨(lowest)⛅️魚肉燒賣 $10/5粒大大粒~佢既魚肉係灰灰地既(x白色)，好似話係用大地魚手工製作而成~好有誠意咁食落好結實好膠😂唔知係咪因為我係外賣翻屋企食，所以口感變硬左…但我食既時候仲係暖架喎🥹🥹btw辣醬好辣😳💨粉果 $12/3粒皮厚饀少。💨好失望🥲🥲❤️‍🔥一定要熱食，暖食已經硬左…❤️‍🔥明明大埔果間幾好食，但觀塘依間…❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl102 ~話比我知你有睇，比啲動力我丫❤️‍🔥最後既最後，口味尼家野因人而異啦~

終於試左觀塘新開粉果佬，一路知道好出名但我基本上無點睇過網上既comment，完全係一張白紙既狀態去試，今次試左燒賣同主打既粉果，先講燒賣，10蚊5粒，買嗰陣剛蒸好，但好明顯係未熟透，嗰心超硬中間仲係白色感覺係勁多粉，因為太生根本講唔上有無魚味，食左3粒剩底既已放棄，反而豉油係調得不錯。粉果形狀不是一般圓圓的碌柚形狀，size細一點，入口蝦米味好强烈，感覺同一般粉果既味道有頗大分別，算係不錯但不是驚為天人嗰種，12蚊3隻價錢合理，其他款經開既話可能都會再試下

係附近返工，新開張時要排隊，一直想試。今日去買黎當午餐，試咗碗仔翅，粉果及燒賣，食咗幾啖，嘩，真係食唔落去，點解會咁難食架？3樣嘢都係咁難食，碗仔翅水汪汪唔都算啦，居然係甜架，粉果勁厚皮又粉又糊，燒賣又腥又硬，連個豉油都唔掂。絕對唔會再買！可以得話係零分！

之前上網搵觀塘美食時見到推介哩間粉果佬，咁岩今日經過見到，就買黎試下。買左粉果、燒賣、生菜魚肉，估唔到可以同一時間三樣野都咁難食！！粉果個皮好厚，食落去個質感仲要好粉唔煙韌，餡料味道正常，但唔係傳說中講到咁多料；燒賣係大粒既，但無魚肉味，口感成舊麵粉咁都唔知自己食左啲咩；最難食係個生菜魚肉，無諗過生菜魚肉都可以整得咁難食，啲魚肉好似一條條浸水浸到發脹淋晒既粉團，估唔到難食到咁都會有人覺得好食，仲可以開分店

買咗燒賣同粉果，兩樣都係皮厚，比較硬身特別係燒賣，真係好失望，食緊一舊粉咁…粉果餡料又唔係特別好食辣油夠辣，但又唔係特別香唯一可取係服務員姐姐態度友善同埋價錢係唔貴嘅但都可一不可再🥲😵‍💫

史上最難食燒賣，沒有之一究竟係咪出名難食？？？？？？？？？？未食過甘難食既燒賣，成舊硬膠拎出黎賣！燒賣都可以整到甘佢都算係number one點解可以有人話好食？

想不到大埔的人氣小食店 - 粉果佬，居然會在觀塘開分店🤩終於不用山長水遠入大埔買新店乾淨且光猛，還有小小的立食區👍🏻方便附近的打工仔下午茶抖下氣或買回公司吃🍡 燒賣（$10/5粒 ）與大埔同價😆 入口質感依舊煙韌，人手製作，每粒都有差異👍🏻 而辣油是必須的，現場亦有樽裝辣油售賣，買回去用來炒菜或配叮叮點心應該都不錯🥟 粉果（$12/3粒）手工粉果材料有蝦米、碎肉、沙葛，外皮軟身，見到員工在裡面即場製作😳即包即蒸，非常新鮮

粉果佬成日見到各大social media 平台都推介佢哋嘅粉果+燒賣，2間分店都勁排長龍！觀塘一開都已經排隊排到不得了，而且仲經常售罄！今日肥肥話好想食，而且見到唔需要排隊，我就勉為其難陪下佢啦！點知真係令我勁失望！名大於實！當然百貨應百客，但粉果佬絕對唔啱我！雖然出名魚肉係比較實淨，但係食落去都非常粉！粉果佬係比燒賣好食，但個皮都幾厚，一團粉！但係個餡少得可憐！唯一可取就係個辣椒油同埋一個字「平」，但絕對唔值得排隊去食粉果$12/3燒賣$10/5

大埔粉果佬一直都好出名,今日出開觀塘見到有分店,緊係要食下啦,話明粉果佬咁緊係要粉果啦,燒賣係我好鐘意食既,成日睇到燒賣關注群組既相都好想去食,所以一定要試,燒賣大大粒好好味,粉果好有特色,形狀似餃子,料都真係好有質素。超好既係佢豉油同辣油係分開上既,可以按自己份量再落,而且因今日外賣食,可以攞番屋企慢慢搞。我仲叫左支奶荼,嘩,好有茶香而且都好滑,如果無時間去餐廳飲,咁就好適合買一支番office 飲。佢仲有其他小食,下次好想試碗仔翅~

大埔人氣港式小食店🇭🇰 —「粉果佬」喺觀塘開分店啦🥳🥳小店主打手工燒賣同粉果，由80歲店主參叔每日親自製作！之前去大埔都未有機會試，今次黎支持下先🙌🏻🙌🏻📍家鄉粉果採用人手搓粉果皮，外型脹卜卜、口感煙韌！！裡面包住沙葛、芹菜、蝦米同豬肉等餡料，食完幾飽肚😋😋📍魚肉燒賣由大地魚、鯊魚肉同豬肉打成，肉質彈牙～～望落比一般的燒賣大粒！再配埋秘製辣椒油🌶️，好惹味呢🔥🔥📍咖哩魚蛋咖哩味道好香，魚蛋咬落爽彈、好入味！！10蚊有8粒，都幾抵食！買黎做早餐/下午茶都唔錯🤤🤤